明記海鮮潮州菜館 (天保大廈)

營業中

休息中

上星期有日放工晏左唔想煮，同謙謙係荃灣搵食， 醒起好耐冇食過明記好掛住佢個石鍋菜，所以就上左去食。一座低謙謙自動波睇餐牌話佢負責點餸 ⬇️⬇️⬇️✡️ 石鍋啫芥蘭 ～ 呢個就係我地必點推介， 一來夠哂鑊氣，芥蘭脆嫩唔會煮得過老，肉碎薑絲辣椒絲爆等夠香口，上石鍋時超熱d菜仲滾緊。✡️ 風味京葱豬頸肉 ～ 豬頸肉大件爽口，配上京蔥那份辛辣味一齊食好夾。✡️ 雞粒粟米羹 ～ 我地異口同聲話好耐冇食過羹，不如叫來做下湯飯，個粟米羹做得唔錯唔會水汪汪， 每啖入口都好多粟米和雞肉粒。🍚 白飯

📍滷水拼盤係得打冷呢個係必點之一拼盤入面有豬腸，豬耳，鵝腸，紅腸（芽菜墊底）唔會太過肥，配上作地晚白醋同埋辣椒油，更開胃😋😋📍韭菜豬紅呢個又係必點大大碗，啲豬紅夠實淨，有小小沙嗲味，亦唔會太辣，好味😋📍炸蠔餅呢個我就覺得麻麻地，炸出黎好散，淨係識到啲炸粉，夾唔到佢有啲咩食😅所以呢個扣分🙈📍啫啫芥蘭煲石鍋熱辣辣上台，一擺低已經傳出好香味道，配搭芥蘭苗，呢個好味👍🏻😋📍大大杯凍檸茶成杯啤酒咁大杯，食打冷一定係會好頸渴，所以呢杯凍檸茶又係必點👍🏻整體黎講其實味道都好ok,上菜都快，不過去食既話建議先book位‼️

Ming Kee (明記海鮮潮州菜館), is a Chiu Chow restaurant, its signature daa laang dishes are a communal feast, perfect for sharing among friends and family. The Deep-fried Shrimp, are elevated by the rich, golden salted egg yolk coating that provides a savory, umami-packed crunch with each bite. Equally impressive is the Deep-fried crispy baby Oyster cake, a textural masterpiece with its crispy exterior giving way to the succulent, briny oysters within.The Pan-fried Vermicelli and beef with Satay Sauce. T

好耐無打冷，約埋朋友仔兩條友仔黎☺️地點就腳，又有冷氣，平日夜晚都好full,黎之前最好book位坐低就有一碟小食，有魚乾同酸菜打冷當然要嗌滷水雜拼，入面有豬耳、豬腸、墨魚、紅腸、豬頭肉、鴨腎同芽菜，滷水汁整得好入味，潮州菜必點😝我地仲叫左蠔餅，蠔份量都多，餅底唔算太脆，都幾大份由於哩幾日我地有啲熱氣，就叫左個海味粉絲雜菜煲，佢蝦乾份量好多，整體清清地，份量都好多，菜既種類都好多埋單兩個人差唔多$500左右，食左三個餸兩杯野飲，價錢合理☺️

經常聽到晴晴叫我帶她到荃灣廣場的公園，又大又好玩，除了有感官系統的遊戲外，又有超長滑梯，真是百玩不厭。玩完順便去了附近食晚餐，就回家睡覺。明記的小炒夠鑊氣，白飯粒粒飽滿，晴晴吃過都叫好食。人均消費$192。黃金鮮魷$148 一打開餐牌就指着要叫，圖片和實物一樣，橙黃色的鹹蛋外漿包裹住鮮魷，鮮魷厚肉肥美，雪白肉身彈牙可口。外脆內彈的口感，餸飯餸酒一樣夾。明記荔枝骨$128酸炒骨加荔枝的組合，水果和肉類的配搭，增加清新甜美口感。荔枝全部去核，食起來好方便。酸炒骨的外皮炸到酥香惹味，骨香肉嫩，食到舔舔脷。大檸 tea $38超大杯，不是說笑。跟保暖壺的大小差不多，肉眼見應該都有一千毫升。清涼解渴。白飯$15份量足，頗大碗。小食$20

這間餐廳以道地的潮州風味和新鮮的海鮮食材聞名。滷水鵝片滷水鵝片是這裡的招牌之一。鵝片滷得色澤誘人，滷水香氣濃郁，肉質鮮嫩多汁，每一片都滲透著滷汁的精華，入口即化，令人回味無窮。椒鹽鮮魷椒鹽鮮魷同樣令人印象深刻。鮮魷經過適當的油炸處理，外皮酥脆，內裡鮮嫩彈牙，配上香氣四溢的椒鹽，讓人一試難忘。這道菜既保留了鮮魷的原味，又增添了濃郁的香辣風味。蠔仔肉碎粥蠔仔肉碎粥則是另一道必點之選。粥底細膩綿滑，蠔仔新鮮肥美，肉碎增添了粥的豐富口感。每一口都能品嚐到蠔仔的鮮甜和肉碎的香味，簡單卻充滿了家的溫暖。

一坐低叫完餸等左一陣出左一兩道菜就冇再出菜，問職員先知廚房有問題出唔到菜，但同時見隔離台不斷有菜上，想同經過職員了解情況，佢回覆有咩事問經理，咁叫佢麻煩叫經理過黎，職員回覆你自己出去搵經理，出到去搵經理佢話廚房出唔到熱食，可以叫冷盤，但一行十多人冇可能成晚只食冷盤，問可否叫外賣到場食用現場我地照幫襯酒水，被一口拒絕，本人一心只想解決十幾人晚餐問題，你知依家餐廳收得早，十幾人夜晚9點幾冇訂位好難搵到另一間餐廳坐得落咁多人，餐廳職員完全冇心解決問題，最後只提供9折完全冇責任心去解決問題，問心間野唔係平，仲要咁既服務態度！

今日嚟咗呢一間喺荃灣嘅潮州打冷食飯。雖然我哋係九點幾嘅時間去食，但係晚市依然仲係好多人。一坐低有魚仔同酸菜奉上。魚仔唔算好硬好乾，帶點咸香; 酸菜嘅酸味balance得恰到好處。滷水雜拼 ($160)完全係大件夾抵食呀，有豬耳、墨魚、紅腸、鵝腸、大腸、五花肉、豬頭肉、鴨腎、豆芽。份量都多而且夠哂滷水味。好啱送酒！ Sapporo細蠔仔肉碎粥 ($78)細嘅原來都咁大碗，一人可以食幾碗，真係估唔到。蠔仔唔係話超級肥大，但勝在份量足，配上方魚同土魷令成個粥倍加鮮味。黃金鮮魷 ($148)可惜去到晚市事段已經冇晒九肚魚，只好點鮮魷。黃金鮮魷用咗鹹蛋黃嚟炸，食落滿滿嘅鹹蛋濃香，外脆內軟，而且個炸皮又唔會話好厚。不過食到最後開始覺得有d咸，最好有白食送下口。石鍋啫芥蘭 ($108)芥蘭煲非常之有鑊氣，芥蘭幼嫩唔老，條條都好翠綠多汁。最後埋單人均三百幾。

喺屋企附近開咗好耐嘅潮州打冷舖 一直都冇機會嚟試😋今次成班friend上嚟 個氣氛都唔錯坐得迫少少 不過都夠冷氣都乾淨嘅現場好爆棚 本身好想食蠔餅，但係已經賣晒🥹最尾嗌咗滷水鵝 韭菜豬紅 蠔仔粥 黃金鮮魷同螄蚶啲餸都係正正常常 豬紅好入味好好食🤓黃金鮮魷炸得好脆🦑最鍾意食鹹蛋黃嘅我覺得好邪惡第一次食螄蚶個口感都好得意 食得出係新鮮嘅最正係大大杯檸檬茶都係$38！適合一大班人聚會 唔錯👍🏻不過要留意返餐廳都係有限時 一個半鐘就要走🥲

前兩日去荃灣探朋友，晚上一齊去打冷，餐廳在一樓，經過一條長樓梯，起初以為餐廳好細，推門一進，原來都有好多枱，有好多食客。韮菜豬紅，我們點了細的，但份量都幾多，豬紅好滑，但不會散，很入味，辣辣的又不太辣，好惹味，韮菜亦爽脆，比以往食的好味。蠔仔肉碎粥，是打冷必點的，蠔仔都好多，沒有腥味，粥底夠入味，有鮮香，三人食都足夠有餘。潮式蠔仔餅，與台灣的蚵仔煎完全不同，這店的是很酥脆的，帶咸香，蠔仔與粉醬比例通中，加些魚露和辣醬更能提升鮮味，入口非常香脆。小炒皇，用料十足，用大蝦乾、魚乾、魷魚、腰果、韮菜等一齊炒，想唔香都難，加上韮菜夠新鮮，十分爽脆，入口感覺是咸香鮮脆，夠惹味。薯仔一口牛，牛柳粒軟滑，炒得夠香，但主角是薯仔，每件外層都有微脆香甜的感覺，個個都爭著食薯仔。雖牛柳好味，可是薯仔更好味。大檸Tea，果然名符其實超大，一杯有一升，三個人都夠飲，而且有成果檸檬，以前未見過檸茶可以有那麼多檸檬。

提早興祝父親節 朋友介紹明記話係一間唔錯既打冷鋪頭，所以就同決定係到食父親飯。我哋一共呢就嗌咗九樣餸，雖然都冇辦法喺度每樣分享哂，咁都精選咗認為值得推介嘅比大家。先講講打冷必點既滷水拼盤，相當豐富鵝腸大腸亦都好入味。下面呢亦都有芽菜墊底絕對係一個唔錯嘅開場小食。滷水鵝都好入味下面嘅豆腐呢絕對係主角推薦大家可以嗌一個試吓。再落嚟呢，仲嗌咗個韭菜豬紅。一個大份呢就已經足夠我哋八個人食，所以大家要睇住份量啦。仲有呢個薯仔牛柳粒，牛柳好軟熟薯仔呢亦都比蜜糖包裹住外脆內軟帶少少甜味。送飯一流。如果大家都鍾意食打冷呢間呢都絕對值得推薦呀。

打冷餐廳已經買少見少，我最鐘意去明記，因為啲野最好食。以前疫情前，最鐘意大圍一班朋友去食，而且係預約定一間房一齊有傾有講嘆美食。今次有幸約左去荃灣呢間明記懷念一下，聚聚舊。首先一定要叫螄蚶同韭菜豬紅。呢兩個前菜係無得頂架。主菜叫了滷水鵝片，滷水鵝肝同滷水拼盤，每碟份量都好足夠4個大人去食。今次想特別讚下條烏頭。第一上枱時，已經打開咗魚皮，方便我哋今，第二係見到魚尾，有個牌，寫住係香港魚塘養值，肉質好甜，唔會有泥味。今次係連骨都舔埋。

有朋友從外國回來說非常掛住香港的打冷，我當然盡地主之宜帶他來到荃灣明記，呢間打冷店是室內有冷氣的，可以舒舒服服坐低食嘢。一講到打冷當必點蠔餅！落完單幾分鐘就上枱，速度非常快！蠔餅新鮮炸起仲係熱辣辣，一啖落去非常脆口，而且蠔仔大大隻啖啖肉，推介！蒜蓉炒通菜，通菜新鮮份量多，有炒氣炒出來爽口，性價比高！麻婆豆腐，比較麻不算太辣，朋友說香港的餐廳先做到這個味，非常地道，送飯一流！總結：上菜速度快，環境乾淨舒適，職員主動推介特色小菜！人均消費約$200-$300

明記海鮮潮州菜館係荃灣有名嘅潮州餐廳， 亦係深受街坊喜愛嘅飯堂，潮州菜及各式粤菜出品水準穩定，係晚餐嘅好選擇😚😚😁😁😋🥢鹵水雜拼🥢 $160鹵水選擇有好多， 如果每樣都想試下，就一定要點呢個鹵水雜拼啦，配料相當豐富， 有紅腸，墨魚，五花肉，豬耳，豬頭肉，大腸，鴨腎，鵝腸，豆芽。鹵水味道好夠，每款食材都好入味，各款食物口感唔同， 每一啖都係口感層次嘅變化🐷韭菜豬紅🐷 $88份量十足，潮州菜點可以少得佢呢，豬紅嫩滑入味，韭菜鮮綠香嫩，調味相當香濃，帶微辣，怕辣嘅朋友相信都食到🦪蠔仔肉碎粥🦪 $78香脆方魚及土魷令粥底帶海味鮮味， 蠔仔飽滿，每粒都漲卜卜，完全唔會有腥味，食材處理得好，每一啖都食到蠔仔粒嘅鮮味， 必點之作樓梯一上到餐廳就見到明檔，擺放住各款鮮魚，海鮮同鹵水食物， 相當吸引呢😊😊🤩🤩😋明記海鮮潮州菜館地址：荃灣鱟地坊72號天保大樓1樓#老店#潮州菜#樓上舖#大排檔#菜館#潮州菜館#荃灣#荃灣餐廳#荃灣食#荃灣潮州菜#香港潮州菜#必食餐廳#推薦餐廳#香港大排檔#鹵水雜拼#鹵水食物#鵝腸#豬耳#鹵水墨魚#五花肉#大腸#打冷#潮州打冷#韭菜豬紅#蠔仔肉碎粥#蠔仔粥#方魚#土魷#肉碎粥

去咗哩間老牌潮州菜大排檔果然係出色鵝片彈牙又入味 滷汁好香蠔餅勁脆、又大塊 石鍋啫啫芥蘭細嫩惹味D嘢食好正 要飲返幾杯啤啤佢而且鍾意佢地方乾淨男女老幼都岩去👦🏻👩🏻🧓🏻👵🏻🔸椒鹽白飯魚（$118）🔸潮式蠔仔餅（$108）炸得好乾爽、脆口，蠔餅勁正超大塊，粒粒新鮮飽滿嘅蠔仔，而且慢慢食都唔會變淋，大愛❤️🔸石鍋啫啫芥蘭（$108）推介❇️用芥蘭苗，所以好嫩，有蝦米、蔥蒜香，好惹味！份量十足。🔸鵝片（$160）推介❇️肉質好爽彈、唔會好韌或好梅，滷水汁有花椒，八角等香料嘅味，好香好入味，唔會死鹹。🔸小食（$20）有魚乾仔、潮州鹹酸菜，鹹酸菜酸酸甜甜、爽脆、微辣，會忍唔住不停食。🔸加士伯（$84/3大支）