星味工房 海南雞專門店 (已結業)

相約朋友在粉嶺聚餐，朋友推介說這條街比較多餐廳選擇，就去找一找有什麼好吃。餐廳環境裝修簡約，以木為主，去到門口餐廳入面幾乎滿座。職員態度親切殷勤，隨即安排我哋坐四人枱位置。電視迷嘅我可以一邊食飯，一邊睇電視，正呀！首先叫幾款精美小食，包括日式雞絲粉皮、黑醋小雲耳同埋辣味口水雞等。當中嘅黑醋小雲耳一小塊一小塊，而且味道酸酸味味，好開胃。另外招牌星洲雞飯不得不叫，雞肉嘅份量都比較多，大多數都係我最鍾意嘅雞背位置，食落去口感好滑溜。還有馬拉盞炒菜，通菜有好濃郁嘅馬拉盞味道，對於唔食得辣嘅朋友，都可以接受到。朋友最後叫了一杯凍奶茶，而我當然要飲套餐中嘅老火餐湯滋潤一番。最後兩個人消費只係$200有找，相對地在粉嶺區，屬於性價比高嘅餐廳。

對粉嶺呢個地方真係越黎越有好感，繼之前黎完食左間正野之後，今次又俾我發掘到另一間令我食完之後覺得一定要寫食評介紹既鋪頭。話說又咁岩黎開粉嶺，又咁岩喺fb見到呢間店既介紹，又話咩街坊激讚，又話大廚曾經喺新加坡攞過大獎，既然係咁，就試下睇下係咪真係咁正。下午兩點半去到，店外面好多人等緊位，呢個現象對於喺粉嶺開既食肆真係比較少見。等左一陣，終於入得。我和朋友分别叫左招牌喇沙、雞絲粉皮。雞絲粉皮啲雞唔係普通嘅白切雞而係烤雞，粉皮好彈牙，連啲青瓜都好有青瓜味。喇沙對我地嚟講就辣左啲，但整體味道都唔錯.份量好多,魚蛋魚片都好好食,食完真係好飽

今日我們又喺粉嶺附近睇完戲之後，行過聯和道見到有間主打係食星洲食物嘅餐廳，所以我們就決定入去食晚飯！一坐低之後我們諗緊想叫咩食嗰陣，睇到坐喺隔離嘅其他人客大部分都係叫娘惹咖哩牛腩飯同招牌星洲鷄飯「無骨」，所以我們就叫咗嚟食，招牌星洲鷄飯「無骨」嘅肉質極之嫩滑，最好仲要係無骨嘅，食落啖啖肉，真係好正呀！火腿鷄絲湯狗仔粉嘅材料相當足料，差唔多舖滿晒表面，要撥開先可以睇到啲狗仔粉，狗仔粉質感好煙韌彈牙，而鷄絲就唔係平日喺其他餐廳食開嗰種雪藏嘅鷄肉絲，而係用新鮮鷄肉撕成鷄絲，呢樣係最令我們覺得驚喜㗎！跟餐附送嘅老火例湯煲得火候十足，味道非常鮮甜濃郁！薰蒂幾新鮮幾好味,感覺唔錯

粉嶺有一小店，裝修簡樸，價錢實惠，大廚在新加坡五星級酒店工作多年，獲得最佳美食大獎後回港開設店舖，主打星加波食品，馳名星洲雞飯，當然我不會錯過，另多點娘惹咖哩鷄配椰漿飯。小食日式雞絲粉皮先到，份量比一般足，味道恰到好處。剛好吃完前菜，雞飯便到，以慢煮方式烹調的雞肉已全起骨，肉質嫩滑，配上黑醋小雲耳，醒胃味美。而油飯是大廚改良版本，先爆香過的乾葱、黑蒜、斑蘭葉、洋葱，煮好後再焗兩小時，令飯粒更入味，香而不油膩。娘惹咖哩鷄味道香濃惹味，不辣帶少許甜，驚喜是椰漿飯椰香味濃郁，白色的米飯原來是看不到的美味。好奇點了麥皮香蕉，向店員詢問下知道是創新甜品，熟透的香蕉沾上輕炒過的麥皮，再加少許七味粉，味道頗得意，不算特別討好，反而我會推介紅豆冰，紅豆粒粒夠腍，甜度剛好。今天肚子沒位了，下次再試喇沙吧。 #hkfoodblogger#hkfoodies#食評分享#餐廳食評#粉嶺美食#星加坡菜#星味工房#獨自開餐#二人世界#三五知己

貓貓對星馬野不嬲有興趣。係朋友屋企玩左一日就同朋友去食個晚飯。雖然同朋友已經玩飽，但肚仲未飽。餐廳細細地又整整齊齊，好彩位置夠闊，貓貓坐得舒服。飢渴既貓貓order個海南雞飯。成set靚靚既海南雞飯。有個熱湯可以飲。食左一舊雞。貓貓濕左個嘴。首先雞皮爽口，凍又彈牙。第二雞肉係貓貓食過最滑又無血水既海南雞。海南雞整得真係超完美。雞肉點黑醬油，黑醬油既甜味同雞肉既甜真係好夾。仲有酸辣醬。同新加坡食既醬一樣，一食就覺得開胃。油飯聞落香，食啖覺得油飯好夠味。油飯有少少似炒過既感覺，因為飯乾身但好香又有口感。呢個飯貓貓覺得好食過係新加坡食。真係食到好開心。想食多啲雞，貓貓再order日式雞絲粉皮。雞絲似海南雞咁滑，粉皮又彈牙。芝麻醬多，撈埋一齊食，青瓜令雞絲粉皮既口感更豐富。食完好fresh。貓貓個肚已經好飽，但心理都係覺得唔夠，因為雞肉整得太好食。如果可以食多幾碟，貓貓會滿足死！

見唔少粉嶺人推薦食呢間餐廳。入門口見比較有家庭式餐廳感覺，以想唔到係由得獎五星級廚師主理！但見menu價錢都非常之親民！同朋友都好鐘意食雞 ～～叫左個全雞宴咁濟 ～～主餐我地分別叫左個海南雞飯同海鮮米粉喇沙～再嗌多左兩個餸，其中一味係麻辣口水雞 ，另一味係芝麻醬青瓜絲拌涼皮。講講個海南雞飯 ，個飯係殻麥飯都好健康，跟左個例湯 係南瓜湯。好青甜 雖然係例湯 但一啲都唔馬虎～～海南雞做得好出色 ～～唔太好食海南雞既我都覺得好食～～好細滑 做到唔停口！海洋喇嘛都好豐富！有兩假蝦同青口 仲有蛋 菜同豆乾，海鮮都新鮮 ，豆乾索左啲喇沙汁 一流！湯底有少少辣仲有好香梛奶味。另外麻辣口水雞 ，辣得適中 又有麻感，認真不錯！芝麻醬撈涼皮感覺好清新，青瓜絲分量又岩岩好 ，雞肉多汁味美。有機會再入聯和墟要再食多次～～食過番尋味！

話說小妹細細個住喺新加坡，都算食過唔少當地既地道美食，知道聯和墟呢頭有間出名既新加坡餐廳，當然要試一試。當日去到大約係六點鐘，時間尚早加上平日，店內只有廖廖兩台客，所以即刻入得，好好彩無食評講咁多人唔洗點等。老闆好熱情咁招呼我入去，同推薦餐牌上既招牌套餐－－新加坡口味海南雞飯。水牌仲有其他新加坡既經典菜，例如喇沙、沙嗲、娘惹咖哩等，亦有唔少香港口味既茶餐廳碟頭飯，配合返大眾口味。落單後幾分鐘即刻有得食，套餐以托盤擺好上枱，望落已經覺得好豐富中湯係青紅蘿蔔湯，消食助消化，岩哂夏天飲味道好清甜，無加味精，好足料，剩係蘿蔔都有四五舊。海南雞無骨易食，雞肉鮮美嫩滑，有鮮雞味，生熟恰到好處，雞皮一啲都唔肥，即使平時唔食雞皮既我都忍唔住食哂旁邊有三種自調醬料可以蘸，包括醬油、蔥油同泰式酸辣汁，酸辣汁係類似泰式鳳爪果隻，酸酸辣辣咁好開胃，但個人偏好醬油，甜鹹平衡得恰到好處，剩係個汁都夠送哂成碗飯。油飯亦係畫龍點睛之作，加入左黑蒜同雞湯煮成，香口惹味，飯粒煮得岩岩好，微硬略帶咬口，呢個海南雞飯的確有水準食飽當然要嗌返個甜品滿足下第二個胃，我揀左呢款未見過既麥皮香蕉口味出眾，香蕉香甜軟熟，表面淋上麥皮同

今日番大陸做野，竟然番得黎香港食晚餐，於是約左係粉嶺做野既舊戰友食飯。佢呢個地頭蟲帶我黎呢度食，話個二人餐好豐富抵食，充滿星洲味道。餐廳裝修簡單光線充足，感覺乾淨舒適。套餐價錢街坊我地揀既二人餐，有菜有肉有飯有水果，吾係多肉少菜，出街食都可以好健康。哥b冰，戰友話飲完醒神哂，一陣可以番去OT是日例湯係粟米蘿蔔湯，湯吾油，飲完一d都吾口渴，仲有好多餸可以食，粟米清甜，正。雞絲粉皮份量多，仲配埋好健康又爽脆既木耳。呢碟冷盤小吃，食完人都爽d。星洲雞，一d都吾老同鞋，3款醬汁仲將雞既鮮味提升吾少。炒飯啖啖餸，而且飯粒分明，吾會好似媽咪係屋企炒既一舊舊 。咖哩汁濃厚，大食既人應該可以餸兩碗飯。飯後果/甜品係麥皮香蕉。上面既七味粉將平平無奇既香港同麥皮既味道變得複雜，口感都好特別，食甜品/水果都可以好健康又有創意。

成日黎聯和墟呢頭都無認真食下d特色菜，今次就黎試下星馬菜啦！入到店，侍應好親切，會行埋黎介紹下餐牌。先試海鮮喇沙米線，喇沙味好重，帶有少許椰味，好香濃。而配料方面有豆卜、魚片、蝦、青口、蛋、菜心，相當豐富。特別想講個魚片，好索湯味，而且味道鮮甜。而蝦有兩大隻、青口一大件，估唔到呢個價錢食到咁豐富既海鮮，而且仲要咁鮮甜既，好值得推介。麥皮香蕉，好有特色，亦都係令我最驚喜既一道菜，香蕉熟到軟身香口，配合埋麥皮同埋七味粉，食落口感、味道都好豐富。咸檸七，香港已經好少餐廳有得飲，夠酸夠咸，係一杯好夠地道既咸檸七。

今日難得🐍🐁出黎粉嶺聽講座，聽完當然要食餐好，補番下緊餘d腦力。食家同事們話黎到粉嶺梗係要食d小店，要係第二度食吾到既。行經公園見呢間小店個名門面光鮮企理，於是決定入去一試。粟米蘿蔔湯，飲完吾會口渴，無師父，有家既感覺。星洲雞無多餘脂肪，吾油，肉嫩，食多幾舊都無罪惡感。燻蹄吾會過咸，無遮蓋肉既味道，厚度岩岩好，有口咬，小食必選。娘惹咖哩(牛腩)牛腩同薯仔不但炆到淋軟，仲好入味，吾會得個表皮先有咖哩味，餸飯咁哂。蒽油炒菜心用蒽油炒過，味道特別香。紅豆冰只係十幾蚊杯，跟餐叫仲有得平幾蚊。雖然平，但佢大大杯，而且紅豆份量多，有成半杯，紅豆煮到有d起沙，微甜，鐘意紅豆既朋友必叫。野飲價錢貼地。今次淨係食左星雞，下次會試埋個雞飯。小店地方不大，但野食選擇都幾多。

招牌星味海南雞飯今日順路同朋友喺星味雞飯食lunch，朋友推薦招牌海南雞飯絕對要一試， 另外嗌咗海鮮喇沙同埋另外兩個涼菜。個招牌海南雞飯($65)真係名不虛傳。雞滑唔在講， 配埋個薑蓉食真係不得了😋😋勁有雞味。 最驚喜係個油飯，同平時餐廳食既唔同，食得出有蒜香味， 食哂碗飯勁香但又唔油膩😋😋 平時好怕啲餐廳例湯勁重味精， 估唔到星味雞飯連碗湯都好足料有大大隻雞腳， 仲有陳皮同紅蘿蔔， 完全冇味精味， 好甜勁潤喉成碗飲哂都冇話口渴😋😋海鮮喇沙($55)一上黎已經見到大大隻青口同埋蝦，真係勁足料,😍魚片同豆卜索曬啲喇沙湯汁， 喇沙辣味啱啱好 勁惹味。另外嗌嗰兩個涼菜都值得encore😋😋 黑醋小雲耳($35)爽口， 少少酸咪咪， 好適合夏天熱辣辣時食勁開胃。 日式雞絲粉皮($45) 都幾大碟，雞絲同粉皮滑身又爽口， 配埋胡麻醬食又係好滋味😋 配飯配麵食好快又清哂😋😋星味雞飯招呼好又有人情味， 海南雞飯真係精選, 推薦度五粒星😍😍👍 啲菜式足料又好食 。唔怪得我朋友話當佢係飯房, 每隔兩三日就要嚟食一食。😂😂

今日放假，約左朋友食個lunch聚一聚， 朋友話呢間星味雞飯唔錯，所以入左粉嶺試下。門外大大幅相寫住五星級酒店廚師主理，應該都係信心保證。現場環境尚算寬敞，能夠容納20人左右，位與位之間空間充足，啱哂今日我地2個人傾計坐低一陣，先上頭盤黑醋小雲耳($35) 雲耳咬口十分爽脆，加上黑醋汁酸酸甜甜，的確係一碟好嘅開胃菜。開了一個好頭，令我更加期待之後嘅美食(星洲雞飯 $65)今日主角終於出場啦！ 賣相同傳統海南雞差不多，但食落先知有驚喜，雞肉嫩滑非常，煮得剛好僅熟，所以肉質十分彈牙，而且沒有雪味，抵贊!!再配一口油飯，的確果然是鎮店之寶，油飯雞油味好濃郁，經店員介紹下，先知廚師用原隻雞肉加上斑蘭，黑蒜等等嘅材料淆制十幾個鐘，咁用心去制作食物嘅廚師，真係佩服!!! 最後飲埋碗湯，呢碗湯材料好足，有粟米，雞腳，紅蘿蔔，十分清甜， 絕無味精。 呢個海南雞飯真心推介， 性價比高。夏天熱辣辣，再叫杯透心涼嘅紅豆冰，紅豆冰椰奶香濃，勁多紅豆，用黎消暑一流!跟飯只係加$12，超抵飲!

尋日放工約舊同事食飯，佢提議黎星味工房食。佢推介我可以唔使諗去哪裡食，正！入到去坐，地方四四方方，環境舒適，望望餐牌，好快已決定到揀乜食了。餐廳裝修以簡潔舒適𤔡主。菠蘿咕嚕肉$45。菠蘿咕嚕肉外帶少少脆，配合酸酸甜甜的芡汁，真是十分惹味。星洲雞飯$65。嘩，見到金金黃黃的雞皮好正呀，雞肉夠嫩滑多汁，雞皮不是很肥，平時為了食得健康點都不會食太肥的，但今次的雞皮真是很好不覺得肥，所以可以連皮食。日式雞絲粉皮$35。無論去邊間餐廳食野，我一見到雞絲粉皮都會點，青瓜、雞絲同粉皮配合埋麻醬呢個組合食過好多次從未試過失望，今次呢間都唔例外。2個餐都跟送例湯，非常清甜。整體來說，食物價錢適中，味道不錯，值得再來。

今日與先生到粉嶺探朋友，見到星味星洲雞飯，非常吸引，好似都不錯，於是決定試嚇。餐廳不是很大，但裝修整潔舒適。星洲雞飯$65。聽說這裹招牌菜就是星洲雞飯，當然要試一試。一試果然不錯，肉質鮮嫩，連怕食雞胸肉的我也不覺得榎。雞肉沒有多餘肥膏，雞皮又爽，連皮食也不覺肥膩。而油飯同街外的有點不同，加了一些類似蒜的東西，味道比街外的更有味道。而且個餐仲附送埋例湯，個湯好足料，又冇味精。老闆見我地2個人，仲私人醒多碗比我地飲呢！菠蘿咕嚕肉$45。肉質鬆軟，舊肉炸到岩岩好，配合酸酸甜甜的汁，拎黎送飯簡直一流，喜歡吃酸的值得一試。送例湯，例湯夠足料，非常清甜，而且還有大大件的青紅蘿蔔。佛山燻蹄$45。燻蹄切得厚簿適中，塊肉晶瑩剔透，加上夠晒凍，再配埋附上既秘製醬汁簡直係絕配。咸寧七跟餐加$5。咸檸夠晒味，配合埋7喜，在炎炎夏日飲簡直是一種享受。

今日Happy Friday💕，下班後當然要搵地方鬆一鬆，總共3人🙋🏿‍♀🙋🏿‍♀🙋🏿‍♀去到一間小店 - 星味工坊，從門口望入，小店乾淨舒適，坐低後馬上看餐牌，經店員推介後，叫左一個二人套餐再加2款小食，各人一杯餐飲。餐牌清楚鮮明，價錢合理，係香港真係好難食到一餐飯係合理價錢了😪雖然小店地方唔大，但坐落舒適，足夠空間談天說地👌🏿👌🏿，即使整餐飯食左一粒鐘，呢到既店員都唔會似連鎖式個啲不停係你身邊行行企企，用眼神趕走你，十分抵讚！雞絲粉皮，最好的開胃菜👍👍，雞絲麻醬青瓜份量配搭剛剛好，撈埋一齊絕配啊，好味好味！一人一個足料老火靚湯，夠味夠熱👅，拍得住家中媽媽煲個啲☺☺☺好豐富既二人餐☺☺☺☺ 有菜菜有雞雞有飯飯，十分滿足！凍檸蜜，少冰，真係有少冰！😳😳😳😳甜度適中，檸檬足夠，非常解渴，好飲好飲！口水雞，雞嫩滑，辣度適中，惹味😍，真係想食多幾碟👍👍👍👍👍👍麥皮香蕉，呵呵，成餐飯的亮點！食落甜甜咸咸，甜酸苦辣都有齊，彷彿人生一樣💁🏿‍♀！這道菜十分特別，推介推介！已經介紹了給朋友嚐嚐🙈🙈🙈絕不會失望！😘