時新快餐店 (已結業)

睇城城演唱會前，先到時新食食，因已知此店一時，加上朋友仔很喜歡食漢堡飽，那就到此一行．雙層芝士旦漢堡：真的是無敵美食，比其他漢堡飽專門店，真的無得比較，熱熱的漢堡，溶溶地的芝士，漢堡肉質及口感都很好，亦很入味，又有隻旦，很開心啊！朋友仔喜歡不能言語．炸薯條：熱熱辣辣，又係有紋那種，又有口感又香口．炸雞脾：如之前食客所言＜熱，脆，油，咸＞先是炸脾，不知怎說，雞脾，口口肉，正！凍檸茶：該是用汽水配合此餐是最好的，但又想喝凍檸茶，不知是否樣樣都好，連飲品都會好的，茶味夠！！！值得一試的快餐店，有時間不如去試下，價錢又不貴，很大眾化，不過要境就如以前的快餐店般，很有風味！

炸鷄脾真係好多油,成張底紙都係油,下面個幅相好明顯!薯条更是普通非常~係個漢堡叫好少少...但都係少食好了~

Poly放lunch~當大家正苦惱食咩時.....有同學突然提議去近期人氣超旺ge時新~我第一個贊成^^(想去好耐啦><)唔去都唔知原來同poly咁近~我地四個人一齊去, 好彩時間尚早有位坐~當我地睇緊有咩食ge時候...有個叔叔好詳細咁介紹^^very good!!!最後四個人要四個孖芝~落order個叔叔都好nice佢d漢堡飽係即叫即整!!!(等左5mins....)終於等到!望住佢d半溶ge芝士我未食已經覺得正!!!嘩!食落去真係唔講得笑, 超好味~個飽好熱, 份肉多汁, 個醬好難形容,um....似他他醬總之好正!其他同學都認同~但一個漢堡當tea好dcoz唔夠飽><男仕起碼要食兩個..p.s.走時問個叔叔如果我想要孖芝加蛋加芝士得唔得?佢話冇問題~照計$者~時新必定復桌!!!!!!!!

一句辟頭: 時新既漢堡係勁得!!! 無野好講選擇有漢堡$10 芝堡$12蛋堡$12同所有既合併方法我尋日去試既有雙層芝士漢堡芝堡炸脾x2 凍檸茶可樂全部一張單$58 抵食!一定要先講講個飽有幾架勢包係用嘉頓飽烘脆塊漢堡牛係自家打, 已夾大量既洋蔥個沙律汁又係自家制既, 少稀, 味似honey mustard + tar tar 夾埋, 就係一個極有誠意既土製漢堡!!! 以雙芝堡黎講整到黎芝士熔熔地, 個汁香, 飽脆整個滿足感真係爆分但係驚喜係個炸脾!!! 果種味道, 係細細個去快餐店先有既感受一炸到黎, 熱熱熱, 大大隻雞油必住出黎, 一碟都係咬落去咸! 熱! 油! 脆! 咁先係炸脾嘛服務呢, 白頭佬寸, 黑頭佬好食完晒, 意猶未盡整多個芝蛋堡有埋蛋既香同滑, 又唔同食法時新仲有其他野食既但係, 你一場去到, 唔會食餐蛋飯囉據報個薯條都係好得見人叫, 都好脆身靚仔而家摸到路去時新必定番桌!!!

昨天再去食野，飯、豬扒、意粉、魚扒...都十分一般，只有漢堡鮑得。真的好混亂，我不會常來，除非心情特別好。

雖然係黃埔街1A, 但當你去到你會發現再要轉出去, 面向馬路架間快餐店!我同男友分別叫左雙層芝士漢堡及雙層芝士蛋漢堡, 炸雞肶 & 薯條漢堡飽好食, 炸雞肶都可以, 但薯條就麻麻, 仲要等成半個鐘先有, 激死!!我覺得佢地要搵個收銀, 因為收錢, 落order , 出食物全程都係廚房入面, 都幾亂下!

好開心! 搬去時新附近, 有得日日食喇(-_-") ! 不過佢既薯條同飲品都唔係好得...包包好食抵食. 開心!

之前參加openrice神秘試食團每人得到一張食大閘蟹既coupon，所以相約朋友到海逸酒店食大閘蟹，見順路，所以黎試埋o係openrice得到不少好評既時新快餐店試下呢度既包包。相約朋友後，就黎到呢度試下，好彩佢朋友識路，所以唔洗搵。因為避免太飽既關係，叫左個雙蛋漢堡同炸雞脾，同朋友share。所以食物都係即整既，五分鐘左右有得食。切開包包，有沙律醬，急不及待放入口，yummy!d沙律醬被漢堡既熱力溶化，十分香口!本人應為絕對不下於連鎖店既質素!再試新鮮熱辣既雞炸脾，熱辣辣，皮炸到十分脆，咬落去sha sha聲，肉汁都多，抵食!咁既價錢食到質素高既包包，開心!

以前成日去hung hom 區都唔覺有呢間野見呢期大熱, 走去食下.- 薯條- 唔好食既...-__-- 炸雞腿- ok 啦, 但唔見之前d 人講得咁好味-___-- 漢堡飽- 呢真係好味了, 有肉味, 唔乾, 飽烘得很脆古舊小店一間, 個人幾中意呢d 地方. 夠平丫~會再去食!

今日去食左漢堡包同雞脾好味！尤其鍾意佢個烘到微脆ge包同鬆軟有洋蔥粒ge漢堡扒炸脾都好味皮超脆肉仍嫩呢個價錢食到咁好味ge野我以後一定會再！

我和老細鍾生住樓上樓下，我由少年幫襯到一家三口，通常每週起碼一次，我也很認同他們的飽很好吃，秘制沙律醬甚滋味，牛肉不是M記死死實實的，但我通常一家人是吃晚飯的，所以我特別推介我的最愛－－煎雞扒飯or魚扒飯（別叫牛扒），一定要加黑椒汁另上.p.s. 12日去幫襯,老細對我說這一陣子連以前沒有人到的８時－９時也多了很多人，令他和大將軍康哥也有點兒吃不消，希望他能快點請回女工，好讓他輕鬆點吧!

10/11/2007呢晚同愛人去紅館睇eason演唱會~睇之前就特登去左搵時新呢個野~.試吓佢個漢堡飽~由於一早上網睇左地圖..所以好快已經搵到呢間野啦~去到眼見都係一間舊既港式快餐店~冇咩特別~不過d野食都ok平~入到去..果時6點幾7點...都有4,5個客食緊飽..由於我同愛人都唔係好肚餓~所以就叫左個"芝士漢堡飽"試吓~由於佢係即叫昕整..都等左5分鐘先有得食~個飽烘過..熱辣辣~有d脆~塊漢堡扒入面有d洋葱粒~好香~+埋塊芝士~都幾好食~以10蚊一個都ok~

在Openrice.com 看到情報，全港最好食的漢堡飽是紅磡黃埔街“時新快餐店”。今天晚飯後專程去一探究竟。我倆點了一個雙層芝士漢堡($12) + 炸雞腿($10) 試菜。嘩，漢堡飽勁好食，包括肉本身、汁醬(沙律汁)及麵包，加上溶為一體的芝士，美味總體在口內爆發，一流！炸雞腿皮脆肉嫩，棒！離開前多買了兩個雙層芝士漢堡，這麼美味的東西，怎能不預孩子們呢！他們在家咬了兩口，異口同聲說“好食過麥當勞十倍，平過麥當勞”！

早兩日有點事要去"大酒店"，完事後有點餓，記得好多人講哩檔Ｄ漢堡包同薯絛好正，咁就去試試啦......點知，一試就出事.......件漢堡"正"到呢.....，一入口就成口粉，我仲估自已放左D生粉入口食，一路食"肉"一路出油，流到一碟，一手都係至於薯條仲"正"，係即炸鮁 ，不過唔知點解，一Ｄ都唔脆，又油淋淋兩個字講晒，極差!!!!!

已經是第2次專登坐的士來, 食了2個雙層漢堡, 好rich, 加埋芝士應該仲rich. 不知道鍾意食漢堡的吳君如有無來過呢？暫時, 我覺得它是全港最好食的漢堡店.