明記海鮮潮州菜館 (天保大廈)

營業中

休息中

上完音樂堂，等埋個朋友，就去明記打冷天氣太熱，當然要嗌d冰冰涼涼嘅餐前小食老闆好好人，見我地2個女仔，又想食螄蚶，又想食生蝦，所以就整咗個雙拼比我地❤️。螄蚶好鮮味，洗得好乾淨，絕無腥味，生蝦好爽甜，奄得夠入味元朗烏頭，充滿黃油，一梳梳肉，肉質結實，魚肉有陣陣檸檬香味，醮小小豆醬仲可以畫龍點睛鹵水鵝片，大大碟，好甘香，鵝皮唔太肥，肉質唔會太老，正啊老闆好慷慨，仲送咗碟鹵水拼盤比我地，鵝腸爽脆，腩肉充滿油香，豬耳脆骨好味最後啫啫通菜用熱鍋上，慢慢食都唔怕會變涼，通菜用蝦醬炒過，夠曬鑊氣！

見咁多好評就梗係要試啦，心諗打冷係平民美食理應價錢合理，原來一啲都唔平民，大部份餸要一百蚊以上，如果好味都唔緊要，點知係極失望😓果度環境極嘈😩只聽到隔離每枱都係好大聲講話，可能實在太嘈唔大聲根本聽唔倒，真係聾咁際😟入正題喇，就係食物水準同價錢嚴重唔不成正比，本打算叫滷水併盆，伙記話叫3百蚊餸送併盆，咁好易啫大部份都百百聲，叫左大眼雞、鼓椒炒大蜆同椒絲腐乳通菜送併盆，本來想叫鼓椒炒蜆伙記硬銷大蜆，好啦比多40蚊試下，見隔離好多人叫睇落唔錯，中晒伏啦😢大蜆係好大....個殼囉😒肉同普通蜆差唔多仲要部份有沙，根本食唔倒，而且冇喱味道好淡; 併盆望落幾靚丫，不過😑冇滷水味，咁點解叫滷水併盆呢🙄 條大眼雞唔平架但又乾又鞋😓 最後通菜係最正常同埋🍺囉😑所有食物只食左一半，實在令大家冇晒食欲🤢埋單時嚇一嚇😱兩人食左6百幾蚊，呆左😨終於見識到咁貴嘅平民冇味打冷，真係食到一肚氣😤😤😤😤😤😡😡😡😡

這是一間荃灣老字號，朋友話去食，我咪一齊去law。叫了螄蚶、春菜排骨、南乳炸雞件同埋滷水鵝。螄蚶都算乾淨，可惜只係唔夠鮮味。春菜排骨的春菜好入味，而且好多春菜，讚呀﹗滷水鵝的滷水好夠香，而且好入味，仲有就係隻鵝唔太肥，值得一讚，因為好怕要係咁咬走D肥膏。我同我D朋友都覺得南乳炸雞係全晚最好食的一碟，雖然D南乳味唔係好濃，不過我就覺得啱啱好，雖然係炸，不過又唔會太厚粉漿，好食。

今天朋友特意帶我去試一試潮州打冷，就是在荃灣的，我也沒有去過所以很期待。這裏的小菜有很多，選擇也有很多，所以令我們目不暇給，我們選了幾個小菜，而且還送了滷水拼盤給我們，很優惠呢！首先來的是菠蘿咕嚕肉，這裏的份量也挺多的，味道酸甜很開胃呢，而且咕嚕肉炸得很脆，顏色鮮艷令人食慾大增。接着就是蒜蓉蒸開邊蝦，這個份量也很大呢！一上來就聞到震震香味，蝦肉鮮甜爽口，而且還配合埋蔥及粉絲，粉絲很入味呢！想不到送的東西也是很大的，這個就是滷水拼盤，有墨魚、鵝肉、紅腸等等...滷水味道濃郁，而且很入味呢！

我係想食打冷嘅時候， 朋友就話上次食過荃灣有間又平又抵食，可以去試下咁啱嗰日去開荃灣，就同朋友去試下啦。估唔到竟然有前菜，仲要有泡菜都幾開胃本身都諗住嗌鹵水拼盤，原來呢度叫夠300蚊就會送一個，真係好抵！油鹽水大蜆率先上場，大蜆隻隻都好飽滿鮮甜，而且冇沙，底下仲有少少粉絲索曬湯 ，完全係精華所在。打冷點少得椒鹽鮮魷，估唔到份量好多，放入口熱辣辣，外脆內軟，鮮魷非常新鮮冇得彈。椒鹽茶樹菇真係不得了，一樣都係大大碟冇偷雞，炸得酥脆，菇味濃郁。最後點少得炸蠔餅，好多隻蠔，而且size都唔細，蛋漿好香，perfect match。

同Fd一共5人去食，食左$580，多人食嘅話，除番開都覺得ok，我地食晚市，每枱叫滿$300，送一碟鹵水拼盤，價值$8x我地總共叫左4個餸，不過不失咁啦炸蠔餅：面頭啲蠔好大粒，個餅都炸得ok脆，不俗！但係食到底差唔多全部都係炸漿，啲蠔又細粒，所以食到最後碟野無人夾。啫啫雞煲：係好普通嘅雞煲，無特別無特色，可以唔洗叫。雞鞋口，洋蔥多過雞，有豬潤，得個兩塊。荔枝生炒骨：其實只係普通咕嚕肉入面加左荔枝去炒，啲荔枝幾新鮮大粒同甜，啲肉有荔枝味，覺得係正常水準。椒鹽田雞：呢個餸係我最驚喜嘅，田雞炸完都仲係好滑好好味，我平時唔好田雞，但我都覺得香口好食。唯一缺點係田雞細隻，點左好多炸漿去炸，無乜肉咁。鹵水拼盤：雜錦咁，乜都有啲，其實都係送嘅，無乜要求，多人食叫滿$300就送，係幾抵，當多個餸咁，正常味道，唔會話好好食咁間野我覺得環境同食物都ok，入面多大枱，好適合一大班fd去食，坐晒咁多人，我地都係食大排檔餸為主，無試到潮式冷盤同打冷，有機會可以再試埋。

和父親母親來到這間位於荃灣的大排檔, 似乎裝修完，明亮及乾淨了很多。老人家先叫了個傳統小菜，鹹菜炆門鱔。 一上到來便說這個小菜非常少見，很少店鋪會提供，更話很入味好吃。我就叫了個薑蔥魚雲煲， 薑蔥魚雲煲炸得非常脆，外面的炸粉沾了汁， 很好吃。 重點魚雲很多， 有七大塊， 這個價錢物超所值。最後叫了個侍應推介的石窩海鮮炒飯， 一上到來香噴噴， 有海鮮，飯粒分明，還有份量極多， 最後分開有七小碗。 價錢不便宜，但重點是份量多，火㗋夠，比茶餐廳好味太多。

每次想食打冷，總會諗起荃灣的＜明記＞今次終於有機會試試喇！最大推動力當然係滿＄３００送＜明記滷水拼盤＞一份啦。＜明記滷水拼盤＞意想不到奉送的一份＜明記滷水拼盤＞，份量竟然如此的大，絕對超值＜滷水鵝片＞因為想每一啖都是肉，不用吐骨，所以選擇了＜滷水鵝片＞，而放棄了＜滷水鵝＞，而我們深感這個決定是沒有錯的，大大塊的鵝片，既嫰滑，又彈牙，十分滿足。＜明記荔枝骨＞聽說是其中一款明記的招牌菜，酸酸甜甜的醬汁，還有鮮蝦和排骨，絕對是伴飯的好菜式＜脆皮炸鮮奶＞鮮炸，絕對是這個菜式的重點，香脆一層薄薄的炸漿，包著裡面滑不溜口的鮮奶雖然是油炸食物，但吃起來一點都沒有油膩的感覺。最後以＜蠔仔粥＞作為結尾，超完滿的，我一定會再幫襯的。

所謂一不離二， 上次尖沙咀打完冷意猶未盡， 今晚喺荃灣再來，明記天保大廈總店喺荃灣開咗好多年， 平日都好多街坊幫襯。街坊大排檔格局勝在食物多元化， 除咗打冷， 仲有很多大排檔小炒供選擇， 價錢也街坊價。蠔仔肉碎粥 ($58)抵食, 落足料份量大, 蠔仔多, 隻隻脹卜卜, 肥美, 還有冬菜、柴魚及芫茜等配料, 好味飽肚兼唔肥膩, 湯底鮮甜唔鹹, 作為主食較健康孖寶（鹵水鵝片+豉汁蒸大鱔 ）$280好抵食嘅組合， 家陣去街市買條大鱔都成舊水一斤， 估唔到出街食反而仲抵。鹵水鵝片滾存咗咁多年嘅鹵水汁， 浸出來的鹵水鵝變得香而不死鹹了， 不過食鹵水鵝啖啖肉都係爭少少， 如果可以比我揀拼鹵水鵝件就perfect 了， 個人比較鍾意吮骨。豉汁蒸大鱔巧大碟呀>>> 大鱔用蒜蓉豉汁蒸真係冇得輸，鱔片很肥美，入口香滑到不得了， 加埋蒜蓉豆豉嘅鹹香， 惹味非常， 送飯一流。滷水拼盤 (埋單滿$300 送)ORDER滿$300, 每台敬送滷水拼盤一碟, 份量很多, 內有滷水大腸、腩肉、鵝腸、豬耳、魷魚、紅腸及芽菜等, 可一次過試晒其他滷水食物, 味道唔錯, 大腸及鵝腸最好食, 夠肥美

約咗朋友去荃灣食飯，上openrice搵下靈感，見到明記評分都幾高，就去試下！上到去睇餐牌花多眼亂，睇緊嘅時候職員走過黎問我地：要唔要黃金鮮魷呀？廚房出錯咗，要就即刻有得食！我地三個都幾肚餓，就話要啦！之後睇睇下餐牌，朋友點咗脆皮牛腩同埋炸蠔餅，職員話滿$300會送鹵水拼盤，咁我地冇咁嗌了。食物好快黎齊，我本身唔食牛，所以冇試，但兩位朋友係咁讚呢碟牛炸得好好食。呢度黃金鮮魷用嘅鮮魷都算新鮮，同埋份量都足，有十幾件。另一道菜炸蠔餅個炸份多得濟，蠔仔唔夠多，比較失色。送嘅鹵水拼盤有紅腸，魷魚，鵝腸，豬大腸，豬耳，芽菜...每樣少少啦，當作頭盤小食都ok！因為叫咗好多炸嘢，我地三個都食到好飽，見隔離枱叫鹵水鵝好似都幾吸引，下次黎食試下先！

今晚和女友經過荃灣，於是便介紹了這間明星也愛吃的打冷店給它。餐廳位於樓上，一般茶餐廳的裝潢，地方算是闊落。滷水鵝片首先叫了打冷必食的滷水鵝片，鵝片雖然不算厚切，但鵝片非常大片，足足有碗的size,而且很嫩滑，正。豉汁蒸白鱔白鱔非常大條，很厚肉，而且非常鮮甜，一點也沒有腥味，不要說老人家，連女友也非常喜歡。值得注意的是，白鱔份量非常之多，足夠三至四人食用，對我和女友來說，非常之多呢。滷水鵝腸很耐也沒有吃鵝腸，所以叫了一碟來試出奇的是，鵝腸滷水得很入味，濃濃的滷水味，餸啤酒一流。因為不是地下鋪頭，所以給人嘈吵和壓迫的感覺感覺，難怪女友也喜歡。

最近心情煩躁，一於大吃大喝一下令自己心情好一點！隨意落樓在附近找吃吧！早排吃過其他分店食物都不錯，一於就吃吃這間吧！鹵水鵝片 鹵水味濃郁芳香，鵝片肉質鮮美。西檸煎軟雞 檸檬味酸酸甜甜，特別開胃，而雞肉鮮嫩多汁，外皮酥脆。白飯魚煎蛋 白飯魚非常粗身又鮮甜，蛋邊煎到香脆可口，蛋味濃郁。潮州炒麵缐 配料有魚片，鮮魷，雞蛋等等，麵線軟淋爽口，味道充滿鮮味，炒得非常有鑊氣。鹵水雜拼 店家食滿$300送鹵水雜拼，食物款式多，有紅腸，墨魚，大腸，鵝腸等等，款款都夠入味又好吃，而且份量仲好多呢。

今日呢間餐廳是食潮州菜的，沒有富麗堂皇的裝潢，但呢到整體食物都係足料有份量而且好味的，店員服務快手同友善，相信我地好快再黎食過。飯前小食$20，脆魚仔，醃蘿蔔，送粥一流，因為單食有點咸。呢到其實除左潮州菜之外，仲有好多不同的小炒，呢到食物除左多元化，款式同樣非常多。  潮州菜必點之一係滷水鵝$128，滷水鵝潮州出名名物之一，這裡的滷水鵝值得一讚，鵝肉特別嫩滑，滷水充滿香氣但一點也不覺得咸，所以不會蓋過鵝本身的原汁原味。 客家黃酒雞煲 半隻$138 這個黃酒雞邊食邊煲住可以保持熱辣辣，黃酒雞係一個客家傳統菜式，黃酒香的甜醇味入晒落D雞到，湯入面加左杞子，薑，圓肉，紅棗除左個湯好甜之外，呢個湯仲可以袪風驅寒，份量唔少，建議3-4人一齊食。   潮式蠔仔餅$88，蠔仔餅好大個，每一啖蠔餅都食到蠔仔，蠔仔肥美鮮甜，蠔餅絕對要襯熱食，外層酥脆，炸得好好，唔覺得好油膩，好好味。

當晚一行四人來到戴倫趾診所附近，想找一家小菜店享用晚宴，於是來到了明記此店是區內有名的打冷舖，裝飾擺設都很中式首先來的是粟米魚肚羹，份量足味道美，前後食了三碗之後是太太最愛的菠蘿咕嚕肉，酸酸甜甜很醒胃 然後是D餐的滷水鵝片及豉汁蒸白鱔，滷水汁入味而鵝片香滑但底層都是豆腐 豉汁有點咸但配飯一流沙茶牛肉炒河醬汁滿溢牛肉嫩滑可惜芥蘭不是時令有點過老 潮式蠔仔餅炸的香脆而蠔肉份量亦不少但建議粉可以少放點然後買滿300港元送的滷水雜拼，不過不失，勝在免費離開時看到廣告宵夜十點後啤酒買二送一，下次光顧必點

在荃灣的潮式打冷菜館之中，明記算是數一數二的大哥大。之前和家人光顧過覺得味道唔錯， 見到明記在附近又開了一間新店，心思思又帶家人來食晚飯。 餐廳有好多優惠～入坐不久已經全場爆滿， 好彩醒目有提早預約留位。最優惠的是滿300元就送鹵水拼盤一份，超抵。點了豉汁蒸白鱔， 鱔片肉質滑溜鮮美， 廚師蒸的時間剛剛好，而且非常入味，用黎送飯一流。潮州名菜滷水鵝片， 鵝肉緊緻有咬口，鹵水味香而不會死鹹，果然名不虛傳。菠蘿咕嚕肉， 甜甜酸酸的開胃菜，每次必點。粟米魚肚羹， 魚肚出奇地多，軟軟滑滑的一大煲，一口氣飲了2 碗。沙茶牛肉炒河， 牛肉軟淋一咬就開， 鮮嫩十足，河粉配合牛肉醬汁一起更令人食唔停口，但是芥蘭非常硬身，煮淋d 會更好。蠔餅非常香脆， 熱辣辣最好味，基本上每一口都食到蠔仔 ，是先生最喜歡的一款。爸媽就說怕熱氣唔敢食，哈哈.... 豐富的一餐明記小菜味道唔錯，價錢實惠，是家人開飯首選。 可是店員忙過不停，說話也比較大聲，如果多請人手及店員說話溫柔一點，生意一定會更好