春風撞奶舖 (已結業)

其實睇開Facebook，我都會密密地寫低元朗有咩新店開左、出名食咩始終返工都要跨區，好少真係留起元朗飲飲食食今次難我起返元朗行街買野，當然就要搵返D MARK左既小店黎行下啦~~春風撞奶舖一直都有耳聞，不過搵路過去都不容易好彩Openrice好方便，地圖又指示得好原來開左起體育館附近見到個門口寫住出左新野，好吸引，仲要成個蛋咁~~~唔知實物係咩?WOW.....好可愛、好得意啊~~~好驚喜，因為真係好有心思首先，佢既金蛋烤布雷，即係佢上面個層火灸蛋的表面其實以佢咁細個表面面積去整都幾有難度下~比起蛋，更多的是佢奶油與蛋混合係最正既~~~好唔捨得飲左上面個層先其次，佢地既珍珠真的煮得好淋，好香的黑糖味~~好綿的質感，好多粒，好正~~最厲害的是佢地整左個蛋形的杯飲完留住返屋企洗乾淨可以留返個杯裝其他野~~~好環保

今日去左元朗salon整頭髮～係附近買左杯野飲～呢間野有限量新品，張圖睇落又幾得意～咁就買黎試下～我就揀左杯宇治綠蛙奶蓋撞奶～等左幾分鐘就有喇～個杯好得意～杯野飲面頭灑上抹茶粉～加上抹茶既虎紋～蓋就可以自己蓋上仲可以扭得好實～我就可以放落袋到拎去salon飲飲之前用搖下～將鮮奶同抹茶～撞返埋～飲落帶濃濃既鮮奶味～仲有淡淡既抹茶味～～味道唔會太甜～好鐘意～底下既係抹茶珍珠煙煙靭靱～真係成粒蛋咁～^ ^好得意，po上fb仲好多人問咩黎既打橫擺都唔會倒瀉架～真係幾方便～同埋個蛋殻可以飲完用黎裝野都得～環保

朋友想飲台式飲品，咁啱search到呢間見到啲名同賣相都幾對版就試下佢古早黑糖珍珠奶茶難得地平喎不過人地好似出名撞奶，又想試下有乜特別😅所以叫左黑糖青蛙撞奶何謂青蛙呢？原來係指青蛙下蛋又即係手工製珍珠，不過同一般珍珠略略不同，因為佢係會連埋一串咁嘅其實食落同珍珠真係無乜分別，不過真係好有咬口，不錯不錯！黑糖撞奶呢，就飲唔出有乜特別😅😅不過黑糖都幾香，仲有得揀黑糖嘅份量，適合一眾愛美又愛甜嘅女士印象不錯，好彩唔止元朗有分店閒時也可到旺角回味下🤤

趁着聖誕假期，荃灣人這晚走到了元朗覓食，在網上隨便搜到這間茶飲店，飲品選擇只有10多款，店員解釋“黑糖青蛙撞奶”是純鮮奶，而“古早黑糖珍珠奶茶”就是鮮奶+茶，所以就點了有掛杯效果的“黑糖青蛙撞奶”，但奶味頗淡，黑糖味不突出，就連台式茶飲店最重要的一環 - 珍珠都未煮透，珍珠內裏很硬又沒有嚼勁，失望！另外，友人點了“咖啡撞奶”，想深一層就後悔了，咖啡撞奶不就是鴛鴦嗎？！但這款內裏不是黑糖珍珠，而是出奇地配上咖啡珍珠，先酸後苦，又沒有嚼勁，感覺好差！

之前聽過朋友講春風撞奶舖的飲品不錯，行開旺角原來都有分店就諗住過去試一試，去到見到用一個蛋形杯都幾得意，就買了二杯不同來飲。金蛋黑砂布蕾撞奶（$42）及宇治綠蛙奶蓋撞奶（$42），等了不久就到手，飲完杯仲可以重用十分環保!~當然就試試飲上面的奶蓋和抹茶再拌勻飲。奶蓋有濃濃的芝士味，口感都幾滑而抹茶味道都幾好味，帶點甘香，下面的撞奶，奶味濃香，最底部的珍珠原來是綠茶口味，口感幾彈牙。限定的金蛋黑砂布蕾撞奶，上面是幑脆的黑糖配上芝士奶蓋好味，好香芝士和黑糖味又吾太甜。黑糖珍珠口感不錯帶黑糖香，不同處理過的黑糖混一齊飲好味又特別。

在台灣眾多手調飲品店裡面，都很流行一種很傳統，很有代表性的手調飲品，叫做「青蛙下蛋」。「青蛙下蛋」即是類似台式手工製作食用珍珠，但是手工製作食用珍珠，會以集體連結在一起方式，混入手調飲品裡面。香港偏偏有一間，位於新界西北區內的台灣手調飲品店，店舖的名稱叫做「春風撞奶舖」，「春風撞奶舖」廚房製作出來的手調珍珠飲品，亦有類似「青蛙下蛋」的感覺。不過「春風撞奶舖」在新界西北的舖位，偏偏就沒有在台灣，或者在市區內才會有長長排隊人龍。我站在「春風撞奶舖」店外，拿着手機完成拍攝店面任務之後，仍然有充裕的時間，不用排隊輪候就能購買飲品。「春風撞奶舖」的廚房，跟香港九龍區內的台灣手調飲品廚房一樣，都有不少廚房店員，跟裝滿手調飲品原材料的飲品罐，店員在飲品罐面前進行沖調飲品，包括今期大熱的「黑糖珍珠鮮奶」在內。「春風撞奶舖」版本的「黑糖珍珠鮮奶」名稱，叫做「黑糖青蛙撞奶」。「黑糖青蛙撞奶」這個飲品名稱，剛剛好符合了「春風撞奶舖」，作為一間台灣手調飲品店的身份。「春風撞奶舖」出售的手調撞奶飲品餐牌裡面，手調撞奶飲品款式之多，絕對不遜色於銅鑼灣「渣甸街」裡面，排隊人數不少的大熱台灣飲品店「幸X堂」。如果「春

是日到元朗工作，難得天氣好，心情好，獎賞自己飲一杯凍飲，雖然過左復活節多個月，但都給這裡的雞蛋杯吸引著。最後都係忍不住，選了金蛋黑砂布蕾撞奶（好長的名字喔...），全因唔想飲綠茶😄一拎上手，滿心歡喜，飲巨蛋呢樣gimmick野真係大人細路都開心。溫度夠凍，不會過甜，奶蓋醇滑，奶味濃，而黑糖味道亦適中，不會盲甜，食得出層次。唯一覺得要彈的，是包裝有點不環保，如果客人自備杯便不可擁有這個包裝了，有點可惜，環保跟包裝真的難共存～

大約半年前試過一次，果時岩岩開業不久，但令我留下唔好既印象，之前都有寫過食評，今次行過見到佢岀左新品，出左個好得意既蛋造型既飲品，隔左咁耐，決定再試下，估唔到一雪前恥！呢杯金蛋真係有驚喜！小店環境佢個招牌LED燈好顯眼，雖然細細間，但你行過一定唔會見唔到佢，今次就係比佢個金蛋吸引住再次幫襯。餐牌睇招牌名就知係專飲撞奶~~金蛋黑砂布蕾撞奶   $42(限量新品)成隻金蛋上，飲完洗乾淨個杯仲可以用黎裝野。面頭係黑糖芝士奶蓋再灑左啲黑糖粉用火槍燒過，配上黑糖珍珠撞奶，加上黑糖掛紋真係好吸晴。一飲芝士奶蓋好濃，而攪勻後，黑糖珍珠味好夠，雖然偏甜但接受到，黑糖味真係突岀，唯一要挑剔係珍珠稔左少少，但整體十分有驚嚇，對比起上次進步好多！飲完之後，蓋好個蓋拎返屋企洗乾淨拎黎裝野～通常我試過一次覺得唔好飲好少會返轉頭再試其他，怕其他都係唔好飲，但今次比佢個造型吸引住，估唔到再次幫襯有咁大驚喜，係一杯真係好飲而且有質素既黑糖撞奶，飲完仲可以拎個杯黎重用，值得買黎飲！

今日係我唔知第幾次黎飲啦好多時都有好多新花款市面上茶飲有好多但撞奶就唔係好多次次黎親都要排幾個字隊, 但都值得果日我去又有新野個名好得意, 又係新野, 所以一定要試試佢宇治綠蛙奶蓋撞奶（$42）不過飲前要搖一搖, 否則你一開始只可以飲到奶蓋味第一啖飲落奶味又唔算好重, 但係有濃濃既芝士味,哇好正加上有抹茶粉在面, 已經可以飲出少少抹茶清香試完奶蓋後, 飲出啖啖抹茶味抹茶控一定要試試就連佢既透明珍珠都有清新既抹茶味真係估佢唔到

又嚟到元朗食野，行過雞地有間台式撞奶，想念起台灣到處可見的青蛙撞奶（青蛙就是珍珠的意思），忍不住試試。有兩款限量新品，分別是金蛋黑砂布蕾撞奶（$42）及宇治綠蛙奶蓋撞奶（$42），兩杯都用蛋形的杯裝著好可愛。最後選了抹茶味。店員建議先嚐嚐奶蓋再拌勻飲下面的撞奶。奶蓋有濃濃的芝士味，非常香滑，上面還有些綠茶粉，令我忍不住飲完一口又一口奶蓋。至於下面的撞奶，抹茶味漸漸出來，配搭奶味濃香，而且裡面的珍珠都是綠色的綠茶口味，夠Q彈有新意，十分滿意。基評分: *味道(基基基基)**外貌*(基基基基基)*抵食(基基基基)**服務(基基基基)*最後基言:金蛋還附送蓋子，飲完杯子還可循環再用呢！

有朋友話春風撞奶鋪嘅撞奶好好味，今日專登入去元朗試下！店鋪細細地，但就排左好多人，不斷有人買黎飲。好多人買青蛙撞奶！限量新品金蛋黑砂布雷撞奶，應該係新出，比其他飲品額外多一層奶蓋，當然要試一試！呢杯撞奶嘅外形係一隻蛋，個蓋可以擰埋，唔會漏出黎，設計好可愛！黑糖芝士奶蓋好好味，好香，好滑，薄薄嘅黑糖因為烤過嘅關係所以脆脆地，貼心建議係先飲用奶蓋，芝士奶蓋要喺三十分鐘內飲用為佳。黑糖珍珠口感煙韌，好有咬感，陣陣黑糖濃香， 整個撞奶再配上燒烤過的黑糖，三重黑糖口味齊集，滋味無窮！

前2日係臉書到睇到條片介紹呢間春風撞奶幾吸引，今日就黎試下佢地新出既金蛋黑砂布蕾撞奶先講佢外形係金蛋，飲完可以拎番屋企做擺設，同埋打卡黎講係一流，原本我對奶既喜好不大，但飲完我真係從此改觀，原來布蕾奶都可以幾好飲！首先金蛋最面層係燒過既黑糖加奶昔，奶昔好cream加埋黑糖既甜味好正，而中間係珍珠奶茶，將布蕾攪拌同珍珠奶茶一齊飲，味道又更加唔同更加好味 另外珍珠煙韌，非常有口感，成杯都冇可挑剔最後重要既事情要講3次，真係好好飲、真係好好飲、真係非常好飲，真係極力推薦呢個金蛋

嗰日同阿妹去元朗幫老豆攞D野，經過呢間台式飲品店，見有人攞住隻蛋形飲品，望下張海報叫金蛋黑砂布蕾撞奶，是限定之選，叫了杯，店員教先飲咗奶蓋先，再攪勻D黑糖再飲，我先飲奶蓋，好似奶昔甘，但濃滑好多，好有奶味又D黑糖香甜，好正。跟住飲黑糖珍珠茶，D黑糖味激出，同D茶味夾極，唔會好死甜，加埋D有咬口又粉又煙韌真珠，多咗D口感，幾好飲。阿妹叫的宇治綠茶奶蓋加珍珠我也有飲，個奶蓋有D綠茶粉，都好滑濃，同D清香綠茶好㚒，飲落好綠茶味，好fresh，加埋珍珠配撘極完美，但我個人較愛金蛋黑砂布蕾撞奶，因我極愛吃黑糖。

星期六周圍行，已經第二次幫襯e間珍珠奶茶，本人覺得依間嘅黑糖珍珠幾好飲，價錢相宜，而且珍珠奶茶鋪頭個名都幾特別叫做春風撞奶舖，我又糸叫咗個黑糖珍珠奶茶，珍珠彈牙，而且飲每一啖都飲到黑糖味，奶茶味濃郁，奶茶質感滑身，真係飲上癮，唉，非常失望，個接待員嘅服務態度好差，上次黎幫襯已經係黑口黑面及服務差，估唔到第二次幫襯態度照舊都係差，希望你哋真係有改善，如果唔改善服務態度，真系唔會有第三次幫襯你哋

星期五放工，入開元朗梗係要試吓依一間珍珠奶茶，朋友話幾好飲，珍珠奶茶鋪頭個名都幾得意叫做春風撞奶舖，鋪名都幾特別喎我叫咗個黑糖珍珠奶茶試吓先，珍珠彈牙，而且飲每一啖都飲到黑糖味，奶茶味濃郁，但係接待員嘅服務態度好差，賣珍珠奶茶都可以賣到黑口黑面冇態度可言