星橋居酒屋

營業中

休息中

無論任何天氣, 也愛吃日本菜........-餐廳是簡約木系裝修，餐桌、餐椅及餐具也是木制。其中一幅牆以藍、白及黑的日本街景的畫。2人坐在4人檯也好舒服。-午市定食含湯、沙律、前菜及主菜, 價格視孚主食而定, 由HK$98起。- 沙律~ 微酸的車厘茄及沙律菜配上醋汁是一款開胃的菜前菜~木耳煮,木耳爽脆配上炒香的白芝麻及清甜的紅蘿蔔絲, 好吃到連朋友那一份我也吃光了。湯~不會過咸的豆腐海帶湯-HK$138 灸燒四色丼~四色刺身是入口軟熟的鰻魚、肥美三文魚、細緻甘甜的油金魚及肉質緊實具彈性的鰹魚, 再配上我喜愛的青蔥、紫菜絲及生姜漬物拌來一起吃, 令我想念去日本旅行的情景-HK$108溫泉蛋特盛汁煮牛肉丼~牛肉味濃又充滿嘴嚼感,洋蔥的獨特辛香, 粒粒分明的飯粒吸收了牛肉汁的精華, 再與溫泉蛋的黃金配合相得益彰。此丼是特盛,小鳥胃的朋友也吃不光牛肉。-天冷吃日本菜, 可以吃熱呼呼的丼飯, 也不怕冷。

已經唔記左幾耐無同老公拍拖食飯，唔係同事介紹都唔知有野日本餐廳係公司附近，同事話食過lunch覺得質素ok，今日難得老公早收工，就近近地試吓，我地6點就到餐廳好乾淨光猛。我地先點串燒，價錢唔係特別貴，但味道不錯全部好入味，最鍾意食雞腎，夠爽口，牛舌仲要係牛舌心，特別彈牙味道更加濃郁。壽司點左三款油甘魚好香好鮮甜，帆立貝厚切大大粒，最鍾意食左口魚裙邊，特別香，一啖一舊，食得出刺身好新鮮。牛肉薄燒入面捲着滿滿嘅大葱，好香，而且唔會好溜，老公驚唔飽肚，所以每餐一定會食飯，而呢個蟹肉蟹膏炒飯，一上枱已經聞到好香蟹膏味，大大碟，炒飯炒得好乾身，而且好香好好味，正！呢間餐廳絕對有驚喜，坐得好舒服之餘食物又咁高質素，老公話要襯佢未紅之前要食多幾次😂😂

位於中環嘅星橋，一貫日本居酒屋🏮風格，地方唔算大，簡約木系裝修，連餐桌餐椅都都係木制，簡潔乾淨；牆上一幅好大藍白色油彩畫，盡顯日本風格，亦成整間店鋪特色牆。店鋪仲有掛上黑板，寫出當日推介新鮮食材。先order幾款串燒🍡🍢🍡大蔥 /日本秋葵大蔥燒至外皮有點焦香，入口先嘗倒燒過嘅蔥甜，食到最入邊果層就感覺到微微辛辣味鍾意食秋葵嘅朋友，就會鍾意佢入口有種黏黏滑滑質地，燒過嘅秋葵熟度剛好，口感保持爽脆黏滑。🍢牛舌心大約1cm嘅厚度，燒就最合適不過，口感爽彈，燒得微微焦香，肉質保持粉嫩，肉汁滿滿，牛香滿滿😋。🍡燒雞翼食串燒一定要點燒雞翼啦😄，外皮焦脆，肉質嫩滑。🍡汁燒蔥牛肉卷牛肉包裹住重重疊疊嘅蔥段，牛肉軟嫩，蔥段香甜，而且蔥段卷得好紮實，好有口感。🍢免治雞肉捧食呢款雞肉捧，中間緊有一點點雞軟骨，增加口感，蘸點埋蛋黃一齊食，除左食倒蛋香外，令雞肉捧更加滑溜。串燒全部即叫即燒，上枱熱辣辣，今晚食嘅所有串燒只有些少鹽作調味，全部都保持食材原有味道，真心比讚👍🏻👍🏻。🥢野菜天婦羅有大蔥、秋葵、紅椒、矮瓜、鮮冬菇薄薄一層脆漿包裹住野菜，炸得乾爽，一啲都唔會油膩，鮮冬菇同矮瓜🍆最出色，外層脆口，入邊濕潤😋

今日午餐去左試新餐廳，地點係中環嘉咸街既星橋居酒屋，係我最鍾意既日本菜！可以撘長扶手電梯上山，唔洗行好多路。午市定食有8個選擇，包括魚生，沙律同熱食。星期一至六12點至3點都有，包湯，沙律同前菜。今日每人一個午市定食。野食整好成set上。炙燒四色丼 $138 另加一炙燒四色丼隻碗好大，擺盤靚靚。炙燒四色有炙燒三文魚3片，炙燒油甘魚2片，炙燒吞拿魚2片同炙燒鰻魚2片，蓋住啲飯。雖然唔算厚切，不過質素唔錯。飯係暖暖哋，而且上面加左飯素同白芝麻粒，外圍圍滿紫菜絲，葱花同京葱花，食落酸酸哋，又夠濕潤，唔係普通白飯，原來呢度用新潟米，我鍾意。仲有酸薑片同日式芥末。角切魚生丼 $138 另加一角切魚生丼類似炙燒四色丼，材料變左角切三文魚，吞拿魚，油甘魚，玉子，青瓜粒，再加上蟹籽，質素都唔差。下面蓋飯同炙燒四色丼一樣，飯上面加左飯素同白芝麻粒，不過係凍嘅，一樣外圍圍滿紫菜絲。沙律係生菜+車厘茄+粟米粒加少少柚子醋，新鮮健康。前菜係脆口紅蘿蔔同牛蒡絲，上面灑上白芝麻粒。湯係杯裝麵豉湯。本身唔太餓，食完成個餐都夠飽。入面裝修都唔錯，傢俬全木，廚房半開放。價錢都可以，如果喺中環返工都可以考慮黎試試。

[ 星橋居酒屋 ]中環區居酒屋唔算多，但以呢區Lunch嚟講價格都算抵食。Lunch Set有湯、沙律、前菜。✿ 炙嬈四色丼 $138有三文魚、油甘魚、鰹魚同鰻魚，4款都係炙燒🔥油甘魚入口嫩滑，魚嘅油脂比例好，加埋佢特制醬汁，唔洗點豉油都好好味，個飯有紫菜、薑、蔥做伴菜。✿ 滑蛋吉列豬扒丼 $108吉列豬扒肉質柔軟，炸得啱啱好，配埋滑蛋，無得輸🤪🤪總結🫦據知餐廳隔一段時間會update menu，鐘意食日式野可以黎試試👍🏻👍🏻✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿星橋居酒屋地址: 中環嘉咸街35-39號嘉豪大廈地舖電話:26823077✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

-星橋居酒屋🍽-中環隱世小巷日式居酒屋🏮餐廳裝修簡單舒適闊落岩哂一班朋友飲酒傾計🍻-喜之次一夜干 $158去居酒屋都必叫一夜干因為燒物勁岩送酒😋喜之次雖然唔算好大條但2個人食就岩岩好！魚肉勁鮮甜外面有陣香香既碳烤味👍-唐揚墨魚咀 $58墨魚咀勁彈牙！外層有少少炸漿咁脆卜卜點埋沙律醬好味道！-串燒🍢日本雞尾 $38/雞肉大葱 $38/九條葱豚肉卷 $48第一次食雞尾個口感好特別好似啫喱咁好彈牙但就有少少膩小編覺得雞皮會正d🤣雞肉大葱呢d咁重口味既真係必點個大葱一咬噴哂汁😋九條葱都好特別不過就會比大葱韌d😉-牛油果炸蝦卷 $118炸蝦卷係足足有2條炸蝦🍤勁滿足😋配埋牛油果個口感就冇咁熱氣又健康d😌-壽司🍣炙燒左口魚邊 $56/松葉蟹肉蟹膏軍艦 $48/炙燒厚切三文魚腩 $48三款壽司都好高質個魚生係超大件好有口感😋推介厚切三文魚腩勁肥美又juicy😍-🌟評分:🏅🏅🏅🏅🏅📍地址: 中環嘉咸街35-39號嘉豪大廈地舖-#foodieluveat#foodieluveat_hk#foodieluveat_中環#foodieluveat_日本菜#hkfoodie #foodiehk #foodie

📍星橋居酒屋 (中環)👩🏻試試新開嘅居酒屋🏮，價錢喺呢區唔算貴。早啲訂枱仲可以預訂埋生蠔🦪同刺身。✨榎茸醬拌豆腐沙律$78榎茸醬係以新鮮金菇自家製成，充滿鮮菌香。絹豆腐唔算好滑，但豆香重而且冰涼清新。沙律菜爽脆，加上醋同藜麥唔會單調。✨牛蒡片$45香脆而且略帶椒鹽味，好啱餸酒。✨野菜天婦羅$88麵衣夠薄，油溫夠高，香脆唔油膩。六款分別係洋蔥🧅、冬菇、大蔥、茄子🍆、秋葵、紅椒。有番薯🍠、南瓜🎃就更好。✨雞軟骨$58 軟脆鹹香，適合做酒肴。✨魷魚一夜乾$98魷魚大隻彈牙，燒到有微微焦香，簡單鹽燒已經好惹味。✨牛舌芯 $68質地柔軟，味道濃郁又多肉汁。✨甜薯 $28剛好遇上天婦羅冇番薯🍠，算係全餐唯一嘅甜品🤣。📍星橋居酒屋 (中環)中環嘉咸街35-39號嘉豪大廈地舖

以較大尺寸的碗盛裝米飯並蓋上魚肉、肉類、蔬菜或者其他燉煮料理而成，這樣簡單又撫慰人心的料理，便是美味的「丼飯」。餐單的價格也是相當平價，除了有生魚丼、海鮮丼、握壽司以外，也有像是鰻魚、牛肉、鹽燒鯖魚等熟食，照顧到那些不敢吃生食的人。炙燒四色丼 $138三文魚，鰻魚，鰹魚，油甘魚角切魚生丼 $138三文魚，吞拿魚，油甘魚，日式碎蛋，青瓜，蟹籽不管是新鮮的生魚片，還是炙燒過後冷熱與生熟交錯的美味，搭配上酸度與硬度適中的美味醋飯，真的令人垂涎三尺。帆立貝刺身 $32大大片的帆立貝相當誘人，新鮮味美。

係上環閒逛無意中係橫街小巷發現呢間不起眼的居酒屋，星期六既下午人流唔算多，店面亦細細，通常呢啲小店既出品都會唔錯。居酒屋裝潢同一般日式舖頭無異，最吸引眼球係牆上面既藍黑色畫，好特別。從店員口中得知串燒係佢地最拿手既，所以叫左少少試下。🔹免治雞肉棒🔹燒得焦香，咬落啖啖雞軟骨既爽脆，入面仲加左紫蘇葉碎，蘸上蛋汁，食落味道好豐富。🔹豬頸肉串燒🔹係燶邊豬頸肉呀！！燒完仲勁juicy,一咬就爆汁，佢既sauce 加左wasabi,所以完全唔會膩。🔹汁燒牛肉蔥卷🔹好有驚喜，用左來自日本九條既蔥，比平時既蔥會少左辛辣味，會甜好多又多汁，用汁煮到非常入味既牛肉面包住，啖啖肉香同蔥香，十分推介。🔹牛油果炸蝦卷🔹份量十足，蝦炸到金黃酥脆，配上青口條同牛油果，口感好豐富。🔹唐揚雞🔹賣相係平平無奇，但原來外脆內軟，鮮嫩多汁，大推！🔹松葉蟹膏蟹肉炒飯🔹金黃既米飯炒到粒粒分明，雖然蟹肉蟹膏已經炒到睇唔多，但你食落口就食得出啖啖都有蟹既鮮味，估唔到師傅炒飯手勢都唔錯。總括黎講，食品質素高，店員服務唔錯，雖然位置比較偏，但值得黎。

Hidden gem in Central, minced chicken stick was yummy 呢間喺街市街口嘅居酒屋開了數月，signature之一應該係幅粉藍色牆畫好靚。食物有用心去製作，店主和店員也很友善秋刀魚刺身 > 秋刀魚好比心機砌成花型擺碟出嚟幾靚；魚幾新鮮味唔腥點醋汁食唔錯，建議火炙下魚身會更香蟹膏軍艦 > 迷你size，有甘甜蟹膏蟹肉味道幾好炙燒左口魚邊壽司> 左口魚油脂豐，炙過脂香更濃自家製免治雞肉捧 > 呢個好好食，外皮燒得唔錯帶啲香脆口感，裡面雞肉唔會嚡口保留到肉汁調味好好、咬落口感豐富沾蛋汁更加香甜豬頸肉> 呢款串燒還好、豬肉香口酥化，唯獨過咗少少火邊位燶咗啲啲白桃烏龍 > 餐廳自家製，味道清香帶淡淡桃味唔太甜

🍽星橋居酒屋 (中環)📍中環嘉咸街35-39號嘉豪大廈地舖午市定食🌟前菜（湯，沙律，前菜）1.麵豉湯🌿盛載麵豉湯嘅杯好精緻，麵豉湯既味道好濃郁，廚師仲落咗好多昆布，好鍾意食昆布既我，覺得十分滿足。2.是日沙律🥗沙律菜好新鮮，裏面有新鮮沙律菜，粟米同車厘茄，加咗佢哋特製調製嘅沙律醋汁，酸酸甜甜好開胃。3.芝麻牛蒡🌱牛蒡本來味道唔重，淡淡的牛蒡味，加埋少少胡蘿蔔絲，好清甜。呢一道菜加埋芝麻嘅香味，配搭得好好。🌟主菜1. 炙燒四色丼(三文魚，鰻魚，鰹魚，油甘魚）🐠佢哋嘅內容好豐富，三文魚好新鮮好稔，夾雜着香蔥嘅味道，好吸引。鰻魚上面加咗少少照燒汁，再加上紫菜嘅香味，食落去口感豐富。佢哋嘅鰹魚炙燒完之後，有一種特別出眾既煙燻味道，鍾意食煙燻味道嘅朋友一定要食。油甘魚炙燒完，油脂好出，食完個口有好香嘅魚油鮮味，一啲都唔腥，加埋洋蔥，口感更上一層樓。2. 角切魚生丼（三文魚，吞拿魚，油甘魚，日式碎蛋，青瓜，蟹籽）🐟師傅用咗佢哋嘅特色醬料醃製魚生，味道鹹鹹地，個人覺得唔需要再加豉油，味道調得啱啱好。飯上面加咗紫菜同五味粉，將所有材料撈埋一齊食，簡直好似去咗海洋世界一樣，食得出廚師嘅心機，同對食材嘅執

天婦羅盛合🥢推介一下佢地嘅天婦羅炸得好出色，炸粉好薄好脆食材夠新鮮，有蝦、秋葵、冬菇、紅椒、洋蔥等，樣樣都好好味，點個個汁仲係熱嘅，整體好正👍🏻牛油果炸蝦卷🥢卷物我最鐘意，牛油果加埋蝦，唔油膩之餘好好食。唐揚雞🥢雞件炸完仲好多肉汁，點埋沙律醬好好味😋自家製免治雞肉棒🥢雞棒裏面有紫蘇葉，比起一般更香更好食，點埋日本蛋黃（超棒）三文魚牛油果沙律🥗好多三文魚🤩海藻同沙律菜，好新鮮開胃。

今日lunch好想食日本料理😜，有朋友推薦呢間日式餐廳就即刻去試下啦🥳炙燒四色丼 $138日式料理當然唔少得丼飯😌，有油甘魚、三文魚、鰻魚、左口魚😍，魚生好夠大片，而且燒完味道更加香🔥，我就最鍾意左口魚，超級肥美食落好惹味😋溫泉蛋特盛汁煮牛肉丼 $108牛肉丼飯牛肉份量好多🤪，而且溫泉蛋撈飯食真係好正🤩，蛋漿撈埋醬汁更加惹味❤️，另外呢度所有午市套餐都會跟一個面豉湯同沙律，夠曬方法😆

今天經過嘉咸街的菜檔，見好吸引，就一路行上去，行到嘉豪大廈地下開咗一間新嘅日本居酒屋，叫星橋居酒屋便入去試下。聽店員講原來開咗四個幾月。居酒屋嘅設計好日本式又簡約。今次主要係食串燒，叫咗雞翼，都幾大隻，味道好，唔會太鹹。又有雞軟骨同埋牛舌，燒得又香又入味。我最喜歡活白鱔，沒有腥味，鹹鹹地又乾身，食落去肉質脆脆地，十分之欣賞。汁燒牛肉蔥卷，係用日本嘅九條蔥做嘅，牛肉軟綿綿燒汁濃郁好味。又叫咗一個榎茸醬豆腐沙律，豆腐上面嘅金菇醬油汁係自家製嘅，配豆腐真係好夾味。旁邊嘅沙律菜、蕃茄、藻類新鮮好味，加上自家製嘅醬汁，酸酸地，開胃又有益。我哋叫咗燒鱈魚乾，自家製嘅沙律醬酸酸地，個小食都幾特別。仲有好甜嘅甜番薯，今晚真係飽足。店員好好送咗甜品，綠茶泡芙同埋朱古力泡芙，我食完個甜品就覺得好完美。下次經過有機會會再去試吓佢嘅壽司同埋魚生。

中環這間新開的日本居酒屋，主打日式串燒及新鮮刺身，加上店舖滿是日式感的裝修擺設，令人猶如置身於日本！首先介紹的是梅子蕃茄，酸酸微微的梅子和蕃茄味道特別開胃，讓人胃口大開！而這款是雞皮餃子，雞皮外皮炸至金黃色，內裏又有很飽滿的餡料，每一口都讓人特別滿足！之後的就是人人都愛吃的唐揚雞，以炸的方式去烹調，唐揚炸雞鬆脆可口。最後就是雞翼串燒，雞翼均勻地燒到兩邊都是金黃色的顏色，賣相十分之吸引，而味道方面口感肉質嫩嫩的，而雞翼內裏亦有滿滿的肉汁，可見廚師掌握時間上處理得十分之好。