明洞Express (已結業)

點左炒年糕---------------煙UN，少辣，因為太肚餓，見到D野太好食，真係唔想影相喇！味道真係好好，仲有豆乾一齊炒！炸醬面---------------又係好味！真係唔識點講，黑色既醬，撈埋D 面"雪雪"聲就索晒入口食！好味！又唔覺得好油好肥，入唔到口！但炸醬係咪冇肉既呢？佢真係得D 醬。海鮮湯拉面---------有好多料，最多係魷魚，食極都仲有，仲有好多蝦！個湯清清地，我食左咁多重味精既野，呢個相對淡口好多，我自己覺得一般啦！我覺得食韓國野要食D 重味既野先過足癮！自助斟水-----------其實都幾好！唔駛唔好意思麻煩到人嘛！自助買票加拿餐------------買票後拿舊會播歌既東西回座位，好快佢就會唱歌，跟住就可以去櫃面拿野食喇！唔想下下食太多野，黎呢度可以低消費食韓國野呀！當然，唔好預每樣野好平！但總算豐儉由人！