春風撞奶舖 (已結業)

好耐無經過呢頭，難得行過梗係要飲番杯。之前試過呢間嘅黑糖青蛙撞奶，覺得唔錯。打算再飮，點知入到去發現左新口味，決定試下。等緊我杯金蛋烤布蕾黑糖撞奶果陣，突然發現原來所有野飲中英對照，值得一讚！好快就有得飲，黑糖珍珠仲係熱辣辣，而且好軟熟！杯野好有層次，飲得出不同，包括奶蓋、撞奶同珍珠，果然無花無假，係三重黑糖！中間嘅黑糖撞奶保持到水準，同以前一樣咁香滑好飲！至於第一次試嘅黑糖芝士奶蓋口感夠厚身，配上燒烤過嘅黑糖粉好夾👍🏻最後值得一提，蛋殼可以飲完攞返屋企循環再用，比起其他即棄嘅膠杯環保得多！

黎到元朗除咗一定要去B仔涼粉食佢哋最馳名嘅兩份之外呢度嘅飲品都絕對唔輸蝕，呢一度亦都係黑糖珍珠鮮奶嘅前輩，所以係某程度上來講佢哋嘅質素都應該係數一數二嘅好咁今次亦都試咗個招牌，首先成杯野嘅賣相都已經睇得出係值，其次當然要改下個味道，鮮奶佢哋都係用正常家庭用嘅鮮奶所以呢一方面就冇乜好嘅大評語，反而個主角珍珠就真係做得好合乎我嘅口味， 個人就鍾意比較煙銀嘅口感，咁佢哋亦都做到呢一點，所以真係會令我印象深刻其次就係佢哋嘅甜度，雖然冇得揀但係都叫做唔會太甜如果平時係飲開少甜嘅話呢一個絕對fulfill到， 嚴格上來講佢只係做到微甜所以呢間出名於撞奶既店鋪，的確係元朗必飲之店

那日同朋友去咗元朗行街街，經過鳳琴街，見到有人排隊買野飲，以為又係D咩珍珠奶茶嗰D，但睇真D張海報，原來係台式撞奶，心思思想飲下，同個friend一人一杯分享下，我叫咗金蛋黑砂布蕾撞奶，佢叫宇治抹茶奶蓋撞奶。先講下金蛋黑砂布蕾撞奶先，賣相成金蛋好吸引，個奶蓋係加咗黑糖打成，重加咗芝士底，好有滑滑creamy口感，那焦糖同香甜跟奶蓋好 㚒，荼底香，記著要攪勻黑糖，撞出來絕對有火花，那黑糖燒成的布蕾，真是好喝且珍珠好煙韌但焦糖味較少，都唔錯。至於宇治抹茶奶蓋珍珠，可以用清新二字嚟形容，奶蓋同珍珠都有濃烈抹茶味，反而鮮奶味不算濃，我覺得這比例不錯啊，奶太濃反而好膩，抹茶味重更清新又香醇，而且茶底也好渭溜，也十分好喝。其實台式撞奶都幾好喝，都值呢個價。

話説依家香港食街都開黑糖珍珠奶茶到底有咩咁特別 即刻試下先當日就冇乜人排隊見到menu都好多選擇但就唔係好想飲奶茶就揀左青蛙撞奶 店家都好細心係張menu到寫姐係珍珠黑糖鮮奶依間舖就冇得自己選擇甜度啦落左單 大概等左幾分鐘就拎到啦都算快手首先要撈混啲黑糖先味道又幾好喎 雖然冇得揀甜度但都唔係好甜係岩岩好 珍珠煙un有咬口 聽講係用黑糖煮既都係甜甜地 奶有奶香整體杯野唔膩 唔想次次都飲奶茶既朋友可以試下青蛙撞奶啦！

之前飲過一次，覺得幾好，$22又抵飲，仲寫左食評。今次飲第二次，唔知係咪因為假日，較忙，今次呢杯令人很失望，黑糖珍珠有點硬，同上次食到的軟糯珍珠差天共地，上次還能飲到茶味，今次呢杯得個甜字。 😭失望。

聽朋友講元朗有間春風撞奶 佢地既招牌金蛋好出名 我就專登黎試一試有幾好飲一去到已經見到好多人拎住金蛋 佢地既招牌好特別 令人一見到金蛋就會知到係春風撞奶既飲品 同埋會吸引到人想買黎試下同打卡 呢間idea唔錯 值得一讚事不宜遲 講番最重要既部分 就係金蛋既餡喇 首先佢個面係焦糖燒過既 鹹鹹地 裏面就係黑糖珍珠奶茶 奶茶好香好滑 珍珠就好好咬 每一啖都陣陣黑糖味 呢個味道出面真係飲唔到 好好味 大家要把握機會喇 因為呢個金蛋黑砂布蕾撞奶係限定架 所以要試就要快d黎喇

知道春風撞奶岀左新飲品，二話不說走去試下！去到見到大排長龍呀，都排左一陣隊😂今次想試的係期間限定的金蛋黑砂布蕾撞奶😋佢話有三重黑糖味架，黑糖奶蓋，黑糖珍珠，再加黑糖粉！！😍😍外形好靚，仲可以洗乾淨循環再用🤣！先試第一啖奶蓋，小小咸香再加入埋黑糖，好好味😍試埋d珍珠 好淋好有咬口👍🏼👍🏼撞奶都好香好滑，唔會覺得溝左水。個人認為加入埋奶蓋令到成杯飲品更升華！本身驚好甜，整體其實又ok，黑糖味剛剛好，飲完亦唔會太滯！元朗有好味的黑糖珍珠奶實在太好😍已後可以成日飲啦！下次要試埋宇治綠蛙奶蓋撞奶先得！

上網見到春風撞奶舖有新野出，即刻第二日就去元朗幫襯！🤓人氣依然高企，去到之後見到人龍，排番一陣隊先輪到我買。新出品有金蛋烤布蕾黑糖撞奶及抹茶布蕾撞奶，我揀左前者飲🙈成個杯身都精心設計，呈金蛋形狀，店員仲教我地，要先飲奶蓋，然後攪勻黑糖，再成杯飲。真係好好飲！面上奶蓋香滑，而且有少少脆脆焦糖，黑糖味夠濃，每啖都飲到黑糖味！加上珍珠好有咬口，成杯都好出色！由設計、味道到口感，都絕對值得上哩個價錢！！難怪咁受歡迎🤤

Happy Friday 飲杯野❤️不得了 我唔食芝士竟然飲奶蓋為咩呢 為左一隻蛋🥚🤣金蛋烤布蕾黑糖撞奶 $42個樽真係一隻蛋黎 有蓋架可以拎返屋企😂😂😂😂😂呢隻金蛋比其他飲品要製作更長時間見我後面四五張單已經完成都未到我如果趕時間就唔好嗌喇一拎出嚟就覺得好可愛 又香噴噴不過杯野飲其實無乜味或者芝士奶蓋實在太濃味聞落去就好香焦糖味無嗌少甜 但係飲落去都飲唔到黑糖味但珍珠幾軟熟。快樂就好了🥚🥚🥚

在一次陪女朋友是飲珍珠奶茶！今次專登入到黎元朗試呢間春風撞奶！上網見好多人介紹話好好飲！咁就親生你試吓佢個黑糖珍珠奶茶啦！ 好可惜試完之後好失望！佢個奶茶底其實冇乜黑糖味，而個珍珠又太林！以我女朋友嘅評分係唔會再嚟飲啦！

上上下網見到話出一個蛋形既黑糖奶茶，還有他至愛的抹茶，他就二話不說第二天就去了。原來蛋蛋的是限量的新品，我自己的是金蛋黑砂布蕾撞奶，他的是宇治綠蛙奶蓋撞奶。超美的蛋瓶，我的是寶藍色蛋殼，面頭一層黑糖奶蓋，杰杰地身，黑糖粉微微燒過，好正，先飲奶蓋係鹹鹹地，裡面就係黑糖珍珠奶茶，黑糖珍珠幾好咬口，淡淡黑糖味，一個人飲黎講都幾大杯，可以2個人Share他那杯抹茶是銀蛋，就有一層抹茶粉係上面，珍珠是抹茶珍珠，外貌都好靚間野由我地去到直到企係到一邊飲一邊打卡都超多人，睇黎呢間都好高人氣！

本人唔太鐘意食珍珠、奶茶又麻麻地，由comebuy年代都好少飲呢啲。直至係另一間都幾出名既台灣飲品鋪頭發現有 仙草鮮奶，一試就愛上左。最近黑糖珍珠鮮奶開到成行成市，但都吸引唔到我購買既意慾。唯獨呢間又俾我發現有黑糖仙草奶凍，係冇珍珠既配搭！但又有黑糖既味道，好開心！成日聽人講話呢間啲野飲好甜，但我又唔係好覺，攤一陣先再飲會冇咁甜。佢比起之前我飲果間平好多，但仙草都幾多。呢間已成為我的最愛

我叫少冰珍珠奶茶拎上手暖暖地諗住應該唔錯第一啖都幾有黑糖味珍珠軟軟地好似都ok但唔似飲奶茶，除左珍珠果啖黑糖味其實真係無味可言d冰開始溶淡到黑糖味都開始怪怪地d珍珠又開始硬，好難咬好似食龍眼咁食左表面淋d部分中間個芯可以好似核咁吐返出黎試左銅鑼灣老咩咩之後都好想搵其他地方比拼下同埋銅鑼灣真係好少去上網睇下介紹食評咁去試下但好多伏，仲唔係少少難飲，係好難飲唉，真係無晒胃口試其他了，點解可以差咁遠...

周不時都會經過依間春風撞奶鋪，係買台式飲品嘅地方，人流好多，見到飲品嘅賣相都唔錯。最近見到佢推出咗2款限量嘅產品，分別係金蛋黑砂布蕾撞奶同埋宇治綠蛙奶蓋撞奶，吸引咗我去買番杯試下。金蛋黑砂布蕾撞奶($42)，用一個雞蛋造形嘅杯裝住，仲有一個蛋殼look嘅蓋，金黃色，十足十復活蛋，係呃like首選。佢嘅賣點係3重黑糖，上層係黑糖奶蓋，灑上烤過嘅黑糖粉，口感焦脆，咸得黎又帶上少少焦糖味，建議係30分鐘之內食完。裡面係黑糖珍珠撞奶，珍珠多又大粒，口感煙韌，而撞奶夠哂creamy，又唔會太甜。本來覺得$42有啲貴，食完真係覺得物有所值，難怪可以係元朗云云咁多間台飲鋪中脫穎而出！

難得因爲工作去到元朗，緊係要搵好野食啦！一於放工後食好野先～不過而家雖然過左中秋節，但天氣仍然咁熱，係出面行一陣都流哂汗，真係幾想飲杯凍冰冰嘅野飲補番下，充充電我就行過一間台式飲品店，見到佢有好多款唔同嘅手搖杯埋，其中有一個係新品，一個蛋嘅杯裝飲料，非常吸睛，都咪話唔特別。於是我都用一個好奇嘅心態買左一杯宇治綠蛙奶蓋撞奶，有我最愛嘅抹茶，又點可以唔飲喎當我埋去拎果時，staff會先打開蛋殻，會睇到有濃濃嘅奶蓋同好多抹茶粉，佢先溫馨提示我要半個鐘頭內飲哂，果時啲冰仲未溶，口感同味道都會keep係最佳狀態藍色閃粉蛋真係好靚，我都忍唔住「相機飲先」，我拎黎飲嘅時候都會唔少途人心心眼喔飲落去好濃郁，好香奶味，仲會飄出陣陣抹茶香氣，而且口感好滑下面有啲珍珠，搞勻佢飲啖啖都有煙韌嘅珍珠，好足料，唔會飲幾啖就無哂初初我以爲同其他手搖杯一樣大，點知我發現我錯了，其實佢深藏不露，一杯都幾有份量，甚至比一般手搖杯為大真係好睇又好飲，下次都想試試佢另一隻黑糖金蛋先