明記黑山羊專門店 (已搬遷) 新店位置

東廣場底層有眾多餐廳，太多選擇，真的不知哪間好。碰巧上次跟友人來，跟隨他一試他極力推介的米線。那邊食肆的環境都是差不多，而且地方淺窄，枱凳都放在外面，快快吃完就走了，不過沒想到這個米線質素高，有驚喜！黑山羊米線：其實我完全不吃羊的，因為真的受不了羊羶味。同事極力推介要我一試，所以抱著半信半疑的心態試吧。非常神奇地那黑山羊真的沒有濃郁的羶味，而且肉質嫩且腍，唯獨是湯底有點羶味，而且十分油膩，油都在湯表面上浮起一層層。另外，米線亦是值得一提的材料，質感煙靱，不會過硬或太軟稠，應該是即叫即煮的，不然很難控制。溏心蛋亦很出色，微微流心的蛋漿，蛋味香。份量挺足料，羊肉、白蘿蔔及半隻溏心蛋。除了較有特色的黑山羊米線外，還有基本的米線拼搭，餸菜選擇也算多，而且麵方面有米線、上海麵及普通湯麵麵底。不過整體價錢以同區比較就稍為貴了點，份量亦一般。

又係觀塘放工下午茶時間，今次黎到東廣場揾食，其實呢度都幾多選擇，中西日韓都有。向來都喜歡食啲無咁熱氣的野，見倒呢間明記下午茶36蚊三送麵牛肉湯底送野飲好似幾抵食於是就坐底左。跟住啊姐就叫我揀送，咁我就望住餐牌啦，點知啊姐同我講要睇佢地另一塊updated version 板因為年廿八最後一日收爐好多都賣哂，果下我嬲左，乜叉都無。最後叫羊肉算數，羊米線就唔係揀送，set 好左42蚊有羊肉一舊蘿蔔同半隻蛋。今次要講的係米線有驚喜，一入口已經覺得口感好突出，係比較爽口但又唔會過硬的米線，跟住我先留意倒原來佢有貼野出黎sell 自己的米線，原來係用冷水浸過等等等等，呢個米線真係可以一試。羊方面，夠香唔so，但俾米線的突出蓋過😂😂😂😂😂蛋方面算啦，有少少溏心已好開心。環境就無嫁喇，門口擺幾張枱咁，呢個價位無得要求太多

東廣場選擇愈來愈多元化，仲有唔同價位任君選擇。因為睇醫生要戒口，選擇少左一半，最後簡左明記，佢得返羊米線同牛面，其他送好似未ready,咁就同友人每人點左一個。佢羊同牛配唔同湯底，好似好吸引，我個紅燒牛肉面有5大舊牛肉，好冧好鬆，仲有半邊溏心蛋，配上海幼面同椰子雞湯底，個湯比較多油，但淡淡清雞湯掛面好好味，佢標榜唔落味精，食完真係唔口渴，但成日出街食既人可能會覺得偏淡，我覺得間中食得清清都好，而且肉既份量好多，男士都應該夠飽，朋友既羊面有好多羊肉，配埋酸菜同湯頭都好惹味。希望下次有更多選擇。順帶一提，有位哥哥仔態度好好，又落力推介，小店值得支持。

東廣場食肆大部分都係茶記快餐環境，就餐廳價位，所以趕時間的話，實在用不著用高價將食物擺入肚。除了明記，大大隻字$36上海牛肉麵，咁開心嘅價錢，梗係要幫襯。叫咗一碗上海牛肉麵，另一碗牛𦟌，豬扒，蘿蔔米線。好快有得食。原來牛𦟌等於上海牛肉，十分稔，十分入味，豬扒炸完再浸湯，算係叫錯了，蘿蔔就唔夠稔，唔得！湯底可能冇味精，所以唔夠味，至少食唔出有雞湯。米缐較爽，我比較喜歡這裡的上湯麵，比較彈牙。零茶就超甜。雖然有好多唔得，但主打嘅牛肉做得出色，價格公道，好評。

觀塘區係好多年前出現左一間羊肉米線喺區內都10分出名而且亦都係油尖旺區開咗分店但係我食過一次覺得口味唔係太適合我呢一間明記其實之前喺東廣場經過嘅時候都想試吓㗎啦但係礙於佢係新餐廳所以就冇入去食今次經過見到多咗好多人喺度食亦都見到碗米線賣相好吸引所以決定坐低試一試佢行過鋪嘅隔離是店員會同你打招呼要請你坐低食佢哋嘅羊肉米線其實呢個舉動都幾溫馨坐低就叫咗個黑山羊米線 等左幾分鐘就上枱速度好快啊唔好睇佢個碗咁大好似淨係得半碗咁其實唔係架因為佢個碗真係好大佑好心呢個份量絕對足夠一個正餐嘅份量喺上菜嘅時候做得好好嘅係溫到好足夠啲湯入口係熱辣辣以佢嘅湯底一飲一啖就飲得出係好重嘅羊味絕對比另一間嘅羊肉米線更加好食佢嘅成日分量亦都多有粗略數過大約有10件所以每一啖米線都起碼可以配上一舊羊肉擺入口另外佢配嘅半隻糖心蛋亦都值得一讚可以食得出佢嘅蛋味好香而且係有喺汁入邊浸左一晚佢嘅米線食入口係非常之彈牙唔似坊間嘅米線鋪咁淋但係一望就見到原來佢哋嘅米線係會用凍水浸一晚發透下次喺屋企煮米線都可以試吓用呢個方法一來可以慳火啲二來亦都爽口啲枱面上亦都有酸菜任你加不過我就唔太建議加入你搵羊肉米線因為佢本身嘅湯底已經非常

觀塘返工，成日都會同同輸黎東廣場食野。其實好多間都食過，而且呢度食肆一般都好高質，天氣涷涷地，最近瘋狂去明記食黑山羊米線。呢度既黑山羊比平時既羊肉很香，而且無咩羶味相信店主係調製過程做過好多功夫。肉質嫩滑，忟到好腍，入口即溶。米線亦有別於平時既處理，一般麵家因為趕時間，米線通常是預先造好，導致質感太腍，沒有食麵應有既爽口。這店的米線則是幼滑之餘，亦可以食到薯薯聲，可見店主是接到order 才淥米線。湯底是姬松茸蟲草花羊骨湯，絕不是味精湯！淡淡既肉香而不羶，而且因為用羊骨煮，喝下去成身暖哂！枱上附上自製酸菜，原來是為羊肉提鮮，入口真的很香，微辣微酸的味道為幼嫩羊肉增添一份微刺激，口感又再豐富起來。

東廣場比以前多了不少餐廳，明記是其中之一。點了紅燒牛肉米線，湯底係椰子雞，食落唔覺有咩味精，似家裡煲的湯。米線比外面食的幼身、有咬口，但又唔會好膠。紅燒牛肉大大件，亦很入味，糖水蛋也很不錯。整體值得下次再試。同時，睇上去似家庭式經營，老闆們都很有禮貌，雖然似大排檔，但室內比室外好。一家人齊心經營餐廳不容易，也很值得支持！

用心小店, cp 值高, $42 蚊包飲品, 糖心蛋好味, , 有生菜仲加有芝麻, 好香！ 羊肉份量夠、米線彈牙, 食時加咸菜另湯底味道提升, 勁正! 下午過後去食, 飲品可添加, 真心讚!

以前讀大學最鐘意食北方羊肉火鍋，新鮮羊肉味，溫補，黎左香港第一次見到真正羊肉 #黑山羊米線，湯底味道純正羊骨煲出黎嘅，好正！！羊肉帶皮，Q彈好味，檯面仲有酸菜可以加，wow…系香港第一次見仲有醃菜配餸#三餸自選 湯底都好濃郁，自選餸真係足，豬手鹵夠透，牛腩冇肥膘，鐘意！！

今日又到美食集中區的觀塘東廣場醫肚，發現有一間新開的小店，明記! 經過的時候聽到店員在推鎖食物，有馳名紅燒牛肉上海麵和馳名黑山羊米線($42)。紅燒牛肉，很多地方都可以吃到，而黑山羊米線則比較少見，比較特別，所以便坐下來試試。食客的座位是開放式的，座位亦不是很多，不過環境都可以接受的。大約等了五分鐘，食物就上枱了。有一陣淡淡的羊羶香氣! 湯底是姬松茸蟲草花羊骨湯，味道很濃，雖然有點過咸，但可以感受到沒有味精的湯底，湯多喝了也不會感到口渴!! 温泉蛋的火候控制得很好，很美味!!米線比較彈牙，黑山羊肉則有點過靭。整體來說，價錢合理，味道還好，無味精，值得推介。

觀塘東廣場是美食天堂，是我經常醫肚的地方。今日在東廣場行一圈埸時間，我見到“黑山羊米線”向我熱烈地招手!! 我最愛的羊肉呀!!!😍😍我不假思想就立即行去新開張既明記坐低，叫了一碗馳名黑山羊米線(走蔥)($42)，加一碟新鮮脆魚皮($10)。等待時間不算久，店員非常友善，服務態度非常好! 黑山羊米線來的時候帶了一陣陣既羊羶香味，急速提升我的食慾🤤🤤(對於女士來說，份量很足夠! 不過男士可能未必夠飽。) 黑山羊份量足夠，不會煮得過熟，好好味😍。還有半隻温泉蛋真的不得了，讚! 不得不提不加味精的湯底，姬松茸蟲草花羊骨湯底超美味，配搭羊肉米線簡直是一流。因為沒有味精，飲完湯後一點口渴的感覺也沒有!$42可以吃到美味羊肉米線，應該很難找到了，所以性價比真的得高! 值得一試!新鮮脆魚皮就一般啦，我覺得一碗黑山羊肉米線已經可以滿足到我，一定會再去吃!下午茶時段，堂食更有無限添飲!

《東北🐐羊肉米線🍜》行過見到新開張，羊肉米線喎，咁搞笑？！******************************新開張，連野飲$48先講湯底，係。淡既但淡中好羊既so 味，頂得住先好叫一定要加佢地特製既酸菜同少少辣先夠味～一加完成碗麵提升到另一層次！係幾特別既湯底配搭！我叫左羊牛米線，羊肉好少，但好食既！炆到入哂味，但好so 下牛展反而好大舊，好淋，好入味，好好食！值得一讚係佢既糖心蛋，味道剛好，流心勁正！但總體成碗野份量太少，女仔都仲可以，男仔一定唔夠食！有待改善～

本身對個黑羊米線有興趣，點知咁啱有人食，聞到個湯好大陣羊肉味所以即刻要試試！叫左佢嘅招牌，牛肉麵同黑羊麵。牛肉麵一黎到都超香，係椰子湯底。羊麵就係羊⻣湯底，好夠羶味，但係好清冇乜油。羊肉就稍為碎咗少少，冇個湯咁出色。牛肉面性價比好高，係好厚身嘅牛展肉，加咗濃汁，都只係賣$36, 呢個質素喺出面應該值$60以上。羊面就$42, 個湯真係出面食唔到。老闆招呼仲好好添！個湯冇味精的，飲晒成碗湯咁濟都冇口乾。

今日中午行過未有諗住食乜，見到牛肉上海麵36蚊，叫左個再加油菜16蚊。賣相以為中中地伏，但原來食落都幾ok, 仲有36蚊3餸車仔麵。乾淨，簡單， 標榜無味精。有回頭