春嬌

營業中

休息中

少得可憐既粉！要加埋一，一碗面要成91蚊！咁既價錢！咁既份量 唔需要再幫襯😑總結 Lasha湯 夠酸,椰香極少，生牛肉份量正常 夠滑 牛丸少兩粒！係個面未食前已經問侍應！得咁少？！一隻匙羹都可以「筆」起哂！ 91蚊！no more next time !

見到巿廣場榮少喇沙個位轉咗手越南菜叫 春嬌 喺銅鑼灣將軍澳都有分店見到group友評價都唔錯，放工就同老公過嚟試吓😌😌招牌春嬌火車頭 佢哋嘅招牌菜式當然要試啦一上枱用料非常足，仲有大大塊勁長花膠😍😍生熟牛肉、牛丸等等配菜亦都唔少而且非常大碗，份量足！湯頭清甜，唔會油膩，金邊河粉亦夠滑 ，每啖粉都絆住湯一齊食，湯都飲晒🤣🤣馬來咖喱牛腩配手抓餅 🫓好耐冇食馬來咖喱，估唔到越南餐廳都有呢個菜式，咖喱濃稠適中，非常惹味！唔會太辣，適合港人口味沾上手抓餅非常惹味，牛腩亦都軟淋有牛味😋😋馬來咖喱雞翼飯 咖喱太好味 嚟多個咖喱雞翼飯😝😝雞亦嫩滑，醃得非常惹味，外皮酥脆，炸得非常唔錯👍👍配上可樂一流有質素，份量很足 非常正宗，仲有很多小食和其他菜式，下次再過嚟試吓其他🥳🥳

之前通常係屯門巿廣場食lunch , 開始食悶咗， 今次行遠少少去咗屯門時代廣場搵野食， 本身都唔知食咩好， 經過d 間越南餐廳， 好似都如似好耐冇食越南野， 就入咗去試吓.餐廳地方唔算好大， 但環境亁淨簡潔， 職員態度親切有禮. 上菜速度都快， 冇漏單，適合返工出嚟食lunch 既我哋.河內生牛肉河金邊粉， 加太陽旦： 大碗， 牛肉新鮮， 唔鞋口，湯底味道唔太咸， 清清甜甜， 配料豐富招牌烤牛肉湯檬粉， 加扎肉： 烤牛肉碎上， 牛骨湯味濃， 惹味脆炸米網蝦春卷： 上枱仲熱辣辣， 入口脆卜卜， 入面仲包咗芋頭餡， 好味， 唔太油膩春嬌豬肉蒸粉包： 即叫即整， 個皮唔算好厚， 餡料足， 啖啖肉

春嬌 (屯門)📍屯門屯隆街2號屯門時代廣場北翼地下44號舖當初見到春嬌🙈呢個名第一時間諗到係 春嬌打救志明 🙈🙈（唔知大家有冇睇過春嬌興志明 ）🙈講返餐廳🙈🙈係最近屯門市中心新開嘅餐廳🙈🙈最近天氣太過潮濕又有D熱🙈🙈好想食d 酸酸甜甜🙈🙈第一時間會諗起撈檬🙈🙈香茅豬扒撈檬💰62招牌春嬌火車頭💰79脆炸米網蝦春卷💰48志明奶茶 💰12（套餐價）荔枝茉莉茶💰12（套餐價）食物黎嘅速度快 份量唔少🙈🙈我個碗撈檬有2大塊大過我手掌嘅豬扒🙈🙈朋友個碗招牌春嬌火車頭嘅花膠都好大塊🙈🙈荔枝茉莉茶 其實佢係綠茶🙈但有濃濃嘅荔枝 同綠茶味 有d 驚喜🙈志明奶茶又係有驚喜🙈杯邊嘅泡泡都好甜🙈🙈朋友飲嘅時候都話幾有層次🙈🙈我自己覺得 呢到2xx /2個人 環境舒服 食物質素ok 價錢都叫做親民🙈#karlee90s #春嬌 #春嬌救志明 #春嬌與志明 #屯門 #屯門美食 #屯門市中心 #屯門時代廣場美食 #越南菜 #春卷 #撈檬 #foodiehk #hkfoodie #hkig #ighk

春嬌呢個名會令人諗起胡志明市店舖內環境清潔，上次經過好多人今次約朋友一齊試下👻志明咸滑雞髀撈檬呢個雞脾超滑！雞嫩不肥，雞肉細滑且有雞味，平時唔食雞皮既我都連肉食！好惹味！檬粉加甜酸汁，會令人胃口大增招牌春嬌火車頭湯粉我地簡左河粉底，湯底幾濃郁，入面仲有大大件花膠！牛肉味濃！脆炸米網蝦春卷呢個春卷上枱時熱辣辣！內邊包了芋頭餡，呢個好好食！凍志明奶茶奶茶茶底又濃又滑，又不會太甜夠大杯可以過口癮👻青檸梳打清爽！又可以走甜！

📍春嬌 地址：屯門屯隆街2號屯門時代廣場北翼地下44號舖呢幾個月新開張嘅越南菜🇻🇳係屯市入面但價位一啲都唔高，CP值幾高呢🍴招牌春嬌火車頭叻沙-河粉 $83叻沙湯底椰奶味好濃郁🌟🌟啲香料令到成個湯底再香啲豐富左～配料有花膠、生牛肉、牛腩片、牛丸、豆卜，認真八十蚊碗麵有咁大塊花膠太過份lols 仲要好厚身好彈牙🤤 生牛肉份量一樣好多，另外牛丸超好食咬落去爆落啲牛汁出黎💦🍴生熟牛肉湯粉-金邊粉 $63呢個係配牛骨湯，清清甜甜，唔會有味精感🤭牛肉又係多到爆炸～生牛肉軟嫩，牛腩片好淋身又有牛味，整體都不錯🙌🍴泰式酸辣鳳爪沙律 $58鳳爪本身有嚼勁又彈牙，而沙律汁酸酸甜甜、微辣，幾開胃嘅感覺，啲西芹都幾新鮮，加埋一齊好清新呢💫🍹凍咸檸梳打 $32🍹凍龍眼水 $12飲品做緊第二杯半價嘅discount📣📣

><經過新開張試業中 天氣涼涼地 就想食d辣嘢暖下志明咸滑雞叻沙(72)魚片頭2件(+9)當日賣晒雞髀 就嗌咗雞胸肉質比想像中腍軟帶點鹹香而叻沙湯底辣辣地 馬來咖喱牛腩配手抓餅(88)撕開手抓餅細細塊嚟蘸咖喱 辣度剛好 仲想加多幾塊🫢越南脆炸蝦餅(58)好多蔥花配嚟一齊食原個蝦餅切開一片片茉莉綠茶(24)凍飲幾大杯><><><><><><><><><><><><春嬌 屯門屯隆街2號屯門時代廣場北翼地下44號舖

屯市唔係太多地方有喇沙食，專登帶媽子黎試下～👉🏻招牌火車頭喇沙材料非常豐富，最驚喜係有一大塊花膠🤤🤤🤤軟滑煙韌超好食。仲有生牛肉、牛丸、牛腩片、豆卜、豆芽，牛肉可以揀另上/放湯都幾貼心。喇沙湯重椰奶香，味道豐富濃郁，飲左好多湯。👉🏻香茅豬扒蔥油飯加荷包蛋豬扒份量好慷慨🤤軟滑無渣～醬汁咸中帶甜幾好味。👉🏻越式香茅雞翼雞翼係XXL size，好好肉地又炸得好香。👉🏻凍話梅鹹檸七半個鹹檸檬好夠味🤤咁大杯野飲飲到最後都有味。👉🏻越南煉奶咖啡有得揀多煉奶，夠甜好好飲。

屯門可以選擇嘅越南餐廳唔多，最近春嬌開咗喺屯門時代廣場，有時突然間想食返碗PHO 都係一個選擇👍🏻香茅豬扒撈檬份量十足，暫時係我食撈檬最多配料嘅一間，配料豐富有紅蘿蔔絲青瓜絲同埋生菜絲，豬扒入味 口感鬆化。😋魚片頭扎肉叻沙今次嚟到冇食佢哋嘅牛骨湯，叫咗佢哋嘅喇沙試吓，估唔到佢哋嘅喇沙湯底又幾濃郁，椰香味十足，湯底唔會好辣,豆卜索晒啲湯底好味😙😙米網春卷春卷嘅外皮鬆脆，一啲油膩感都冇，不錯😍

榮少喇沙執咗好快換咗呢間，搭車經過成日見到，去到春嬌食lunch，啱啱有張5至6人大枱，就坐呢度，不過要同人搭枱。老公食魚蛋牛丸牛骨湯河粉，牛骨湯啲味道有啲怪，魚蛋老公話鹹咗啲，我覺得可以接受：我嗌咗啲推介：蔥油撈檬，得啲肉碎同蔥油，味道一般啦，早知食扎肉嗰啲仲好！女兒食豬扒喇沙，個豬扒真係好大塊，可以分俾我哋食，但係醃得犀利，麻麻哋，感覺好似食緊啲渣，個喇沙椰奶味好勁好香，但係食落口佢話鹹得滯，又唔夠辣。杯越南咖啡好香咖啡味，只係甜咗少少。春嬌越南河（屯門）凍龍眼水少甜 $3.00爽脆魚片頭配牛丸湯粉（河粉）$60凍越南煉乳咖啡少煉奶 少冰 $12.00香茅豬扒叻沙 金邊粉 $66.00凍茉莉綠茶 走甜$3.00招牌蔥油烤牛肉撈檬 $56.00總計 $200.00

#香茅雞中翼配美國薯條 ⭐️⭐️⭐️⭐️⭐️#招牌洋蔥豬扒脆豬 ⭐️⭐️⭐️⭐️⭐️#迷你蔥油烤牛肉飯 ⭐️⭐️⭐️⭐️#河內燒牛肉洋蔥脆豬 ⭐️⭐️⭐️⭐️#咖哩汁配手抓餅 ⭐️⭐️⭐️⭐️⭐️#魚片頭牛骨湯河粉 ⭐️⭐️⭐️⭐️#凍話梅咸檸 ⭐️⭐️⭐️⭐️屯門新開呢間越南餐廳，見到佢下午茶餐牌超抵食，忍唔住一個人叫多幾個餐食多幾款！ ⭕️店員好主動好有禮貌⭕️豬扒脆豬好正必食⭕️佢嘅脆豬真係好脆好香口⭕️下午茶餐仲可以加配牛骨湯河唔怕唔夠飽⭕️薯條係粗薯條啖啖薯香⭕️食咖啡配椰青一定冇錯⭕️好抵食得閒去食個下午茶都唔過份

[✨屯門春嬌•新開高水準越南菜🥢]#春嬌 #屯門 🍜 志明咸滑雞髀撈檬 $76雞髀肉非常嫩滑，又多又厚肉🍗撈檬有青瓜絲、紅蘿蔔絲、蔥油花生碎，配埋靈魂醬汁撈埋一齊食真係大滿足呀🤩🍜 招牌春嬌火車頭叻沙 $83超大塊花膠！另外配料仲有常見嘅生牛肉、牛丸、魚肚，超級豐盛💯湯底以牛骨湯做底味道濃郁好足料，河粉吸收埋湯汁後一齊食真係唔錯👍🏻🍜香炸越南扎肉 $42扎肉新鮮炸起，香口惹味❤️‍🔥🧋志明奶茶 $38奶香香濃又不會太甜。另外晚市飲品仲有第二杯半價，抵飲！————————♡♡♡♡♡♡————————✨總結屯門市中心新開嘅餐廳，裝潢風格走清新風，比較簡潔乾淨，設有吧台同幾張餐枱。食物水準方面，分量同味道都唔錯，推薦比未食過嘅朋友黎一試，話唔定會成為你新嘅日常食堂😊💕📍春嬌🏠屯門屯隆街2號屯門時代廣場北翼地下44號舖#jmhkfoodie #hkfoodie #hkeat #hkeats #hkfood #hkig #hkgirl #food #hkfooddaily #hkfoodblogger #hongkongfood #hongkongfoodie #852food #香港美食 #香港

春嬌位於屯門餐廳環境乾淨 正正方方咖喱牛腩飯 牛腩肉燉得軟嫩入味 搭配濃郁的咖喱醬汁 口感豐富 米飯吸收了咖喱的香氣 入口香軟而且飯量好夠 飽飽肚跟餐 熱龍眼水一杯 甜甜地 潤喉河内生牛肉湯粉係一道經典的越南料理當天叫既係全熟牛 湯底充滿牛肉風味 配上彈牙的湯粉 每一口都令胃滿足 舒服 冇負擔蒜蓉通菜蒜香濃郁 每條通菜都充滿 滿滿蒜香 綠油油 美味可口 而且保持脆度 要食啲菜先有均衡飲食簡單午餐職員態度主動 唔會吹人走 其實椰香叻沙都好吸引 下次再試

屯門新開越南餐廳，地方細細但所當清潔🧹干淨。店員都好客友善，有問必答。脆炸米網蝦春卷（4件） Spring Rolls$48.00蝦🦐肉同豬肉🐷已經切碎混合好，炸得脆卜卜又香口。十分野味，一口一件。生熟牛湯粉 Medium-rare & Well done Beef Pho（生牛肉、牛腩片、香葉、牛骨湯）$ 63.00通常一般牛肉湯粉都是新鮮的牛肉片，這一間竟然有厚切牛腩和牛肉薄片，令人非常驚喜。對得起價錢。

餐廳以木系裝潢，室內有吧台及幾張餐枱，食物海報貼於牆壁，感覺簡潔乾淨，自行掃QR Code下單，親民又方便，晚市有加一服務費。餐廳名叫春嬌，我點了志明咸滑雞脾湯粉，麵底配搭金邊粉，麵粉幼身索晒牛骨湯，好 yummy 😋 ； 雞髀咸香，雞肉嘅口感嫩滑，用嚟配金邊粉就好夾喇！脆炸米網蝦春卷咬下一口春卷，米網夠爽脆，真喺脆卜卜，蝦肉彈牙，下次可以再 encore!凍熱情果梳打水杯底有熱情果，飲落啖啖果肉味道，口感清甜。📍春嬌 (屯門)屯門屯隆街2號屯門時代廣場 北翼地下44號舖