星‧68 (已結業)

Friday night 約哩成班同事一齊去試新野，門口招牌寫四季燉湯、精品小炒！從來燉湯是我摯愛，一定要試下，補一補。我自己點咗川芎白芷燉魚頭，香味撲鼻！正！這款燉湯自己煲又覺得煩，快靚正得閒點飲就算，好似五六十蚊，性價比高！人多試嘢可以想點就點，叫咗好多小炒，我挈愛椒鹽九肚魚、啫啫雞煲、香辣蟹，死啦！熱氣死！全部香口重口味配一杯未飲過台式茶飲，奶蓋芒果配芒果珍珠，surprise 地好配搭！問那侍應原來是由丸茶手作供應，這茶飲品牌出名係自家製珍珠。下次可以再試吓其他先！飯后甜品不能少！我們叫咗好多款share, 不過我最推介都係女性補血恩物：桑寄生蓮子蛋茶配竽圓，蛋是鵪鶉蛋，竽圓又Q彈！驚喜好味😋下次可以中午再來試下點心先！

我最愛試新嘢，凡是有新餐廳我都想去試試。“星68”剛在中環開業，就在 grand opening 當天去光顧。她不是那種金壁輝煌的舊式酒樓 feel 而是好young、好chic。全場以Tiffany blue及白色作主調，感覺好清新。主打新派中菜，一樣的食材但配搭及煮法有別於傳統酒樓。例如清蒸原條勝瓜，把硬皮刮去，剩下鮮嫩的瓜肉，再清蒸及加上蒸魚醬油，開胃可口，非常合適炎夏。另一個驚喜是蝦醬豬肉蒸豆腐，蝦醬與豬肉是老拍檔，但用嫩豆腐放底就可以吸收蝦醬和豬肉的味道，不需要太多調味就已經可以送兩碗飯！令全場嘩言的是“腸粉蟹煲”。我很喜歡食蟹蓋，在沒有競爭對手的情況下我就把它私有化，誰知一翻開，整個蟹蓋有1/3是蟹膏，身邊朋友個個嘩嘩聲，筷子如下雨般爭相落在我的蟹蓋上！本來以為可以私有化，最後變成共享。食物美味，招呼殷勤，地點又方便，在中環又多一個大塊朵頤的好地方！

中環萬宜大厦開了間中式小館星.68，主力供應點心，小炒及燉湯，在入口處更設有茶檔，供應菓茶等特色茶種。今天我們10人試左點心全盒，内有蝦蛟，牛肉，咸水角，蘿蔔糕，青蛙皇子及金萡芝麻糕，賣相精美件件好味，還有佢地推介原隻松葉蟹拑灌湯餃，松葉蟹在日本被譽为蟹后，湯味更鮮美。話梅叉燒酥，熱熱辣辣，外皮鬆化内裡酥香，果然是必食之選。湯我们選擇了酸辣海皇羮及花膠濃雞湯，酸辣適宜，雞湯濃厚，食欲大振，其后巧手小菜有一味陳皮柑桔蒸蘇格蘭蟶子皇，陳皮甘香配厚厚蟶子，咬口非常有满足感，蝦膏茄子豬爽肉是我至愛，但市場上選擇不多，蝦膏濃香甘厚是現在难得食材。薑葱焗蟹腸粉底，最妙之处加了腸粉，盡吸蟹肉鲜香。最后為燒鳝煎疍飯，疍香加燒鳝，看得出是火候控制來突出鳝香，咬一口，肉质隱隱有独实碳燒味，濃香之中仍有海水味，是厨師手藝及心機，真是要讚一句，好味道。

今天中午食飯時間和同事经過萬宜大厦，見一間“星68”開業，隨即入内試試。入門就見丸茶手作在内，供應菓茶，正合夏令此嚴熱季節， 叫 了一杯檸檬冬瓜茶，微酸之中有清涼冬瓜味， 好味。 另外叫了幾款點心同埋一個燉湯 佢嘅點心拼盤有蘿蔔糕，有蝦餃， 仲有梅菜生煎包， 都係好出色 。尤其梅菜生煎包 慢煎正合皮脆内熱，內裏嘅梅菜好香。這裡裝修簡单清雅，開放式厨房一眼見晒製作認真，愛好書畫的也正合，其展出多幅水禾田及一些年青畫家作品， 附庸風雅是飲茶吹水好地方。