星橋居酒屋

營業中

休息中

今日同同事收咗工之後就打算去居酒屋度食晚飯同埋傾吓計😊咁我哋一行四個人，侍應好細心安排咗一張比較大嘅枱俾我哋坐，枱亦都非常之乾淨，擺設都好正整齊！我哋都坐得好舒服😌我哋坐低咗之後，就即刻叫嘢食啦！我哋食咗個炸魚鮫！魚鮫非常大件啖啖肉！雖然佢係炸過嘅，但係完全唔會老身，咬落去仲有好多肉汁！魚肉點埋落去個酸酸甜甜個汁個度，令到魚嘅鮮味更加出晒嚟，非常之好食😋之後我哋亦都食咗幾串串燒，有雞腎，雞皮，雞頸肉等等！全部都燒得好香，雞腎爽，雞皮脆，雞頸肉滑，我哋好快食晒！最後不得不提嘅仲有個三文魚牛油果沙律🥗三文魚同啲creamy牛油果撈埋一齊，真係將成碟沙律既精髓發揮到極致！每啖都充滿三文魚嘅油脂香同埋新鮮嘅牛油果香，同埋啲新鮮嘅沙律菜一齊食，真係令人齒頰留香！

今日我同老公喺中環拍拖，順便喺中環嘅星橋居酒屋度食野！食完發覺呢間居酒屋嘅食物非常之高水準，下次一定會再去食！我同老公都好鍾意食串燒😋所以我哋就嗌咗個雞頸肉！雞頸肉半肥瘦適中，唔會太肥，燒完咬落去完全唔油膩，亦都好彈牙，雞肉咬落去非常之滑同多汁！牛舌燒得乾身但唔完全唔會鞋颯颯，咬落去亦都好酥香，每啖都有陣陣牛香味！加埋啲檸檬汁食更加好食😋食完燒物我哋就叫咗個三文魚牛油果沙律🥗呢個沙律嘅份量都非常之多，夠晒我同老公一齊食，味道一流！三文魚非常之creamy，牛油果亦都好creamy，所以兩個夾埋一齊食口感非常之柔滑，而啲菜亦都非常爽脆！最後我哋仲食咗個唐揚雞！雞好大件，炸得好香脆，一咬落去啲肉汁就咇晒出嚟，而雞肉非常嫩滑，點埋個沙律醬一齊食！簡直係食到我哋流晒口水！🥳

今日我哋同媽媽慶祝生日🎂媽媽好鍾意食日本菜，於是我哋就帶咗佢去中環嘅星橋居酒屋度同佢慶祝生日啦！我哋先食沙律🥗開胃下！我哋叫咗個三文魚牛油果沙律！嘩好好食😋三文魚好肥美，入口充滿魚油香，配合埋啲creamy牛油果一齊食，完全係入口即溶啊！我哋食完一啖又一啖！當然啲菜亦都好好食同好新鮮😋之後我哋食咗個鮟鱇魚肝，入口一啲都唔腥仲好順滑，好似食緊鵝肝咁呀！非常之好食😋燒物亦都非常之好食😋我哋叫咗個雞皮餃子！充滿油香嘅雞皮包住啖啖既雞肉，令人食指大動，咬落去之餘非常多汁，好好味😋炸魚鮫亦炸得外脆內軟，每啖魚肉充滿濃郁既脂香！最後嚟到個重頭戲—極上刺身8點盛，材料非常之豐富有帆立貝，牡丹蝦，赤身，三文魚，吞拿魚腩，油甘魚腩，三文魚子，鮑魚！每件刺身都係好肥美，大大隻同大大片，全部食落去非常鮮甜！媽媽都好滿意，仲話要下次再encore喎！

晏就行過路過見到中環嘅星橋居酒屋，望落去啲食物好似都幾好食，加上嗰陣時又唔知食咩好，於是我就入咗去午餐啦！坐低咗之後我就叫咗個精選海鮮丼嘅午市定食！咁呢個海鮮丼嘅賣相都非常精緻，份量亦都非常之多，材料都好豐富！有唔同嘅刺身，好似有牡丹蝦，八爪魚，吞拿魚蓉等等！每樣食材都非常之新鮮！最讚嘅莫過於就係吞拿魚蓉！吞拿魚蓉唔會起筋同起渣，仲好軟綿綿，入口散發出陣陣脂香，送飯一流！而飲品都好有特色！我飲咗杯凍即磨咖啡！好得意！佢黎既時候有三杯嘢，分別係咖啡，奶同埋糖漿，客人可按個人喜好自行混合！咖啡嘅味道濃郁，充滿奶香，甜而不苦，非常好飲😍

今日我同朋友去咗中環嘅星橋居酒屋度食大餐！之前我哋都去過食㗎啦都係覺得好好食😋所以我哋今日呢就再嚟encore啦！我哋上次食完個極上刺身8點盛非常念念不忘，於是我哋今日再嗌啦！材料同樣都係有帆立貝，牡丹蝦，赤身，三文魚子，吞拿魚腩，油甘魚腩，三文魚子同埋鮑魚！當然每樣刺身都非常好食啦，每樣都好鮮甜，好似即場劏製錦，非常新鮮！我哋再食咗個三文魚牛油果沙律！沙律菜非常爽甜！三文魚同牛油果撈埋一齊食，簡直係人間美食！每啖都非常之creamy！鮟鱇魚肝亦都非常之厚身，咬落去同樣creamy好滑，充滿油脂魚肝完全係口入面溶化，令人完全無法抵擋！🥳我哋當然仲未夠喉啦！我哋再叫咗個唐揚雞，雞炸得非常之好食😋啖啖脆香亦啖啖Juicy，每件雞肉都好嫩滑，點埋個沙律醬一齊食更加棒同開胃！

鍾意食日式串燒嘅你，一定唔可以錯過呢間喺中環嘉咸街嘅星橋居酒屋🏮一入到店，店員已經立即安排我哋入座，仲會同我哋推介是日新鮮嘅食材，服務態度良好，已經對呢間居酒屋嘅感覺非常好☺️我同朋友都鍾意食雞，所以叫親嘅都係唔同雞部位嘅串燒🐔🐔｛雞腎｝唔會有雞嘅羶味，燒得非常乾身，但仍然有咬口👄｛雞皮｝一份有兩串，朋友對佢讚不絕口，話係近期食過最香脆嘅燒雞皮🙈｛雞頸肉｝店員推介我哋試吓雞頸肉，因為部位比較罕見，所以唔係度都有得食🙊試過真係返唔到轉頭，雞頸肉有嚼勁，雞油好香👍🏻｛雞軟骨｝脆口，靚嘅雞軟骨淨係用鹽調味就已經好好食🥰｛自家製免治雞肉棒｝又係另一個店員推介嘅串燒，特製嘅燒汁好惹味，雞肉棒入口柔軟，香氣十足！呢個唔係串燒，但係都值得推介俾大家😆｛鮟鱇魚肝｝入口和味，仲有啲醋海藻墊底，平衡返鮟鱇魚肝嘅魚脂感～

男朋友突然嚟接我放工，仲話要俾個驚喜我，帶我去一間環境同味道都一流嘅居酒屋食飯，好期待呀🥰⭐️自家製免治雞肉棒 $58每次去親居酒屋都一定會叫免治雞肉棒，呢一度嘅雞肉棒特別多汁，有少少軟骨喺入邊，食落口感好正⭐️活白鱔$68魚肉連埋魚皮一齊燒，零舍香同脆，滿分之作⭐️雞頸肉$35豬頸肉就食得多，雞頸肉真係少食啲，原來係咁juicy同肥美，真係相逢恨晚🤤⭐️雞翼 $45我真係好鍾意食呢度嘅燒雞翼，燒得焦香，連埋雞皮食係人間極品啊🥹⭐️燒油甘魚鮫男朋友話呢個魚鮫佐酒一流，嫩滑嘅魚肉黏附着燒得甘香嘅魚骨，完美！平日工作咁辛苦，有時候都真係要食餐好嘅慰勞自己，多謝男朋友今日帶咗我過嚟呢度食飯，好幸福💕

😀想喺香港感受日本味，就係周圍發掘正嘅日本餐廳，今次一行五人揀咗呢間新開嘅居酒屋。一入門口已經感受到很舒適嘅日本氣氛，係嗰種好warm好木質嘅簡約裝修，牆上面仲有一幅打卡特色牆，係餐廳嘅必影位！我哋一嚟就叫咗一支凍清酒，跟住一個刺身拼盤，刺身好新鮮好出色，而中間仲有一隻招財貓冰（又係大家喪影位）最鍾意當然係大拖羅，一口咬落去嘅油香，好似1秒飛咗去日本咁不得不提佢哋嘅串燒真係好好食，花款又多，尤其是免治雞肉串，係大廚親手打，並唔係買返嚟嘅。侍應招呼非常親切，最後大廚仲出嚟問我哋啲嘢好唔好食，整體餐廳好適合情侶打卡、三五知己聚腳嘅好選擇。

難得今日老細請食飯，梗係要揀間豪華啲㗎啦😆我哋嚟咗中環嘅星橋居酒屋，午餐時間都幾多人等位，睇嚟嘢食品質都唔錯喎😝每份午餐定食都會有沙律、前菜同埋飲品，前菜每日都唔同，飲品嘅選擇都唔少，如果想飲特別嘅嘢飲都可以加錢🍵🍚精選海鮮丼🍚海鮮丼嘅賣相非常好，成個飯面都鋪上左唔同嘅海鮮，口感好豐富！醋飯好新鮮，絕對唔會過酸或者過甜，配合埋魚生食滿足💓🍣特上十貫壽司🍣每件壽司都唔同，當中不乏貴價嘅食材，例如：海膽、三文魚子、帆立貝、油甘魚腩等等💕師傅握飯嘅力度適宜，每舊壽司飯都好結實，功價一流👨🏼‍🍳多謝老闆今日請咗我食一個咁完美嘅午餐，會推介比其他同事🤓

喺中環做完Facial，見時間尚早未夠鐘食晚餐，決定同朋友入去呢間星橋居酒屋坐吓，食啲串燒休息吓居酒屋嘅環境休閒，用咗好多木嘅顏色去營造日系嘅感覺，令人好放鬆。我哋分別叫咗雞腎、雞頸肉、雞皮、燒日本河豚乾同燒油甘魚鮫～🐓雞腎有咬口得嚟唔會過靭，好爽口好好食。雞頸肉非常有彈性，口感比雞髀肉更加滑，店員推介得冇錯。燒雞皮嘅脂肪已經比大火溶化，剩低嘅都係脆卜卜嘅皮，食落一啲都唔肥膩。🐡燒日本河豚乾同油甘魚鮫都同樣令人回味👍🏻河豚乾烘得乾身，兩面都金黃色，食到唔停口～油甘魚鮫搽咗薄薄嘅鹽、味琳同清酒醃制，用嚟燒好合適，如果送酒會好夾！Menu上仲有唔同類型嘅串燒，今次食唔到咁多，下次一定會叫多啲朋友嚟食物先得

久唔久就會想食串燒，貪佢一串細細串，唔會太heavy，咁就可以試到唔同嘅款式～落order等咗一陣之後，串燒就陸續上枱啦，每串串燒都熱辣辣，果然係即叫即燒自家製免治雞肉棒 $58 ，免治雞肉棒喺餐廳自己製作，非常有心思！生雞蛋蛋香味濃，兩者一齊食絕對冇得輸。活白鱔$68 ，白鱔肉厚肥美，無魚腥味，非常有驚喜。雞頸肉$35 ，雞頸肉柔軟多汁，肥瘦比例完美，而且呢個部位亦都比較少見，所以一定要食。雞翼 $45 ，燒雞翼皮脆有肉汁，灑上少少嘅鹽已經好有風味。雞皮$38 — 雖然燒雞皮好邪惡，但真係忍唔住食咗兩串，實在太好味，肥都肥得抵😆燒油甘魚鮫 ，油甘魚肉肉質結實，魚鮫都有唔少嘅魚肉，配合日本清酒一齊食好夾🍶燒物以外，佢哋嘅鮟鱇魚肝同樣出色，口感滑嫩細滑、入口即化，怪唔得之有海中鵝肝之稱🤤🤤

之前已經食過佢哋嘅午市定食，質素高而且價錢合理，所以今次想試吓佢嘅刺身同埋炸物。店員誠意推介我哋試吓呢一個極上刺身拼盤，刺身每日由日本直送香港，絕對新鮮有保證。🤍極上刺身8點盛 $538有齊哂帆立貝、牡丹蝦、赤身、三文魚、吞拿魚腩、油甘魚腩、三文魚子同鮑魚，鮑魚上枱時仲會郁，真係新鮮到震！牡丹蝦都係回本之作，味道甘甜，喺一個質素上乘嘅刺身拼盤👍🏻👍🏻👍🏻兩個炸嘅小食都好吸引，刺身炸蝦頭好似食緊薯片咁，脆口到不得了！唐揚雞嘅雞肉唔柴，炸皮好薄好香口，好快就掃清晒😆總括嚟講，呢間居酒屋除咗刺身高質之外，其他嘅小食都同樣優質，very nice😍

Happy Friday約咗朋友去蘭桂坊飲嘢，想食少少嘢醫左肚先，咁啱見到呢間居酒屋嘅食物都幾吸引，咁就不如去試吓啦🤩去居酒屋一定要叫燒日本河豚乾，河豚乾油脂清香，拈沙律醬食非常惹味🐡口痕想食炸嘢，叫咗碟天婦羅盛合，包括有海蝦、冬菇、茄子、洋蔥圈，侍應話天婦羅材料會因應季節同埋食材新鮮度而唔同🍤天婦羅嘅炸衣香脆，就算擺咗一陣先食都唔會油冧冧，抵讚！另外嗌多咗幾串串燒，自家製免治雞肉棒用咗燒汁去燒，點生雞蛋食特別滑溜。活白鱔燒得金黃色，魚肉彈牙，簡單用七味粉調味已經帶到魚嘅鮮味。雞翼十分高質，雞皮燒到脆卜卜，encore咗兩串😍朋友話今次食得唔夠喉，約定要再嚟食其他串燒同埋料理😋😋

好掛住日本呀，所以成日都會去唔同嘅居酒屋，懷念日本嘅味道🥹今次俾我發掘到一間新嘅居酒屋，約埋朋友一齊食啲小菜，飲返兩杯先🍶🎌鮟鱇魚肝唔係間間居酒屋都有，但如果有我一定會嗌🤩佢哋嘅魚肝甘膄，口感細膩，人間極品！叫咗個佐酒小食，燒日本河豚乾用味林醃製，甜甜地令人一條接一條食，送酒一流🍻試埋佢哋刺身嘅質素係點先，呢個極上刺身8點盛嘅款式都幾多，廚師刀工了得，每件刺身都值得厚薄適中，特別推介帆立貝、三文魚同三文魚子，超級鮮甜，果然係日本直送嘅刺身🦑🦐🦞🐟雖然冇得去旅行，但呢間居酒屋確實可以令我解到去日本嘅癮，大推大推！

中環返工嘅朋友又有新餐廳可以食啦🥳依間星橋居酒屋應該啱啱開業冇耐，見佢環境都幾舒服，同事又話想食日本嘢，所以就即管試吓啦🤩🏮精選海鮮丼 $180精選海鮮丼嘅刺身每日都唔同，今日有吞拿魚蓉、蝦、八爪魚、魷魚等等，刺身嘅色澤光鮮，好新鮮！珍珠米粒粒都好飽悶，醋同飯嘅比例亦控制得恰到好處🍚🏮鰻重定食$188有2條手掌咁長嘅鰻魚，非常足料！鰻魚肉有彈性，又不失魚肉嘅柔軟感。鰻魚汁香甜稠身，用嚟配飯味道一流！午餐定食已包括咗湯、沙律同前菜，仲可以加錢叫飲品，我哋叫咗凍即磨咖啡同沖繩香檸梳打，即磨咖啡非常香濃，而香檸梳打有陣陣嘅檸檬清香，飲完好消暑❄️