春和樓上海菜館 (已搬遷) 新店位置

此店年前由教育路美心餅店隔鄰的(春和樓上海菜館)頂手。食物方面質素時常因客量影響而十分參差,而且價格略為偏高,二人套餐在元朗上海菜館方面,要計加一服務費竟要一百六十元埋單,而且窩貼數量只得兩隻,又冇豆漿跟餐送。而且每次ORDER同幾款菜式,每次出賣相、口感同味道都唔同。套餐上菜次序方面...湯應該先上反而次次最尾上,所以次次都係飲得果少少太浪費。人手方面晚飯時絕對不足夠,揮好耐手先有人見到你。落單方面時常錯漏,有一個阿姐有時收銀有時出樓面幫手,佢招呼客人方面就真係要改善一下啦,我見有客投訴上菜式完全唔係客人所要,佢唔好意思都冇句仲猛撐番果客,黑口黑面同個客講:『會唔會係你頭先同侍應講得唔清楚呀?!』咁說話佢都講得出擺明屈啦,比著係我一定發爛渣。如果價格降低一,食物保持到水準,服務又改善一話,我都會再幫襯!因為呢度黑醋鎮江骨同燻魚都好正(有水準果時先係)~