春和樓上海菜館 (已搬遷) 新店位置

端午節成家人同埋D 親戚去了果度食飯做節, 講真, 依間上海野的環境就麻麻地, 有D 殘舊, 應該要裝修一下吧... 但食物都幾好嫁小籠包: 有6隻, 幾好味八寶豆腐: 有D 混亂, 好似有好多野係入面咁, 入面全部野都係一個味道的, 似去酒樓食的八珍豆腐半隻鴨(忘了名字): 味道偏淡, 但隻鴨都幾瘦砂鍋雲吞雞: 推介之選, 好味酸辣湯: 唔食得辣既人都岩飲, 因為真係唔辣, 但都好惹味糖醋魚: 條魚炸得好脆, D 汁酸酸甜甜好開胃雪菜毛豆百頁: 清清地, 但都幾特別, 我次次去都叫咸肉菜飯: 用竹筒上的, 唔抵食, 好油高力雪糕: 一碟4粒, 唔夠可以加多一粒都得的, 但麻麻地...食物價錢適中, 味道都不錯, 門口果個可能係老細就算OK 好禮貌, 但係入面D人就叫一叫, 旭一旭...個雲吞雞一鍋放低就算, 唔幫我地分, 又唔心多個碟我地放起隻雞...

食物是OK，但服務態度是差的!我們點了8碟菜，其中的夫妻肺片滿好吃的，但辣了一點。招牌炒飯跟一般炒飯差不多，不知招牌在哪裡。皮蛋豆腐切碎上，跟我在旺角某台灣餐廳點的不同，後者吃了讓人食指大動!擔擔麵不過不失，不如上海婆婆的擔擔麵，但也不差。排骨炸得OK，不油膩。辣炒年糕滿不錯，年糕可以再薄片一點，菜多一吃也沒關係，因為菜炒得很入味，送飯一流。小籠包湯汁滿滿，滿好吃，但同行吃過鼎泰豐的，所以覺得一般啦。總的來說，滿OK!可是，這一切一切讓服務態度毀了!真為廚師難過!9PM上菜，10PM其他客人已陸續結帳，但我們仍在吃...雖然侍應、經理並沒有叫我們提早結帳，但全程黑面，好像說我們妨礙他們收工似的，令人吃得多有壓力! 快快吃完蛋糕，10:30PM結帳，侍應繼續黑面，臨走連一句「再見」或「多謝惠顧」也沒有說，好像我們欠他幾百萬!! 本來想，可能我們耽誤了他們收工時間，他們要比面色客人看那就算了，但一看門外的營業時間，營業至晚上十一點半!!!今時今日咁ge服務態度唔得架啦!我以後不會去，不是因為食物不好，而是對餐廳印象差。免得再吃一肚子悶氣!

經朋友介紹, 第一次到這間上海菜館吃晚飯.上海菜也有吃過不少, 這一間也算是不過不失, 味道不錯.點了多樣餸菜, 令我比較深刻的有担担麵及黃金蝦.這間担担麵的特色在於湯汁,花生醬下得比較重, 吃下去的味得卻異常地夾, 不錯~黃金蝦的的外層是包著黃金般薄薄的皮, 乍看之下以為是芝士及麵粉的混合皮, 吃下去才知道是蛋及鹹蛋造成的外皮, 鹹鹹的配上炸得通透的蝦, 可以整隻的把蝦放進口中細嚼.整體來說, 味道算是不錯,可以一試

以前和家人來過幾次，大家都好滿意，今次再來，食物水準不變，價錢還抵了~酒釀桂花丸子在做特價，$20一盎夠四人吃，好香甜小籠包$20/6粒，抵！包內充滿鮮美湯汁，只是略嫌皮不夠薄，但以這個價錢算是很好了酸辣湯（大）$50，好大窩，味道不錯，好多料另外點了蔥爆牛肉、賽磅蟹、北京烤鴨胸同炸饅頭，全部都好好味~

今次第1次去..比起出邊d上海菜低食好多''份量都多好多。我咁次叫左''京式烤鴨胸''好似食片皮鴨咁'將鴨皮轉左做鴨胸。冇咁肥利;;好食。只係$58低食水煮魚頭..夠晒辣..我d朋友係咁讚..不過我食吾到辣..吾知'不過好大碟。小籠包..有6粒..d肉汁好鮮甜,,仲要叫多1籠食。黑醋排骨..肉味比較物別..比較甜..不錯整體上低食.. 下次會同屋企人去食過''

首先 !! 門口登記o個個人 , 好似老闆黎既 , 態度鬼死咁差,逼人調去張細台!第2 !! 個上海粗炒 , 冇味既!!!!跟住上海貴妃雞 , 都唔知乜野味 , 又唔係salt 又唔係甜 , 都唔知乜黎既 , 話係雞都冇人信呀!!成台人都估唔到係咩汁黎既!!到個酸辣湯 , 稀到乜咁 !! 只係得少少辣味 , 都唔知乜黎既仲要收茶錢wor!! 但係d茶又唔好飲 , 連普洱都唔好飲 , 唔知咩味 !d雞絲粉皮 , d粉又唔滑wor , 仲之就唔好食喇 !!埋單600幾蚊 , 6個人 , 但係都唔飽 , 份量又少 我番到屋企仲要專登申請個id黎鬧呢間野可想而知真係幾鬼難食

喱間位於元朗既春和樓由佢新開都幫襯過幾次因為d食物都ok但最近喱次本想同家人去大榮華食飯既但實在太太太太太多人喇~ 就諗著喱間冇乜人就食喱間啦http://f20.yahoofs.com/hkblog/_0gwPIyaFRvCs7XnJeuKqxIr_11/blog/ap_20080211024127512.jpg?ib_____DvPybH1PC入到去您睇下污漕到.... 成地不知名既紙注意!! 仲要係廚房黎架您諗下入面咁亂又唔清潔食物會點?http://f20.yahoofs.com/hkblog/_0gwPIyaFRvCs7XnJeuKqxIr_11/blog/ap_20080211030543166.jpg?ib_____DXz4Wrqe.我地座低時見到地下有隻蟑螂屍... 咁我地就梗唔座啦個老闆就大大聲話: 蟑螂喳! 有咩特別丫一腳就踢開左仲話唔座您地就走啦仲有人等緊架!我地諗著算啦, 費事再搵其他地方( 因為近新年好多人)您睇下地下仲有隻翼o係道丫~~~~~~~~~~~最衰影唔清佢個樣!!!! 仲不知大大聲o係d 伙記面前話喱班人真煩.... 再嘈趕佢地走啦~ *&*^^#

昨天3個人來lunch,(包括hk_handsome,比佢搶先1步),現稍作補充,叫:1)皮蛋豆腐-很少見將豆腐,皮蛋切到好細粒,而且皮蛋好少-加上肉鬆各蠔油sauce,另1番感覺-不俗的冷盤2)東坡肉-沒有選用最傳統部位-五花腩-比1般的瘦,除層皮之外,d肥膏1d都唔厲害,所以無1層膏1層肉的效果-只食1舊,肉質算腍,但味道偏甜d-1般啦3)小籠包(6隻)-正如之前網友所言,其貌不揚,望落個皮唔薄-但肉汁很鮮味,皮的厚度都可接受,當然薄d更好啦-不錯4)砂窩腌篤鮮-上檯時熱騰騰,呈奶白色-有小棠菜,咸肉,筍片,百葉結-第1次食,個湯幾鮮甜,但就無嘜筍味,這點對我無大影響因個人不喜歡筍味,收貨5)上海粗炒-炒得唔太油-味道都唔差,但開始有d飽,淺嚐6)黃金魚塊(新菜式)-將魚柳炸,再有蛋黃cover住-魚肉可以不提,肉質雖未至於乾,但有d"鞋",又無鮮味,可forget it喇-但最可取是個皮炸得脆身,撈埋蛋黃漿,很鬆化,唔會死鹹,有蛋黃香(但唔濃),起沙質感-本想食多幾件,但無能為力7)白飯x 1-今次有d over order,剩下半碟魚塊同半碟粗炒-大家已無法再叫甜品

今日晏晝出左去元朗食飯,去左西菁街果度間春和樓,其實幾年前我都食過呢間野幾次,感覺都唔差,但係今次同個食家一齊,所以再去食下大家交流一下經驗不嬲我都好鍾意食上海野,特別係上海麵,東坡肉同小籠包等等,今次出去都特別叫左同試味.第一道上既係豆腐皮蛋,加左少少醬油,食落幾特別,各位有興趣可試跟住上小籠包,食味都唔錯,做到小籠包既肉汁同鮮味,而且夠熱.至於東坡肉就強差人意,唔係用好肥既腩去整,大就夠大舊,但係太多廋肉,食落好鞋,而且醬汁味道唔係好調,食落真係麻麻再來一道腌篤鮮,水準一般.一般來說竹筍係整道菜既靈魂,筍既味同鹹肉若果唔協調就係敗筆,呢度既筍味就太隱晦,發揮唔到鹹肉應有既鮮味最後係黃金魚,佢同其他地方既黃金魚唔同,蛋黃係加落炸粉裏面,所以上碟時唔會整到周碟污呢馬差,但係因為D魚太薄,所以只食到脆粉食唔到魚,又係一敗北總括來說,我覺得佢水準比幾年前差左,不過勝在座得幾舒服同服務都算OK

完試後持續開餐。三人飯局，由我拍版，就近近的吃中菜啦!同樣是食京川滬菜，滿淮庭環境較好，不過這裡就較清靜。是晚吃了：　粟米雞茸羹($40)-其實羹不屬滬菜，不過好久沒吃過，照點可也。出品是預期中的杰，味道ok，收貨!酒醉雞($48)-雖是冷盤前菜，雞件卻肥大肉厚，其實我情願它貴精不貴多；好吃勉強也稱得上的，抵食則絕對有餘了黑醋排骨($55)-熱炒比冷盤要好，這碟黑醋排骨熱辣辣夠鑊氣，肉質保持嫩滑又不會太多油分，作為廚師推介算沒有失禮了蔥爆牛肉($55)-我個人不喜帶甜味的牛肉，不過平心而論，它新鮮即炒夠鑊氣，肉片仍然很嫩口，都食得過小籠包($20)-一籠六隻，看上去皮太厚了點，賣相一般；然而肉汁相當鮮味，是近期吃過最佳湯汁小籠包。如果皮薄一點就完美了!楊春和樓炒飯($52)-亦是廚師推介，特色是乜都有：肉片、蟹柳、火腿、蝦仁、魷魚、蛋花、叉燒...單是以量取勝不值一曬，不過店方用咸蛋黃調味，令炒飯味道提昇之餘賣相也呈吸引人的金黃色，這點要讚!整體味道都不錯。酒釀丸子x2($18@)-桂花香味重，糠水甜度又剛好，可惜部分小丸子十分硬，敢情是擺了一段時間才煮入糖水啦..　雖然不是盡善盡美，

此店年前由教育路美心餅店隔鄰的(春和樓上海菜館)頂手。食物方面質素時常因客量影響而十分參差,而且價格略為偏高,二人套餐在元朗上海菜館方面,要計加一服務費竟要一百六十元埋單,而且窩貼數量只得兩隻,又冇豆漿跟餐送。而且每次ORDER同幾款菜式,每次出賣相、口感同味道都唔同。套餐上菜次序方面...湯應該先上反而次次最尾上,所以次次都係飲得果少少太浪費。人手方面晚飯時絕對不足夠,揮好耐手先有人見到你。落單方面時常錯漏,有一個阿姐有時收銀有時出樓面幫手,佢招呼客人方面就真係要改善一下啦,我見有客投訴上菜式完全唔係客人所要,佢唔好意思都冇句仲猛撐番果客,黑口黑面同個客講:『會唔會係你頭先同侍應講得唔清楚呀?!』咁說話佢都講得出擺明屈啦,比著係我一定發爛渣。如果價格降低一,食物保持到水準,服務又改善一話,我都會再幫襯!因為呢度黑醋鎮江骨同燻魚都好正(有水準果時先係)~