時新快餐店 (已結業)

我住喺時新附近~但因為要返工, 往往返工時未等到佢開, 放工返到嚟佢又關咗門...之前有一日放早, 順道過咗去買個漢堡包過下口癮~其實自問覺得個漢堡包唔係美味得天上有地下無, 分分鐘麥記嗰啲重好食一點~~但當我等緊個包嘅時候, 見到個師傅喺塊鐵板上面煎野, 鋪裡面嘅格局完全是八十年代開嘅標準茶餐廳裝修...讓我不禁回想起當年讀時代的點滴~~一邊望著啲人沿鋪外條行人天橋走上走落, 一邊嘆著剛到手嘅包加杯紙杯可樂, 忽然有種"偷得浮生半日閒"喺時新, 我嘆到嘅唔只係個包, 還有一點一滴嘅童年回憶以及一份優閒.

之前聽好多朋友講話好好食,又有見過雜誌有講,所以就去試下。買既時候見到好多人買,諗住好好食,等左一陣就有得食,趁熱食不過食完都係覺得一般喇,無想像中咁好,不過,又平又新鮮製作,食得過。下次會食下其他野試下。ps我食左雙層芝士漢堡包($12)

今日去完poly...俾同行既朋友仔拉去食飯....佢地話好多雜誌都介紹既快餐店...入到去無咩人...得我地3個...叫左個"雞扒腸通"同豬扒包....因為真係好餓..等左一陣....的扒係即整...食落同一般茶餐廳咁....見到隔離檯叫左的芝士漢堡...係咁影相...我問我個朋友...佢話ok啦..我覺得無其他人講得咁好未....我食左朋友既漢堡一口同幾條薯條....漢堡就ok...薯條如果10蚊就太貴....又唔多....事實無同雜誌介紹一樣...一般般...

小時候在冰室、茶餐廳之類地方，總會要求叫漢堡包、薯條之類，只要是脆卜卜、香口的東西，就已定了為好味。人漸大，知道有麥當勞的存在，漸漸遺忘兒時在冰室吃漢堡包的經歷。一次，與朋友們慕名而來，店鋪設計簡陋，幾張圓桌加方形長桌，開放式的廚房傳來陣陣肉香，若聞上半小時的話就很焗。要了三個芝士漢堡，一碟炸薯條，一隻炸脾，一杯奶茶及兩杯檸樂。在排隊買食物時，見到廚師烘麵包、煎漢堡一腳踢，大部份人都是外賣漢堡包居多，人流不斷，忙不停手。剛煎好的漢堡塗上沙津醬，放上芝士上，半溶的芝士與漢堡容為一體，咬下去肉汁與油同時瀉出，漢堡混了洋蔥粒，所以特別香口，加上是手打漢堡，故肉質鬆軟，比起那些雪藏漢堡高幾班。而雞脾外表香脆，炸得剛合時，但沒甚肉味，只吃到很重油味，感覺一般。薯條是粗身款，是我們最喜歡的款式，你一條我一條，很快便搶完了。友人喝的奶茶，茶味濃厚，可以一試。兒時的漢堡包，兩片包夾一塊塗了茄汁的漢堡，已滋味無比。長大了就到麥當勞，但常常吃到那乾旱無比的漢堡，繼續吃，因為方便。現在試了這由香港人自創的地道漢堡，重拾以前的味道，他們的製作多了一份心機，多了一份誠意，縱使他們臉上不常常掛上免費笑容，但那個漢

琴日下午約5時前往柯打了1x雙層漢堡($10)1x芝士漢堡($10)1x炸薯條($10)後來再追加1x漢堡包($8)估唔到要等咁耐= =以為即叫即有.一見到我個芝士漢堡點解塊芝士凍冰冰,唔溶既?但係一咬落去.入面果d同塊肉溶為一體*v*舊肉就ok未如食評般講到咁正不過都好好食!炸薯條.好可惜已經凍左...不過好有薯味呀!波浪形薯條合我心-v-...下次再黎食呀1定!!

成日聽人講幾正幾正...今日走左去試..結論係不外如是....呢d包周街都食到...仲要唔係平...$12一個..唔飽的$10薯條..好老實講..薯條仲衰過m記$12奶茶..平通味$34食完出黎唔飽既...又唔係好味..唔通食一個只係熱熱地,即叫即整既飽就已經甘新奇?新奇到可以排甘高?

因為OR好耐之前搞到個食市<優秀開飯熱店大賞>..時新快餐店得獎..我就專程帶男朋友一齊去食..雖然店子細細...但食物好正..搞到入親去實買野食!我同男朋友一人叫左個包食..好大好好味!^^D薯條即叫即炸..GOOD! 比起其他店..無得彈!外賣都多..估唔到呀!! 好想住下佢樓上..朝朝都可以食佢D野!哈哈"下次再去食..低你拎獎。

四月頭..有D.咳..睇完中醫一心去搵一呢間野先..係呢到排第一喎..發覺都唔易搵..哎..好在最後比我地搵到..一入到去..間店舖好細..好有八十年代的快餐店持式當天係下雨天..間舖的地下好多水..唔知點解呢.雖然係噤但都多人黎食..外賣都唔少人..我就諗住叫個炒飯食..點不知..乜都毋..過左晚上七點鐘啦..佢地毋做飯巿..後來我男友叫左個漢堡飽同埋杯凍茶..我男友話好似佢細細個時候去快餐店食的包噤的味道..都好好味.佢D汁都幾正..十蚊個包都幾抵食..唔係鬼佬份量..好岩香港人的口味..我就見住我男友食個包食到好開心..我有少少唔舒服..有少少咳咳地..下次我會再去..搵機會試

本身鍾意食漢堡飽，Triple O, Shake 'Em Buns , MOS burger, Burger King 都有食開，見時新的漢堡飽被勁推介，專誠去試吓。下午五時多，入到鋪頭，見到已有很多人在等嘢食，是很傳統的快餐店。普通漢堡飽$ 8 一個，特別版‥如雙層牛肉芝士漢堡、雙層牛肉窩蛋漢堡，$12 。我諗了一陣，因為未食過，祗要了一個堂食雙層芝士漢堡，沒有要飲料，但鋪頭內的小姐依然很親切咁幫我落單、招呼，店內咁多人都有咁嘅服務，難得；唔怪得啲客會笑住咁等啦。諗住要等一陣，見店又多人，所以坐在等，等了不一會，店內小姐走出來告訴我漢堡飽得啦。攞住個漢堡飽，有兩層漢堡牛肉，一塊芝士半溶，放入口，漢堡牛肉好香、好入味，加上自家醬汁，好好食，原來是新鮮牛肉‥$12 真係好食又抵食，好食過Mc Donald, Burger King, MOS Burger ，漢堡牛肉味道比美Shake 'Em Buns , 以價錢比，時新抵食好多。食完雙層牛肉芝士漢堡，忍唔住想試埋雙層牛肉窩蛋漢堡，再要多一個雙層牛肉窩蛋漢堡，不一會，又有得食，沒有芝士，但原來窩蛋的蛋汁加漢堡也很夾，到第二個食到最尾，食多

雖然要行過去..但係食過之後真係覺得好正

昨晚又去食包，已是第三次去食，我個女食左雙層芝士漢堡，佢話好好味，每次都讚不絕口．自己就食魚柳包，是第一次食魚柳包，都過得去，但係塊魚柳真係好薄，所以吾夠飽，最後仲食埋雞翼，好脆卜卜．．．．但係好細隻．

同男朋友行行下黃埔，諗起呢間評審好高O既快餐店，行到黃埔街去到街頭都唔見，仲以為行錯路tim~原來係要轉個灣出返去先見到。快餐店入面好多人，不過就真係有點兒焗。d坐位好舊仲好迫。叫左個"雙層芝士漢堡包"，可能人多o既關係都要等成十幾分鐘。仲要自己拎tim~個包唔係好大但係就好高(可能係兩塊扒o既關係)，睇落仲幾油tim~ 未咬，d汁已經滴晒落碟上，個包焗過黎，感覺軟中帶脆，漢堡扒係自己整o既混入左豬肉同牛肉仲有洋蔥，味道有別於一般淨牛肉o既漢堡扒，芝士同d汁雖然唔係好濃味但係就配合得好好，好好味^^我一定會再黎食o既

一路都有食開時既漢堡...又平又好食。今次黎試下佢既炸肶...。叫左一個漢堡餐($14) 凍檸水(+$2) 同一隻炸肶。等左一陣就己經有得食啦。趁熱試左炸肶 先...無令我失望、D 皮炸脆卜卜、D 肉幾滑同好岩味、唔會太咸太淡、正!!而漢堡飽當然保持水準、新鮮熱辣、配上黑椒汁非常惹味、漢堡扒混入洋?、充滿肉汁、依然令我十分滿意。唯一敗筆是那杯凍檸水、檸檬味很淡很淡、冰溶化後更越飲越淡...呢樣要改改佢。不過食物滿分,,,,仍然值得笑臉。

因為openrice 拎獎o既原故﹗我同女朋友點都要去一試﹗好容易就搵到餐廳了，呢間餐廳看來無乜特別﹗但見到d人食到津津有味，就試下呢度o既招牌漢堡包，食落真係回味無窮，個收銀又好人喎﹗重幾為客人周到，佢覺得d汽水唔夠凍，主動比多杯冰我地﹗薯條又即炸，令我地食完再想食，可惜我地已經包lu，所以決定再有機會一定會再黎食過~

食評咁多咁好,點都要一試,叫了..雙層芝士漢堡: 漢堡扒即叫即煎,不太肥膩,配以洋蔥粒,肉質鬆軟,咬落有口感,加埋剛剛被熱力溶化的kraft芝士,這先叫用心製造...不像m記那塊乾身,梗乓乓的芝士..點比?炸雞脾: 個人認為,要試快餐店的廚藝,非要order炸雞脾不可,炸得剛好,外皮脆肉嫩價錢不過幾十元..實在值得再次光臨