星海薈 (利舞臺廣場)

營業中

休息中

之前朋友在譽宴這裡辦婚宴, 覺得食物質素不俗, 所以今晚便預訂座位來吃個晚餐。餐廳室內光猛四正, 天花上的吊燈由多條玻璃魚組成, 氣派十足, 而且還有每人一份防疫用品, 相當貼心。椰青燉花膠雞湯吃晚飯前當然要喝一盅燉湯，看到餐牌上面這款椰青燉花膠雞湯，味道比較清甜而不膩，因為本身不太喜歡太濃味的燉湯。清蒸沙巴龍躉仔在中菜酒家食晚飯, 一條新鮮游水蒸魚是必點的, 這裡的沙巴龍躉仔性價比頗高, 賣相吸引, 滾油淋上蒸魚上面, 香味散發, 魚肉肉質清甜鮮味。金牌燒味雙拼 – 燒腩仔拼蜜汁叉燒燒腩仔皮香脆肉嫩滑, 蜜汁叉燒吃得出是採用了優質的上等豬梅頭肉來製成的, 有口感之餘又不會太肥膩。星海薈小炒皇用料豐富, 腰果香脆可口, 韭菜嫩綠清甜, 配以新鮮鮮甜大蝦及鮮魷, 味道層次感相當豐富。

食過觀塘分店，被裝修+美食吸引，今次跟媽媽去銅鑼灣分店，再令我眼前一亮原來有專屬既𨋢直到酒樓，千祈唔好去錯一入內被花花佈置樓梯吸引我眼球，華麗佈置，好適合晚上婚宴場合樓底很高，感覺高貴，枱與枱之間很闊落，坐得舒服，不會迫挾感覺特價下午茶價錢實惠又多選擇醉雞 $58香濃花雕酒醃製，雞肉嫩滑灌湯小籠包$26賣相很可愛，每一個用小籠盛載，方便夾起，唔怕用筷子夾到穿了漏汁，鍋心設計胡椒濃湯灌湯餃 $58酒樓必點，雞湯夠濃，內裡材料豐富櫻花蝦炸兩腸 $31特別既腸粉，用上炸過櫻花蝦，香脆可口蝦餃 $36皮夠薄，內裡原隻鮮蝦，夠份量仲有其他出色既點心同甜品香芒糯米卷- 芒果很甜，正生磨蛋白杏仁茶 $38甜品很出色，不太甜，杏仁很香濃，用這個甜品做終結，十分滿足

位於銅鑼灣利舞臺商埸，樓底高觀景不錯，主要是晚宴為主的，今晚一行四人點了不少食物，大概有招牌叉燒，金磚豆腐，蟹粉小籠包，炒牛柳粒，燉湯，花雕鮑魚。花雕鮑魚酒味濃郁鮑魚口感爽彈。招牌叉燒蜜味香濃，豚肉的爽彈感不錯。金磚豆腐皮與豆腐不是太融合，兩層口感，椒鹽味重。牛柳粒味道不特別，食下有點太鹹。蟹粉小籠包味道濃郁，肉汁鮮甜，皮薄餡多。蟶子王整體覺得價錢偏貴，食物水準尚可，服務算一般。如果想試也可以一試，地點頗方便。

一入到餐廳，見到很大個花拱門以及長樓梯，環境非常優美。餐廳座位非常闊落， 一來到點了一些海鮮，價錢非常優惠。冰鎮花雕南非鮑魚，賣相漂亮，有乾冰鎮底，口感鮮甜彈牙，加少少Wasabi，正！蒜蓉粉絲蒸鮮帶子，蒜蓉粉絲蒸新鮮聖子，蟶子和帶子都好新鮮，粉絲吸了蒜味很好吃。另外我們點了一些肉類， 紅燒皇子鴿，皮炸得夠脆但肉又不乾。 蒜片安格斯牛柳粒，雖然賣相一般但牛柳粒牛味濃，加上炸脆蒜片，非常惹味。化皮燒腩仔 ，肥瘦比例剛剛好，皮真的是非常之脆，味道剛好，不會太過咸。

今晚相約家人吃晚飯，就去了銅鑼灣利舞臺5樓的譽宴．星海薈。餐廳在利舞臺大堂有專lift，所以不用排隊。酒樓的裝修華麗，有很搶眼的浪漫玫塊金色調的水晶燈和旋轉雲石樓梯；餐枱數目不多，坐得比一般中菜餐廳舒服。另外還設有尊貴會所，提供美式桌球及專業卡啦OK音響設施。**茶位15位 小食20**點了其中一款推廣食品：《冰鎮花雕 五頭南非鮮鮑魚 $68》（原價$98）肉質嫩腍彈牙，味道鮮，再蘸點醬油更提鮮。《清蒸沙巴龍躉仔 每條$198》（約一斤）到酒樓吃飯總愛點一條蒸魚，清蒸沙巴龍躉仔更是吸引。蒸得時間剛好，每個部位都肉嫩滑溜，簡單加上香蔥及蒸魚豉油已叫我可以吃碗白飯（$15/碗）。「孖寶A $288」- 《脆皮燒雞 (半隻)》 - 炸得火喉剛好，雞皮油亮沒有焦位，而雞肉沒有炸乾，保到到嫩滑有肉汁。- 《啫啫馬友蝦乾芥蘭煲》- 芥蘭新鮮沒渣，味道清甜，用啫啫馬友蝦乾炒香很惹味，蝦乾都大條有咬口及咸香。本身來點叉燒，但發緊夢的朋友卻點錯了《籠仔梅菜蒸菜遠 $128》，大家唯有吃多了菜，健康一點。梅菜比較淡口，突出了菜心的清甜，而且夠腍身易咬。下次可試試大閘蟹。

突然想飲個茶，就諗起呢度。之前朋友結婚擺酒嚟過呢度，好鍾意呢度樓底高，充滿空間感，而且周圍都有decoration，好似置身花園之中。下午茶時段好抵食，本身有張特價紙，而且大中小點，每款都比午市平$5至$8，性價比非常高！我哋食咗山竹牛肉球、灌湯小籠包懷舊雞仔、蝦餃、海蜇燻蹄叉燒米線、燒腩仔米線招牌胡椒濃湯灌湯餃薑蔥牛柏葉、咖喱薯仔土魷呢度選擇夠晒多，雖然每款份量唔算大碟，勝在夠精緻！特別一提個招牌胡椒濃湯灌湯餃，一打開已經充滿胡椒雞湯味，湯頭濃郁清甜，啖啖充滿膠質，好正！

難得今日放假同朋友去飲下午茶🫖下午茶當然要食點心，呢度除左點心之外，仲有好多特色嘅食品，我哋每樣叫咗少少。▶️蟹粉小籠包 我哋叫咗兩隻蟹粉小籠包，用獨立蒸籠裝住，皮夠薄，蟹粉夠香又夠湯汁，相當唔錯！▶️鮑魚燒賣賣相整得好靚，鮑魚肉質唔錯，燒賣熱辣辣。燒賣豬肉夠林，但係唔會有肥膏，正！▶️紅燒煲仔翅見到有紅燒煲仔翅，相當吸引，叫咗一煲一齊食。魚翻份量都幾多，湯汁結身，加埋醋食～▶️咖喱蒸土魷咖喱味幾香，簡單好食！▶️蒜蓉蝦春卷呢個蝦春卷除咗外皮夠脆，入邊全部都係蝦，又香又脆，好味！▶️原籠馬拉糕有古法烹調，馬拉糕夠鬆軟，大大件～做甜品一流！兩個人食到飽飽！嘆吓茶又一個下午！

今晚約了幾位朋友來到銅鑼灣一間濶別兩年的酒樓晚飯，此店的口碑一向不錯，但由於疫情關係，甚少往中式酒樓飯聚。位於利舞台廣場五樓的「譽宴.星海薈」，經翻新後，高貴典雅，大型水晶燈和旋轉樓梯，更顯氣派不凡。我們點了多款小菜和燉湯：椰青燉花膠雞湯 - 天氣轉清涼，特別想喝口熱湯，滋陰養顏的花膠加入清甜軟滑的椰青和雞肉，燉出來的湯相當鮮甜可口。蒜片安格斯牛柳粒 - 蒜片慢火炸至金黃，用特級的安格斯牛肉切成粒狀，大火走油至五成熟，上枱時肉香四溢，牛肉鮮甜嫩滑，蒜片甘香脆口。貴妃鷄 - 用花椒、八角、肉桂、沙薑、陳皮等材料醃製過的雞非常入味，雞肉嫩滑，味道遠勝一般的白切雞或炸子雞。金銀蒜元貝 - 新鮮大隻的扇貝加入蒜頭和粉絲蒸至剛剛熟，原汁原味，十分滋味。豉汁帶子蒸豆腐 - 新鮮帶子和嫩滑豆腐加入蒜頭豆豉醬和蔥花，配以小唐菜，用來送飯，相當匹配。金銀蛋莧菜 - 一道家常小菜，而且健康又美味，莧菜菜身軟滑而菜味濃，入口甘香。很高興再次重拾久違了的味道，有機會將會再度重臨！

朋友介紹我去譽宴星海薈飲茶，今日難得放假，就同朋友去了銅鑼灣飲個下午茶，平日星期一至五下午兩點後入座，無論茶錢和點心價錢都很優惠。首先原隻鮑魚燒賣$38一隻，隻鮑魚夠大隻，連燒賣的體積都比平時一般酒樓的大，隻鮑魚好好食😋懷舊雞札非常足料，一大塊腐皮包着嫩滑的雞肉、大大條蟹柳、還有好入味的魚肚。晶瑩蝦餃皇四隻，飲茶必叫，熱辣辣送上，一口一隻即食。黑蒜螺頭燉雞湯，聽説黑蒜營養價值非常高，有抗衰老和增強免疫力功效，個湯非常甜，不用煲有得飲真好。蔗糖馬拉糕，很久沒食了，原個上的! 很好味，甜度剛剛好，又夠鬆軟。薑汁九層糕有三件，薑味濃，夠煙韌，不會太甜，我個人非常喜歡。還有珍菌雞湯㓎翡翠苗、小籠包、香麻叉燒酥、椰汁桃膠燉鮮奶，還有很多點心都很想食，下次要帶屋企人再來。

這間譽宴.星海薈其他分店都食過，銅鑼灣這間都係第一次，踏入酒樓門口見到有條舖滿花的樓梯，樓底高還有好靚既吊燈😍蟹粉小籠包店員極力推介，小籠包即叫即包好新鮮，一隻一籠，皮薄一咬開湯汁流出，蟹味香濃，豬肉鮮甜多汁😋海蜇燻蹄燻蹄切得好薄，好有口感，海蜇好脆好有彈性，少少辣味好開胃。雞扎份量十足，雞肉很嫩滑，蟹柳鮮甜，魚肚吸入雞汁爽口又入味！鮮蝦腸粉腸粉皮薄到可以見到蝦肉，蝦肉鮮嫩彈牙，加入豉油好食😋胡椒濃雞湯灌湯餃呢個熱辣辣胡椒雞湯好適合呢排轉天氣飲，胡椒辣辣地飲落好暖胃，湯底好濃，灌湯餃皮好薄好滑，包住好多餡料，有蝦肉豬肉和木耳！脆皮菠蘿包叉燒小餐包菠蘿包面頭香脆，麵包熱辣辣好軟熟，叉燒份量剛剛好，肥瘦適中，必點點心👍

☺️今日四妹放假，陪呢位孕媽媽出街行下，同佢去譽宴星海薈⭐🌟銅鑼灣分店飲下茶☕呢間酒家坐得舒服，食物好有水準👍🍽️🍴叫咗好多嘢食，好滿足🤭💕原隻鮑魚燒賣 $38/隻鮑魚燒賣賣相好靚，大大隻，夠矜貴。💞蟹粉小籠包 $35/隻一籠一隻，秋天蟹粉當造，小籠包充滿湯汁，蟹粉鮮甜。💕$198優惠孖寶:🐟龍躉陳村粉+浸菜苗龍躉肥美嫩滑，食魚夠健康，陳村粉吸收曬海鮮精華。浸菜苗係菜心苗，入面有雜菌同蕃茄，健康清新。💕花雕醉雞 $58酒香四溢，夠曬入味，雞肉嫩滑。💕蝦乾迷你珍珠雞 $31 珍珠雞裏面有蝦乾、鹹蛋黃、 冬菇瑤柱，好足料。💕桂花蜜脆麻花 $20 脆卜卜，有桂花蜜嘅香甜，仲有唔少椰絲，好香口。💞燕窩3.6奶凍 $31燕窩滋補養顏，奶凍入口幼滑。

難得有人請食飯，而且咁耐都冇試過一班人聚埋一齊玩返晚，點都要俾面出席第一次來到環境都幾堂皇華麗本來冇打算寫食評，掛住食、玩和吹水，所以好多都冇影到相食完覺得正先想寫，所以好多都冇影，祗得文字描述，呢間d菜式有d特別，唔同平時食開個d晚宴菜式星海薈四小碟酸薑皮蛋：酸薑唔辣酸酸甜甜，皮蛋好creamy，夾埋酸薑一齊食好夾，中和返個槳囗感覺蜜汁靚叉燒：唔硬入囗即化金磚豆腐：炸到成舊金磚，外脆內嫩五香牛什煲：味道香濃，牛什好腍好入味，個汁送飯一流紅燒煲仔翅：見到佢哋係每一煲獨立用gas爐煲滾再上枱，有好多翅，滾熱辣，味道好好椰青燉花膠湯：未飲已經聞到好香椰青味，入囗清甜，潤喉潤肺，椰肉和花膠好腍好滑法式焗響螺：將d螺肉和蘑菇切碎撈暈再釀滿個響螺再在面加上芝士來焗，面層塊芝士又脆又好味，入面啖啖肉又香又美味原隻脆皮皇子鴿：非常惹味，皮脆肉嫩，撕開d肉好多肉汁招牌白胡椒焗大肉蟹：多膏多肉，好實正，入口食到胡椒味香得來有少少辣，惹味可囗花雕蛋白蒸班球：蛋白好滑，班球好大塊肉質好實正上海雲腿扒津白：津白索晒個上湯腍滑好甜，唯一係雲腿，肉質冇問題，但食唔到個鹹味鮮奶燉花膠：好香鮮奶味，花膠好厚身入囗好滑

I planned to meet up with my parents for dinner tonight and they suggested U-banquet The Starview. It was located at Lee Theatre Plaza, just besides Times Square Causeway Bay.They offered a wide range of Cantonese cuisine for us to choose from, ranging from side dishes, appetizers, seafood, meat, vegetables, roasted meat, rice or noodles, soup, drinks and desserts etc. They have combo for 2 dishes as well, which made it value for money. 得獎金磚脆豆腐 - The skin of the tofu was deep fried till thin in

今午約咗二位朋友到銅鑼灣行公司，佢哋話要先去飲茶！咁我哋一行三人去利舞臺譽宴飲下午茶，酒樓裝修得幾靚。我哋order咗多款點心，特別出色的有……乾鍋醬金錢肚，醬汁十分惹味，廚師炆到口感適中唔錯。咖哩薯角蒸土魷爽口彈牙，咖哩味香濃唔算太辣及好味道。朋友就最鍾意菠蘿叉燒餐包，佢話菠蘿包好味裡面的叉燒又好Juicy。我就推介灌湯餃，廚師用胡椒及雞做湯底，湯有濃濃胡椒味，灌湯餃又皮薄餡香，係我食過之中最好味之灌湯餃！朋友見到好多人都食燒味湯粉，原來下午茶祇是$28一碗，有叉燒、燒肉及雞配米粉或米線，真係好底食，佢哋唔蝕底每人叫咗一碗，味道都唔錯。整體三個人都是每人百多元真係唔算貴。！

今日去銅鑼灣飲茶，去到利舞台5樓，下午茶有很多不同的點心選擇又有特價，呢個場裝修得好好，枱同枱之間都有足夠的空間，10分闊落！脆皮菠蘿叉燒焗餐包下午茶又平$26，菠蘿皮好趣甜甜的鬆化，叉燒餡爆滿，不錯！鮮蝦腸粉有六小舊，蝦肉彈牙，爽口，配上甜甜的豉油,高質。叉燒腸粉都有好滿既叉燒餡料，一樣是6小舊，都是皮薄餡靚既質素！下午菜推介叫特價叉燒米粉，叉燒甜的醬汁好食，配上米粉一流！半肥瘦油脂分布平均，不錯！晶瑩蝦餃王都好食，蝦餃的餡料爆曬，也是好爽口彈牙，一口接一口食個不停。仲叫左個$138 的原籠大澳三鮮蒸飯，超正！炒飯底蛋絲好滿，蝦乾，帶子，魷魚加上了蝦醬，咸香十足！