時新快餐店 (已結業)

某個閒日的下午，來到近期OR大熱的這間舊或快餐店，環境當然一般，但不見得有任何嚇人之處。當天逗留了廿分鐘左右，等吃等了十分鐘。其開有不小像我這般聞風而至的人，感覺有點好笑。吃了芝士漢堡、炸雞脾、一罐汽水。個人口味而言，不太欣賞這裏的漢堡扒，不夠肉味，芝士也不夠香，包是好的，有用心去為包增值。炸雞脾就很好，皮炸得很脆很脆，但肉汁依然多。我本身不愛吃炸雞脾，但下次再來必會再吃。以價錢與質素來說，這裏已經很好。

今次係第2次黎食漢堡包第一次食左漢堡蛋包,覺得d蛋同包搶晒漢堡既口感今次就食返個雙層芝士漢堡多塊肉希望可以食到好肉味漢堡扒同我平時係M記或者係其他餐\廳既漢堡扒唔同我諗呢d係港式風味吧!幾好食,但始終唔係我心目中想要既味道而個包同個汁就令我好滿意,正最令我欣賞既係我去個陣係勁多人排隊買漢堡包但果2位伙計(定老細?)烘麵包時好堅持d包要烘到咁上下先唔會因為趕住做多d生意而馬虎(其實我見到d包都烘到差唔多咁上下,但佢\地都仲要烘多陣)同埋個服務態度好好,有笑容,唔似其他餐\廳多野做時d伙計就口黑面黑)值得一去再去,下次去試下其他配搭先!

已經去過幾次,覺得芝士漢堡包同炸雞脾最好食!芝士漢堡包d芝士,沙津醬溶溶地,塊漢堡新鮮煎!!好好食~~炸雞脾塊皮好脆,,我最鍾意食雞皮,so覺得好好食!回應一下偉仔:你話污糟邋遢,我覺得佢開放式廚房已經幾整齊同乾淨~唔係開放式o個d食店污糟既程度仲嚇人吧???你話又熱氣多油脂肪高,咁m記丫,kfc o個d仲冇益wo~我諗冇一間食店唔係用萬年油的!而且你都冇寫到食過d咩,一咪話唔好唔好,仲全部比一分,所以我覺得你有點中傷時新才作出此回應,謝謝~

門口出面同內裹厨房好污糟邋遢!嚇親~又係一味熱氣多油脂肪高!完全無益!d油仲要係炸咗好多次!一次過!

上次食完一直心思思, 再加上昨天摸門釘(它休息), 心中想食的慾望簡直無法控制!! 一直在想: 雙份魚柳加蛋, 雙份魚柳加蛋…..哈哈!!去到時有人等外賣, 一買就是很多個, 也有人在堂食, 比起上次去時多了些人, 但還好又不需等很久。師傅們又是一貫的nice, 所以有時見到有食友寫他們的服務不好, 都會想: 不是呀! 頗好的呀! 可能人人的遭遇不同吧。而且想說, 沒有見到小強, 門口也沒有, 應該是因為我是中午去的, 小強不會日光日白的周圍走吧。食物方面, 今次的魚柳沒上次的好, 有少些雪味, 可能因為昨天是假期, 不夠上次新鮮。但上次叫了走醬, 今次有醬, 才發現他們的醬真的很好味, 不是一般的沙律醬, 所以記住若來時新, 千萬不能叫走醬!後話: 當我在幫魚柳包拍照時, 聽到他們的對話: 又影相, 最近咁多人影相, 係呀, 擺\上網嘛…….很好笑。短期內食了兩次時新, 令我想到, 食肆能令你一去再去的, 原因一定離不開以下三個之一: 很近, 很平, 很好食。像Harlan’s, 我同意味道是不錯, 但首先它不近我, 而且上次午餐\都食了1000元, 不平, 相信要隔一陣子才會有機會

我地係10月13日食架!!! 之前見到時新係雜誌有介紹過,又見到呢到越黎越多comments,所以我同呀菲都特登黎呢到試下.上次行咗好耐都搵唔到,今次搵到喇!!::: 芝士漢堡飽(茄汁)($10) + 漢堡蛋飽(沙律醬)($10) + 炸薯條($10) + 凍奶茶($10) ::: $402個漢堡飽即叫即整, 有幾款汁可以配.個飽好熱,塊漢堡扒幾厚好鮮,完全將M記比下去.不過塊芝士啖咗d, 似卡夫芝士~ 其實真係好似自己屋企整既漢堡包~ 不過$10又真係幾抵.炸薯條都係即叫即炸,熱辣辣. 同埋係自家製既粗大版薯條~ 都幾香脆同埋好咬~ 不過d油都幾多下…反而凍奶茶冇咩味,可能叫咗少甜既關係.呢度主要sell漢堡扒,所以有好多漢堡扒既配搭,好似有飯呀,公仔麵呀…相比之下其他野就冇咁特別,個漢堡飽(記住要襯熱食)就真一絕.個事頭都幾好禮貌,開頭收多咗$2,之後話唔好意思收多咗.又冇催我地食咩.不過真係有d偏僻,如果下次去開紅磡黃埔先順路食啦.

最近差不多每天都見到時新的食評，是集團回憶的原因嗎?是日和朋友路經此地，便順道走入時新買兩件漢堡試一試。因有下場，不叫太豐富的，只要了最普通的一款一邊行一邊食，兩個盛惠$16。麵包是用嘉頓的包，即時加烤，因此是香香脆脆的；漢堡扒是自己做的，味道濃郁，洋蔥與肉打成一片，口感更佳；再加上自家制的沙律醬，十分可口。整個漢堡是即叫即制，新鮮可口程度可想而知。本地出產，售價比外國佬野要便宜得多。但論質素，絕不比來佬貨遜色。

昨天放工後同男朋友去時新,食左芝士蛋漢堡(超好味),雙層芝士漢堡(好好味)同薯條, 我地覺得時新嘅漢堡包比TRIPLE O 正好多,下次會試埋魚柳包同雞腿.

其實依度我都係年中由雜誌上發現,其中吸引我來既原因係佢相中既古老膠袋既設計,但食過第一次之後至發現原來係門口既banner 既相.第一次嚟食係因為同男友諗唔到食乜嘢好所以嚟依度試下,但食過之後簡直係愛上依度呀.我最鍾意食芝士漢堡,須然本人唔係咁鍾意食芝士,但就每次嚟都堅持食芝士漢堡,而男友就鍾情於黑椒漢堡+可樂.佢哋啲漢堡扒好夠肉汁同埋好淋,麵包亦會再焗一焗,所以會有少許脆口,口感幾好,好鍾意.因每次都係外賣上車食,所以無遇上其它網友既不快情況. (其實我自己都係入過去買一次外賣,其餘都由男友代勞,所以之前我都唔清楚內部環境如何,我唯一入去買外賣既一次都係落雨中,所以見唔到有小強,如果見到我都未必再敢入去囉)

興之所至...今日終於黎左聞名已久的時新..食後..牛肉..是軟軟的..可惜不是那麼特出..雞批..很油..而且服務態度不太好..=v=最後...都是覺得比較喜歡mos burger呢..呵呵不知為什麼次次俾既食評都會失蹤的

叫左一個魚柳包同芝士漢堡2個包都烘過,外脆內軟..仲甜甜地..正魚柳唔係m記果d ,係原條龍利柳12蚊就食到..抵!漢堡用左豬牛雞肉+蕃茄粒有口感過m記果d沙律醬好正實有下次!

聞名已久,上星期和女友到來試吃,未入店內,已被店外的一大堆小強嚇壞了(約8至9隻及一隻死屍),女友見狀立即叫走,不想去食,但我說坐了約一小時多才到達,盡管試下吧!入到內裡,見店內陳設就像我小時上學食的樓下快餐店很有小時感覺,不過老實說用殘舊來形容一點不誇張的.我和女友叫了,一個雙層芝士漢堡,一個漢堡及一碟薯條,先說漢堡包,一看之下,是一個油浸的漢堡包,那兩片牛肉首先是非常炭黑,兩面都燒焦晒是黑色的,及很多很多油,牛肉沒有香味,又沒有配菜非常單調,包只是軟,但沒有烘過,所以沒有香味,只吃到洋蔥及醬汁的味道,薯條一句到尾"油浸薯條"是也,整體來講,我令願給多少許錢去"Triple O" 食好過,此店我和女友都二口同聲說"不會再有下次".留給各食友去証明是否個人誇大.

見咁多人話呢間漢堡包好食，不遠千里而來，不過可能合味不對，我又唔係好覺得佢d包好食過麥記幾多。呢度的包即叫即整，熱度夠d。但在味道上略嫌單調，又無配菜，而且個包似乎太軟，根本支撐唔倒d餡。無論是芝士漢堡or雙層芝士漢堡包，每一口除了肉就係肉的味道，中間塊漢堡係只有油味的煎肉餅(仲係鬆散ge!)，都唔知話佢係多汁定係多油好，沙律醬同芝士根本食唔出味，三樣一齊食的感覺就係成口油.......如果個包改用烘底三文治，我會覺得好d。不過食呢度的漢堡包係有種媽媽的味道，就好似細個媽咪煎雞蛋同午餐肉整三文治比我地食咁，「warm」，有種特別的味道。但係如果真係要同麥記比，我覺得無論是塊漢堡的味道、配菜同沙律醬，都係至尊漢堡好食d，當然前題係要食倒新鮮整好ge至尊漢堡包la。順便亦試了炸雞脾，都係好一般，層皮算脆，但係雞肉根本食唔出有咩味。整體感覺唔係太特別，失望!

見咁多人話呢到D漢堡飽食，就走去試一次!!!果然，漢堡飽非常不錯，多汁，原完係新鮮煎出來!!可以返來再食。但有一點大家要注意，就係千其唔好就咁用手食，由於他給的紙真的好CHEAP，完全不能將D汁隔住，不用一會，張紙己經爛晒，仲要"姿"住飽~~~~~~。如果大家去食，最緊要記住帶紙巾，無就一定要用刀叉啦

念念不忘.....吃過豬扒包，意猶未盡，再試個魚柳包。烘熱了的漢堡包，夾着兩片煎香了的薄魚柳，加點沙律醬，沒有花巧，沒有多餘的“整色整水”，十元，換來的就是這樣一個平實，熱辣，香噴噴的魚柳包。時新，叫人如何不愛他？！