春風撞奶舖 (已結業)

上2個星期假日6點左右路過本想試一下什麼標榜古早味奶茶，得來是珍珠要等45分鐘，很氣結不是買不到珍珠奶茶，而是沒有要等可否用手寫一張簡單字條貼一下，三十多度高溫在人迫行人路排10分鐘妳才說沒有？今天遠遠望見沒人排便順手買杯，告訴店員想要小甜，她聲音帶點高傲說：我地沒有甜度選擇⋯⋯⋯最後得出結果，果然甜得要死，沒有奶茶香，珍珠是很軟身沒彈的口感，還有些黐牙，唔怪得已沒人排隊，伏～

呢排天氣非常之熱，行到咁上下就經過呢間位於鳳琴街既春風撞奶，見到佢幾特別，一於買杯飲品消下暑平時好怕奶「羶」味既我就叫左杯芒果鮮奶試下。首先佢冇奶「羶」非常之岩我而且又易入口，粒粒芒果好甜又香芒果味，食落仲好似有D芒果肉甘，兩者味道好夾，唔會搶左另一方既味道，意想不到都幾好飲。另外一定要講下佢個杯身，杯身幾特別 ，一睇就知唔同出面既台式飲品店，可以用黎呃下like、selfie一下🤣。呢個味道都令我出乎預期，外面都未試過，暫時係出面未見過有呢隻飲品賣，亦都與外面台式飲品店唔同，所以我非常推介大家黎試下與眾不同既飲料🍹🍹

平時做完運動有時都中意飲番杯珍珠奶茶🧛‍♂️ 見到元朗呢間新開嘅春風撞奶台式飲品舖杯撞奶賣相好似幾飲得下！🧛‍♂️🧛‍♂️ 就買左兩杯氹下女朋友🧛‍♀️🧛‍♂️要左杯黑糖青蛙撞奶同古早黑糖珍珠奶茶比女朋友 落左order都好快就有得攞🧞‍♂️好有效率！黑糖青蛙撞奶顏色真係好靚好似雲石咁🧚‍♂️望落一啲都唔稀！唔怕溝左野🧞‍♂️ 第一啖飲落糖漿已經好甜好有黑糖味 溝均之後甜度就岩岩好（因為叫咗多冰🧚‍♂️）珍珠就好有口感 外軟內實！最怕食到啲煮到淋哂既🧟‍♂️ 呢間就very good！古早黑糖珍珠奶茶真係有啲咖啡香 係正宗台灣古早味先有既味道 唔錯！不過女朋友都係攞左我杯黑糖青蛙撞奶黎飲 話中意個香甜撞奶味多啲哦🧛‍♀️🧛‍♂️

作為元朗人，一直經過呢間鋪頭都見到好多人買同排隊, 公司行街大熱天時所以就同朋友買咗兩飲下, 中午時間都keep住有人流 。有好幾款野揀我叫左古早黑糖珍珠奶茶同芒果鮮奶。古早黑糖珍珠奶茶，古早形容有傳統風味。底部係台式珍珠及黑糖，拎上手時會FEEL到有D熱，黑糖漿同奶混合一齊，賣相非常靚，珍珠份量幾多，正！店員提醒飲之前要先攪下 。味道方面，珍珠好煙韌，有奶香味，芒果鮮奶，芒果醬溝埋鮮奶有D似帶乳酸味，容易入口，第 2 度未試過呢隻味。下次想試鮮草茶～

今晚要去Yoho食飯，見未夠鐘就行過黎鳳琴街買野飲。夜晚8點都有啲人排隊，落單後幾分鐘就整好，唔洗等好耐。黑糖仙草奶凍$19杯身用左時下最興嘅圓杯底，好可愛，杯邊嘅黑糖做到掛杯效果，好靚呀。廿蚊唔洗都抵飲。入口好香黑糖味，仙草帶微甜，整杯嘅甜度適中，加埋牛奶唔會好漏，讚！草莓鮮奶$24男友人係草莓控，都估到佢會叫呢杯。杯野整出黎好靚，無諗過無黑糖都有少少掛杯效果。味道有啲似韓國嗰隻士多啤梨奶，甜度亦係啱啱好，好好味！我地一路飲一路行返Yoho，杯邊嘅黑糖已經溶哂，味道更均勻！

最近人人都講緊黑糖珍珠奶茶！🥛☕️成日都俾人喺IG and Facebook 嚴重洗版✨✨，究竟有咩吸引力令到大眾喜愛戴？我一直好想試，今日行過元朗，竟然畀我見到呢間春風撞奶，終於都可以一試！🤤🤤🤤行到門口出現已經好多人，個個都想一嚐黑糖珍珠奶茶嘅味道！我當然都要試下，我就order 咗好一杯「古早黑糖珍珠奶茶」$22，雖然好多人，但是員工手腳都幾快，唔使10鐘飲到啦。😎🤩😎🤩黑糖珍珠奶茶一到手時，職員叮囑飲前要把杯身上下搖晃完先，要將仲喺暖既珍珠遇冷收縮，用意增加口感, 果然唔同d... 😝😝飯後感: 奶茶茶味都足夠，奶味都幾夠濃，甜道適中，👍👍而黑糖珍珠係主角，果然珍珠有濃濃的黑糖味道，煙韌彈牙😋😋，平時普通珍珠奶茶嘅珍珠我唔會食晒，只會食幾粒，因為冇乜味。但黑糖珍珠就反而會食晒所有黑糖珍珠，因為珍珠先係主角，果然夠吸引力，終於知道點解咁受歡迎👏🏻！下次再試下其他飲品後再嚟匯報！😏😏

呢間位於元朗全港首間既台飲撞奶店入面既呢杯黑糖掛杯野飲今日終於比我試到啦! 呢杯青蛙撞奶果然無令我失望啊！掛杯野飲黑糖掛住牛奶既眼色，賣相勁吸引，望到就想飲!甜味適中，鮮製既黑糖珍珠重係暖既，食落甜甜地，好煙韌，好有咬口，啖啖珍珠啖啖牛奶，好正，值得一試!價錢都幾實惠，好大杯，幾抵飲我念過多幾日我又會想再飲!

隱世珍珠鮮奶，e間又唔洗排好耐，又扺飲，又高效率，而且服務態度仲好好tim٩(˃̶͈̀௰˂̶͈́)و我揀左黑糖青蛙撞奶，效率真係好高，落單後幾分鐘已經飲得，佢用既杯比較圓同其他高身既唔同(///▽///)咁樣反而可以突岀到佢黑糖珍珠既比例飲落去味道唔過甜，黑糖味足夠不過就冇覆蓋曬奶既味道，我飲完一杯覺得好好飲，走前仲買多左杯，拎返屋企share！其實真心e間嘢好扺飲，岀面普通一杯黑糖珍珠鮮奶都$3x，但e到只係$2x，而且仲好高質素好有水準( *｀ω´)

春風撞奶舖，名就聽過好多次，無論係媒體報導定朋友間既話題。但每次經過都好多人等咁濟。之前睇到話要排半小時隊先買到，今日見好似冇咩人， 排左5位左右就買到。聽聞佢係全港首間以撞奶為題既台式飲品店，緊係要試下撞奶啦今次試左店舖推介的 黑糖青蛙撞奶同埋古早黑糖珍珠奶茶 首先講講 古早黑糖珍珠奶茶， 黑糖味道好重，好好飲，甜味岩岩好，perfect match而另一杯黑糖青蛙撞奶， 即係珍珠撞奶。奶味好重之餘，黑糖都好濃郁，同埋內面都係有最愛既珍珠，好彈牙但可惜這間分店既飲品不可以選擇甜度如果鍾意甜既你，應該啱晒你口味啦PS:影相前如果搞混應該再靚D

灣大熱既黑糖青蛙撞奶，係香港到有鋪頭售賣，當然要試下。即使落雨天，都好多人幫襯。落單後大約5mins已經有得拎，速度快。叫左招牌黑糖青蛙撞奶，草莓鮮奶。每杯既容量唔多，細細一杯，但外觀靚，吸晴。黑糖青蛙撞奶拎上手，feel到杯身暖，d黑糖珍珠仲係熱，食落好有口感。攪一攪d奶，個杯身會出面髒髒既感覺。杯野好甜既原因主要係因為d黑糖珍珠，d黑糖醬好甜，所以飲落會覺得過甜。個人接受到尼種甜度，不過甜度如果有得選擇會更好，迎合唔同人既需要。草莓鮮奶飲幾啖會食到少少草莓肉，類似平時飲既草莓奶既味道，多左dd果肉咁，尼杯試一次就夠。個人建議叫番招牌飲品會好d，或者仙草類別。而鮮奶方面，芒果既賣相較為吸引，驚喜可能會大d，但個人唔食芒果所以冇得試下。

忙足一星期終於有得放下假啦！適逢早前有朋友介紹呢間還掂同女友一齊放工即興入元朗食野一於食野前黎飲返杯先！我地7點度黎到可能位置比較隱蔽所以人流亦唔算太多但店員見我地諗緊都好有耐心介紹飲品種類顯得呢間小店之好服務！而每一款飲品都各有特式經店員介紹後最後揀左杯黑糖青蛙撞奶兩份飲黑糖青蛙撞奶以青蛙為名個名夠哂特別XD奶味重之餘唔會因較甜既黑糖珍珠而蓋過奶味奶與黑糖珍珠混合後味道適中珍珠亦煮得夠彈牙值得一試！

若你愛看奶味香濃的珍珠奶茶，這杯黑糖青蛙奶茶必是你的杯中物。先喝一口，白白的牛奶醇而不酥。再看著杯邊浮游的斑紋，的確很治癒。每顆珍珠都沾上濃厚的黑糖，豐厚煙韌，不像一般粉團。其實，這杯是半製成品。除了打卡記下那於黑杯邊流下，如傾倒於牆上的黑糖斑紋外，你還需要把黑糖、珍珠、奶茶混在一起，才能領略當中的美味可口。

之前起facebook 見到一本雜誌介紹撞奶鋪頭, 我就覺得好奇怪, 唔係應該好似普通台式野甘樣架咩, 真係甘值得去試?估唔到冇幾耐, 女友襯我地去元朗行街就順手去左果面幫襯, 大家都應該知雞地係邊去到門口都幾簡潔menu都唔會太多選擇, 可能要做到好精好既野唔需要太多花臣請真, 去到果時都幾多人去排隊架叫杯野飲大約要等10-15分鐘, 都算快架啦`我就叫左杯芒果撞奶顏色好鮮好想興趣快d飲, 有少少似雲石樣飲落酸酸甜甜, 幾開胃架, 仲要撞正我差唔多食飯時間飲完之後真係想快d食野講番杯野飲芒果味都幾濃, 因為用左真‧芒果肉打出黎撞埋d奶, 好幼滑

之前到訪過春風三月，而這間春風撞奶舖應該是姊妹店吧🤔 無論如何，我想說兩間都非常值得推介！呢日返完工，捱夜一晚夜到中午，真是要為身心靈補充一下！點算了咖啡撞奶。多口一問，原來係用上咖啡珍珠！好特別！或許咖啡比黑糖難處理，還是因為銷量比較低？味道一般，有點酸。不過珍珠仍然是10分q 彈軟糯討好的賣相就不用多說了。其實除此之外，之前已經到訪過這間店，試過黑糖青蛙撞奶和黑糖珍珠奶茶。兩款都富有濃郁的黑糖味！後者除了珍珠是黑糖，奶茶也是用上黑糖的！一飲就是驚喜而且不像某店，不用花上1小時去排隊

剛在元朗吃飯，途經一間飲品店，其特色撞奶非常吸引，忍不住要買一杯品嚐。黑糖青蛙撞奶店員大力推介這款撞奶，就決定選擇這款飲品。如果要少冰，可在下單前提示店員。在這炎熱的天氣下，我個人傾向多冰。不用3分鐘，撞奶已做好。底部是台式珍珠及黑糖，由於黑糖漿有點熱，與奶混合在一起呈混沌的視覺效果，賣相非常吸睛。店員提醒我們品嚐之前要先攪拌一下，好讓黑糖的味道融入奶中。味道方面，珍珠很煙韌，有奶香味，加入了少許黑糖，甜度也很適中。