明記海鮮潮州菜館 (天保大廈)

營業中

休息中

荃灣（明記海鮮潮州菜館）歷史悠久，水準好平穩。一入門口看到潮州菜館常見食物凍烏頭自己選大小, 時價.我久不久和朋友來,招呼不錯,環境寬闊, 有紙巾, 茶芥,小食,加一. 食物是正宗潮州菜. 今天2人選2個菜.最近新出左巨杯裝檸檬茶。堅適合打卡, 超大杯. 茶味香濃，檸檬有5片，真的好吸引。當然吸引我來吃的是滷水雜拼加滷水鵝片款式多最適合咩都想食的我。滷水味道不咸不發渴，不是什麼地方滷水都好味道。（鵝腸、墨魚片、豬腩片、豬頭肉、腎片、豬大腸、紅腸、芽菜）味道咸中帶甜，香料味不錯。豬大腸完全無難嗅氣味，相反中間位置沒有肥油，滷水顏色好深，信相浸煮一段長時間很入味。鵝腸爽口，豬腩肉雖然見到一層層脂肪，在浸煮滷水過程中，油花已經迫出，所以腩肉口感爽而不膩，腎爽口嗦嗦聲。XO碧綠炒蝦球 辣辣地食到d蝦米仔好惹味，西芹斜切撕走韌的根入口變得爽脆，蝦球大隻爽口彈牙，品質不錯。大大杯1000毫升檸檬茶成為明記另一個亮點。我很喜歡味道酸甜適中最啱成班朋友聚餐，不喝啤酒朋友好選擇。配一些炸物更就非常完美

外賣自取，叫咗一個龍蝦伊面，一個2人套餐（有滷水鵝，荔枝骨，金銀蛋浸時蔬，白飯），一個大蠔仔肉碎粥 ＆ 2碗白飯。最後收到嗰個2人套餐少咗金銀蛋浸時蔬 ＆ 一碗白飯😞

今晚朋友想去打冷，我就介紹他去荃灣明記，上一條樓梯，以為店面很小，原來都幾大，而且光猛潔亮。鹵水三拼，我們點了墨魚、鵝腸、鵝腎，墨魚爽口，一向都是我的至愛。特別是鵝腎是很好味，很爽口，但不會韌，有軟心的感覺，食味香濃。黃金魷魚，用咸蛋黃包著來炸，香氣四溢，入口外脆內軟，又彈牙，充滿咸蛋甘香，咸香感覺濃厚，而且份量也足。鹵水鵝，顏色吸引，鵝肉軟滑入味，而且夠大隻，加些白醋，令人回味。潮式蠔仔餅，與一般的潮式蠔餅不同，一般的比較軟身，不會很脆。但明記的蠔餅是很香脆的，蠔仔也不少，加點魚露和辣醬，超惹味。蠔仔肉碎粥，我們點了細的，原來細碗都很大碗，三個人每人兩碗仔還有剩，認真抵食。味道香濃，有很多蠔仔，口感很好。超大凍檸檬茶，一杯足足1升，真的有驚喜，茶味不錯，幾有特色。

明記已經屹立左喺荃灣好多年，我都已經食過佢好多次！佢嘅海鮮頗為出名，潮州螄蚶好少地方有，但呢度真係好好食！有少少辣，但好野味，唔食辣嘅我都停唔到口！係應該有用酒走去浸過，食完都有少少醉🤣今次就試佢個豉椒蒸魚雲，魚雲好新鮮，豉椒蒸得好入味！另外仲叫咗個韭菜豬紅，份量好足。黃酒煮雞亦都好好食，黃酒煮雞入邊好足料，紅棗杞子桂圓走唔甩，食完感覺超級補🤣🤣

今日放工之後約咗朋友 同朋友行荃灣 今晚好想食潮州菜打冷 見到有間餐廳叫做 明記海鮮潮州菜館 之前都去過旺角有間分店 覺得呢間都幾好味 所以行開荃灣就入去食 我哋兩個人 上到去1樓 侍應叫我哋坐四人枱 環境好闊好大 又光猛 我哋叫咗以下食物1️⃣蠔仔肉碎粥（小）$782️⃣黃金鮮魷$1483️⃣豉椒炒蜆$118蠔仔肉碎粥 蠔仔適中 冇腥味 同埋啲肉碎 夾埋啲蔥花另外一個黃金鮮魷 一上枱聞到陣陣香味 魷魚大大嚿 有啲鹹蛋嘅香味 好夾好好味 豆豉炒蜆 差唔多俾我一個人食晒 好友鑊氣 夾埋啲豆豉炒好好味

成大班人想飲下啤酒吹下水食下小菜中式菜館係一個好好嘅選擇🍻相信住荃灣嘅朋友對明記一定唔會陌生😆環境都算幾闊落，唔會話同隔離枱貼枱👍🏻而且無限時 可以飲住啤酒睇下波⚽️🍺\ 🐦招牌滷水鵝 ($148) /滷水鵝非常入味，但唔會太鹹，肉質鮮嫩不柴，下面嘅豆腐都入晒味，而且份量超大\ 🍍菠蘿咕嚕肉 ($118) /咕嚕肉酥脆可口，外脆內軟，呢道菜嘅精萃在於醬汁，佢嘅醬汁酸酸甜甜好有層次，而且每舊肉都掛到好多汁，大推！ \ 🦑椒鹽鮮魷 ($138) /啱啱炸起熱辣辣超脆口，魷魚新鮮，嫩口唔靱，加埋惹味嘅椒鹽，好適做佐酒小菜🍻！\ 🐮蜜椒薯仔一口牛 ($160) /鑊氣十足，黑椒味濃，薯仔炸到外脆內軟，加埋d蜜汁好好味，但一口牛就一般..\ 🦐芝士海蝦伊麵 ($168) /芝士汁濃，伊麵份量多，海蝦彈牙但相對份量較少\ 🥬石鍋啫啫芥蘭 ($88) /用石鍋上可以保持溫度，芥蘭完全無苦澀味，加埋少少辣椒非常惹味🌶總括黎講，明記性價比高，價錢合理份量大，真係好啱一大班朋友一邊睇波，一邊飲住啤酒食下小菜😎🍻😎

好耐冇去食打冷，今次去咗荃灣明記海鮮潮州菜館到食晚餐，呢間舖頭喺荃灣已經好多年🔥🔥🔥首先叫咗佢個潮式蠔仔餅蠔仔餅炸到脆卜卜，蠔仔好大粒好厚實唔腥之餘仲有啲鮮味😋😋😋分量相當之多👍🏻👍🏻👍🏻之後叫咗個韭菜豬紅，份量又係極多，豬紅嘅軟硬適中唔會好容易散，而且煮得好入味配埋韭菜食非常之香😋😋😋元朗凍烏頭係必點，侍應拎到過嚟嗰陣時，已經見魚皮同魚肉都分開咗，魚身仲滲出好多魚油出泥，一望就知條魚非常肥美，食落淡淡魚脂香味，另外仲有一碟普寧豆醬，鍾意鹹香嘅朋友可以點一點嚟食✌🏻✌🏻✌🏻最後仲叫咗一個XO醬西蘭花炒鮮魷西蘭花口感啱啱好，好脆身唔會太淋，魷魚應該係新鮮貨，食落有鮮味，份量都偏多同埋大件

荃灣打冷 潮州風味小廚。 我會首選 明記。呢度全部潮州師傅主理， 。頭先我就叫咗佢哋個 孖寶 配搭潮式 鹵水拼盤 拼 潮式凍烏頭潮州凍烏頭 真係好好味 烏頭的肉質紮實大牙 清甜可口 新鮮的烏頭魚 非常惹味鮮味。 去上潮州秘製醬汁 帶出烏頭魚的鮮味。烏頭皮 脆卜卜 肉質紮實 一啖就食得 是心先烏頭魚先能夠做到的效果。潮州鹵水拼盤 有芽菜 有墨魚 有滷水滷肉。 大大碟 用嚟送酒就最啱。 潮式小品味 確實係抵食好味。 再嚟多一杯特大仙檸檬茶 好鬼大 杯 夠曬透心涼的感覺

荃灣咁多嘢食，明記一定係十大我最喜愛的餐廳其中之一，呢間潮潮打冷店我已經幫襯左好多年，我最喜愛就係佢哋嘅潮式生醃螄蚶😍潮式生醃螄蚶啲螄蚶好新鮮🐚，醃製得啱啱好，醃汁嘅味道好開胃👅滷水自選雙拼我揀左鵝腸併生腸🍴，啲腸都煮得好入味，好夠脆口，食落去有啲嚼勁石鍋啫芥蘭啫芥蘭炒得啱啱好，石鍋仲燒得好熱🔥，食落去好香口，有啲微微嘅焦味，好適合配白飯🍚。蠔仔肉碎粥粥煮得好稠身，啲蠔仔肉碎好入味，粥裏面仲有啲蔥花🌱，食落去好暖胃，仲可以補充下體力💪。最後一定要介紹下呢杯超大杯檸檬茶1000ml🍹，唔使講都知道，呢杯茶超大杯啦，仲有啲檸檬味🍋，飲落去好解渴，仲可以同朋友一齊分享呢～👭

今晚約咗個賭馬兒情嘅朋友喺荃灣食飯，所以搵間有電視睇吓馬仔，吹吓水嘅地方，荃灣鱟地坊嘅「明記海鮮潮州菜館」打冷就係好選擇，餐廳有好多大電視，鍾意睇住電視送飯嘅，啱晒。每晚開到零晨三點，啱哂貓頭鷹一族 餐廳有打冷專區，可以親自出去點選,都幾多選擇，不過今晚我哋主打食黃酒雞。客家黃酒雞煲先放低一個Gas爐，等咗一陣，香濃酒味嘅雞煲就馬上送到。除咗黃酒之外，仲有其他藥材，感覺相當補身。雞件份量都幾多，唔知係咪黃酒關係，肉質份外清甜和嫩滑。飲咗幾碗湯之後，成個人都暖咗。沙拉蝦球每一隻蝦球嘅外層都包圍着沙律醬，蝦球夠大隻，而且份量很多，性價比極高。食落肉質夠彈牙，沙律醬帶出了蝦嘅鮮味，絕對沒有雪藏蝦嘅味道。勁大檸檬茶真係大檸茶，足足有成1000 mL，足夠兩個人嘅份量，真係超抵飲。

每當我想不到食什麼時候都會跑去食潮菜，對我來講好像是一種慣性。今日到訪荃灣區，搜尋美食網站，見「明記海鮮潮州菜」評價不錯，一於試試。一入店內已被放滿食物的櫃檯吸引住，見到掛滿的鹵水鵝鴨，橙色大墨魚，大大盤的螄蚶、魚飯和凍蟹，真係口水流，快速坐下點菜。首先當然要點：楊氏元朗凍烏頭 ，上檯時已見魚皮和魚肉分開，魚身滲出金黃色的魚油，已知道魚十分肥美，嚐一口魚脂豐厚，再配上碟旁的普寧豆醬 增添一點咸香，真係食唔停口。鹵水鵝件例牌份量不少，鵝肉嫩滑，滷水味道恰到好處。韭菜豬紅 豬紅軟硬適中，汁液已煮入內十分入味，配埋韭菜一起食非常夾。方魚肉碎粥大地魚的清香撲鼻而來，湯底清甜，食落清爽又有飽足感。今晚又係滿足口福和心靈的一頓飯，相信很快我哋又會再光臨。

同老婆難得出街食，都好耐沒有食過中菜或打冷，係荃灣搵到間小菜可以開到凌晨三點既店舖，但估不到我地上到去之後，都座無虛席。【超大檸檬茶】1000ml 特大檸檬茶真的超巨大，足夠2個人共享，而且茶味清新，味道都不錯。【菠蘿咕嚕肉】咕嚕肉炸到外脆內軟，肉質鮮嫩爽口，肉味香濃，酸甜汁味道恰到好處，加上紅黃椒、菠蘿等蔬果提升甜味，滋味倍增。【薑蔥焗魚腩】爆過的薑蔥香氣撲鼻，魚腩先用油炸過再拌入薑蔥炆焗，魚腩肉質比較實淨但鮮味十足，啖啖魚肉加上魚腩的油脂、爆香過的乾蔥及薑，真的可以吃不停口。【白飯魚煎蛋】白飯魚煎蛋已經好少地方可以食到，煎到金黃色，白飯魚嫩滑鮮甜，可以整條魚肉吃下，蛋餅煎到有少少焦香，蛋味香濃可口，拌飯同吃真的非常匹配。

明記算係荃灣打冷老字號，好耐以前同學聚會食過，食物味道唔錯，港式大排檔格局，環境好熱鬧貼地。之後仲特登帶屋企人去食！最近又同朋友過嚟打冷！平日晚上7點，明記已經座無虛席，充滿歡聲笑語，非常熱鬧，好似好耐冇喺食肆感受過呢個氣氛！沙拉肉排$118 呢個係我去親大排檔都好鍾意點嘅菜式，排骨炸過當然好香酥可口，咬落去外層少少脆，內層肉腍腍哋，都幾易入口，加上用咗好多沙律醬包住排骨，酸酸甜甜，唔濟之餘仲好開胃！滷水雜拼$160 滷水系列可以單點、雙拼或三拼，呢度滷水鵝最出名，不過滷水雜拼乜都有啲，又見到侍應係咁出呢個菜，唔使點考慮就決定食佢啦！滷味好入味，豬腸好腍，魷魚、豬耳好爽口，易咬開！明記招牌炒飯$118主食叫咗招牌炒飯，炒到一粒粒、醬油上晒色，個樣幾靚！最正係唔油膩，特別之處係加埋咸菜一齊炒！坐底已附小食一份$20，另收加一服務費

朋友推介明記打冷，見到隔離枱的小炒好似好吸引，一於今次試下！明記小炒皇-非常足料，魷魚蝦干腰果蘿蔔乾等等全部都炒得好香口，材料亦好高質-韮菜好翠綠份量好多，好有鑊氣黃金鮮魷-鹹蛋黃好綿綿好香，愈食愈停唔到口-鮮魷大大塊好厚肉，每一面都沾滿鹹蛋黃。幾乎見到每枱都有叫，果然名不虛傳砵酒焗桶蠔-姐同朋友都非常滿意的一碟，蠔大大隻蠔肉飽滿，整窩有十大隻左右-砵酒酒味好出好濃，一上枱已香氣十足-洋蔥可以話係另一主角，吸收哂啲蠔鮮味同酒香，加上自身的爽甜，食到一塊不漏超大杯凍檸茶-有1000毫升！真心好大杯但又真係飲得哂，姐同朋友都各自飲光-唔會死甜，飲到茶香同檸檬香

明記係荃灣都屹立左好多年，一直係街坊食打冷大排檔野食嘅聚集地😋今日就約左個外國番黎嘅朋友，同佢食番啲地道野平日大約7點到已經坐滿晒人👀人流不絕🥢小食🥒 $20餐前小食有醃青瓜同咸酸菜，開胃醒神🥢蠔仔肉碎粥（小）🍲 $78蠔仔粥分兩個size，兩個人叫個細份嘅都夠，大約分到4碗出黎，蠔仔肉肥美量多，口感偏向似湯飯，味道鮮甜🥢滷水雜拼🧆 $160黎到打冷叫滷味是常識吧😆入面有齊豬大腸、墨魚仔、豬耳、鵝腸、雞腎、紅腸等等，滷水汁入味，配搭酸辣汁同辣椒油已經好好食特別一讚鵝腸勁爽口👍🏻🥢潮式蠔仔餅🦪 $108朋友係蠔仔fans，一黎到就叫左兩款蠔🤪蠔餅邊位炸到脆卜卜，蠔肉大粒，份量厚實，蘸魚露食咸咸香香🥢超大杯檸檬茶🍋 $36周圍都係嗌啤酒🍻我地就比較偏向檸茶🤣因為見佢寫住1000ml絕對滿足到我呢個茶控！入面嘅檸檬片接近有半個，解渴解膩一流！抵叫👍🏻