春風撞奶舖 (已結業)

近期唔少台灣飲品舖攻入香港間間都打正旗號話自己嘅黑糖珍珠有幾咁幾咁好飲個個都話自己嘅黑糖珍珠奶茶係招牌手搖飲品實在難分真偽咁岩最近有唔少朋友instagram都post春風撞奶舖既然住得算近 一於等我黎試試佢！今次夜晚黎算好彩無話要排好耐隊但就算係落左雨九點幾 都有唔少人黎幫襯等我就試下你何方神聖店外招牌好sharp好靚 黎遠就望得到店員推介黑糖青蛙撞奶其實我都唔係好知青蛙stands for咩lol見個名咁趣致咪試試你哈 我想講飲落真係好香鮮奶味配埋黑糖珍珠唔算話太甜 好balance珍珠大大粒 好好咬口 好滿足不過價錢稍貴 $29但久唔久飲下都可以嘅另外店員都有推薦黑糖珍珠奶茶朋友就叫左黎試坦白講我好怕太甜嘅野但依杯就比較甜建議要飲嘅記得嗌少甜不過 雖然好甜 但奶茶味都係好出 無俾糖漿cover左珍珠都係咁q彈好咬我覺得可以一試嘅價錢方面 $22比起撞奶係平d 同出面差唔多價啦鍾意珍奶嘅你都可以一試

呢間珍珠奶茶係我近排飲過最好飲又唔使排隊嘅鋪頭....右邊個杯係黑糖青蛙撞奶冇得調教甜度...但係啲甜味同埋黑糖啱啱好..啲珍珠好煙un...仲有黑糖味嘅鮮奶如果我住喺元朗嘅話我諗我會日日都去買一杯飲!!!!隔離個杯黑糖珍珠奶茶相對就甜咗啲..但係如果鍾意飲珍珠奶茶嘅話呢杯都值得去試..都算幾好飲!!如果計唔使排隊來講呢間野真係好值得去飲！我見到旺角開咗一間同佢好似但係一啲都唔好飲!所以大家要小心千祈唔好去錯舖頭!!

依排台灣嘅飲品十分之大熱，什麼黑糖珍珠鮮奶、水果茶等等...好多台灣過江龍都進駐香港市場。就知道香港人有幾鐘意飲台式飲品。元朗作為一個人口密度咁多既區域，又點會無台式飲品呢。上網見到依間台式飲品成日都好多人排隊。唔鍾意排隊嘅我咁梗係過咗熱潮先去試啦。咁啱行過見冇人排隊咁就入去飲番杯啦。店舖門面好細。差啲行過左睇唔到。佢主打鮮奶系列。冇什麼水果茶選擇。價錢介乎最平＄19知最貴嘅＄36。我同友人揀左黑糖仙草奶凍、黑糖青蛙撞奶。入口幾滑，奶味都重。配上仙草奶凍一路飲一路食啫喱甘。好飽肚。黑糖味都重。不錯。

係fb 睇到元朗有間黑糖珍珠撞奶好好飲 決定黎試下😍 係元朗西鐵站都要行10分鐘就會到😆 我叫左d 人成日推介嘅青蛙黑糖撞奶 $29🤤賣相好令 好似黑糖加鮮奶瀑布 好有畫意 外賣好吸引☺️ 第一層全部都係奶 濃郁奶味 肯定冇溝水！奶唔係甜嘅 淡淡奶香 反而同甜甜嘅黑糖更配合😆底層係我好鍾意嘅黑糖珍珠 每粒都好有黑糖味道 煙煙韌韌☺️有咬口！ 好高質😭😭可以將黑糖同奶撈埋 變左黑糖牛奶 仲好飲左😍不過份量就比平時d 珍珠奶茶細杯d 🙈夏天飲翻杯凍冰冰嘅黑糖珍珠奶 真係好滿足😎

最近黑糖熱潮席捲全港，台式飲品開到周圍都系，花多眼亂，真系唔知揀邊間。作為新界牛，當然系先品嚐左新界既飲品鋪先啦。系元朗發現左新開既呢間春風撞奶鋪，佢好似仲有間姐妹鋪都系叫春風xx（唔記得），下次試埋佢先！呢間除左大路既黑糖珍珠奶茶之外，竟然有青蛙撞奶！！好懷念系台灣夜市飲既青蛙撞奶啊！！一杯青蛙撞奶29蚊，都幾大杯，價錢唔算貴。飲落奶味好濃郁，溝埋同樣黑糖味好重既珍珠，唔會太甜或者太膩。至於d珍珠都冇令我失望，口感比較結實彈牙，幾好咬。我會encore嫁，青蛙撞奶！

之前試過本店「春風三月」既珍珠奶茶，非常難飲，好似清水加左啲奶粉一樣咁稀⋯ 係我飲過最難飲既珍奶之一。所以對姊妹店「春風撞奶舖」冇咩期望，加上大家對佢既評價都好差。但因為呢排實在太愛黑糖鮮奶，周圍去試唔同舖頭整既版本，所以決定比一次機會佢！冇想像同傳聞中咁難飲。奶味好重，感覺應該唔係牛奶係奶精，飲落好「蘇」，我自己鍾意奶味所以唔抗拒。黑糖味唔多，珍珠口感唔似傳統咁彈牙，係好似芋圓、糯米滋咁軟淋淋，我自己幾鍾意。總括黎講，出面大把好飲過佢既黑糖鮮奶，但想嘗鮮既朋友都可以一試！反而令我好唔滿意既係店員既態度，我黎到櫃台前見唔到人，原來店員特登匿係收銀後面唔想比人睇到。我想叫野飲時，佢成副愛理不理、冇咩反應既樣，好似我阻住佢hea咁😓😓另外一位係入面整野飲既店員，整完杯野就咁放係枱面，但因為放得太入，我拎唔到，佢之後一野「推」杯野飲去我面前，杯飲品比佢咁推一推「滑」過黎⋯⋯ 搞到入面既奶茶飛左少少出枱面⋯😰

同阿媽出元朗掃貨，個到有D平雜糧可以買下，出到黎見到人頭湧湧企哂係到，咁岩又有D口渴，所以一人一杯試下我就買左杯芒果鮮奶，阿媽就話想試下古早黑糖珍珠奶茶係點芒果鮮奶都幾香芒果味，芒果少少酸酸甜甜，加埋鮮奶有D似飲緊芒果味既酸奶，但質地冇咁杰，味道都算是討好，芒果味一D都唔假，而且D花紋都做得幾好睇，拎黎打卡一流，我見到都好多人企哂係到拎住杯野就係為左影相至於阿媽個杯古早黑糖珍珠奶茶，佢話都好飲，味道好濃，而且黑糖都幾甜好吸引，黑糖珍珠佢咬唔停口，阿媽不嬲都好鍾意食珍珠，佢都大讚幾好味夏日炎炎黎講都幾消暑，兩杯野飲都好夠凍，冰都夠多但味道唔啖

呢間位於元朗全港首間嘅台飲撞奶店入面嘅呢杯黑糖掛杯嘢飲今日終於畀我試到啦!呢間元朗既春風撞奶鋪地理位置方便，就係正元朗西鐵站隔離咋!舖面細細，但內有驚喜啊!呢杯青蛙撞奶果然冇令我失望啊！呢杯嘢飲黑糖掛住牛奶嘅顏色賣相，真係勁吸引，望到就想飲! 甜味適中，鮮製嘅黑糖珍珠仲係暖嘎，食落甜甜地，好煙韌，好有咬口，啖啖珍珠加埋啖啖既黑糖牛奶，好正啊！值得一試!價錢都幾實惠架好大杯架幾大抵飲!我諗過多幾日我又會想再飲㗎啦!

覺得要為哩間鋪平反、唔知點解網上咁多打手話難飲，我覺得元朗之中黑糖珍奶鮮奶是最好的。珍珠真係有黑糖既香味，鮮奶味都有，美中不足係好快比冰塊溶到好淡味，即使點了少冰都係好多冰，如果可以有大杯D,再真正少冰就正

平時去親茶餐廳食飯，都唔會叫奶茶飲，因為本身唔太鍾意飲d甜爺爺既野，所以本身見到呢間鋪頭都冇乜興趣試，不過見係朋友叫到，就試下啦。一望餐牌，就覺得個招牌飲品好搞笑，居然叫黑糖青蛙撞奶雖然未飲過黑糖撞奶，但係正常都唔會覺得青蛙會係其中一樣食材掛，一於就叫一杯試下！等左一陣，好快就到我個no.，第一眼睇落去，面果層明顯係奶，底果層就係黑糖。我特登冇攪勻，第一啖飲下d奶睇下會唔會好甜，飲落又覺得唔錯，有奶味但係唔會好騷，又唔會太甜。於是撈埋底果d黑糖，再飲，當然會甜左啦，但係隻甜味又幾特别，除左有一陣奶味之外，重有少少似溝左朱古力既感覺。平時珍珠奶茶就飲得多，珍珠朱古力奶就真係未見識過，當然結果亦都冇令我失望p.s.最尾我都係唔明點解個名會有青蛙，下次要問下個員工

名字就很特別，黑糖青蛙撞奶， 飲過之後發現沒有青蛙。有沒有黑糖紋對我來說完全不重要，重點是黑糖跟鮮奶、甜味、珍珠、冰是否配合完美才算是一杯好飲的黑糖鮮奶。這個份量不是很大杯的，冰數量適中，奶味尚算濃，黑糖珍珠亦都算煙韌，不是鬆散類型，整體甜度可以接受。店舖以鮮奶為主，有咖啡可以配鮮奶，草莓、芒果、冬瓜等亦都可以配鮮奶，種類比較特別。本不喜歡生果配鮮奶……沒有試。

近來春風撞奶好多人議論紛紛，搞到我心思思想試試，所以特地過來朝聖一下。一共有10種飲品可以選擇，我就選了黑糖青蛙撞奶和黑糖仙草茶，和M先生一人一杯。看到底底有很多黑糖和珍珠，黑黑的，然後上面就是冰塊和奶，攪拌之後就融合了，甜度以我來說是適中，對於不太愛喝甜的朋友可能需要改轉少甜。珍珠煙煙韌韌，很香黑糖味，比外面很多珍奶來說珍珠已算好吃，奶亦沒如外間所說奶溝水，反而奶不羶，我是最怕這種的，所以這杯我喝得很滿意。另外M先生那杯仙草奶茶，其實是把我那個珍珠換成仙草，但是仙草意外的又非常好吃，他那杯感覺得比我那杯還要甜了一點，但仙草很冰涼滑口，所以都很好喝！

多年前係台灣夜市第一次飲黑糖珍珠鮮奶已經好喜歡，但個陣香港得珍珠奶茶，所以只有係台灣先飲到。事隔多年竟然比我等到香港有撞奶專門點，所以去開元朗幾趕住走都要行十里路去試！• 黑糖青蛙撞奶那個奶感覺幾rich不錯好喜歡，黑糖味出但甜度無得揀，有點過甜，珍珠好硬。• 古早鮮草茶？睇圖片古早鮮草茶好似唔係咁既樣而且無珍珠，所以都唔太肯定有無比錯到。甜度又係無得揀，但呢杯真係甜到飛起，感覺飲緊糖水沙冰，唔係好知飲緊乜，味道都有啲奇怪，如果要估或形容杯野，我會估係鮮草加冰打成既沙冰再加左奶，珍珠同樣好硬，最後朋友飲左四份一都無就掉左。

呢個夏天，香港人對台式飲品既熱情勁高，特別係黑糖系列。是日黎到元朗食晚飯，就行黎試下呢杯黑糖青蛙撞奶，$29。可以選擇冰既比例，不過糖度就係固定的。晚飯時間過後，完全唔洗等同排隊，好快就攞到飲品！都係有黑糖掛杯，飲之前要攪拌好。珍珠好有黑糖味，煙韌有咬口，不過唔太夠，飲到尾剩下奶，多多小小會好d。奶味濃，同黑糖好襯。飲完呢杯野好飽呀味道價錢不錯，可以一試！

《春風撞奶舖》#元朗📍元朗鳳琴街15號鴻運中心地下74A號舖-熱潮過去 唔洗排隊 比多一次機會佢 今次試兩款-🔹古早黑糖珍珠奶茶 $22珍珠暖暖的 都幾有咬口 但個奶茶真係唔掂唔係台式 又唔係港式 又唔係茶包似係d好差嘅支裝奶茶飲品果種味-🔹冬瓜鮮奶 $26一個字 甜 冬瓜茶已經甜 再加埋鮮奶 甜上加甜 完- 2/10