時新快餐店 (已結業)

行開呢頭! 順頭試下呢間咁出名既漢堡店!叫左個雙層牛肉蛋漢堡+1隻炸雞比!食完之後就知道我點解用呢個標題= =個包好鬆軟, d肉又好juicy, 係嫌"林"左少少炸比好脆! 不過同出面果d分別不大overall都叫平得有水準! $22蚊食到咁正既野真係唔錯!PS. 呢度d包係即叫即整, 你睇住佢煎d扒比起mc果d新鮮! 仲有得揀唔同既汁, 岩晒每個人口味!

朋友邀請到理大影畢業相，路經紅磡，一定要食馳名既漢堡包。叫左個芝士蛋漢堡，包身烘過，幾鬆脆，雞黃半生熟，合我心意，塊漢堡幾ｊｕｉｃｙ，沙律醬有少少酸瓜，一路咬一路滴，感覺好似細路仔食野咁。阿媽叫多杯熱奶茶，呢樣就差好遠喇，杯茶勁澀，肯定用隔夜荼啦。

呢期開飯其中一間熱門食店呢間實係其中之一，一向都覺得港式漢堡好食過M記漢堡既我，係自己樓下間港食餐廳都已經由細食到大，即管黎呢度試下睇下邊度好食D。叫一個漢堡加隻蛋，同我樓下食開既一樣，我樓下12蚊個，呢度只係10蚊，兩間都係即叫即做的，等既時間亦都差不多，賣相其實大家都差不多，不過一食之下，無論係塊肉同包都係呢度比較優勝，塊肉汁夠多，包都軟身好味D，另外再叫多個薯條，呢度係我鍾意食既粗身波浪薯條，都係10蚊又幾好味。總括黎講呢度真係唔錯，雖然要黎真係要專登黎，但都值得，下次再黎試下雞脾先得。

到過時新好幾次了,初時還不知道地址在哪..便打電話去問,電話中的人非常有禮貌地解答我,臨斷線前還說"多謝支持",多想而知....雜誌出街後應該有無數電話已經打過去了!!跟男朋友來到,,,點了一個芝士漢堡包,薯條,炸雞脾,男友還點多了一個漢堡扒餐肉麵....--首先主打芝士漢堡包,這裡的漢堡扒不像"麥記"的死實,多味精,而是很有肉汁,沙津汁是特製,裡面還加入我平時在"麥記"必走的洋蔥,有心思之餘,還可以下少味精,既營養均衡.一舉三得,多好!!!--至於薯條,是茶餐廳的波浪薯條..勝在炸得剛剛好,又大碟,抵食之選!!!--炸雞脾一向是我最愛,但在街吃到的,一就是炸得不熟而有血水的情況,其次就是炸得太耐,肉質變'鞋'...時新做到的就是皮脆肉滑,一邊食一邊會有肉汁,吃時十分狠狽,最好帶備多些紙巾或用刀叉享用,十蚊大大隻,俾多個抵字!!!--至於漢堡扒餐肉麵重點都是漢堡扒,餐肉,面都是普通的貨色..畢竟這裡賣的是漢堡!!!還記得一個定律,就是通常出了名的食店都會因此而降低食物的質素和態度來面對客人增多了的情況...希望時新不會!!

不吃牛肉，無緣食到大家讚不絕口的漢堡。試了豬排蛋芝士包($14) 和熱奶茶（$9）。麵包烘得外脆内軟，豬排和蛋是即叫即煎的，整個包上碟時就是"熱力四射"，芝士和沙律醬都溶得滴下來。奶茶也不錯，夠味。到時新，除了美食，還去飛越時光隧道。置身那裏，看着那些固定的窄枱和膠櫈，一下子就被帶囘到二三十年前。那時候，是麥記初來，是海洋公園剛開，荔園和啓德遊樂場仍在，還有入五毫一圓的飛機小飛象，一邊播着音樂，一邊或前或後，或上或下的慢慢移動.....跟老闆娘談起，原來時新已做了幾十年，也是不少歷史故事的活見證。

見咁多人話好就去試一試芝士漢堡好好味ｄ芝士半溶+牛肉+沙律醬好正下次會試下加蛋堂食完仲叫左幾個外賣個外賣袋好vintage

有時真係覺得自己是“為食”得過份，見到時新這麼多笑面，便又蠢蠢欲動。但紅磡對於我來說是極度陌生的地方，猶豫了一會便硬著頭皮打電話去問人家附近的停車／泊車地點，接電話的人很耐性的告訴我黃埔街可以停車但要冒抄牌的險，又教我泊火車站停車場，最後還好有禮貌地多謝“幫襯”……好!雖千萬人吾往矣!星期五晚8點。完全是本地舊式快餐店的格局，座位得十來廿個並且出乎意料的多人，即刻order一個芝士蛋漢堡+炸雞脾+涷檸茶(係未必食得晒，但專程來到泊車都要$17啦，幾大都食回成本嘛^p^)。漢堡飽足足等了5分鐘但值得，好熱好軟熟，煎蛋的邊是脆的，一口咬落去肉香蛋香和半溶的芝士纏綿在一起，果然並非浪得虛名; 食到一半，炸雞脾才ready，外表金黃色但看上卻並不太油膩，用支叉一攙入雞脾中已feel到層皮極薄極脆，而肉質亦很嫩滑……呢場雞同牛嘅比賽，雞勝出!老實說，此處的漢堡飽的好味是categorized而言，跟那些貴數倍價錢的過江龍是各有所長，不能貿然比較，反而炸雞脾真的是絕對誠意之作，以後有機會再來都是必食之選!

一去再去食左幾次啦,質素穩定不過環境真係麻麻上次坐果張椅仲搖搖下咁所有大家可以拎走行去對面公園食~果度有幾張長椅.吹住涼風食包...正呀~下次要影相~haha~

在這一行已幹了兩年多了，但，還是有點受不了四月和十月的連續二十幾天工作日。完全沒有睡懶覺的機會，更遑論是暴飲暴食了。十月過後，決定要放縱一下。總統午餐過後的傍晚，到了時新，吃那聞名已久的漢堡包。小店為在老闆的舊公司Atico附近，不太難找。點了芝士漢堡，肉丁公仔麵和薯條。肉丁公仔麵是尋常物，唯一的不尋常，是添了一隻反蛋(我們沒有另點的！)。薯條是翻炸的，油略嫌多了點，普通貨色而已。鎮店之寶，芝士漢堡，自家製的漢堡扒，口感一般，但，味道不錯。還好，包夠硬淨，芝士又溶了一半，加以沙律醬，的確是美味的。我想，一年總會來三幾趟的。

守著紅磡這塊福地，總有機會吃到廉價美食，偷個閑換點腸胃的滿足感。於是在死纏econ之後的下午，來這裏食個包！點了最classical的芝士漢堡，肉質雖未夠“實”，但勝在溫度；芝麻包則外身鬆軟，內面牛油香；cheese同沙律醬依然是最佳搭檔，不過是次沙律醬落得有點少啊~時新漢堡包的最高分位在於它的即叫即制，尤其是在愈發寒冷的深秋，熱辣辣的捧在手裏~點炸雞腿是看了KC的推薦，確實炸得不錯，外皮很脆，聞起來既具誘惑，然而實在太多油，是不慣。另外內身仲有血，好似為熟透個樣（所幸食後無恙）。大概我始終不能算食肉動物，太“勁”的肉食大概適應不來（樓外樓的東坡肉和叫花雞除外~）

見個個都讚到時新的漢堡曉飛, 便擇個良辰吉日來試其虛實。叫了最大堆頭的芝士孖堡加蛋, 又因為口渴到死, 叫了一杯凍檸蜜。飲料的檸檬不孤寒, 是啖啖檸味的, 很好喝, 很快便喝光了一大半, 大堆頭才施施然上場。視覺上最吸引的是煎蛋突出的微焦脆邊, 以及那堆高過座山的肉。發揮我的大咀也不能一口過地咬, 但partially地咬也不錯啦! 包是脆的, 牛油味好夠, 好香。漢堡肉煎得焦脆, 加埋洋蔥的香口是好吃, 稍嫌多粉左少少, 但亦無可厚非。雞蛋及芝士將整個包融會貫通起來, 當然不能少得了那比o醬更好吃的醬汁, 令整個包生色不少呢!是次也吃得lousy, 下次會學得唔咁貪心, 叫少層肉架喇。p.s. 此店的裝修給我的感覺很retro, 十分傲骨!

還記得小時候住公屋,正正樓下就有一間港式快餐店,每次呀媽打麻雀就會叫我落去買外賣,一個人捧住成個紙皮葙(快餐店附送)上樓,最喜歡吃的,就是那大大條的薯條,熱呼呼,用豬油炸,美味非常,記得還有漢堡包,炸雞脾,不過已經不記得是什麼味道了,到中學時,有自己零用可以選擇買什麼雜食時,又卻鐘情於對面丁屋邨的小販檔,之後從未就從未食過這間快餐的小食.今天,我又來了時新.入到去,見到有個叔叔的黑椒牛排飯雖然甚為吸引,但是我還是叫了雙層芝士蛋孖堡加一隻炸雞脾和凍奶茶.看著那個孖堡,一如以往地,仍覺得有點惆悵,確實難於一口將包於入口而不會使那珍貴的沙律汁漏出呀....最終還是食相不佳,滿碟是汁的狀態下食完.那炸雞脾,確是即叫生炸,炸得剛剛好,平了我以往食炸脾的不快經歷.此店雖不是好食到會叫出來的店子,但它的食物還是會令我心快愉快.p.s.雖然常來,但不滿意還是有一點的.那裡的14元漢堡包餐,只要你加芝士一塊就變了不是套餐,此舉我真的是頗有微言.另外,不是是否自少被麥當當養大,所以覺得在這裡食包,還是一定要加芝士,如果食雙層就更需要,如果什麼都不加,會覺得個包口感和味道不夠豐富,這陣子覺得加蛋味道會更好.

其實認識這間快餐店的漢堡包已有一段日子，只是漢堡包不是我杯茶，所以沒有專程去試，只是近排個『包』特別『紅』，加上想食隔離舖的辣嘢，所以順道就試左喇，可能期望太大，所以沒有給我什麼驚喜，但實在又唔差，即叫即整，誠意都抵喇，價錢又平，可惜食不下亦獲好評的『炸雞肶』，所以好難確定食物是否真的出色，不過見食客的好評及照片，食物應有一定的水準，所以我支持佢，不過真係唔想D舖頭比人讚得多就退步。

0係Openrice 留意0左呢度好耐, 個別comment d 相又影得靚到無崙, 今日終於的起心肝0黎睇睇呢度d 港式漢堡包有幾巴閉.0黎到坐低0岩0岩1:00pm, 先0黎個漢堡加蛋($10)... 即叫即做, 賣相十分tempting! 拎上手熱辣辣, 一路食一路d 肉汁漏晒出0黎, 好狼狽XD 牛肉patty 當然唔可以同Shake 'Em Buns / Burger Joint 0個d 貴0野平排比較, 不過肉汁多, 算幾鮮嫩, 而且落了洋蔥香了好多, 非常好食; 荷包蛋就好得, 蛋黃部分呈溏心, 蛋白就好滑, 完全唔會硬/乾; 仲有少少沙律醬, 加加埋埋成個包真係好得, 食得非常過癮! 唔怪得大家對呢度d 包評價咁高, 果然無介紹錯! 推介!見未夠飽, 又加了個炸脾($10) 試0下... 等0左好一陣子, 不過無所謂啦, 又真係幾好食-- 皮好薄, 極脆, 又係一路切一路漏晒d 肉汁出0黎, 肉質都幾嫩.另外又要了個熱奶茶($9), 係典型茶記奶茶0既味道, 都唔錯.環境up dup, 衛生情況麻麻, 鋪位細所以好迫, 而且1:xx pm lunch 時段好好生

對漢堡的熱愛不如以前，兩個人都越來越愛影相。某日查看OR好評榜，見排第一位的時新有多幅精彩靚照，龍即刻說要去試!於是上週六特地搭去紅磡找尋時新。　快餐店位於黃埔街一號，認住當紅的banner並不算難找。店內環境較為簡陋，有點廠區食堂風味。我們共試了：　芝麻漢堡包-芝麻包鬆軟，微微煎過所以幾香口；同鬼佬漢堡相比，時新的牛肉餅不夠牛味，但勝在即叫即製，上檯時仍然新鮮熱辣，加上沙律醬是幾滋味，只售$8的確好抵!　雙層漢堡包-多一層漢堡扒也才賣$10，真是便宜得令人吃驚!不過老實講，雙層比普通漢堡，只提供多了啖啖肉口感，以及更飽滿的賣相以供拍照，味道方面無提昇。下次應試加蛋~　炸雞腿-沒有錯過KC的推介，我當日禁雞沒試，見龍吃很滿意，才$10，下次來會試返。　奶茶-茶與奶味俱濃郁，不過味道有點怪。　由於要趁熱吃漢堡，最後都影不出專兄的驚人水準。沒關係，那麼抵食，一定還有下次!