明閣 (鷹君中心)

平時忙住湊細路, 黎到暑假尾聲,  朋友介紹明閣美人餐做緊限時優惠, 唔洗1千蚊就食到星級師傅手勢, 我地呢班媽媽緊係唔會錯過, 決定約埋靚媽食個美人餐補番下~上完前菜之後, 黎一碗紅燒蟹肉燕窩羹, 用料豐富, 燕窩滋補養顏, 最啱女士食用。之後既魚子醬雪地明蝦球, 魚子醬鋪滿蝦球表面, 蝦球又大又圓, 咬落去好爽好滑。接住係菜類, 麒麟雲腿翠肉瓜, 翠肉瓜好爽好脆, 配有雲南火腿調味, 味道剛好, 唔會覺得太咸。尾聲緊係要食個飯同甜品先覺得滿足。套餐入面有個窩絲滋補竹絲雞炒飯。小窩上,  保住熱辣辣, 竹絲雞可以延緩衰老, 炒飯又炒到粒粒分明, 呢個配搭, 又補又飽~最後甜品除左食左套餐入面既桃膠薑茶湯圓同棗皇糕之外, 我地另外仲叫左楊枝金露。最近日日30幾度, 冰凍開胃的楊枝金露就可以令身體降溫, 加上芒果夏天當造, 加入楊枝金露入面又唔會太漏而且好消暑, 為呢餐媽媽美人餐劃上美味既句號~ 

用左滙豐premier 卡套餐買一送一，諗住呢間餐廳有米芝蓮都唔算差啦，點知原來係咁失望，買一送一埋單每人每人約$1000 但名不符實，首先服務勁差，一入到去個侍應好似睇唔起我地咁，成程無服務可言，擺低菜既人介紹菜式細聲到聽唔到，整跌把遮又唔講聲sorry, 未食哂野就想收碟更重要既係，食品超難食！！！個螺湯好咸，叉燒又唔特別，糖水直情入唔到口，好難飲，全晚只係得個松本茸叫做似樣啲，真係唔明點解有咁多好評

8號風球打唔成，要一早返工，lunch 決定要食餐好味午餐。嚟到灣仔會展站附近，即刻諗起明閣！ 睇下Menu先發現佢哋出咗- 點心嚐味套餐，唔洗用腦諗食咩- 即點！首先，先嚟我最愛既蜜汁叉燒拼麻香海蜇，叉燒超淋，肥瘦適中 🤭！ 之後有是日老火湯 - 瘦肉老黃瓜湯，今日涼涼地，飲完即刻暖左。飲完湯之後，精選signature 點心出場 包括有 帶子滑燒賣，金銀蛋鮮蝦菜苗餃，油雞樅菌素餃，黑松露豚肉芋角，雪山竹炭叉燒包，意大利黑醋鱈魚酥，荷香迷你珍珠雞。不得不讚下 佢哋 design menu 勁細心，個餐有不同類型，各有特色，唔同口感既點心，有香口既芋角同鱈魚酥，又有飲菜必點既燒賣，仲有健康既菜苗餃同素餃 ， 最後仲有炭水化表 - 叉燒包同迷你珍珠雞。所有點心既好味又分量剛剛好！最後最後 - 當然有人人推介嘅甜品： 黑糖桃膠薑汁3.6牛乳奶凍，太正！總括嚟講 係一餐好富豐，可以pamper 下自己嘅lunch 🫶🤣

上次話想嚟試lunch，終於約得成。唔係話好肚餓，三個人叫咗少少嘢食，傾偈為主。原隻鮑魚燒賣鮑魚鮮甜，值回票價陳皮雞湯小籠包(件)淡淡清新陳皮味，皮薄餡靚！可以一次過食幾隻！蟹肉瑤柱上湯餃上湯同餃配合得好好XO醬炒腸粉可能攤凍咗先食，唔算好特別蛋撻仔一碟4件，細細件，當甜品剛好！另外，負責我哋枱嘅Andy招呼十分周到！

話說之前食過明閣精緻中菜後, 經常心思思想再試午市點心, 由於地點方便, 一出會展站就到, 所以擇日不如撞日, 決定再食一次. 果然無令人失望, 不論中菜或點心都驚喜連連先來個老火湯, 生津解渴, 好清甜又暖胃! 正原隻鮑魚燒賣, 聽個名都已覺得浮誇, 一睇個賣相果然如其名, 整隻鮑魚睇落好飽滿, 咬落彈牙, 同燒賣一齊食絕對無違和感, 反而味道仲好夾! 好味!再黎XO醬炒腸粉, 通常係街食都會覺得比較油膩, 但今次腸粉不但炒得夠乾身, 唔油膩, XO醬仲好惹味! 讚!最後食個蛋散作結. 個蛋散整得好酥、脆、入口即化, 超好味! 我本身唔係特別鐘意食蛋散, 因為怕油膩, 但今次真係一試愛上! 回味! 

由於要參觀會展嘅珠寶展，入場前就到隔離嘅明閣飲個茶醫肚打底，因為唔知要行幾耐。侍應介紹明閣招牌炸子雞，所以嗌半隻嚟試吓。的確炸到皮脆肉嫩，伴隨有淮鹽同埋檸檬汁，十分惹味！亦不要小看伴碟嘅炸蓮藕片，食落好似食薯片咁，結果通通俾我哋清晒！炎炎夏日，想飲番個清清地嘅湯，所以嗌咗蟹肉瑤柱燴冬蓉，蟹肉分量十足，成個湯都好消暑清甜。不得不提我最鍾意嘅鹹水角，個皮炸到煙煙韌韌，裏面唔係得個窿㗎！係塞滿晒餡嘅！食飽飽係時候入去會展散步睇展覽。

約咗朋友灣仔明閣飲茶，金鐘返工坐去會展站一個站超快，一出站B3出口行1分鐘就到，地點十分方便。兩個女仔，咩都想試又想飲湯。服務員推介點心嚐味套餐，套餐有一個前菜，一個老火湯，七款點心加一款甜品，位上。感覺衛生，影相打卡又靚。前菜係招牌極品蜜汁叉燒，半肥瘦冇得輸，配埋麻香海蜇絲，水準之作。飲完湯食點心。點心方面有三個蒸點心，三款香口既點心，仲有一個珍珠雞，夠晒飽。同埋點心唔係普通款式，最愛當中一款炸芋角充滿黑松露香氣，香口得尼一啲都唔油膩。另外有一款醋香鱈魚，用蛋撻皮裝住，好好食。最後甜品係桃膠鮮奶奶凍，簡直係我既最愛。大家如果去開會展站，不妨去灣仔明閣一試呢一個點心嚐味套餐，十分推介。

上星期約埋中學同學食 lunch，因為大家都中西區番工，最後揀左灣仔鷹君嘅明閣。其實有左會展站之後，中西區真係多左選擇，而點心中菜不嬲隱陣，但覺得來來去去都係食嗰幾款，冇乜諗住會有咩特別，但今次鷹君明閣係有驚喜嘅 由於本人遲到，門口帶位嘅同事都好細心，望一眼都早知我係邊張枱，要讚 👍🏻 環境好舒服，唔會太逼夾，枱同枱之間係有距離嘅，有啲熱鬧又唔會聽到大家講野，幾好，係我鐘意嘅 atmosphere service 亦到位，侍應對客大概一對二、三枱咁上下，因為我最怕有人企向隨離隨時幫你收碗碟加茶呢種 食物方面叫左幾款大路點心同豉油王炒腸炒，味道可以算係中上上，睇得出有手工同心思，上碟擺盤亦算細緻 而最最最令我驚艷嘅係個 飛天XO 醬，好香，食得出有條條瑤柱絲向入面，唔會太辣，又唔會死咸，係落少少落咩都會好食左嗰種，最衰唔記得左問有冇得買走 同經理傾開先知原來旺角 Cordis 明閣係有米芝蓮星星加持，班底亦大有來頭，鷹君明閣係由粵菜大師曾敬超師傅掌舵，帶住行政總廚陳漢章師傅同其他弟子坐陣，唔怪得坐落望落食落都咁高質，大家食完呢餐，都不約而同話要離試下佢地晚飯，但我地一行六人，有兩個九

今天第一次去明閣食lunch，食物水準很高，果然係米芝蓮之選。 首先，環境舒適寬敞，侍應生服務周到，由安排入座，上菜到埋單都十分有禮。食物方面，每道點心都十分精緻，味道豐富，各有特式。特別喜愛雪山竹炭叉燒包，竹炭口味清新又有滿滿的餡料。還有蜂巢芋角，而家很難搵到呢個傳統既點心，除此之外，咬落好鬆脆，同芋頭好夾。最後我都喜愛既係海龍王紅米賜，第一次食，配搭好新鮮，外軟內脆，好得意。最後，仲有其他未試過既點心都想下次試下，值得再去。

Z話升職請我食好嘢。第一次去會展站，一出就係。既然被請，就由Z發辨。龍皇帶子羹-> 清香、鮮甜金沙脆香廣島蠔-> 蛋黃味濃而不膩芝士焗釀鮮蟹蓋-> 蟹肉鮮美欖菜蓮藕生菜包-> 中式生菜包，預期之內；生菜整到好似個貝殼咁，仲有啲食用花伴碟，讚！乾炒牛河-> 唔記得影相。本來冇諗住叫，但Z話佢請客就乜都試吓。第一次食咁貴嘅牛河，牛肉出色香芒凍杏仁豆腐-> 杏仁味恰到好處，三者融合得幾好，份量多啲仲好食得好滿足，Z果然冇介紹錯！

疫情之下，呢餐飯一改再改，所以特別期待，好在冇令我哋失望！環境：有格調而沒有土豪感；枱與枱之間有足夠空間服務：細心有禮擺盤：整體好有美感，有花心思味道：脆皮燒腩肉，皮脆肉嫩荔茸百花香酥鴨，加埋個香菇汁，鬆脆味美鮮花椒蒸龍躉球，必試！有少少麻香嘅龍躉，口味獨特不失鮮味乾炒牛河，水準以上，一般餐廳冇得比美點雙輝，金箔鮮磨芝麻糕加火龍果桂花糕，呢個就冇乜驚喜回味度：爆燈，好想試埋lunch啲點心、蛋撻仔

疫情期間無得去旅行, 為左對自己好D, 一定要定時食下好野, 平衡下心理! 今晚約左老公加2個朋友一齊去明閣食中菜, 兩位女士叫了東方美人餐, 另外再散叫了好幾道菜, 人均大約$900位, 這個價錢, 加這個水準及用料, 我覺得我絕對有責任向其他人推介明閣 先看看東方美人餐的餐單:<東方美人·養顏套餐 >酒香海蜇醉鮑魚、極品蜜汁叉燒、車厘茄紅燒蟹肉燕窩羹 (位) 魚子醬雪地明蝦球 鮑汁脆皮花膠素千層 紅棗杞子蒸龍躉球 麒麟雲腿翠玉瓜 窩燒滋補竹絲雞炒飯 (位) 桃膠薑茶湯丸、暖胃棗皇糕 每一道菜也很好味, 當中頭盤: 酒香海蜇醉鮑魚、極品蜜汁叉燒、車厘茄; 魚子醬雪地明蝦球 ; 鮑汁脆皮花膠素千層 ; 紅棗杞子蒸龍躉球; 桃膠薑茶湯丸等等都非常出色!  最特別一定係脆皮花膠, 第一次食酥炸花膠, 很香口感很鬆化,  令人一試難忘! 其他菜式水準也十分高,  的確要珍惜能與好友共享美酒佳餚的機會, 好好活在當下!   

一向鐘情於西餐, 所以對中菜沒有多大慾望. 但聽朋友推介灣仔明閣水準出奇地高. 抱著"即管試一試"的心態, 與幾位朋友一起到明閣點了 <東方美人. 養顏套餐> 單看名字已對這餐飯充滿期待! 果然, 不但食物質素高, 環境也很舒適, 服務一流, 果然驚喜連連! 單是一杯house white wine, 已經好好飲! 本來今晚打算滴酒不沾, 但最後還是忍不住, 叫了兩杯. 可惜忘了問是哪個牌子....頭盤是: 話梅柚皮車厘茄、鮑魚海蜇及叉燒.  鮑魚海蜇固然好食, 叉燒肥瘦剛好, 而最令人驚喜的是車厘茄! 柚皮的清甜配合車厘茄的點點酸, 簡直一絕!紅燒蟹肉燕窩羹.  這個蟹肉燕窩羹用料十足, 充滿鮮味, 正!魚子醬雪地明蝦球. 這道菜是今晚其中一個亮點!!! 整碟蒸蛋都很滑很滑, 超好味. 再加上中間有龍蝦口感, 啖啖肉的虎蝦 吃到這裡已值回票價紅棗杞子蒸龍躉球. 紅棗杞子一般都是甜品的材料, 我從未試過配龍躉球. 這又是另一高水準之作! 龍躉很鮮很滑, 加上紅棗杞子淡淡清香, 連粉絲也變得不平凡! 這可能是我一生中吃過最好吃的蒸龍躉!其實這個套餐邋有好幾道菜. 但我愈吃

第一次嚟明閣就試吓佢哋嘅套餐，Around $900 就食到原價$1388嘅嘢，都算物超所值，唔怪得環顧四周，大部份都係嗌呢個東方美人養顏套餐。最記得佢哋嗰個龍躉球係用紅棗杞子去蒸，好嫩滑同埋好入味，底部嘅粉絲索晒啲精華。仲有個雲腿配翠玉瓜，一般嘅雲腿都係又咸又乾爭爭嘅，呢個竟然出奇地嫩滑同埋有啲甜味。個脆皮花膠都好特別，高級嘅食材配上特別嘅煮法帶來出色嘅味道和口感，不得不讚吓個大廚！頭盤嗰個柚皮同埋車厘茄都有意想不到清新嘅感覺！講到養顏點少得蟹肉燕窩羹。成餐飯食嘅速度有啲似食法國菜，加上高雅裝修環境配合，食完溫和得嚟又好舒服，有一股由內而外散發出嚟嘅美·味。

無意中喺OpenRice見到明閣嘅＂東方美人·養顏套餐＂promotion，即刻call埋班好姊妹去試。哇哇哇！一嚟就俾佢嘅明閣三小碟吸引住眼球！先食個fresh 嘅酒香海蜇醉鮑魚，之後係肥美嘅蜜汁叉燒，加上口感十分特別嘅話梅柚皮車厘茄（有金箔㗎💛），真係一次過滿足晒三個願望！另外好欣賞佢哋嘅魚子醬雪地明蝦球，爽口彈牙之餘，底層配上薄薄嫩滑嘅蒸蛋，好味👍🏻冇得輸嘅仲有佢哋嘅鮑汁脆皮花膠素千層，第一眼以為係豬皮但原來係一塊炸到薄脆嘅花膠，How can they do that ? 食落口竟然係有煙煙韌韌幸福嘅感覺❤！最後嘅桃膠薑茶湯圓同埋棗皇糕為養顏畫上完美嘅句號。我哋仲叫咗House white wine, 易入口又唔酸澀，佢哋Bar嘅推介不錯呢～姊妹聚首當然好多嘢傾，坐耐咗都唔緊要，原來會展站就係正隔離，行兩步就上到地鐵了，勁方便呀！Like 👍🏻