明洞Express (已結業)

我對韓國料理十分熱愛 每次只要去尖沙咀不論是和朋友或只要自己都一定在韓國街吃上一頓如果只有自己的話 就必定來明洞這間貪它自助,偏僻,價錢合理,當然~有前提是我愛這裡的拌飯^O^是自助形式 到收銀處下單後 那個紅色的東東會響音樂提你最取餐我最愛的韓國料理是拌飯 這裡有的是雜菜牛肉拌飯($54)其實和石鍋飯的材料相似 只不過這微溫 煎蛋是半熟的自助的好處是辣醬任"狂吱"(笑) 不是很辣 拌飯剛好看圖已感覺份量很大吧 確實是 但平常吃飯不多的我也把它KO了 太美味材料豐富 菜帶點麻油香 泡菜我會把它拌進去牛肉其實不少 比菜少而已 呵 而且不肥 帶點筋位 是好吃的位置飯量也剛好 絕不會以白飯"扮大份抵食" 而且是珍珠米 正其實韓國街的拌飯試過好次 無論份量比例,材料,味道,價錢等 這間是最滿意的我認為五十多元確是抵吃之選 又沒有分lunch價等絕對要寫篇食評讃讃^^

陪母親去尖沙咀取晚裝，然後去晚飯，平時很少吃韓國菜，到這裡吃飯是第一次，店舖面積不是很大，我們坐在近門口的卡位，落單後要走入去取食物，有點不方便，服務很有限，開水也要親自去取。 飯麵套餐均配有蘿蔔清湯與兩款涼菜，清湯的味道偏辣，很重味精，愈飲愈口渴。特級牛肋骨飯，很大隻碟上面有咖哩薯仔醬，白飯，青瓜菜絲和茄汁，主角牛肋骨味道不錯，有用黑椒調味，肉的生熟程度適中，切開了一塊塊方便進食，這個餐份量很大，最好與人分享。豬肉粉絲飯，感覺像吃上海客飯，粉絲加上椰菜洋蔥和豬肉片一同炒，味道帶點甜味。海鮮乾炸醬麵，麵與醬是分開上的，自行把醬加入麵中攪拌，韓式炸醬呈黑色，味道並不咸，不像我們日常吃的紅色炸醬，醬裡沒有肉類但是有很多蔥粒，如果不愛吃蔥請不要點炸醬麵。辣泡菜煎餅，呈橙色，是辣泡菜的顏色，面層煎至有點脆，切成一塊塊方便進食，味道有點重覆，因為配菜中已經有泡菜，早知點海鮮蔥餅。

朋友說這間韓食好出名,Lunch特地行遠點過來食,又熱又晒,以為可以食餐好既。來到看見lunch唔爆,平時晚上都要等位。第一次入去食,原來係快餐形式先付款後等餐,雖然覺得有點奇怪但也覺新鮮。我點了一客石頭飯,朋友點了一客炸醬麵,很快有得食。上餐,一睇d料就覺得佢唔正宗...食落去:"果然!"大廚一定不是韓國師傅,如果是,一定是韓國最差的...石頭飯唔夠香,用料又唔夠.炸醬麵用料錯錯錯不單止還要咸到極,kimchi唔好食,唯一最似樣的就是不值錢的牛肉蘿蔔湯...咁既質素怪唔得有韓國人來食,呢個價錢係呢區大把韓食好過佢...我唔會再來食第2次!

點左炒年糕---------------煙UN，少辣，因為太肚餓，見到D野太好食，真係唔想影相喇！味道真係好好，仲有豆乾一齊炒！炸醬面---------------又係好味！真係唔識點講，黑色既醬，撈埋D 面"雪雪"聲就索晒入口食！好味！又唔覺得好油好肥，入唔到口！但炸醬係咪冇肉既呢？佢真係得D 醬。海鮮湯拉面---------有好多料，最多係魷魚，食極都仲有，仲有好多蝦！個湯清清地，我食左咁多重味精既野，呢個相對淡口好多，我自己覺得一般啦！我覺得食韓國野要食D 重味既野先過足癮！自助斟水-----------其實都幾好！唔駛唔好意思麻煩到人嘛！自助買票加拿餐------------買票後拿舊會播歌既東西回座位，好快佢就會唱歌，跟住就可以去櫃面拿野食喇！唔想下下食太多野，黎呢度可以低消費食韓國野呀！當然，唔好預每樣野好平！但總算豐儉由人！

係街望入去呢間野感覺係幾乾淨,普通一間餐廳但估唔到原來係快餐店中午時間入去,都幾多人下友人推介炸醬面,就點左炸醬面+泡菜煎餅唔記得影相..炸醬面: 味道OK,不過食哂一客會好''流'',SHARE岩岩好泡菜煎餅: 唔脆,好腍,同感覺都幾肥膩下,呢個冇TAKE2P.S.老闆娘好好客,幫我地撈個炸醬面食唔埋佢又問我地係咪唔好食 哈哈

搬左新地方, 發現佢愈黎愈多食客啦, 宜家要撘枱tim la~鍾意飯焦的我, 更係叫個雞肉石鍋飯啦。等左五分鍾到, 鬧鍾嚮就有飯食啦。上枱時石鍋飯吱吱喳喳的, 好多人覺得唔夠味會自己另加醬汁,但我就覺得足夠哦。撈起上黎, 好多飯焦,又唔會好乾, 超讚呀!前菜有薯仔同泡菜, so nice~湯就味精湯, 我唔好呀!不過食完餐飯, 我發覺自己一身油煙味哦! ><

初次來到這家韓國菜館品嚐韓食‥‥這家店以快餐形式進行，需要先購票，等候取食物‥‥我們二人點了一客牛肉炒粉絲、一客雞肉石頭雜菜飯‥‥這碟炒粉絲賣相不美觀，味道還不錯‥‥味道很濃，但不咸‥‥我滿心期待是很粗身的粉絲，但不是‥‥另外的這客石頭飯，上菜時還熱騰騰的‥‥看似很乾，但吃下去還不算‥‥愛吃飯焦的必需點這味‥‥

大半年前係舊舖食過..一直都印象唔差..最近知佢搬o左舖..專登黎新舖坐下~發現佢由睇number 變o左響bibi call點完餐佢會俾個call機你..到你個餐有得拎佢會bi bi 聲話你聽..某程度上我覺得幾嘈 =.=不過又係幾方便d 掛住傾計ge 客人..海鮮石頭飯撈完同未撈係兩個樣黎ga..但依然咁好味.. 依然咁足料咁大碗韓式豆腐湯我真係未試過食呢樣..本身想食清清地.. 原來係帶少少辣.. 好惹味..「送」飯一流! 我竟然食晒成碗飯..同埋個湯係有肉ga.. 我初初以為係素菜湯黎ga咋~(原諒我見識少..XDDD)泡菜煎餅煎餅周邊煎到有點脆.. 我鍾意 =)唔點汁都夠味 =)因為呢間餐廳半自助形式..水、餐具係自己去拎.. 口渴就「針」多兩杯水啦~下次再試下其他野先=)烤肉都好bor

我和朋友在晚上6:30pm去，未有人， 我們叫了兩客石頭飯。剛吃完， 有個女waitress (樣貌似菲律賓人， 講流利英文) 就叫我們走！ 她說, "你們坐了很久， 要埋單走。" 我們很愕然， 因為還未飲完杯柚子茶!!! 她身後有3個等緊位的女生， 她們立即說:”人地都未飲完杯野，做乜趕人走！”　但我們都埋單走人，費事跟這個惡waitress糾纏！！！

同友人七點鬆D去到, 可能因為星期五關係, 已經差唔多坐滿晒~坐位有D迫, 食物質素同價錢都OK。我同友人各自點咗燒肉餐, 諗住可以自己慢慢燒慢慢食傾下計咁...唔知佢哋係慣咗提供service比客人定想我哋快快趣食完唔好阻住個位, 一路食緊期間...不停有服務員埋嚟幫我哋夾D肉落個爐度燒, 佢不停夾, 我哋就局住不停食...每清一個碟, 唔夠十秒就有人埋嚟收走隻碟...雖然佢哋都幾好笑容, 仲叫我哋慢慢飲埋支汽水先...唔駛急, 但你哋做到咁, 又眼見門口咁多人排隊, 仲點好意思慢慢嘆。體諒佢哋唔想排隊嘅人等咁耐, 但由點餐到食完都唔夠一個鐘...感覺有D唔太好。總括嚟講都會再去, 但唔會再揀繁忙時間囉...

行過見到突然好想食韓國快餐~好掛住泡菜湯嘅味道呀!特級牛肋骨飯: 牛肉味道調得好好,好正呀!配菜都非常豐富,有咖哩,雜菜配韓式辣醬,餐湯同兩款涼菜;雜菜辣海鮮湯麵: 用料非常足,而且湯嘅味道都好濃但係只得辣味欠鮮味,拉麵彈牙又爽口,配兩款涼菜;辣泡菜湯: 泡菜似乎太酸,咸味唔夠,配白飯及兩款涼菜,本來只諗住單點個湯,但估唔到會有埋白飯添...味道都唔錯,但兩個人食又個個都係套餐份量太多真係食唔晒啦!如果係自己一個就咁叫一個餐都係唔錯嘅選擇黎嘅~

呢排d韓風吹得好勁作為韓迷的我當然鐘意韓食啦一行五人就去左同班同學介紹既明洞環境吾算大...桌與桌之間好近..幸好我地坐6人''卡位''一坐下便急不及待點餐: P點了5樣(炒年糕,無骨牛肋骨(類似既名),湯(也忘了),少不了的炸醬麵X2)泡菜同朋友一致認為麻麻..但薯仔nice ;P仲有送湯同白飯(湯好飲,飯好煙un)年糕同湯都好辣,,但好惹味..我們不停食亦不停飲水燒肉D肉好新鮮...冇點汁都好味 我地係搶食!!!!一碟根本吾夠!!!!....奈何13X一碟對我地D學生黎講太貴成日睇韓劇見人地食炸醬麵..黎到緊係要一試味道不俗~係麵淋左少少服務員都係講韓文..不過都識聽同講少少中文佢好NICE~幫我地燒肉同撈炸醬麵仲提我地要趁熱食我地叫佢阿朱媽(韓文既大嬸)佢得閒仲會同我地傾幾句TIM~

初次去明洞Express8:30pm去到唔洗等位.但過左一陣9點開始多人..`~好在早一步姐坐定定點左兩樣野:a) 牛肋骨飯麻麻地..牛肉係唔同d幾好食但個飯好dry..冇咩汁..d不過$75.就貴左d唔太值.b) 石頭鍋飯-豬肉尼個幾好食..夠晒黑.所以先食晒尼個..再將牛肋骨飯d飯倒埋入石頭鍋度保暖...$58.一個set係抵食的.服務都ok的以尼個價錢來講算ok總括來講係會再來食..但唔會特登專程來食呢...因為TST好多韓國野選擇PS : 有個發聲機...嗶嗶嗶..叫你去櫃面拎野食..幾得意..但好嘈.lol

新舖比舊鋪光鮮，但水準仍然keep 到。是晚點了，辛辣麵炒年糕 $69同雜錦雞肉石頭鍋飯$65（有豬肉、雞肉、海鮮比你揀）。先講辛辣麵炒年糕，同我韓國食既味道好似，夠甜又夠辣，正!另外，雜錦雞肉石頭鍋飯，這個是必點的,食到尾仲keep 到熱，如果鐘意飯焦既，可以放一陣先搞勻佢。總括來說,係尖沙咀食韓國菜，仲要係收呢個價錢，算係物超所值！

我地3個人去左韓國之旅 金巴利街 真係好多韓國美食ar~~~~~我地就選擇叫"明洞" 個到d人都係韓國人-好可愛, 好有特色,好似大家樂。落左單15分鐘就有野食,材料新鮮..........韓燒的每款都另跟飯+湯+泡菜