時新快餐店 (已結業)

一個漢堡飽, 一杯凍咖啡,外賣盛為17大洋.飽飽二啖食完,凍飲二野飲完,唔係好低,人地果D干平好多.不過漢堡飽味道都幾好

周日趕住去黃埔睇投名狀，趁仲有幾個字再來呢道買漢堡包食﹗上星期先來完今日又來喇﹗依然都係多人要排隊，排隊仲見到個女人0係度同個收銀嘈0的咩一蚊兩蚊的問題，又話咩芝士加兩蚊唔抵，又話人地扼佢幾蚊，好心啦，你來得呢度又唔係易搵，唔好食咪唔好再來囉﹗見佢係咁0係度鬧個整野食的店員，又要食又要嘈，真係short上腦﹗叫了兩個雙層漢堡芝士包外賣，一路行去戲院一路食，woo，好好味呢﹗真係要雙層扒先食得出0個個漢堡厚而軟滑又多肉汁的口感﹗十二蚊一個，真係三十蚊都有人買啦﹗好味道﹗食完飽飽，投名狀又好睇﹗﹗yeah!!!

叫左個雙層芝士漢堡...夠熱..唔錯...下次要試下個芝旦漢堡先得。不過，薯條就麻麻了..因為太油..杯凍0茶都係麻麻..所以建議都係吃漢堡包，再去7仔買野飲好了...

睇完open rice 食評，係12月中去過一次，下午2點幾，都好多人，食雙層芝士漢堡同雞脾飯，個飽真係好正呀。昨天，11點幾訓醒，同老公諗去邊食早餐，結果又去時新，佢依然食雙層芝士漢堡，我就試最簡單的漢堡飽，都好好味，難怪依然多人等位呢...呢度飽熱辣辣、漢堡扒又juicy、連叔叔都好人，平靚正啦。

之前食過, 10蚊尼講,不過不失, 雙層打孖上, 盛惠20大洋, 只是勝在新鮮, 但有味精, 不可不喝水昨天打電話詢問三層漢堡價錢,確認是12元,並問清楚營業時間今天再去, 竟然坐地起價, 一個說$17, 一個說$15, 告之昨天已致電查詢, 完全不理, 沒有誠信, 數元事小, 車費都不止, 原則事大, 當告訴店主會在網上反影, 店主反而譏諷客人, 該店恃好食評多而唔志在失去客人放心,多我一個客唔多, 少一個唔少完全同意下面薯膠網友意見!『出左名既餐廳會越做越差，所以都係冇下次喇。』

本人不嬲都鍾意食burger,上網睇到d人話呢間,跟住就去試下.我食左個cheese burger,d牛肉麻麻,冇乜味,同埋我覺得太多洋蔥,不過12蚊尼講,不過不失

早係五個月前，有個朋友係一個論壇見有人讚時新漢堡包好食，拉左我去試下係咪真係咁好味。五個月前，即係七月，當時呢間野都仲未係Openrice上位。環境…老實講唔係咁好，但老店一間，由得佢。叫左個芝士蛋漢堡包，$12；炸雞脾，$10個包食落可謂毫無驚喜可言。所謂「Patty」冇論壇果條友形容得咁Juicy，正確D講可以話係冇肉汁，只得入面D洋蔥碎煎出黎既水，同埋勁多油。塊芝士既存在係完全冇價值，因為只係一塊普通既卡夫芝士，味道晨早被沙律醬蓋過，更加唔洗旨意會有咩口感。炸雞脾真係抵讚。平時出面食到既，D肉唔係實到死，就係炸唔熟時新既炸雞脾外皮炸得好香口，入面雞肉真係唔會有以上情況，咬落好多汁(因為炸既，理得佢係肉汁定油)咁好食既炸雞脾，只不過賣10蚊，真係好抵食。員工唔算好友善，木口木面咁平時漢堡包癮起，又冇錢食靚包的話，我寧願落街買材料，自己整番個唔正宗既「吊癮漢堡包」，都唔會食麥記/BK呢D垃圾。整個類似係時新食既包，成本大約只需5至8蚊，遠抵食過時新好多。加上，時新家陣咁出名，以我既個人經驗，出左名既餐廳會越做越差，所以都係冇下次喇。

朋友仔在看過OpenRice的好評後一直都話要黎呢間時新度食漢堡包...終於...見係星期六得閒...終於可以同朋友仔轉車再轉車咁來到紅磡食漢堡包了2個人，買了2個雙層芝士漢堡(1黑椒& 1茄汁)、1隻雞脾和1客薯條。塊漢堡扒真係好軟身，好有肉汁...而黑椒味比起茄汁味好食好多...至於雞脾就普通了一點，而薯條都算好味...本身佢整出來時D薯條唔係好夠咸...好在時新果度有食鹽供應...當然仲有茄汁啦...!難得的是...時新咁多人排住隊等買漢堡包，但響入面做野既人的態度唔單止唔差...仲好有禮貌咁...此類型的快餐店真正難得...!

一早已經決定左搵日放工後去會一會時新，睇下呢間長期在OpenRice排No. 1的食店是否真的如此美味、如此吸引。下午兩點半到達，已經有一少少人龍，店內座無虛席。快快order了一個雙層漢堡蛋包($12)，配個個都讚的沙律汁。店員即叫即整，等了約20分鐘，終於有得品嚐了。個包好厚，足足有三、四寸高。拎上手，新鮮熱辣辣，正呀!! 咬落去，個包面包底烘到脆一脆，好香口，有驚喜。漢堡扒係自家出品，內含洋蔥粒，好厚，好juice有肉味，好腍軟，食落一流。同M記乾到爆既所謂漢堡差九十幾皮。塊蛋係半生熟，有蛋汁，蛋邊脆，正。配上稀稀的沙律汁，真的十分美味可口。實在太令我回味了，一定會再來。

係太子剪完頭髮直接去左時新快餐店朝聖..一去到見到已經排緊隊啦~叫左兩個雙層芝士漢堡包..同埋兩個雙層漢堡旦包..因為極之肚餓..所以叫左咁多=3='..等左成35分鐘左右..終於拎得包了..入面太多人..當然冇位坐..就是但行左去一張"等"到坐黎食..一見開見到好厚身既包..搞到我唔知點樣handele好-.-'..(係街邊)好尷尬..一咬落去..牛肉雖然冇傳說既juicy..但係..亦都好好味..加入左洋蔥..好香..好味道!不枉此行..=3=今個聖誕..食晒頭三名排行既餐廳..我認為吉列專門店餐廳最好味..其次係時新快餐店..同埋澳洲牛奶公司..

中午時間再到時新,人人一個漢堡包,我就偏偏要個雞髀意粉.年來之復古熱潮,時新快餐店能夠咸魚翻生,或多或少有點時勢做英雄.事實上其港式漢堡包又真係很好吃.手剁牛肉煎成漢堡扒,加點自家調教的沙律汁,再煎多隻蛋,不下如那些美帝出品.除漢堡包之外,老港快餐店另一味代表作,莫過於炸雞髀.配意粉吃,是其中之一種態度.這碟髀意配白汁,未吃已見到白汁很稀,質感如湯,太濕了.面頭加幾條白菜仔,無話可說地港式.底下的意粉沒有會過,只是灼熟便上碟,這一部份竟是最不港式的部份,意粉有咬口,正如意大利文的Al Dente.被白汁淋過雞髀,外面呈芝麻皮的雞皮仍脆口,雞肉剛好離皮,肉質不鞋口.比起眾翻炸雞髀的快餐店水準好.當然,下次再來吃炸髀的話,還是配薯條好了.

自己住左起黃埔十幾年，今日還是第一次來到這裏幫襯，不過主要都是因為看見這家餐廳這幾個月在openrice 好hit，所以點都要來這裏幫襯點了一個雙層芝士漢堡包和炸薯條，老闆真是即叫即做。漢堡牛扒十分軟，很多肉汁，跟麥當奴吃的簡直是兩回事。炸薯條也不錯，不過就比較油多。總括來說食物表現沒有失望價錢也很便宜，$22有交易，不過都幾肥利，所以不可以天天吃，但間中吃一次也無妨。

期待的一天但有一點失望...看見大家不只一次推薦,看似美味meaty的相,山長水遠去到對我來說不方便和不熟悉路的紅磡,8:30在黃埔街心內慌失失由街尾40幾號衝前不停問"時新"在那兒,心內又急又怕不及9:00他關門錯過美味愉快的一晚...到了街頭還是看不到食店.. 立即打電叫朋友check 一check　地址．．　她說１ａ，但街頭店舖都關門了．．．心裡的火死了..男朋友不信"且"拉我到街頭對著大馬路四處望... oh在行人樓梯(街頭右手邊轉角)看見了微弱的白光管...我大叫"時新"啊.."時新"啊...一支箭的衝前...心裡不停想食評相的"雙層漢堡旦芝士包" + 凍0茶order 了自己想食的便立即找座位.. 其他由男友order...座了一會他回來了,他都是order 雙層漢堡旦芝士包+ 凍0茶.我還說食評說沙拉汁是very nice 的,未幾食物到了,熱到出煙沙拉汁都跑了出來say hi,二話不說拿起,食前看看"e..冇旦的?漢堡不是相的厚???立即問男友點解冇旦的男友解釋可能他做錯了其中一個雙層漢堡雙層芝士包,男友說"我給我的雙層漢堡旦芝士包食啦..可能他們press 平了漢堡.

Amazing lunch today with my gf. We got there at around 3:30 and quickly ordered a cheeseburger, one porkchop bun, one chicken drumstick, an order of fries and coke. There weren't that many people so we got our food fast. My gf loved the drumstick so much that we had to order a second one. The cheeseburger was delicious, especially with the soft bun and the juicy meat with the onions and the melting cheese. It was a great match. But the fries disappointed us, I have to say MckyD's fries are

以前老婆住紅磡，成日行經呢度，但從來無發覺呢間瑟縮一角的老店。見佢咁多好評，是日特意同老婆來一試。漢堡包，大家都講過晒，我唔會同麥記或triple o比較，因為呢度賣的是港式漢堡，亦都係我喜愛的味道，個包真係烘到脆，見阿叔煎漢堡扒時，在扒上加沙律醬，令整個包能保持溫度，不會被醬汁整凍，呢d咪叫做有heart囉。炸脾飯，要茄汁，附送例湯。呢度d炸脾，真係十幾廿年前港式快餐的炸脾，茄汁也是典型港式，一個字講晒──「掂」。老婆話好懷念呢種風味。驚喜竟然係例湯，豆腐大豆牙煲魚，足料，有薑味，一d都唔腥，仲非常鮮味，飯完唔口乾，唔覺有味精。估唔到連湯都一手。奶茶檸茶各一，ok啦。順帶一提，老闆態度真係好好，好過好多所謂名店的靚仔侍應。始終都係果句，只要尊重食物，待客以誠，就算係小店也可以吃得開心。