春宵

講起港式火鍋店，你有無邊間心水呢？同事介紹呢間「春宵」，見佢個名咁盞鬼就試一試佢啦😏湯底識食一定係食雙拼，番茄薯仔湯拼胡椒豬肚湯真係幾好味‼️‼️湯底好濃，番茄薯仔湯非常開胃，而胡椒豬肚湯就辣辣地，而加入秋涼涼地，暖下胃都係唔錯嘅選擇🔅呢個「兩餸」港式湯底真係充滿咗港式火鍋嘅獨特風味，一試難忘！😻😻肉類方面叫咗A級安格斯牛小排(小)，聽個名就已經覺得好吸引！色澤好靚，超級新鮮嘅牛肉，脂肪分佈都好均勻，好味到冇得輸😺😸值得推介！😚😚打邊爐又點少得響鈴🔔呢個拿破崙響鈴好酥脆，淥幾秒等吸收少少湯汁再食，效果更佳！另外仲叫咗個泡菜煙燻豬腩肉，諗住食得健康啲，往往菜包肉都係絕佳配搭✅煙燻嘅豬腩肉加上泡菜嘅酸辣味，口感豐富，真係食到唔停口😺😸白鱔片都唔錯，幾新鮮，煮熟之後口感嫩滑，鮮味十足！飲品方面叫咗芒果汁同Raspberry soda飲，芒果都幾鮮甜，每一啖都係滿滿嘅芒果香！而Raspberry soda嘅味道淡淡地帶有少少嘅果香，口感清新且十分香甜，都幾驚艷👍🏻

好耐冇食火鍋啦！今日同大佬同細佬約咗去試間火鍋店。環境裝潢靚，空間幾寬敞，還有吧檯可以小酌。⭐️ 招牌滋陰補身鴿子湯我哋選咗招牌鴿子湯底，係用整隻鴿子同藥材熬製，味道好滋補。鴿子肉嫩滑，湯底濃郁，開餐前飲啖湯，感覺好舒服。⭐️ 濟州豬梅肉豬肉切得薄，啱啱好涮。濟州豬梅肉味道濃，肉質剛好，真係好食。⭐️ 烟燻乳鴿未食已經聞到煙燻香味，乳鴿肉質鮮嫩，吃完之後回味無窮。⭐️泡菜烟燻豬腩肉呢碟泡菜酸酸的，配上煙燻豬腩肉，解膩又好味。好耐冇食火鍋啦！今日同大佬同細佬約咗去試間火鍋店。環境裝潢靚，空間幾寬敞，還有吧檯可以小酌。

最近網上人氣好高嘅「春宵」，今次同三個閨蜜一齊去試吓佢哋嘅火鍋真係好高質素！一入到去，舒適環境，同埋成個氣氛都好chill我哋嗌咗《鮑魚花膠雞湯》 ，個湯底非常足料！除咗濃郁，仲好鮮甜，真係好滋補。個湯底一滾我哋已經急不及待想開始配料方面我哋嗌咗《A級安格斯牛小排 (小)》 ，一放入個湯，已經聞到陣陣牛肉香。牛小排肉質香嫩 ，口感非常豐富好juicy，非常啱鍾意食牛嘅朋友《椒鹽魷魚鬚》 魷魚鬚好彈牙，又夠晒濃味，真係越食越上癮🐙 《泡菜煙燻豬腩肉》呢度餸真係好震撼 ！個煙熏味好香，豬腩肉腍滑香口，好入味，加埋泡菜嘅酸辣成個組合都令人食到唔停口 《炸午餐肉》炸午餐肉外脆內軟，點咗醬汁一齊食，超好味，絕對食火鍋必備嘅配料！食完之後我哋四個都一致認同春宵嘅食物好高質，而且整體服務態度超好，食完真係好有滿足感

同幾個老友去春宵打邊爐，牛頸脊正😋二鮮蝦滑、蝦餃夠彈、多款味道餃子各有特色、羊肉竟然唔差喎、響鈴非常脆口、其他忘記影相😜之後仲可以出去戶外繼續飲返杯🍷🥂絕對可以再回訪😄

琴日同朋友一齊嚟到灣仔嘅港式火鍋店「春宵」🏮。呢間餐廳嘅裝修好有feel，環境好舒適，選擇都好多，我哋就即刻嚟試試！✨湯一嚟我哋就試咗，呢個鮑魚花膠雞湯底，湯色濃郁，一打開蓋就聞到一陣濃郁嘅鮑魚味，仲有花膠同走地雞嘅香味，真係好香。呢個湯底唔單止鮮甜，美味無窮仲養顏補身，真係一流！😍接住落嚟，我哋食墨魚丸。墨魚丸彈牙得嚟又好Juicy，一咬落去就爆汁，口感豐富得嚟味道一流，真係忍唔住一顆接一顆食！🐟之後，我哋試咗拿破崙響鈴。炸得金黃香脆，唔會油膩，咬落去soksok聲，配埋特製嘅辣椒醬，正呀！🥟仲有呢款泡菜煙燻豬腩肉，煙燻嘅香味撲鼻，配上泡菜嘅酸辣，令人食欲大開。豬腩肉脂香味美，入口即化，簡直係超級正！🥩最後啦！我哋再嚟個濟州豬梅肉，梅肉夠滑嫩，肉汁豐富，配上湯底滲入嘅鮮甜味，食到真係停唔到口，大家都表示好滿意！🐷「春宵」嘅每一款火鍋材料都用心處理，每款都能品嚐到啲精心調配嘅滋味。我哋真心推薦「春宵」，呢度嘅火鍋絕對滿足到你對港式火鍋嘅期待！💚如果你都鍾意食火鍋，咁「春宵」絕對係你唔可以錯過嘅好去處，值得推介比身邊嘅朋友！🏆

噚日老友話自己下個星期要去出差，想約出嚟聚下吹水，就約咗我去春宵食火鍋。我哋嗌咗【冬瓜盅海鮮湯】，個湯入面落咗沙白、海蝦仲有帶子。冬瓜本身嘅甜味同海鮮本身嘅鮮味互相融合，特別濃鬱香甜，每一啖都食到湯底長時間熬煮嘅滋味！仲有【濟州豬梅肉】，甜甜嘅肉香味，淥落鍋之後更加鮮美多汁，肉質仲好有彈性，口感特別豐富😋【煙燻乳鴿】，乳鴿嘅外皮色澤鮮豔，煙燻之後味道更加深入咗每一個乳鴿入面，滿滿嘅肉甜味，好推薦大家試嚇👍【拿破崙響鈴】繫火鍋不可缺少嘅菜品！淥落湯嘅響鈴外皮酥脆，入面滑嫩，特別滿足我嘅胃口🤤【炸午餐肉】，酥脆嘅外皮，咬落去帶淡淡嘅油脂香味，咔滋咔滋嘅聲聽落特別治愈，真係太鍺意呢個小食咗👏老友仲喺露台位飲緊【啤酒】，而我就揀咗【Raspberry Soda】。啤酒嘅口感滑順，特別爽口；Raspberry Soda 嘅口感就偏向清甜，特別解渴！我哋兩個坐喺露台，飲住嘢🥤吹水，真係太幸福啦！

最近嘅天氣就要同朋友一齊食火鍋，朋友推介咗一間佢之前就經常嚟食嘅火鍋。我哋叫咗招牌鴿子湯，飲咗啖就感受到佢哋嘅火鍋湯底係新鮮熬出嚟，冇任何香精味，好養生，飲完胃暖暖地。我哋仲叫咗A級安格斯牛小排，雖然叫咗細嘅但係份量都比我哋預期中多。一間火鍋好唔好食我除咗睇湯底，仲睇肉嘅質素，可以感受到牛肉係新鮮切好。我哋仲叫咗牛肉丸，一碟有6粒，炸午餐肉唔一定配麻辣湯先好食，配埋鴿子湯都好夾！強烈推薦二人什菜什菌盛合畀蔬菜菌類愛好者，真係好大一份，好多唔同種類，一次滿足晒所有要求。另外仲有【鮮蝦滑】蝦肉真係好多好多！每一啖都可以食到肥美嘅蝦肉。我哋仲見到室外仲可以位，環境睇落好舒服放鬆好大，感覺好chill。下次可以約多啲朋友嚟嘅時候一定要嚟試吓。仲有侍應嘅態度真係好好，一直幫我哋加水，上菜前仲幫手耐心盛湯，仲會一直留意有冇需要幫忙嘅地方。

唔明點解可以咁少負評，係唔係Openrice唔俾出post簡直不知所謂，啲野食普普通通，一般貨色，而啲服務同零分冇分別六個人一枱七點鐘開始，坐到九點。最後成枱人都食唔飽都食咗2243蚊。中間加單基本上冇上過任何菜。叫咗碟響鈴等咗超過半個鐘，都冇上。無啦啦係隔離枱拎過嚟，成枱呆咗。唔清楚係廚房做唔切定唔想做。但其實唔想做生意可以講，唔需要勉強。無謂要成枱人星期五晚坐兩個鐘，七成時間坐係度吹冷氣飲水，想食都冇得食。其實食得貴唔係問題，問題係坐咗兩個幾鐘想食都無得食，真係唔知想點😂

6條友食左2千幾蚊都唔知食左啲咩。吹咗幾次單都唔上菜，真係坐咗喺度，求其食間放題都唔會咁嘅服務，唔知想點。如果大家唔太肚餓，建議可以嚟試吓，但要有心理預備啊，祝大家好運！

朋友帶我嚟咗灣仔嘅「春宵」食晚餐慶祝生日 ，餐廳裏頭充滿咗港式火鍋店嘅氛圍 ，有一面牆上掛滿各種紅色既氛圍牆紙，吊燈中滲出暖暖嘅光，俾人感覺好溫馨👍🏻🤤「招牌滋陰補身鴿子湯」，湯底濃郁有滋味，鴿子肉嫩滑，飲落去真係好滋補。 「A5飛驒和牛牛頸脊(大)」，牛肉入口即化，油花分布均勻，真係肉食者嘅天堂。 「泡菜煙燻豬腩肉」，煙燻味道同泡 菜嘅酸辣味完美融合，豬腩肉肥美多汁，食完一塊又一塊，真係停唔到口!「煙燻乳鴿」，外皮香脆，肉質嫩滑，煙燻味道濃郁「春宵」嘅火鍋真係掂到冇得頂架！ 希望我哋以後每個生日都咁愉快，一齊分享更多美食時光!

Yeah!! 呢一個係我期待已久嘅春宵港式火鍋店，之前去過一次港式火鍋，已經係意猶未盡，平時都無嚒時間， 今日就趁住放假，即刻走去試吓!!!!💥 冬瓜盅海鮮湯💥呢個冬瓜盅海鮮湯，用新鮮嘅冬瓜盅做湯底，搭配上海鮮、冬菇同細心挑選嘅配料， 味道鮮甜，入面加咗(沙白，海蝦，帶子，鮑魚)呢啲配料都係令到成個口感更加豐富。想重點讚一讚呢一度嘅 海鮮!本身唔係特別鍾意食冬瓜，但係對於呢度嘅冬瓜盅湯底係好，呢度嘅海鮮煮得好好食，夠 晒鮮甜同埋夠晒入味!! 再加埋呢一度冬瓜嘅清甜湯底， 真係好食到不得了!!💥椒鹽魷魚鬚💥呢個椒鹽魷魚鬚，外脆內嫩，配上椒鹽嘅香味，真係令人食到停唔到口。每一啖都係一個享受，魷 魚鬚嘅鮮味同椒鹽嘅香味完美結合，真係一流!!💥泡菜煙燻豬腩肉💥呢個泡菜煙燻豬腩肉，煙燻嘅香味配上泡菜嘅酸辣，真係好夾。豬腩肉煮得好嫩滑，每一啖都係 一個驚喜，酸辣嘅泡菜同煙燻嘅豬腩肉真係絕配!!💥濟州豬腩肉💥呢個濟州豬腩肉，豬腩肉煮得好嫩滑，真係好味到爆。每一啖都係一個享受，豬腩肉嘅嫩滑真係 令人回味無窮!!另外，呢一間整體嚟講係非常之滿意嘅一個火鍋體驗，好期待下次帶朋友嚟試吓唔同款式嘅火鍋!

嗰日喺灣仔啱啱撞到好耐冇見嘅朋友，心血來潮約咗一齊食晚餐，啱啱附近有間火鍋店，春宵。我哋就決定一齊去嗰邊邊食邊傾偈。⭐️冬陰功西瓜海鮮湯香味四溢，濃郁嘅冬陰味撲鼻而嚟，睇嚟我哋揀啱湯底喇。配上多款海鮮煮成嘅湯底，充滿鮮味仲帶點微辣，令我哋好開胃。⭐️濟州豬腩肉試吓呢個濟州豬腩肉，睇落色澤唔錯，脂肪又分佈得體，煮熟咗果然唔出我所料，入口即溶，鮮嫩好食。⭐️炸午餐肉帶有少少鹹味，口感柔軟，係一個必叫嘅小食嚟邊食邊飲。⭐️鮮蝦滑食火鍋邊少得蝦滑，滿滿嘅蝦肉，一粒粒咁煮，口感好鮮甜，食落去好滿足。喺度食火鍋梗係唔少得啤酒嚟放鬆吓自己，逃避吓現實。仲有呢度嘅芒果汁都特別好飲，清新爽口，又可以解膩，令我哋繼續食。

最近壓力太大，好想食好嘢，比自己charge下電，休息一下，又唔想每次消費太多，於是我就揀咗去呢間春宵，一家實力派嘅港式火鍋店。餐廳位於灣仔，裝潢、擺設和餐具簡約舒適，距離交通站點都好方便👍🏻，整體感覺非常唔錯😝。@台式麻辣鴨血鍋呢個台式麻辣鴨血鍋真係好正！湯底麻得嚟又唔會太辣，鴨血嫩滑，入口即化！@墨魚丸墨魚丸彈牙爽口，一咬落去就爆出墨魚味，好有海鮮嘅鮮味，真係好正！@泡菜煙燻豬腩肉泡菜煙燻豬腩肉香氣四溢，泡菜嘅酸辣味同豬腩肉嘅煙燻味完美結合，每一口都好惹味！@濟州豬梅肉濟州豬梅肉肉質鮮嫩，肥瘦適中，真係一試難忘！@煙燻乳鴿煙燻乳鴿外皮香脆，內裡嫩滑，煙燻味道濃郁！@白鱔片白鱔片鮮甜嫩滑，口感柔軟，真係好味到爆！食完呢頓晚餐之後，心情真係好咗好多！我已經同朋友約好下次再嚟春宵享用美食！呢度嘅料理質素極高，種類亦都好多元化，每一口都令人讚不絕口。期待下一次！Yeah!!

上次同屋企人去咗灣仔一間火鍋店食到飽晒，令我念念不忘，春宵。以下係我哋上次食完之後嘅個人評價。❣️招牌滋陰補身鴿子湯好滋潤嘅一煲湯底，濃郁嘅藥材味配搭杞子同鴿子熬成，唔落味精嘅養生湯，補身補氣血，功效十足。❣️A級安格斯牛小排（小）食火鍋梗係要點牛肉片，呢度嘅牛肉片更加係令人印象深刻。咬落去嗰吓感受到肉片滑溜嘅口感，牛肉味配埋鴿子湯底，簡直係絕配。❣️濟州豬梅肉食完牛肉食豬肉。正呀，肉質肥美，肉味十足又多汁，入口即化。屋企人都好鍾意食。❣️二人什菜什菌盛合食完肉類，就食啲清啲嘅蔬菜啦。咩菜都有嘅組合嚟解吓膩。每款蔬菜都新鮮到不得了，尤其係粟米仲要好甜，放落湯度一齊滾，個湯嘅味道仲正。❣️白鱔片梗係唔少得海鮮，白鱔片含有天然鮮味，肉質嫩滑。鍾意食海鮮嘅一定要叫嚟試吓。間火鍋店俾我嘅整體感覺係啲嘢食好好味，好啱一大班朋友嚟呢度聚餐，仲有露台位俾大家喺度飲兩杯。

純粹帶住打卡嘅心態去試下，冇諗到竟然可以係咁高水準嘅味道，我同閨蜜哋食得唔好太開心！準備要去食嘅朋友哋一定要試下以下呢幾道菜：招牌滋陰補身鴿子湯🍲無添加味精，全天然食材熬制而成！呢一鍋湯入面有原隻鴿子、茶樹菇、蟲草花、紅棗同桂圓，具有養顏美容、清熱解毒嘅功效~細細品嚐仲可以發現到茶樹菇散發出嚟嘅天然香甜味呢！🍄除咗鴿子湯，另一個必點靈魂食材就係肉類！🥩尤其係呢個高級口感嘅 A5飛驒和牛牛頸脊(大)！ 呢個特選食材唔使搭配醬汁，直接搭配湯底先可以品嚐出其原有嘅風味，細膩柔軟嘅肉質，口感非凡。超鍾意食韓國菜嘅我哋仲點咗2款韓國非常有名嘅豬肉——🐷泡菜煙燻豬腩肉同濟州豬腩肉。煙燻後嘅豬腩肉偏焦香，增添咗一股別致嘅煙燻香味，食起嚟唔油膩反而鮮嫩多汁。濟州豬腩肉直接涮鍋入面就可以開食，均勻嘅脂肪食起嚟非常細膩嫩滑。幾乎可以媲美韓國當地嘅味道。食完泡菜煙燻豬腩肉後我哋意猶未盡，馬上又點咗一道😋煙燻乳鴿，對比之下係另外一種風味，色澤棕紅嘅乳鴿睇咗就好有食欲，外皮酥脆，肉質多汁，呢一餐真係值咗！