星海薈﹒譽宴

營業中

休息中

放假約埋媽咪揸車去沙田飲茶，入到酒樓環境寬敞坐得舒服，枱與枱之間好有空間感！坐低之後服務員就會攞一盆熱水放入餐具清潔，衛生程度做得好足夠。燒豬腩肉-這碟是店員推介的，豬腩肉份量不少，外皮燒得香脆，肥瘦適中，咬落油脂滲出，肉質軟淋，好好食！燒乳鴿-乳鴿燒至金黃色，望落去好細隻，食落啖啖肉。上枱時店員會跟埋手套和濕紙巾，呢點很細心值得一讃👍蠔皇义燒包-叉燒包即叫即蒸，麵包皮鬆軟，餡料新鮮，餡料的比例剛剛好，每一啖都食到豬肉。山竹牛肉-牛肉熱辣辣粒粒都脹卜卜，色澤新鮮爽口，加上喼汁一齊食，酸酸地食唔停口！這裏整體環境，服務及食物質素都不錯，下次都會再嚟試埋其他點心及其他菜式！

酒樓嘅環境唔錯非常舒適寬敞， 話曬都係酒店裏面，唔差。 見佢個招牌白胡椒蟹做特價 $298， 食評又講到個龍蝦超爽彈鮮甜， 所以晚市過嚟試下。 招牌白胡椒蟹$298👎🏻煲野鹹咗啲， 胡椒味都唔出。 呢個價錢都幾多肉，肉厚， 啖啖肉，肉質都唔錯， 但係食唔出鮮甜味道，因為太鹹。蒜蓉粉絲蒸大元貝5隻$138👎🏻👎🏻切咗一半， 搞到好薄，完全冇口感，而且正蒸到老曬，好似食擦膠咁，失敗。 反而啲粉絲仲好食，因為吸收曬啲精華同埋蒜蓉。 真係浪費咗啲元貝。龍蝦伊麵👎🏻👎🏻比想像中嘅差， 賣相亦好差，伊麵完全唔好食，淋到一pat pat。 佢個汁太杰了， 直情好難吞。龍蝦亦肉唔多， 又唔爽滑鮮甜，唔彈牙。被佢個抗疫震撼價呃咗，中曬伏 💔 無諗過呢一餐咁簡單嘅海鮮， 樣樣都唔掂 ，失望， 真係要畀個喊喊 face佢 😭

好姊妹結婚約出黎派帖, 相約了沙田萬怡酒店內的酒樓-譽宴．星海薈。呢間酒樓跟其他譽宴分店一樣, 都以寶藍色做主調, 再襯托埋天花裝修, 更顯氣派。下午茶2:00開始, 價錢當然比起午市再平一d。供應了多款點心、冷盤、麵飯等等....晶瑩鮮蝦餃: 蝦餃圓潤脤卜卜, 餃皮薄得晶瑩剔透, 蝦肉餡料鮮甜爽口, 真材實料, 推介!蟹籽燒賣皇: 燒賣同樣皮薄飽滿, 豬肉同蝦肉餡料鮮味juicy彈牙。山竹牛肉球: 牛肉球多汁夠林, 夾集莞茜、馬蹄, 多一點清香、層次。豉汁蒸鳳爪: 鳳爪皮唔會好乾, 很入味, 豉汁亦唔會過鹹碧玉鮮蝦腸粉 : 腸粉薄又滑, 每卡腸粉都隱藏著原隻爽口大蝦, 加上了甜豉油, 味道更提升。鮮蝦腐皮卷: 腐皮煎得鬆脆不油, 夾住鮮甜彈牙蝦肉餅, 其中更有蝦粒, 口感、味道一流!黃金流沙包: 包好軟熟, 流沙湧出, 奶黃味濃郁。咕嚕蝦球香煎脆麵 HK$148脆麵餅跟咕嚕蝦球分開上, 脆麵炸得極之脆, 就算加咗汁落麵餅, 都唔會好快林, 個汁好滑杰杰地, 甜甜地, 蝦球有吸了茨汁嘅炸皮包住, 蝦肉大隻爽口。 豆沙糯米糍: 微微煙韌糯米皮表面平均沾上椰絲, 入面有甜甜地嘅豆沙, 整個

自己已經有一段時間冇去飲茶，今日夾啱時間就同家人去咗沙田譽宴星海薈飲茶食點心。呢度環境優雅而且地方闊落，我哋今次點咗鮮茄濃湯浸菜苗、香茜叉燒腸粉、桂花蜜脆麻花、晶瑩鮮蝦餃，北菇蟹柳棉花雞，仲有臘腸卷。鮮茄濃湯浸菜苗感覺好清新，而且最緊要蕃茄及菜苗都好新鮮，絕對係開胃之選。香茜叉燒腸粉嘅腸粉皮好薄，包住多多叉燒，及一點點香茜調出味道，一試難忘。桂花蜜脆麻花就好香脆又甜甜地，小朋友最鍾意食。蝦餃就脹卜卜，入面大蝦餡料好足夠。北菇蟹柳棉花雞就好鮮味，無論北菇、蟹柳及棉花雞都索曬鮮甜嘅味道。臘腸卷唔係好多酒樓有得食， 見到當然要點來回味一下傳統港式點心。下次有機會再去飲茶我一定會再去譽宴。

2021年8月30日 星期一好快又要開始準備返工，無論生理或者心理都完全未ready，不過一於少理，今晚照同老婆去到石門食飯為嘅就係呢一個招牌白胡椒蟹，因為上網見到人講好抵食加大件，身為蟹粉嘅我哋又點可以放過呢，而且位置同我哋居住嘅地點相差唔太遠，一程小巴就可以直接到餐廳位於酒店裡面，一上電梯直行就見到，都唔算太難搵，而且沿途都有指示牌入到去好快就坐低咗，見到餐牌有好多優惠，而其中當然包括有白胡椒蟹食啦，而且而家晚市時段惠顧正價嘅小菜一款，就可以免費品嚐到以上三款菜式其中一個，真係好抵，於是我哋就叫咗幾個小菜等咗大約15分鐘左右，我想食嘅招牌白胡椒肉蟹就首先登場，冇諗過隻蟹會咁大隻，差唔多覆蓋晒成個鐵板，而且嚟到嘅時候有好香嘅胡椒味，加上熱辣辣，未食已經垂涎三尺師傅已經事先整碎咗蟹殼，所以唔需要太用力都可以拆開蟹肉，醬汁夠晒濃味，越食辣味就越出，同時辣得幾滋味，愛辣嘅朋友一定好鍾意之後有半隻星海薈脆皮燒雞，雞皮燒得好香脆，但係一啲都唔油膩，裏面嘅雞肉仍然保持滑溜，唔會太韌，而且雞油唔算太多，點埋豉油一齊食更加滋味呢一個係三鮮海皇雜菜煲，裏面有好豐富嘅海鮮，包括蝦仁、翡翠蚌、蝦米等等，令

前兩日去開沙田嗰邊，平時都好少入新界食嘢，又得新界就想食好啲，見到有間喺萬豪酒店入邊嘅中菜餐廳，聽人講佢主打食海鮮，於是就帶朋友入去試吓啦。紅燒煲仔翅$188紅燒煲仔翅係即刻即場燒，見到店員用Gas爐即場製作紅燒煲仔翅，感覺非常新鮮，熱辣辣嘅煲仔翅一燒完就即刻拎上嚟俾你，加埋醋落去煲仔翅度，煲仔翅入邊主要有芽菜同魚翅，味道唔錯。冰鎮花雕5頭南非鮑魚$68鮑魚真係好抵食，首先鮑魚拎上嚟嘅時候，乾冰所出現嘅煙已經好震撼，鮑魚預先已經切好咗一片片，然後再拼翻做原隻，會聞到有花雕味但係花雕味食落嘅味道唔重，感覺好似食緊刺身咁。清蒸虎杉斑$298清蒸嘅虎杉斑最容易試到與本身嘅鮮甜味，魚肉好彈牙同好有鮮味，加埋豉油同油落去一齊蒸，真係好香好好味，攞嚟撈飯一流。家常海參豆腐煲$148豆腐煲熱辣辣咁樣上菜，咋咋聲，又幾得意，海參份量好多，最正嘅都係個豆腐，又滑又多汁，成個豆腐煲好高質。

夜晚想食中菜，呢度環境唔錯，而且唔會太嘈，可以靜靜地享受美食！▶️澳洲龍蝦🦞伊麵底$688龍蝦幾大隻，切好一件件容易食，幾新鮮味道唔錯。配上湯幾好食😋鍾意個伊麵底夠林，有掛汁效果！▶️脆皮燒腩肉$138個皮卜卜脆，燒腩肉肥瘦適中！鹹鹹地，肉夠林。▶️日本青芥茉牛柳粒$168青芥末配牛柳粒，味道相當驚喜。估唔到咁好食，牛柳粒夠林，有牛香，一粒粒好食！▶️金銀蛋浸莧菜$128金銀蛋有皮蛋鹹蛋，莧菜清清地，整個配搭一齊食就有味！健康好味！

季結業績幾好，成條Team又有機會一齊去食飯喺Office附近搵間中菜食，估唔到做緊抗疫優惠，價錢合理幾個人一齊share呢份蜜汁黑豚肉，估唔到咁大份，酒樓燒味就係唔同，肉質爽口，可能黒豚肉同普通豬肉真係唔同啲，點埋啲蜜汁，味道濃厚另外我哋叫咗啲煲仔菜送飯，呢個鹹魚雞粒豆腐煲，算係家常菜，味道唔錯，見到廚房真係用煲仔煮，上枱嘅時候熱到仲有泡泡，雞肉都幾滑，算係用心另外我哋叫咗啲海鮮，又蝦又魚，最喜歡嘅係呢個扇貝，蒸得啱啱好，幾鮮味幾滑最開心細老細話請食魚翅，一人一個煲仔，以為普通嘢，點知勁大大大份，平時好少食嘅我真嚇一嚇😂

< 譽宴 • 星海 > 📍沙田見幾日同屋企人食生日飯，就去咗石門食。呢間譽宴喺酒店入面，感覺氣派。🦀招牌白胡椒蟹而家做緊優惠就叫一隻試下，賣相好吸引🥰 店員會幫手淋醬汁，一淋就聞到好香胡椒味。食落肉質結實，蟹味十足，充滿白胡椒味😋 唔會好辣。估唔到都有蟹膏，蟹膏好甘香，就咁食都好滋味。🐖燒味拼盤燒味拼盤叫咗脆皮燒腩仔同叉燒😋 脆皮燒腩仔嘅外皮好香脆 肉質幾淋 肥瘦適中🥰 叉燒係半肥瘦 食落一啲都唔肥 燶邊位好好食 仲有蜜汁 肉質唔嚡😋🐟清蒸龍躉仔啊姨鍾意食魚所以叫咗條龍躉仔。酒樓嘅蒸魚真係幾好食，龍躉肉爽口彈牙，魚皮有咬口，配埋蔥花同豉油好夾。😛🥬啫啫通菜煲最後叫咗個啫啫通菜煲，個煲入面仲有蝦乾，鹹香十足，好惹味。😆

想搵間坐得舒服食物又好味既酒樓我會推薦石門間譽宴~佢每張枱都隔得好開, 又唔會太多枱太多人唔會嘈, 同親友食飯傾下計一流餐牌都幾吸引, 好多選擇~~有套餐有散叫, 仲有好多特價小菜是日精選海鮮~~~特價菜式超級抵食丫!!!仲免費送3選1菜式慳返一樣餸$$招牌白胡椒蟹 $298以$298呢個價錢食到白胡椒蟹完全係物超所值!!係一隻非常巨型既肉蟹, 冇將貨就價, 值得一讚一上就聞到香噴噴既胡椒味菜式同鐵兜上, 可以傳熱保溫, 食到最後既蟹都係熱辣辣~~肉蟹比我預期既更新鮮!! 蟹肉肉質爽滑鮮甜彈牙, 好厚肉啖啖肉蟹膏唔多, 不過好甘香嫩滑!!白胡椒蟹抵食又好食, 鍾意食蟹既朋友黎到一定要點喔!!!南非鮑魚炆滑雞煲 $128煲內有2整隻1開2既南非鮑魚~南非鮑魚肉質柔嫩細滑，味道鮮美~平時食D鮑魚都會少少韌, 但呢隻就完全唔韌又彈牙雞件好惹味, 又就夠滑唔鞋口蜜燒黑豚肉 $168都幾大碟, 價錢合理....黑豚肉燒到微微焦香~肉質就未算最靚最嫩, 但質素都算唔錯~起碼唔乾唔韌o者o者蝦干通菜煲 $128好大碟好多通菜!!!呢道菜好有穫氣~~蝦干炒充滿咸香味勁惹味呢

酒店酒樓出品的點心確是有保證！今日同事講開飲茶好去處…兩個人就想在沙田區搵食，佢就介紹呢間譽宴，環境比較舒適！招牌胡椒雞湯灌湯餃：這個灌湯餃真是有Crossover，比較新派。第一啖湯比較刺激，因為胡椒散發辣味，直接滲透喉嚨頂，越飲越刺激又越想繼續飲，亦會學到濃雞湯的鮮味…灌湯餃皮薄餡靚，有蝦仁、瘦肉和冬菇。雖然備有紅醋，但是若果加入紅醋會喧賓奪主，建議不用！芋絲春卷：愛吃芋絲的朋友們必點，芋絲軟淋夠香，即炸春卷脆口非常，味道和口感都好，沾上香醋可以平衡油膩！眉豆客家茶果：這個真是有驚喜，貴為客家人慢慢想不到酒樓竟然有茶果的菜式一嚐。茶果餡料包括有眉豆、豬肉和冬菇，茶果煙韌…一定要趁熱食，否則感覺會比較硬身！脆網蘿蔔絲腸粉：香甜的蘿蔔絲加入腸粉之中，還有脆薄的炸物，腸粉皮薄滑身，很特別！

今日阿媽收早約我食晚飯，佢就最鍾意食中菜，佢話啲friend介紹佢去沙田萬怡酒店入面嘅酒樓食晚餐，有鑊氣同埋都幾抵食，跟住即刻打去訂位，好彩都仲有位，去到都要等咗一陣！兩個樣叫咗勁多嘢食，樣樣都想試吓🤣🤣🤣❤️澳洲龍蝦（伊麵底）龍蝦勁大隻超彈牙，我覺得比平時食開嘅大隻好多🤣🤣咁真係一分錢一分貨🤣❤️椰青燉花膠雞湯我以為係平時嘅燉湯，點知原來係成個椰皇起咗肉加埋雞花膠豬肉一齊等，所以個湯係超甜好似飲緊椰青水咁🤣❤️鮮露筍野菌炒帶子超級有鑊氣，同埋帶子勁鮮甜❤️招牌菠蘿咕嚕肉呢個真係攞冠軍，我未試過食咕嚕肉，炸到勁脆加埋果汁，真係冇得輸！

第一次踏足石門呢個地方，有咗屯馬線之後交通真係方便咗容易嚟咗，呢間酒樓其實係喺沙田萬宜酒店入面，坐得舒服而且點心亦都唔錯!! ▪️蟹籽燒賣王豬肉同蝦肉嘅比例啱啱好，望落好飽滿!! ▪️鮮蝦腸粉有原隻蝦喺腸粉入面，蝦肉彈牙，腸粉皮晶瑩剔透，好食!! ▪️北菇蟹柳棉花雞花雞▪️豉汁蒸鳳爪呢兩碟俾一般酒樓大碟，鳳爪非常入味，棉花雞發揮正常!! ▪️眉豆客家茶果▪️芋絲炸春卷呢兩個係比較特別嘅點心，眉豆茶果個皮係想像唔到咁軟熟，竟然意外地覺得好食!! 芋絲春卷上枱嘅時候非常熱，裏面有滿滿嘅芋頭蓉，有別於一般嘅鮮蝦春卷!! ▪️鮮茄濃湯浸菜苗最後都要叫個菜嚟食下，除咗豆苗仲有蕃茄仔同冬菇，雖然寫係濃湯但其實個湯都幾清甜同豆苗幾夾!!

都有一段日子冇黎我好鍾意既石門譽宴喇~~鍾意佢地方舒服, 座位寬敞, 同隔離枱唔會好埋, 好有私人空間最重要係佢既食物同服務質素都好高, 讚!!今次黎食見到多左好多優惠~~例如免費晚飯菜式三選一, 有魚/蝦/雞, 好抵丫!!!另外非常吸引既就係白胡椒蟹特價$298!!呢個價錢係出面冇可能食到丫除左優惠外都有好多菜式選擇~~~招牌白胡椒蟹 (震撼價 $298)最期待既白胡椒蟹黎啦!!!超大隻丫!! 估唔到呢個價錢可以食到咁大隻蟹淨係隻蟹鉗都有拳頭咁大!!白胡椒蟹非常新鮮, 肉質鮮甜結實而且啖啖肉胡椒味香濃惹味, 但又唔會好辣大大隻蟹鉗~ 超級多肉!!!有少許蟹膏~~脆皮咕嚕大蝦球 $188咕嚕大蝦球酸酸甜甜好開胃外皮真係超脆丫~~~蝦球大大粒爽口又彈牙!!o者o者蝦干通菜煲 $128非常惹味既通菜煲!! 蝦干好香呢~~通菜熟度剛好, 唔會太硬太淋蜜燒黑豚肉 $168大大力推薦!!!好耐冇食過咁靚咁正既叉燒!!!外皮充滿蜜汁的亮澤, 微燶散發著炭火香氣~~叉燒肉質幼嫩, 有入口即溶既感覺!!!堅好味叉燒

今日lunch time一早去到萬怡酒店入面既譽宴等位飲茶，位於酒店入面但又屬於中價位點心價錢，性格比好高。提早未夠十二點就去到，唔洗等位就安排到入座，太好了，座位非常寬敞，而且裝修好華麗，唔係一般酒樓果啲白色枱布，所以比人有種高級享受既感覺。特別要提下個馬拉糕，非常大個，同出面切左一舊仔既唔一樣，佢係完整一個蛋糕型，四個人食就差唔多，而且個馬拉糕非常香。另外，個小籠包都好出色，熱辣辣咁出爐，入面好熱有好多肉汁，下次都一要再叫呢個。