明記海鮮潮州菜館 (天保大廈)

營業中

休息中

欖菜肉碎炒豆永遠都是最好的配搭，夠野味😋又唔會太鹹！鵝片好入味，夠林身; 但豆腐太硬唔好食…蠔仔粥比較似蠔仔湯飯，蠔仔分量充足夠鮮味消費滿300蚊仲送滷水拼盤一份免費都大大碟，讚可惜最期待的大眼雞卻令人最失望魚肉唔新鮮好嚡身 又貴又難食

今次是我第二次來到明記，來之前剛好與一位朋友聊起明記。他告訴我明記在荃灣一直都很有名，住在附近的人一定有聽過明記，以前可能還要等上很長的時間，才能進入用餐。聽他一席話，令我對今晚更有期盼。今天晚上點了秘製凍司庵、辣酒煮海花螺、鹵水鵝、翡翠炒海班球和沙拉蝦球，因為我不吃司庵，所以就沒有試過，但其他各個菜色都有一一細嚐。辣酒煮海花螺用上肥美的花螺，辣味也有滲透螺肉。鹵水鵝有附上鵝翼，真的非常好。只要消費滿$300, 就會免費送上鹵水雜拼，紅腸和魷魚都非常爽口彈牙。翡翠炒海班球的份量很足，班球都很大塊，再加上很足量的西芹。沙拉蝦球很爽口入味，沙拉均勻地包圍著每一個蝦球，味道剛好。如果有機會，一定會再來。

經常走過荃灣天橋時看在這一家潮州菜館,經常坐滿人, 剛好朋友想吃潮洲菜人,六點多走去吃不用等位。看到點菜滿三百送滷水拼盆, 所以只點了2個菜加一個小的蠔仔粥 。蠔仔肉碎粥 : 雖然是點了小碗, 份量一定夠2個人吃, 蠔仔又肥又多, 每一口都可以吃到!!味道鮮甜, 不用再加任何調味。辣酒煮螺: 一大鍋的辣酒煮螺 , 份量很多! 估計有30、40個!! 也挺辣的, 不能吃太辣記得要跟職員說要少辣, 辣酒浸著花螺, 很熱, 要拿出來放一下才可以拿著挑, 肉質軟硬適中,很不錯!招牌煲仔焗蜆: 平常都是點炒蜆的, 看到這個有推薦所以一試。大部份的蜆都是肉連著殼的! 真是新鮮! 而且有淡淡的酒香味, 也有它本來的海鮮味, 配白飯一流。   滷水拼盆: 一大碟的而且是免費送的! 有魷魚,豬肚鵝腸紅腸,豬耳... 每款滷水料也有一些, 可以多吃不同的小食。小菜份量多,價錢性價比可以知道為什麼經常坐滿, 下一次要多約幾個朋友多點幾道小菜!!

今日同家人放工後去左荃灣明記食晚飯,今晚食下潮州菜上樓上食樓梯見到都好多名人食過喎諗下食咩先先食個餐前小食,魚仔口感都幾好叫左石鍋啫通菜,椒鹽九肚魚,明記小炒皇明記小炒皇-好足料,菜好鮮味可口椒鹽九肚魚-熱辣辣又夠晒香口,脆漿唔厚好好食,同時炸到連骨都可以食埋,入面白色魚肉真係好有魚香味道石鍋啫通菜-熱鍋真係保持到熱度,香口肉碎配合新鮮通菜,非常香口.這就是所講的鑊氣了.自己在家真係煮唔到白飯真係唔食過都唔滿足

這晚約了餅師傅聯誼，選了吃潮州打冷。地點選在他工作的區域，以方便他下班後可快些來。食肆有兩個不同舖位，只是相距一分鐘步行距離，我們被安排在樓上一樓，人山人海，座無虛設，氣氛熱鬧。店員開茶時通知，點滿三百元可送滷水雜拼一碟，事實上，應該每一檯也會過吧！點了豆腐炆海斑頭腩煲，以砂窩盛著，熱騰騰冒著煙，斑頭腩很入味，肉連著骨，份外好味，豆腐吸索了醬汁，也受歡迎。滷水鵝片，甘香的鵝肉，滷水香而不死鹹，有些還帶點肥膏，格外豐腴。蒜蓉炒菜心，份量巨大，蒜香貫盈，惟菜有點老。蠔仔肉碎粥，雖點了小窩，份量足每人兩碗，蠔仔飽滿，洗得乾淨無蠔殼，加了肉碎，芫茜，唐芹，相當不錯。滷水雜拼，有墨魚，紅腸，腩肉，豬大腸，鵝腸，豬耳，花生等，勝在款式多，吃得過癮。地方夠麻甩，適合大夥兒吹水，氣氛好，食物過得去！

有部分朋友住係荃灣區，加上大家都幾鍾意食打冷，星期五夜晚放工後飲下酒，再食住野呎吹水就岩哂。明記已經係第二次幫襯，雖然環境唔算太衛生，但食物勝在幾夠鑊氣。加上可以同朋友吹水吹好耐，都算好坐。石鍋啫通菜通菜顏色青嫩，口感爽脆新鮮。以石鍋盛載幾有風味，放得耐通菜都係熱辣辣。椒鹽鮮魷魷魚上嘅椒鹽味夠重，好治味。炸粉唔會太厚，炸得唔會太耐，香口酥脆。煎蠔餅蠔餅係打冷必備，酥香不太油膩，點上醬汁令蠔餅更增加少許鮮味。滷水三拼（豬耳、豬肚、墨魚）豬耳爽脆，豬肚口感頗軟韌，墨魚有嚼勁。炒排骨呢款菜式唔記得咩名，印象中係醬汁炒排骨個類。排骨肉質軟稔，送飯一流。

今晚的晚飯在荃灣「明記」，一間主打潮洲美食~~打冷~~的專門店。三人行，每人楝一款心儀菜譜，結果，炸物佔優勢：黃金魷魚$128、脆皮炸鮮奶$88、明記荔枝骨$108、白飯$14。黃金魷魚，肉鮮且爽，脆漿卜卜脆，大家都很喜愛。我很久沒有吃脆皮炸鮮奶，熱氣騰騰的大大塊炸鮮奶，有著無比的吸引力，外脆內軟綿，啖啖奶香！明記荔枝骨，甜酸的排骨吃來很開胃，幫助化解炸物的油膩。「明記」還奉送鹵水拼盤一碟（中）：有鹵水豬肉片、墨魚片、腸紅、豬大腸、鵝腸、鵝腎片和大豆芽菜，鹵水拼盤好味道，墨魚片、鵝腎片與鹵水豬肉片都夠爽脆。真係估不到三碟餸都份量很足，還有免費奉客的鹵水拼盤，為免浪費，我們不要餐前小吃：魚乾仔和鹹菜，雖然有加一小費，但沒有收茶錢，人均消費$129，好食又抵食。下次要約齊朋友打冷，一嘗潮洲打冷風味啦！

同屋企人食飯，因為長輩都鍾意食中菜，有時候會去明記食潮州菜。明記嘅菜式好大份，有時都見到好多年輕人聚會嘅時候去食。小店入面有圓枱、有卡位，今次坐卡位有啲迫迫地，空間唔係咁寬鬆。今次都點左好幾個小菜：滷水三拼（滷水墨魚、滷水大腸、滷水五花朒）（$108 ）正宗潮州味道，墨魚片好爽👍🏻菠蘿生炒骨（ $78 ）酸酸甜甜，外面嗰浸生粉唔厚，送飯一流，食完一件又一件。魚香茄子煲（ $70 ）夠穫氣，茄子唔會散開晒淋啤啤，又係送飯之選。雜菌炆伊面（ $88 ）中規中矩，同一般嘅伊面味道差唔多。石鍋啫芥蘭（ $78 ）芥蘭好爽好清甜，好多醬汁。

荃灣有好多大排檔，小菜同潮州打冷地方。一直都知道明記開左一段時間而風評好壞參半，不過朋友喜歡當然要去一去啦。平日晚上只坐滿半場，最有趣嘅事係在座全是年青人。豉椒蒸白鱔賣相唔太掂，再加上可能白鱔本身唔靚，食落只有嫰而不滑，汁味過濃，遮了本身鱔肉味。椒鹽鮮魷魷魚爽口，外皮鬆脆，椒鹽味道不會過鹹。呢碟係當中最好食的一碟。豬紅不過不失。蠔餅雖然夠脆口，但蠔份量並不多，全部都係漿粉為主，啖啖都係粉漿味… 雖然區內名氣不俗確實帶點失望。

已經吾知第幾次黎明記食喇！呢到既菜好多樣都好好味 食過返尋味拉埋一堆朋友黎試更好 可以食多幾款菜！今次我地幾個人試左幾味餸都好好味！首先係每次都會叫既桶蠔～熱辣辣又入味～滷水拼盤都係吾錯的～豆腐同墨魚最吸引～仲有炸魚餅好彈牙荔枝骨係今次既驚喜！潮式蠔仔粥係每次食潮菜必點，呢間都吾會令你失望的！不過略為覺得攬菜豆角香口就香口但咸左少少～呢到野食都大大碟的，價錢都適中正常，感覺更加抵左！荃灣有兩間分店 兩間其實好近 一間無位即行去第二間就得整體今次都係吾錯的～會再黎！

家人突然在荃灣話想食蠔餅, 荃灣有唔少打冷舖但又唔係間間都有得食蠔餅, 上網睇到推介明記, 嚟到店員話乜蠔都有得食, 就馬上上樓了。蠔餅果然超脆超香, 果然係聞名不如見面, 就是有點"插"口, 樓上地方大也容易找。 卤水鵝片$138 有啲UN潮式蠔仔餅$88 沙嗲牛肉炒芥蘭$98 比較普通招牌炒米粉$98 都唔錯~ 蠔仔肉碎粥$58 大大粒蠔仔, 美味!

近年出街食飯都係去一啲連鎖式食店，今日忽然醒起好耐無打冷，腦海就出現了“明記”，因為以前同朋友食過，記憶中係ok嘅，所以就不作他選，坐車去荃灣食返餐“好嘅”。由於6點左右到，唔駛等位，點了 #黃金鮮魷＞夠份量好味 #豉椒炒蜆＞夠份量但涼的，明顯係一早煮好 #啫啫芥蘭＞夠份量但完全唔覺有啫啫feel #炸餅＞夠份量味道唔錯，但餅底太厚 #水煮牛肉＞聞到麻辣味，食落極少辣，唔掂。總括來說，一試無妨，但不要抱期望，當一般食店便可

星期日同屋企人行完山，就黎到明記食晚飯，我因為未食過呢間，以為啲餸好似平時大排檔咁細細碟，所以六個人就叫左七碟餸，點知，上菜時很意外，好大碟，心諗，一定食唔晒。不過唔理咁多，食左先，食落好好味呀，碟碟餸都好正，我最愛炸黃金魷魚，好香，好好味好難忘，下次再去一定會再叫另外我屋企人話炸大腸都好味，不過我自己無食過，因為我唔食腸我地仲叫左水煮牛肉，因為我之前未食過水煮牛肉，見個賣相我驚會好辣，但原來食落唔算好辣，不過個口食完有啲麻麻地，但都好食嘅仲有蠔餅，好足料，好多壕，而且好脆脆最後真係食唔晒，下次都係叫人頭數減一，呢間啲餸真係好大碟

尋日食國金唔好食嘅糖水之後，今日唔憤氣，同朋友食完飯之後一定要搵返間糖水舖食返個糖水！今次去咗荃灣嘅名既，路德圍出晒名勁多糖水食，夜麻麻都超多人，其實間間我都覺得差唔多。今日就去咗呢間明記試吓囉！我好低能，唔知點解成日以為明記係歌星舖，我以為係方皓玟開架，因為佢叫小明呀嘛，但其實好似冇乜關係！睇怕係我諗多咗。今次我食嘅其實只係好普通嘅楊枝甘露但係非常足料，真係我諗我未食過咁多了嘅楊枝甘露！芒果係食到最底都仲有架，仲有好多嘅碌柚，同埋好重嘅奶味！我個人鍾意食買嘅，所以OK。如果你麻麻哋花奶咁你就要同佢講聲啦！唯一唔可以嘅就係，真係都幾唔好坐囉，因為間舖好細，不過今晚都唔係好洗等，所以都OK。同埋開頭時候帶位嗰位姐姐有少少燥燥地，不過講多兩句其實佢都有禮貌嘅，所以算啦！值得一試嘅。

咁朋友約埋一齊食飯，大家意見多就好難諗食乜，咁最後就決定去食好耐都冇去食既明記。咁我地一入去等左一陣就有位，之後叫左個脆皮牛腩，椒絲腐乳通茶，椒鹽茶樹菇，啫啫雞煲同埋鹵水拼盤。咁個鹵水拼盤不過不失，都夠入味，份量都有好多，而且入面有好多我最中意食既鵝腸，都清得好乾淨。椒絲腐乳通菜就夠獲氣，好食過一年前我地黎食果陣，今次食得出啲通菜同腐乳既味混和一齊。啫啫雞煲不過不失，但雞既份量少左啲，但豬潤既份量都幾多下，最緊要係啲豬潤入味同唔苦。椒鹽茶樹菇比我既感覺係送酒一流，炸得好乾身，同埋都仲食到茶樹菇既味，而且佢既份量仲要係超多，有機會我都會再叫黎食。脆皮牛腩，咁今次我地第一次叫黎食，咁佢比我地既印象都係唔差既，外貌好睇，做到外脆內軟，牛味都充足，只係食落去果下冇乜驚喜，真係一舊有脆皮既牛腩。