星海薈 (利舞臺廣場)

營業中

休息中

今午約咗二位朋友到銅鑼灣行公司，佢哋話要先去飲茶！咁我哋一行三人去利舞臺譽宴飲下午茶，酒樓裝修得幾靚。我哋order咗多款點心，特別出色的有……乾鍋醬金錢肚，醬汁十分惹味，廚師炆到口感適中唔錯。咖哩薯角蒸土魷爽口彈牙，咖哩味香濃唔算太辣及好味道。朋友就最鍾意菠蘿叉燒餐包，佢話菠蘿包好味裡面的叉燒又好Juicy。我就推介灌湯餃，廚師用胡椒及雞做湯底，湯有濃濃胡椒味，灌湯餃又皮薄餡香，係我食過之中最好味之灌湯餃！朋友見到好多人都食燒味湯粉，原來下午茶祇是$28一碗，有叉燒、燒肉及雞配米粉或米線，真係好底食，佢哋唔蝕底每人叫咗一碗，味道都唔錯。整體三個人都是每人百多元真係唔算貴。！