星橋居酒屋

營業中

休息中

今次呢一間中環嘅日本餐廳真係好值得推介大家去試吓，因為我叫咗呢幾款食物都覺得好滿意！呢個好驚艷嘅極上刺身8點盛真係好豐富，有八種唔同嘅刺身，包括有帆立貝、牡丹蝦、赤身、三文魚、吞拿魚腩、油甘魚腩、三文魚子同鮑魚。全部都好新鮮而且有一定嘅水準，擺盆又擺到咁靚，搞到我都唔知食邊樣好呀，但梗係全部都要試，因為全部都係好新鮮又好味😋夏天熱辣辣都好啱食返個沙律，見到佢哋有一個三文魚牛油果沙律都幾吸引，估唔到佢哋嘅三文魚同頭先嘅刺身一樣係好新鮮，而且連埋營養價值好高嘅牛油果撈埋一齊食真係好正啊！呢個雞皮餃子都好特別呀，我未食過🫣但我朋友話必定要試下，估唔到又有驚喜喎！雞皮外表金黃，口感又酥脆，一咬落去入滿仲有肉餡，正🤭

身為一個日本達人，冇得去旅行嘅期間，我成日都會去唔同嘅日本餐廳試吓日本嘢食，今次朋友話中環附近有間新開嘅日本餐廳都幾好，咁就一於等我試吓係咩質素！我去日本餐廳就一定會叫佢地嘅串燒，今次都叫左好多串🫣當中有雞頸肉、雞翼、雞皮、雞腎同埋佢地自家製嘅免治雞肉棒🐔我自己就最鐘意雞翼，勁惹味又嫩滑！不過其實全部都係好多汁又juicy😆呢個天婦羅盛合好豐富，海鮮天婦羅嘅炸漿係靈魂所在❤️，大大啖咁咬好正！真係又香又脆，酥脆口感一流 ！超滿足😍整體來講我覺得食物嘅選擇都幾多，同埋都真係可以做到日本風味，環境都舒適，店員嘅態度都好好👍🏻

琴日見到班好姐妹介紹去左位於中環嘅餐廳食嘢😉望到呢一間餐廳啲日本嘢食好吸引，姊妹們都話好好食，一於要去試下！最緊要叫返個極上刺身8點盛先，佢有八款刺身咁多，分別係帆立貝、牡丹蝦、赤身、三文魚、吞拿魚腩、油甘魚腩、三文魚子同鮑魚❤️全部都係貴價上盛嘅刺身，而且絕對新鮮！牡丹蝦鮮甜，又晶瑩通透！帆立貝大大粒！而三文魚、吞拿魚腩、油甘魚腩都超厚切肥美！然後燒日本河豚乾連埋酒飲就啱哂！煙煙韌韌咁好好嚼😆跟住雞皮餃子又係正嘅，餃子皮脆香，肉餡又熱辣辣兼多汁。最尾嘅天婦羅盛合，將不同嘅天婦羅炸到鬆脆可口！大人小朋友都鐘意同實岩食🥰

今次呢間餐廳係我同事大力推介比我，位置好方便易搵，雖然新開張但都保持到高質素嘅食物水準，確實值得嚟一試嘅🥳午市定食我就揀左呢個特上十貫壽司，價錢就$188，但有十款唔同嘅壽司，所有都唔會腥，十分新鮮呀🤤入面有幾款壽司我都好鐘意。首先係海膽壽司，鮮甜又creamy 。跟著就係三文魚籽壽司粒粒飽滿分明，精瑩剔透，入口爆開有滿滿魚油鮮香。之後就係三文魚腩，肉質柔軟鮮美，又無骨，滿口油香❤️總之就款款壽司都咁好味啦！見到佢哋有個鰻魚飯都好似幾正，下次lunch一於嚟試吓呢個先！

中環有一間新開嘅日本餐廳，有各種不同嘅新鮮刺身、壽司、串等等各種不同日本嘅小食，款式十分多樣化，梗有一款啱你心意❤️今次就同大家推介以下呢幾款小食！第一款小食係燒日本河豚乾，食落口口感煙韌，咬落鮮甜，越食越香，食唔停口！第二款就係雞皮餃子，外表好香又脆，而且餡料豐富，有滿滿肉汁！第三款就係鮟鱇魚肝，佢有豐富的脂質，食落有豆腐般滑嫩的口感，好正呀！最後仲有個極上刺身8點盛，刺身種類多元化，水準都好高！全部都好新鮮，份量都好多，同屋企人一齊開心share就最岩啦！

返工嗰陣有同事介紹話就去左間新開日本嘅居酒屋食嘢❤️比左啲相我睇，我見啲食物又好似幾吸引喎！環境又OK舒服，今日去咗放鬆一下食下好野！首先叫左呢個相當吸引嘅極上刺身8點盛！價錢唔平嫁，要$538。不過啲刺身質素好高，係值得呢個價錢嘅👍🏻。佢有八款唔同嘅刺身，分別係帆立貝、牡丹蝦、赤身、三文魚、吞拿魚腩、油甘魚腩、三文魚子同鮑魚。全部都好新鮮，好正呀🥰。另外叫左個鮟鱇魚肝，口感滑嫩細滑、入口即化。而燒日本河豚乾都好掂呀，燒完口感肉質煙韌，又好鮮甜。

聽朋友介紹有間新嘅日本居酒屋唔錯，喺中環對我來講又唔算太遠，Book mark咗今個同朋友一齊行完街去試吓。串燒方面，我地叫左雞翼同雞皮😋雞皮好厚實，仲要一啲皮下脂肪嘅腥味都無，越咬越香😆而雞翼就更加出色，燒至兩邊都金黃色，仲要肉嫩多汁😋之後仲有個燒日本河豚乾，好好嚼口，都幾有炭燒風味。最後食埋辣牛肉炒烏冬先飽，香辣牛肉唔會韌而且烏冬仲好滑添！好味呀～下個月屋企人生日都諗住再帶佢地嚟呢到再試下佢哋嘅壽司同刺身✨

位於中環有一間新開嘅日本🇯🇵居酒屋，地方空間不算大，但勝在環境舒服，店員服務態度好，而且食物味道都確實唔錯。餐廳食物選擇多，今次會向大家推介以下其中三款。✨榎茸醬拌豆腐沙律 $78呢個豆腐沙律比平時食嘅沙律特別，因為好少見有豆腐嘅沙律，係沙律上面仲有用醬油醃好嘅金菇，令到口感更加豐富同滋味，好岩夏天食！✨雞皮$38/2串而串燒我就叫左燒雞皮，$38有兩串好抵食呀！而且雞皮燒到好酥脆，正😆✨燒日本河豚乾 $98呢個日本河豚魚乾燒到香甜美味，口感一啲都不韌，用嚟送酒係唔錯嘅小食。

今次同朋友嚟到呢一間新開嘅日式餐廳，雖然舖頭面積唔算好大，但係坐得都好舒適，而且環境都係比較新派嘅日本風設計，店員服務態度都好親切。今次一共就叫咗三款嘢食，分別就係極上刺身拼盤、唐揚炸雞同雞皮餃子。首先講咗日本餐廳必食嘅極上刺身8點盛先，我覺得全部刺身都好新鮮，擺盤設計都幾靚，賣相係吸引嘅先。而且刺身嘅款式都幾多唔同種類，吞拿魚腩同油甘魚腩嘅油脂超豐富，真係每一啖都好滋味。而牡丹蝦都好鮮甜呀。其他嘅刺身都唔錯。另外叫咗兩款小食唐揚炸雞同雞皮餃子。唐揚炸雞炸到好香脆，上枱嘅時候仲熱辣辣。而且雞皮餃子都好特別，之前都未試過！估唔到用雞皮做嘅餃子係咁好味。

呢間係一間新開冇幾耐嘅日本餐廳，我個朋友都想嚟試吓，於是今日就約埋一齊試一試啦👍🏻天婦羅盛合有好多唔同嘅炸物，自己本身都好鍾意食天婦羅，可以滿足晒我嘅需求，炸粉又唔算太厚，脆卜卜咁好正。三文魚牛油果沙律做前菜一流，沙律嘅材料好簡單，但簡單得嚟又健康好味。三文魚好新鮮同牛油果嘅味道超級夾，牛油果嘅份量都唔少可以均勻地令到每一啖三文魚都有牛油果嘅香味，連埋啲沙律菜食就夠晒營養均衡！鮟鱇魚肝有"海中鵝肝"之稱，可想而知係有幾正啦！無錯佢嘅味道真係好似鵝肝，口感真係滑嫩，仲要入口即融。最後嘅就係雞翼啦，佢哋嘅雞翼係用咗串燒嘅方法去燒嘅，燒到金黃嘅顏色，食落好脆又好香，肉汁又Juicy☺️✨

今次要同大家介紹呢間中環嘅日本居酒屋🏮，主打各種不同嘅新鮮刺身同日本特色小食，淨係見到Menu都覺得好吸引所以都叫咗以下呢幾款食物嚟試吓。🤤九條蔥豚肉卷 💲4️⃣8️⃣呢啲豚肉卷又係燒得好香，而且醬汁味都唔會太濃or太鹹啱啱好！🤤天婦羅盛合💲1️⃣3️⃣8️⃣天婦羅盛合顧名思義即係咩都有齊晒！本身自己已經好鍾意食天婦羅❤️食過有啲全部都係炸粉😖但呢個炸粉嘅份量掌握得啱啱好！有脆卜卜嘅口感之餘又食到本身個海鮮🦞🤤辣牛肉炒烏冬 💲1️⃣0️⃣8️⃣呢個辣牛肉炒得好香好惹味帶點微辣，而烏冬口感彈牙，連埋牛肉一齊食真係冇得頂！仲好飽添🤭🤤活白鱔💲6️⃣8️⃣白鱔串燒外皮燒得好香脆，而鱔肉又肥美爽口。

放lunch嘅時候見到中環呢度咁啱開咗一間新嘅日本餐廳，好耐冇食過日本嘢就決定去試吓睇吓好唔好味。我叫左佢地嘅鰻重定食😋其實係鰻魚呀！原來係將鰻魚用蒲燒醬汁不停燒烤，烤到外表呈現焦脆嘅口感，而且又好有炭香嘅味道！表皮肉質好軟又嫩，仲要一啲都唔會油膩，呢個真係一試難忘呀😍我會想再食多幾次！夏天熱辣辣緊係要叫多杯沖繩香檸梳打解下渴啦，檸檬酸酸甜甜嘅味道，正呀✨見到佢地仲有其他日本小食串燒都好多人叫，下次我都要試下先❤️

同朋友喺中環行完街搵緊有咩餐廳有好嘢食，咁啱就見到附近有一間新開嘅日本居酒屋，好耐冇去旅行又好想食下日本嘢，所以就決定試吓新餐廳都唔錯。我哋叫咗一個極上刺身8點盛，因為真係好鍾意食刺身又諗唔到食邊幾款好，同埋又樣樣都想食下，所以就叫咗呢個咩都有嘅刺身拼盤。其實都幾豐富下，有齊晒所有我想食嘅刺身，佢哋嘅三文魚同埋吞拿魚腩都好正，厚切嘅刺身全部都超級肥美！帆立貝好鮮甜又大粒，全部都好新鮮，總之就正呀！跟住叫咗一個燒油甘魚鮫，油甘魚都係其中一種我好鍾意嘅的刺身，燒完之後更加香，而且魚肉肉質都好肥美，幾大舊啖啖魚肉。

估唔到屋企附近開咗一間咁嘅日本餐廳，之前都冇留意添，不過見到屋企人提起就決定一齊嚟試吓啦！雖然唔算好大間，但係都幾舒服嘅。店員都好有耐性，我哋揀嘢食揀咗好耐佢都冇吹我哋。仲會同我哋推介下有啲咩係值得一試添。❤️鮟鱇魚肝 $88呢個好推介呀！雖然好少見，但真係好好味，口感綿密滑順，油脂柔嫩香醇。❤️燒日本河豚乾 $98日本河豚乾肉質煙韌，燒完後味道鮮甜。❤️墨魚咀 $58呢個墨魚咀細細粒咁，一口一粒，而且口感爽脆仲好有嚼勁。❤️梅子蕃茄$58夏日熱辣辣就想食啲酸酸甜甜嘅嘢，呢個梅子蕃茄就岩哂，好開胃。❤️雞皮餃子 $60外層雞皮香脆，咬開入面仲會有熱辣辣嘅肉汁，食得好滋味。

公司附近開咗一間新嘅日本居酒屋🏮，就咁望落環境都唔錯，入到去都幾寬闊同埋坐得舒服嘅。款式方面都見到幾多唔同嘅選擇，所以就諗住食返個好啲嘅lunch迎接嚟緊新一日嘅假期。我見到佢哋嘅午市定食都幾多嘢揀，不過最吸引我嘅就係呢個鰻魚定食，係超大條肥美嘅鰻魚啊！鰻魚已經鋪滿晒喺個面上面見唔到啲飯😆真係好鬼吸引！再加上鰻魚都好香燒汁味，連埋啲飯食真係夠晒YUMMY 。另外叫多咗一杯凍即磨咖啡，夏天一定要飲杯凍啡，提神之餘又可以爽一爽，咖啡味道都好濃郁！