明記海鮮潮州菜館 (天保大廈)

營業中

休息中

朋友在荃灣工作，一直向我介紹「明記海鮮潮州菜館」，這天過來探望他，有幸一試，果然名不虛傳😁「明記海鮮潮州菜館」的滷水拼盤（$160）提供豐富多樣的選擇。它包括各種滷水食材，如豆腐、豬耳朵、墨魚片和紅腸等。每樣食材都經過精心烹調，入味而且口感鮮嫩。滷水的湯汁香濃，讓人回味無窮。無論是單獨品嚐還是搭配其他菜餚，滷水拼盤都是一道不容錯過的美食。春菜腩肉（$98）是這家餐廳的必食菜品之一。腩肉經過緩慢燉煮，肉質鮮嫩多汁，配上軟綿的春菜，口感豐富。腩肉的肥瘦適中，入口即化，帶來濃郁的肉香。這道菜的味道濃郁而不膩，是肉食愛好者的絕佳選擇。椒鹽九肚魚（$128）是「明記」另一道美味食品。九肚魚經過炸至酥脆，外層裹著鹽和椒粉的調味粉，吃起來香脆可口。魚肉鮮嫩，口感細膩。椒鹽的味道恰到好處，不會過鹹，能夠突出魚肉的鮮美。這道菜絕對是海鮮愛好者的必點菜品。總的來說，「明記海鮮潮州菜館」以其滷水拼盤和各式潮洲小菜吸引了許多食客。無論是滷水拼盤的豐富口味，還是春菜腩肉和椒鹽九肚魚的獨特風味，都展現了這家餐廳在潮州菜系中的獨特魅力。如果你喜歡潮州菜，這間餐廳絕對值得一試。明記海鮮潮州菜館 (天保大廈) (荃灣)

今日路經荃灣 ，見招牌咁熟嘅，原來旺角食過,明記打冷👍🏻 見今日天氣開始又熱熱地🤪最啱就係食凍凍地既野 諗都唔使諗就食🤤打冷啦，打冷唻講第一樣要order既梗係食大眼雞🐟魚都好大條 魚質新魚肉質唔梅😍配埋豆瓣醬真係絕配😘有魚當然要嗌碟菜食吓啦😛春菜腩肉😗湯底好惹味、超林腩肉👍🏻好入味！又唔油膩，推介推介！餐廳環境都幾闊落幾舒服 最緊要係乾淨😌平日唻食既話都多人幫襯！如果再晏啲，我諗應該要等位😗

喺荃灣收工，約朋友去打冷，就搵左間明記海鮮潮洲菜館食，喺大河道嘅天保大廈1樓，地鐵站B1出口行天橋過去會易行啲。平時去打冷一定會叫椒鹽系列同黃金系列，但最近大家都要戒熱氣野，今次就食啲唔熱氣嘅先啦！不過前菜係炸魚仔無得避，就試左少少，第一次食，都幾香口幾脆，可惜唔食得咁多🥲之後叫左大碗嘅蠔仔肉碎粥，蠔仔大隻鮮味足得黎，份量都多，都好夠食👍🏻另外再叫左滷水三拼，墨魚、豆腐、五花腩，墨魚彈牙爽口；五花腩肥瘦適中；豆腐放底吸左滷水味都唔錯😋最後叫左個鵝片，薄切大片口感都幾好嘅～整體品質價錢都唔錯，有機會下次要食番啲熱氣系列過足癮先🤣

Happy Friday 食咩好？梗係簡D多人先食到既餐廳🍻🍻由於星期五冇預先book到位⋯7:00現場攞位⋯大概等咗10分鐘就有位今晚食咗咩呢？炸鮮奶，韭菜豬紅，咕嚕肉，醃螄蚶，炸蠔餅，瑤柱炒豆苗，再加四支大啤其中蠔餅係最受歡迎嘅! 好好食！超足料之餘唔會太油！配啤酒無得彈！另外推介醃蝦蚶！因為唔係度度都有得食！味道鮮美！又無沙！值得一讚！其他餸都一樣好好味！全部清碟！絕對係高質打冷題外話！啤酒做緊買三送一！

前幾日和朋友去荃灣，晚上朋友提議去明記打冷，地下入口不大，上二樓後發現店內都幾大，而且乾淨企理。蠔仔粥，每次打冷必食，這裏的蠔仔粥好多蠔，而且沒有腥味，粥底有些柴魚，十分香，細碗份量都不少，兩個人夠晒食。煎蠔餅，超級酥脆，比一般食的更脆口，外脆內軟，蠔仔都幾多，算大隻，口感幾好，加點辣醬更惹味。滷水鵝，例牌的份量都幾足，滷水很入味，鵝皮夾層的油脂好香，如果鵝肉再軟滑一些更佳，整體而且是不錯的。墨魚生腸，都是打冷必食，生腸好爽脆，好喜歡咬下去的感覺，墨魚都很爽口，味道不錯，配上一些芽菜，幾好味。看到滷水檔的凍龍蝦和超大籟尿蝦，感覺好美味，真的好想試試，下次來必定要試。

好耐冇嚟食過晚市打冷，今日同朋友撐爛腳去到一間呢間老字號潮州館，一入門口已經見到d鹵水拼盆，個肚即刻蠢蠢欲動。🍢開場先上嚟的是滷水雜拼，咸香得嚟入口即溶，鵝腸特別搶鏡，爽口得來有咬勁，真係一流。滷水汁香濃，加埋特製醬汁難得一見嘅絕配。然後，係蠔仔肉碎粥嘅時間，粥底滑溜溜嘅，蠔仔又新鮮，食落唔單止有海鮮鮮甜，仲有啲微微嘅甘香，正呀！一碗落肚覺得好滿足。🍲講到呢個潮式蠔仔餅，真係驚喜，香脆得嚟唔油膩，每一啖都食到蠔仔本身嘅鮮味，連我呢個蠔仔控都讚好。😋最後，大大杯檸檬茶真係可以講得上係解渴聖品，檸檬片滿滿當當，飲一啖茶，酸甜交替，即刻令人精神百倍。🍋今晚呢餐食，簡直就係回憶滿滿嘅夜晚，分享笑容、分享美味，這就是生活中簡單嘅幸福啦！

昨日去同朋友去咗荃灣一間出名嘅潮州菜館食飯，呢度嘅潮州菜認真唔錯！一行入去，已經感受到傳統潮州風情，有滿滿嘅食物，烏頭魚，大蝦等放咗喺藤籃上，非常吸睛。坐低後更有一啲潮州小食酸菜花生送上，酸菜嘅酸度掌握得剛剛好，唔會過分酸，非常開胃，為呢餐飯打開咗完美嘅序幕！明記有豐富嘅潮州菜式選擇，價錢公道，而且份量大滷水鵝$148嚟得潮州菜館，點可以唔試滷水鵝，呢度嘅鵝肉新鮮嫩滑，每一片都係滷得入味，又保持咗肉質嘅彈性。滷水汁嘅味道濃郁而不過分鹹膩，帶有八角同桂皮嘅香氣，令整體味道層次豐富。鵝皮帶點微微油潤，同肉質嘅鮮嫩形成完美配搭。底下的滷水豆腐質地也非常嫩滑，吸收咗滷水嘅精華，每一口都滋味滿分。滷水嘅香氣中帶有細膩嘅香料味，而且鹹甜適中，完美地提升咗豆腐嘅味道。最令人讚賞嘅係，佢哋嘅滷水豆腐表面煎得微微焦脆，同內裡嘅嫩滑形成絕妙對比。潮式蠔仔餅 $108呢度嘅炸蠔餅真係好好味！蠔餅外皮炸得金黃酥脆，沒有任何油膩感，一口咬落去，香氣四溢，讓人垂涎欲滴。而啲蠔仔都處理得非常乾淨，每隻都白雪雪，唔會有一啲多餘小顆粒，蠔仔每粒都非常大隻，而且仲保留住蠔嘅鮮美滋味，鍾意食蠔餅嘅一定唔可以錯過！韭菜花炒鹹

嚟到潮州菜館，梗係嗌返啲潮州嘢食！四個人點咗四樣餸。有凍烏頭，滷水鵝片，蠔仔粥同埋豬油炒菜心。凍烏頭，用元朗烏頭嚟整，可能唔係當做，條魚唔夠肥美。本身諗住揀滷水拼盤，但問清楚侍應原來唔包鵝片，於是直接點一個例牌嘅滷水鵝片。份量大概一人兩至三片下面用滷水豆腐墊起。蠔仔粥就正常味道，蠔仔都算多，每一碗都有六七隻，而我哋四個人每人都食到兩碗。最尾一碟… 屋企人想食菜心，但係諗唔到點整好，於是侍應哥哥就推薦咗用豬油炒。試完… errrr, 下次都係嗌返蒜蓉炒比較好

同事約放工食飯吹水，帶咗我去食明記，話佢由細食到大，街坊先知呢間舖頭😂✨滷水雜拼+鵝 $198同事話必點滷水雜拼，但我又想試吓滷水鵝，所以就加埋鵝肉～滷得超入味！鵝肉幾嫩，但比較之下雜拼真係好出色🤩，分量多之餘，內臟清得乾淨，我最鍾意係鵝腸，好爽口👍🏻✨黃金鮮魷 $148見到好多枱都叫咗海鮮，不過我哋兩個人費事嗌太多，所以就叫咗呢個鹹蛋黃鮮魷。鹹蛋黃好香，鮮魷好爽脆，越食越過癮😍！✨石鍋明記炒飯 $118店員話明記炒飯係比較潮州味💁🏻‍♀️，有欖菜，蝦乾，白飯魚喺入面。炒飯好惹味，石鍋可以做到飯焦😋✨大大杯凍檸茶 $38大杯到兩個人share先飲得哂😂飲完即刻gur晒✨前菜 $20

朋友仔係荃灣嘅街坊聽佢講明記已經開咗好多年讀書時期就開始一大班朋友嚟幫襯添平日夜晚黎到都座無虛席果然受街坊歡迎👍🏻餐牌上面嘅選擇繁多除咗主打潮州打冷亦有鑊氣小炒 🔥入到去仲見到好多款式嘅潮式海鮮凍蟹凍烏頭瀨尿蝦大眼雞一應俱全🌟潮式蠔仔餅($108)香脆嘅炸物永遠都係最受歡迎蠔餅炸到金黃酥脆好靚仔而且大大塊唔會散晒仲有好多粒粒蠔仔鮮甜飽滿🌟鹵水雜拼($160)諗唔到想食邊款滷水可以叫拼盤有墨魚紅腸大腸雞腎豬腩肉等等滷得夠入味，份量又多🌟明記小炒皇($128)韭菜食落爽脆冇渣蝦乾同魷魚帶出鹹香鮮味仲炒到好有鑊氣好惹味

放工同朋友食晚飯，揀左佢公司附近的明記，聽佢講呢度啲餸好食又大碟，平日晚都一位難求㗎。一上樓梯就比佢嘅潮洲檔吸引住，龍蝦、瀨尿蝦、凍蟹🤤潮洲滷水都正喎。真係好旺場喎，得返最尾嘅枱咋。坐低後伙計就開茶同送上前菜、餐牌等，效率好高。⭐前菜潮州三寶入面嘅二寶，有鹹菜同花生，淨係啲兩樣嘢都可以食到成鍋白粥🤤呢度真係做得好出色，爽脆鹹香，正。⭐椒鹽白飯魚炸得香脆乾身不油膩，白飯魚算大條，並無厚粉漿👍香口野真係幾正。⭐沙嗲牛肉芥蘭沙嗲汁香甜惹味，牛肉嫩滑好好食，唯芥蘭略生少少，有啲青菜澀味。⭐黃金四季豆主角來了，非常喜愛食鹹蛋黃嘅朋友指定要點呢樣，佢本身仲想嗌埋黃金鮮魷同黃金九肚魚，不過如果全餐都食黃金嘅話肯定好熱氣，制止佢先至唔叫咋。個鹹蛋黃醬好厚身，完完全全包住條四季豆，鹹香鮮味極正🤤食落一啲都唔膩。⭐白飯啲餸咁正咁係要整返碗白飯啦😋傳說中嘅大排檔字體，又真係唔係好睇得明😆PS～有wifi😆

今日唔使上堂，同女朋友去左荃灣食野🥢原本想食江湖小棧，但條隊太長😭於是去盲試餐廳。見到有間樓上打冷，好似幾隱世於是上左去，入到去見到啲龍蝦好大隻🦞😱不過我地兩個人食唔到🥲菜脯🥬用麻辣豉油浸過，食落偏鹹同有辣味，如果送酒一流🍺但就咁食就太搶口🔥鹵水拼盤加鵝肉🦢（💵$198）鵝肉淋滑冇渣，食落好嫩，調味冇乜八角味，似較普通既鼓油，欠層次。大腸都好淋同好入味🐖不過想批評嘅一件事係拼盤竟然冇豆腐！！！馬拉盞通菜🌿（💵$108）份量十足熱辣辣🔥用石鍋上食落嘅時候水汪汪💦但調味唔錯同埋熱辣辣🥵所以食落都覺得唔錯，而且食到尾個底有啲鹹✨建議係調味可以均勻少少同埋炒得乾身啲！千島一字骨（💵$108）有鑊氣🔥先炸再炒，但估佢係炸定備用，放既時間比較耐⏳冇乜肉汁總結：份量對比起價錢幾抵食，熱食有鑊氣🔥滷水火候都幾適中，質素中上，如果多人黎食會正好多！！✨

今晚三個人去了這間明記海鮮潮州菜館。一開始叫個羊腩煲。價錢是448元(加埋一成$500)。諗住都有返咁上下份量。點知個羊腩煲嚟到。水仲多過羊腩。每人祇有約5件。平均每件超過30元，另外叫咗個生腸墨魚。生腸得10件，墨魚又得10件。另外叫咗兩支啤酒。最後埋單要780元。極度唔抵食。味道一般。以後不會再去😤叫個仕應埋嚟反映一下，嗰仕想答我新鮮羊腩，係咁上下。我話一件要成30幾元，跟住就唔出聲走咗去。食到火都嚟埋。香港有啲咁嘅飯店，想唔死都難。

今日和同事途徑荃灣，同事說想去吃潮式打冷，就想起朋友介紹過的📍明記潮式海鮮菜館，於是走去試試，店舖門面雖然小但上到一樓去地方很大。一進門口已經見到很多食品映入眼簾，潮式的打冷瀨尿蝦、凍蟹、鹵水鵝雜等等連龍蝦都有……相當吸引。坐下在桌面放有花生🥜和潮式的鹹菜🥬，花生香脆而潮式鹹菜相當醒胃。吃潮州菜少不了要點熱門的鹵水鵝片，因此今天叫了蠔仔粥🦪，配一個孖寶🦢鵝片和蒸白鱔套餐。💢蠔仔粥大大碗上檯了，熱騰騰的粥上面灑滿了芫茜滾起來十分之香噴噴。粥内蠔🦪仔很多且非常肥美，配合了方魚碎粒的鮮香味，使湯味道變得很濃美味，而且蠔肉咬落爆汁又沒有腥味，整碗粥水準不錯。💢鹵水鵝片🦢切得很薄刀功很好，而且鵝皮薄沒有肥膏又沒有骨，入口肉質幼嫩沒有粗鞋的口感，配上的鹵水汁味濃惹味亦不會過鹹。下面墊底的花生亦炆得很腍口，豆腐的表皮已索滿了鹵水汁，全部都變得入味又惹味。👍💢豉汁蒸白鳝上檯時熱辣辣香氣四溢，啖啖肉沒什麼骨，只是簡單的用豆豉和蒜蓉來蒸，帶出了鱔自身鮮味和油脂香味，肥肥白白的鳝肉質彈牙，真是吃食不停口。😋🔷️今餐所吃菜式雖然不多，但每款的份量都很足夠，兩個人有點吃不完，售價亦算親民，想吃潮州打冷是一個不錯的

如果想食螄蚶、黃酒雞，第一時間就會諗起「明記」。秘製凍螄蚶（$128）保持水準，醬汁酸酸甜甜，螄蚶肉鮮味。客家黃酒雞（半隻）（$160）湯底酒味濃，材料足，雞件滑，夠哂補。鹵水鵝（$148）份量適中，啖啖肉，冇咩骨，鵝肉唔嚡有咬口，鹵水味唔過咸。豆腐花生墊底。韮菜豬紅（$88）大大碗，粗略估計都有廿粒以上。豬紅有質感唔會一夾就爛，調味醬汁夠哂濃，微辣。少量韮菜有啲韌。菠蘿咕嚕肉（$118）豬柳條啖啖肉，肉質軟腍，無骨，青椒紅椒加菠蘿，味道正常。豬油渣蝦乾生炒菜心苗（$118）火喉差少少，冇乜鑊氣，少少偏濕、偏油膩。1L大凍檸檬茶（$36）超大杯，用大啤酒杯裝。另收加一服務費，沒有茶錢，但有一碟小食（$20）。星期五/六，用餐時間2小時。