春宵

下個星期Daddy媽咪去旅行，本來我要跟，但佢哋話想兩個人拍拖,為咗安慰我，媽咪話請我食我最愛嘅春宵港式火鍋，安慰我受傷嘅心靈，我就答應咗啦！之前嚟嘅時候，錯過咗鮑魚花膠雞湯，今次就梗系要嗌返個！呢個湯嘅精華喺於一只燉得軟爛嘅雞，仲有Q彈嘅花膠，配埋新鮮嘅鮑魚，每一啖都係濃縮嘅精華，特別滋潤養胃！我仲嗌咗A5飛驒和牛牛頸肩，牛肉有住雪花咁嘅紋理，淥熟之後更加鮮甜多汁，入口即化。配埋香菇一齊食，味道更加濃厚香甜，系一個非常完美嘅搭配！每次嚟我都必嗌嘅濟州豬梅肉，今次梗系都唔例外。豬梅肉嘅分量十足，肉質細嫩，味道香甜，每一啖都食得停唔到口！仲有成只嘅煙薰乳鴿！擺盤精緻，煙薰嘅乳鴿外皮金黃光亮，未食就已經流曬口水，肉質飽滿多汁，每一啖都係幸福嘅滋味😍春宵嘅嘢食大份又好抵食，非常推薦俾大家😋