明廚

營業中

休息中

朋友提議食呢間小菜, 仲同我講要指明坐樓上因為無訂枱, 原本安排唔到樓上座位, 但最後侍應都應我地要求代為安排如果坐樓下近魚缸位置，　非常腥臭，　有點難接受侍應推介咗幾款海鮮比我地，有凍蟹，瀨尿蝦同花螺，凍蟹佢話比出面潮式鋪抵，＄800　隻，佢 show 咗比我地睇, 都好大隻嘅，但由於太貴，我地無叫揀咗2隻瀨尿蝦　＄298　同花螺　＄250瀨尿蝦果然巨型，　仲會幫手剪開方便吃, 避風塘做法夠香口花螺侍應推介用鹽焗做法，　之前一直未試過, 估唔到又不錯，好大隻，　食到鮮味又帶輕微咸, 比起其他做法蓋過咗原味來得更恰當最後埋單都有點意外，　佢地嘅材料的確靚，但如果呢個價錢，　我會選擇去酒樓，　至少都坐得舒服Ｄ

好食既地方，一定要介紹比朋友，gogogo今次一行五人，我哋決定慢慢吹吹水，慢慢食，所以每次叫三兩個餸。叫左鮑汁豬皮鳯瓜，靚女老闆娘解釋咗，見唔到啲豬皮係因為已經煮溶咗，所以食既時候就感受到啲gel 口😆網炸春卷，乾爽、唔覺油。小炒皇，多料、大碟、惹味，好送酒。乾煎花竹蝦、好好味、好香口，連殻都脆😋筍殼魚、大大條、香口、唔過火，正。

朋友介紹，一於去試試。訂咗枱，去到全場都坐滿人，好在有空間，都唔太嘈。預咗一邊食一邊飲下啤酒，所以食物都幾個幾個咁叫，分段上菜😉椒鹽豆腐，炸粉唔厚，不過不失。小炒皇，多料、夠味、夠份量，好送酒。炆鳳爪，好入味，好食，有驚喜👍🏻干炒排骨河，正正常常，唔太油利棉醬唐生菜，唔錯上湯娃娃菜，嫩口炸豬手，皮脆、香口，好味炸魚皮，鬆化，正。筍殼魚，肉嫩、外皮炸得剛剛好👍🏻椒油皇炒麵，夠乾身，加上芝麻，好香口最失望嘅食物係麻辣水魷魚，好淋、口感一般。侍應生都好禮貌、有耐性介紹食物，一間外觀一啲都唔特別既餐廳，整體都唔錯。

朋友食過話好食，心郁郁都去試吓！星期五7:00到咗，全間餐廳爆曬，好彩有打去訂位。試咗招牌鹽焗奄仔蟹，嚟到真係心心眼，爆曬膏，鹹味啱啱好，好好味！明廚第一炒，其實同小炒王差不多，不過好大碟，同埋加埋上面啲銀魚仔，炸到脆卜卜，送啤酒一流！黃金涼瓜，個涼瓜做得好出色，裏便唔會有苦味，俾啲鹹蛋黃包住，外脆內軟！白灼手切本地牛，牛肉非常有肉味，牛肉生熟剛剛好，鍾意食牛嘅一定要試吓！另外仲有幾個小菜，炸乳鴿，冰火辣魷魚，椒鹽鮮魷，菠蘿生炒骨都好出色，食下飲下啤酒，開開心心過咗一晚。值得一提，餐廳幾個老闆都好後生，個個都靚仔靚女，服務又好，下次一定會再返嚟！

話說我哋四個女仔好肚餓，去朗豪坊行完街未夠七點就已經周圍搵嘢食，路過見到呢間明廚傳出好香嘅食物氣味，幾個女仔大家一齊星星眼咁問下有無枱。好彩有一個四眼姐姐安排到最後一張4人枱俾我哋，超好彩呀！見到附近幾張枱食客津津有味，樣樣嘢食都好吸睛，所以我哋都跟住叫！今晚就破例食好啲，食多啲海鮮：有新鮮即開嘅生蠔，野生油浸筍殼魚，例牌嘅白灼九蝦，小炒王，豉汁蒸鱔，紅燒豆腐，啫啫通菜煲，一人一隻蒜蓉蒸元貝同埋象拔蚌刺身！四眼姐姐一邊落單一邊笑住問我哋四個女仔食唔食得晒，我哋話我哋超肚餓，同埋真係好多嘢都想食，所以叫佢照落單最後食咗兩個幾鐘，好在樣樣嘢食嘅份量剛剛好，雖然最後食到好飽但係都總算食得晒！真係無諗過原來朗豪坊後面有一間咁有鑊氣嘅小菜店，我竟然今時今日先發現！希望唔算相逢恨晚啦，小店加油哦！下次等我帶埋屋企人嚟試吓先！

脆皮牛坑腩好好味，皮脆肉淋，個人最愛。椒鹽瀨尿蝦同蟹好新鮮，象拔蚌勁鮮味，鮑汁雞腳好入味，囡囡1⃣️個人食咗半煲，蝦醬通菜、椒鹽豆腐全部都好好味，服務好，地方就腳

一行五臨時臨急約出嚟聚舊，大家都諗唔到食咩好，其中一個朋友極力推薦呢間位於旺角嘅餐館食小菜飲返兩杯。點咗5個小菜2個小食，小菜好夠鑊氣，價錢正常，飲咗8支藍妹，另外仲有一個朋友自帶兩支紅酒嚟，雖然唔夠飽但咁樣嘻嘻哈哈傾計飲吓酒幾個錢真係好快過。花生無得揀，係每枱都會擺喺度嘅小食。金磚脆皮豆腐，外脆內軟，少少辣，送酒一流。手拍青瓜雪耳，青瓜都幾入味。脆皮炸豬手，雖然係炸唔係焗，但係外皮酥脆完全唔硬，肉質鬆化適中，唔會太鹹。西芹炒龍躉球，西芹嘅芹菜味少咗好多，唔食西芹嘅我都食到，魚球新鮮唔鞋。辣酒花螺，唔食得辣嘅我都食到，對我嚟講辣味啱啱好，但就無咩特別。蒜蓉粉絲蒸蝦，新鮮蝦無問題。生煎白鱔，大大片，好香口，好好味另外仲叫咗兩罐可樂一罐忌廉。

母親大人母親節放左自己假去遊行，唯有補祝母親節，再加埋個生日飯齊齊食。母親大人仲邀請埋佢家姐，即係我姨媽一齊食，好呀好呀，一次過幫兩位母親慶祝👍🏻去到先知原來依家有埋火鍋，唔通同人合併左？🤔Anyway，有小菜就得啦💁🏻‍♀️冰火辣味魷魚，少少辣，爽脆，好食😋金磚脆皮豆腐，呢個係超好食！個皮係脆既，但係入面既豆腐仲係好嫩滑！全枱人都勁讚好！豉椒炒蜆，非常足料，粒粒都有肉，全部都無沙👍🏻脆皮豬手，皮脆肉嫩👍🏻蒜蓉蒸蟶子王，新鮮，爽嫩😍豉椒炒蟶子王，呢個都幾好食，不過個人都係鍾意蒸既多啲😋星洲奶油麥皮蝦，幾特別，雖然靚仔哥哥已經提左係雪蝦，但係肉地都算ok。食左咁多肉，嗌番個菜，魚湯，但唔腥。呢個肉絲炒麵係驚喜，估唔到呢個普通既麵，炸得剛好，個汁唔鹹又唔係打豆粉”獻”，味道唔鹹剛剛好👍🏻兩位母親大人都表示滿意。

今次一行八人飯聚，唔想又打邊爐，其中一位飲食達人帶我地嚟到明記食小菜，基本上次次食飯都係呢位達人搵餐廳同book位🙇🏻‍♀️仲要永無失手，次次好食👏🏻👏🏻⭐️青瓜雲耳開胃前菜一嚟叫兩碟，飲住啤酒傾住計話咁快掃清。酸甜得嚟帶辣，青瓜雲耳爽脆，食落索索聲！⭐️金磚脆皮豆腐面層鋪滿香脆炸蒜，好香口，脆皮豆腐皮薄香脆，豆腐好滑溜，炸得好，食落唔油膩。⭐️蜜椒雞翼雞翼外皮香脆，蜜椒香濃惹味，重口味之選👍🏻⭐️豉椒炒蜆蜆肉大大隻，鮮甜冇沙，豉椒爆炒好有鑊氣。⭐️豉汁蒸鱔我唔食魚嘅🙈所以冇試，不過聞到好香豉汁味，朋友們話食落新鮮冇泥味，肉質結實有彈性。⭐️咕嚕肉咕嚕肉炸得好脆口，不過呢個汁對我嚟講略嫌有啲酸。⭐️黃金涼瓜有驚喜嘅菜式！以前細個怕苦唔鐘意食涼瓜，人慢慢長大越嚟越接受到涼瓜嘅味道，但又稱唔上鐘意食。呢到嘅黃金涼瓜就令到我食唔停口，咸蛋黃醬香濃，咸度適中，配上涼瓜嘅甘香，好滋味🤤⭐️越式米網春卷熱氣之選，超脆口，不過略嫌食落有啲油。⭐️福建炒飯食到開始飽先發覺仲未食飯，有幾個飯桶表示點都要湊湊米氣，於是就叫咗呢個福建炒飯，足料好味！⭐️冰火辣味魷魚又係要叫兩碟先夠，鮮魷冰凍爽脆，麻辣醬初時食落唔太辣，但後勁凌厲

夜麻麻，屋企人話要食宵夜，諗起呢間明廚既小菜幾出色，去到之後發現旁邊多咗間分店，有活魚刺身食，媽媽話見到啲魚好新鮮所以決定試吓。揀咗呢條叫金鼓，老闆話好甜啲肉好好味。估唔到佢有幾多肉喎，師傅刀工好好，條魚出到嚟仲係郁郁下，呢個肉質真係幾甜幾又咬口，以前淨係食個熟嘅，今次咁樣食，發現刺身好食好多，因為新鮮所以一啲都唔腥，老闆話如果好怕腥味嘅人可以試吓點啲檸檬同海鹽咁樣會更加好食。因為啲刺身真係唔錯所以我哋決定追加一個海鮮拼盤，佢可以自由配搭你自己鍾意食嘅野，點左三文魚，生牛肉，象拔蚌，赤貝同海膽。三文魚腩同生蠔正正常常，個人對呢樣野冇乜研究。海膽顏色有點深，有甜味不過唔夠肥美。象拔蚌同赤貝十分出色，有食開貝類既人都知道甜而不腥兼夾爽口。生牛肉就唔提了，因為太好食，食肉獸男朋友最後再試多一盤西班牙雙拼牛，呢盤要$988，一邊薄切刺身，一邊厚切可以打邊爐。呢個仲好食過頭先個盤，牛肉味不得了特別讚美呢度個師傅真係刀工了得！我地食到三點幾都仲有幾台客人，大家一齊為威威吹下水有幾開心。呢度嘅價唔可以話好平，因為今晚我哋都係叫豪食，不過我覺得完全係超值，性價比係完全符合佢嘅質素。一班人可食多啲野會更

這個月經常吃地道風味小炒，今天出席完酒會之後，朋友說最近找到一家便宜划算又有水準的小炒店，一整天沒有吃東西，不妨試一下。小店位置非常好找，招牌明顯，店員招呼我們到樓上，坐得比較舒服又方便聊天。吃小炒不能不點啤酒，兩個人食量不大，所以點的都不多。金磚脆皮豆腐金磚豆腐炸得剛好，皮脆夠薄，配啤酒一流。黃金涼瓜本人其實非常非常討厭涼瓜那種獨有苦味，不過這道黃金涼瓜改變了一點我對它的觀感。上桌飄來陣陣蛋黃香氣，涼瓜厚薄平均，而且每片都沾滿鹹蛋黃，喜歉吃鹹蛋黃跟涼瓜的人一定要試。豉椒炒大蜆吃大蜆最重要的是不能有沙，而且醬汁不能過多過濃稠，這道大蜆做到這兩點之餘也夠鑊氣，實在不俗。在旺角區可以用這個價錢吃到這個水準的小炒其實很不錯。

十一月之星揀咗呢間中菜館，訂咗間十人房，閂埋房門幾嘈都得，食物有水準鑊氣夠，價錢親民，服務一流，地點方便，超適合一大班人gathering 👍🏻金磚脆皮豆腐🥢🥢🥢🥢🥢豆腐外層沾上粟粉煎香，口感超軟滑，一d都唔會熱氣，豆腐香滑又有豆味，點少少喼汁已經好好味🤤招牌九製陳皮骨🥢🥢🥢🥢一入口就食到淡淡陳皮香，好味好特別，骨份量唔算多但啖啖肉，可以一試黃金涼瓜🥢🥢🥢🥢涼瓜厚薄平均，每件都沾上香濃咸蛋黃，氛香噗鼻🤗，涼瓜帶點甘，個個食到讚不絕口星洲奶油麥片蝦🥢🥢🥢奶油味唔夠重，覺得似豉油王多d，蝦爽口彈牙，麥片有d唔夠腍明廚第一炒🥢🥢🥢🥢呢排成日食小炒王，因為朋友鍾意食我先接觸到，呢度個小炒王鑊氣夠，材料豐富，魷魚乾、蝦米乾、腰王、魚乾、蒜芯等，好惹味送酒一流椒鹽鮮魷🥢🥢🥢🥢🥢炸漿夠薄脆，主角鮮魷新鮮軟熟彈牙，仲好肥大添，超想encore多碟😋魚香茄子煲🥢上枱好香架，味道都唔錯，可惜中至低層好似油浸咁，係人睇見都怕怕😖，全晚唯一一味食剩烤豬手🥢🥢🥢不過不失，肉係軟熟同熱辣辣，但皮烤得過乾過硬，整隻豬手食唔出驚喜蒜蓉白菜🥢🥢🥢🥢鑊氣夠連炒個蒜蓉白菜都好味過人😆，不用特別推介蛋白炒飯🥢🥢飯唔夠乾身，蛋

近排忙到唔得閒 update，我食左間好好好好好食既小炒餐廳❤️每一樣，係每。一。樣。都咁出色！油鹽焗奄仔蟹:每一啖都充滿著🦀鹹鮮，又多膏😍 椒鹽粟米: omg 點解可以咁好食😱 送酒一流啊，又香口又甜，停唔到口！椒鹽九肚魚: 皮薄！餡靚！胡椒魚標:無腥味，胡椒味岩岩好，無搶風頭豉椒炒蜆: 無沙，個汁唔會話好咸或者好膩，蜆新鮮小炒王:正！我平時好少食但男朋友一定叫既，不愧係皇牌🤤韮菜花爽，白飯魚香口，腰果脆，仲有蝦乾有咬口，我夾到男朋友話做咩搶佢 d 野食🤷🏻‍♀️炒條菜都好食過人，啫啫通菜煲我覺得係食過最好食既！仲有個冰火魷魚，辣但好味到停唔到口🤦🏻‍♀️黃金魷魚每一舊都俾鹹蛋黃淹沒左，啖啖都係鹹蛋黃既香甜加魷魚既鮮甜。。。。我又想去食啦！

等咗40分鐘，油鹽焗奄仔蟹🦀終於上枱喇。。我地見到已經嘩聲，勁多膏啖啖肉食落超香，勁正😋呢間野D小菜都好食，夠曬鑊氣 😋推介小炒王，冰鎮魷魚 下次要再食埋去其他小菜，

冰鎮魷魚夠辣好爽好yummy, 整體幾好食，但如果再加多啲款式嘅小菜就更好，今次試左3個菜式，1，冰鎮魷魚2，脆皮牛肮腩＜-吾夠咸味，有啲淡但就煮得好腍只要再加返調味會好啲3，油鹽水粉絲花甲湯＜-呢個花甲好大隻又好味，但都有2隻有啲沙，所以要清乾淨好啲但都好味嘅總括: 會再去Encore試其他餸，希望會多加啲新鮮海鮮類小菜，同埋會有實價，因如海鮮有啲寫時價咁會無咁吸引，同埋都有問過時價嗰啲都幾貴，所以無試