星泰屋 (已結業)

我們要了泰式炒可和海南雞, 十分難吃, 裡面其實除了裝修是泰式外, 口味一點也不東南亞, 只是美其名FUSION, 實質茶餐廳一間。但飲品郤沒有茶餐廳水準。

好開心，好耐未黎過上環食lunch，今次由地同事帶我地試新野。午市選擇頗多，我們揀了炒貴-粉身比較粗，不是一般的幼細。味道不夠濃烈，略為淡些。雞肉喇沙-是米線底的喇沙，材料很多，除了有雞肉，又有魚蛋、魚片、雞蛋及豆卜，食喇沙最主要的是湯底，這裡較淡，椰汁及辣味都是淡淡的，唔夠濃郁惹味。青咖哩雞-顏色青得有點嚇人，非常塋光。椰汁味偏重，而辣度適中，好醒胃。串燒牛肉及雞肉-最鍾意是個沙爹汁，花生味夠香又濃。至於兩款串燒肉好嫩，尤其是雞肉，一般會做得較鞋身，這裡食了幾款雞肉品種，都是嫩滑。最後的炒雜菜亦惹味。

約左個朋友8:30pm去西廣城食糖水~起附近周圍行食晚餐行過見到間野好似唔錯~餐牌d野好似唔錯~博一博試下~2個人叫左半打串燒~一個雞翼札肉金邊粉~一個椰汁青咖哩雞~同埋油酥餅~2杯野飲串燒$44半打(8/10)~入味~唔會太乾~不過沙嗲醬可以自己點更好~因為大家喜好的份量不一~過醬甜甜地幾好食~雞翼札肉金邊粉$38(8.5/10)~個湯好飲~唔係味精湯~香茅雞翼好脆~金邊粉唔會太林，唔會太硬~札肉就得果薄薄3片~少左d~我手痕加左d椰汁青咖哩竟然變得更好食~湯都飲埋~椰汁青咖哩雞$58(8/10)~好香椰汁味~不過都幾辣~入面有茄子~雞都幾滑，仲去埋皮~加埋油酥餅一齊食就good啦油酥餅$22(6.5/0)~好明顯係買回來番熱的d野飲偏甜~不過都okga~椰汁味好重服務一流d員工好有耐心~禮貌爆登~

我同同事落星泰屋食lunch，因為時間尚早，唔係好多人。坐落之後，我三個同事叫左同一個午市套餐，一個叫炒飯，我就叫了一份蝦球炒河。同事的魚蛋河套餐幾分鐘就到，但係個個食到苦口苦臉，因為Ｄ河粉完全冇味道。好似用清水漉熟就算。另外個同事碟炒飯都OK。但我碟炒河就好離譜，炒一碟河粉足足等左我40分鐘，我Ｄ同事都已經食晒，我Ｄ河粉都仲未出。同夥計催，佢連睇都冇睇就話好快有！如是者催左好多次，成間餐廳都已經坐滿中上環的上班一族，好多遲來的人客叫Ｄ野食都已經出晒，但我仲要等。終於等到，但係嘩！碟炒河Ｄ汁又多又淡，40分鐘出碟咁既野，令我好失望，下次唔會再幫襯。

早前來過晚飯﹐覺得素質一般﹐說過不會再來﹐不過是日中午突然想泰式雞飯﹐公司附近又只有這裡有得吃﹐只有來外賣一份會公司吃喇。因曾領教過這餐廳門外的長龍﹐所以這次很聰明的上來OR 找餐廳的電話號碼﹐打定電話預訂﹐那就去到可以付錢就去﹐不用在又熱又焗的街上輪侯。( 我﹕10 分鐘後來拿﹐行嗎﹖ 星﹕10 分鐘﹖5 分都得啦﹗)拿拿聲出門口﹐公司行去都要5 分鐘架﹐去到也依她所言﹐已經預備好了﹐非常有效率。不知是否一來一回已經花了10 多分鐘﹐還是d 飯本身就只是和暖﹐所以一點都不好吃。雞肉雖嫩但沒有雞味﹐要多點那泰式醬汁才可以﹐不過那醬汁又不夠辣﹐總之就是差點什麼的感覺。有時失望而回﹐應該真的不會再去喇﹗

平時午飯時間經過都見常常有人龍排隊﹐所以覺得應該都不會太差﹐所以這夜上課前來試試。晚上完全是另一番光景﹐只有零落的三四張檯﹐場面非常孤清。三個人點了印尼炒飯﹑泰式炒河和鹹魚炒芥蘭﹐後來見時間充裕﹐就再加個芒果糯米飯。在泰國餐館點印尼炒飯不是明智之舉﹐不過突然很想吃上面那個太陽蛋﹐沒法了﹐幸好也做得中規中矩﹐起碼個沙爹夠濃﹐又有少少nutty 感。其他的都泰國菜式亦不見比這個做得更好﹐也都是一般﹐炒河裡面的蝦既冇味又不爽﹐偏偏數量就多。做得好一點的要算是後加的甜品﹐糯米飯香軟﹐椰汁香濃﹐芒果香甜﹐是全晚比較出色的一道菜了。

同老婆行過，見佢有位，價錢又ok，咁就試下啦。叫個蝦喇沙，海南雞飯跟湯(雞脾要加$5，我地無要)。蝦喇沙：湯好濃，唔算香。材料有豆卜、魚蛋、魚片各三件，蝦仔6隻，牙菜小許。米線好冧，個人覺得麻麻。海南雞飯：雞是翼和胸，大致都算滑，無去骨都算，最弊係好多碎骨。油飯味道ok，但好乾好硬。跟的湯是例湯，沒甚麼特別。埋單$90，無加一。填飽個肚算啦，唔好咁多要求。

因為公司近呢頭, 再加上公司班鬼佬又好多野都唔好的, 所以今日又再光顧之前都食過幾次o既星泰屋今次要左個set lunch, 揀左海鮮炒飯個炒飯幾濕下, 不過用料幾足, 味道亦幾適中, 唔太鹹亦唔太淡, 同退左少少步o既五龍差唔多啦幾鍾意佢o個兩塊青瓜, 俾到我好南洋o既感覺呢~~值得一提o既係, 次次去親呢度都要等一大輪位的, 無他, 呢頭附近黎講, 星泰屋算係比較唔錯o既一間食肆喇埋單連埋凍飲要$47, 唔算平喇, 不過質素搭夠, 可接受啦

20070317星期一至五的中午，這裏也是人龍店。還好在上環，平時等不到的總可以週末試一下：）三個人，舒服寬大的卡位，一坐就是將近三個小時，沒有趕客，沒有拘束，除了菜牌上的款式不斷提醒你之外，只感覺到如同身處茶餐廳的寫意：）與隔壁街的Easy Kitchen有異曲同工之妙，也難怪honey剛剛進來的時候以為就是那一間：）在分享的原則之下，點了三樣東西外加甜品。肉骨茶（跟小棠菜與白飯）：料足，有藥材香，湯不算油膩，至於是否正宗，我不是行家，不敢妄下斷語，總之好吃：）；肥牛金邊粉：大大碗，各種配料的火候都剛好，金邊粉浸得久一點也都還可以；雞肉沙嗲串燒半打：入味，肉多，略嫌芡汁厚了些；西米糕：一碟四件，分別為咖啡、芒果、香芋與椰汁口味，蕉葉包著，甜而不膩，沁涼柔滑。只是簡單的服務，但讓人感覺很舒服，添水及時，洗手間整潔，是三五知己共聚的好地方：）