昌記

營業中

休息中

原本去朋友家,怎料朋友既囡囡病了即刻揾節目,上星期日想去昌記,但因為休息呀所以無去今日專登嚟呢度食嘢~2:00 嚟到都咁多人,仲要等位一坐低,阿姐話吋半厚,雞翼,通粉,雪菜都賣晒...好唔開心呀人吔一心嚟食雪菜肉絲通粉和半吋厚多架嘛....唉無計啦我同朋友仔+男友叫咗紅腸牛肉雙蛋出前一丁(28) x2, 砂油多 ($7), 沙爹牛肉三文治,奶茶(茶走)我吔等咗好耐才嚟杯茶走, 好有茶香,可惜太甜啦, 下次要少甜先得紅腸牛肉雙蛋, 紅腸淋咗, 不是太好味喳, 牛肉好味呀,似鮮牛,不似"拿"過~ 好味丫出前一丁面好爽口,好幼細好正呀~ 我第一次係出前食到出前一丁係咁爽同幼細架~多士等咗差不多20分鐘才嚟,砂油多雖然不是太厚,但都好味既, 但我最想食係吋半厚多士沙爹牛肉三文治 好正,烘底,好好味, 牛肉又正,包又脆, well done ~不過度d人好無禮貌又惡,等食物又耐, 若然試咗半吋厚多,都不會再嚟呀~

全因為見昌記起開飯上榜，所以不得不前去拜會下其實心前電視阿SO都有介紹過他的雪菜同通粉好掂。雪菜餐肉米粉(本來想食通粉得賣清)+檸茶+厚身奶醬多 $33嘩！12點多去到都已經賣清通粉，好失望，唯有轉米粉米粉份量都幾多，但煮得腍了點，我麻麻地太腍。雪菜好香不會油膩，肉絲的份量不會太多餐肉我都麻麻，因為無煎過欠香口檸茶好香茶味，重放了5片檸檬，好足料厚身多士是這餐的重點，落單時姐姐問要厚定薄，我當然要厚啦雖然花生醬未算好香滑，但個多士外面好香脆、裡面好鬆軟果然好得，其實是麵包本身靚，你會見到麵包密度好高，不會有好多窿窿，所以食落口感好軟綿綿

oct 30, 09,3人來early lunch,叫咗 : 1) 芙蓉蛋飯拼片頭-賣相有點似和菜戴帽-有月腿條,叉燒條,芽菜,蔥粒等-幸好有蛋汁,不會乾-拼了炸片頭,今次食真d,有味道點似兒時的"紀文",軟中帶彈-本來諗住唔拼,但老闆娘鼓勵 : "有得拼點解唔拼啫..........拼啦........不過講明先,有片頭我哋比片頭,無就魚片"-後來隔離枱都跟咗我叫2) 雪菜肉絲通拼雞翼-通粉諗咗d,都無嘜特別-見食友寫丁麵有咬口........下次等我試吓先-香麻油味-雞翼亦合格3) 厚沙多-呢個我無食因好飽,特意叫比友人食-佢哋只食剩1/2件,真喺好嘢-不過佢哋唔多鍾意食,嫌佢唔夠牛油4) 雪碧 x 1大枝 5) 熱好立克

來到這裡吃畢一頓以後，大概就是這種感覺吧。覺得很多時事情不一定要弄得花巧複雜，可能最簡單最基本的東西才是真蹄吧。要把簡單的菜式弄得出眾，與別人所不同，才能顯出它的厲害之處呢。今天和媽咪有事要去銅鑼灣這一帶，便提議與她來跑馬地吃個午餐好了。媽咪當然舉腳贊成，只要有好吃的，遠一點又有什麼所謂呢。大概二時半來到，也有三五個客人坐在這裡，阿姐一見到我們二人即刻帶我們到後一點的一張方檯去，那裡沒什麼人，與其他食客有一段距離，我們很高興，因為可以靜靜的慢慢吃。雖然那裡是熟食中心，可是環境倒是相當舒適的，有溫度恰當的冷氣和風扇，感覺涼快，少少悶熱的感覺也沒有。再者，週不時見到清潔員工在掃地，所以地方乾淨得很，一點也不會有不衛生的感覺。阿姐說我們可以慢慢的考慮不用心急，她亦給我們看店舖的推介，說我們可以考慮一下，最後我們要了 一碗雪菜魚片米，一份厚砂多和一份咸牛肉蛋治。另外再加一杯熱奶茶和檸茶。很快最先來到的是咸牛肉蛋治，我實在等不及，一手就拿起吃了。它是熱呼呼的，大概是蛋剛剛煎好吧。它的麵包很軟熟，感覺它的麵包也好吃過出面的店子。內裡的炒蛋非常滑，真的是炒得剛剛好，而且與咸牛肉混在一起，每一口也吃到

我是甜魔，也是包迷；鍾愛多士，更深愛厚多。擁有60多個食評，卻保持零喊面紀錄的昌記，對包迷的吸引力，實在是不言而喻，終於一個週末相約志同道合的食友一起去了朝聖!　約好三點嘆茶，二點左右大半數人卻已抵達銅鑼灣，心急程度可想而知。反正熟客Oli一早訂好位，一於邊食邊等，順便率先試食半肥靚叉燒，以及草蘆出品的香脆美味曲奇! 厚多是這裡必吃名物，每逢週末很快售光，幸而又靠Oli留起三件。食物依次上場，介紹如下：　凍奶茶-凍飲的奶茶不如熱的濃郁，而且奶味偏重了，不過就勝在茶味柔順又滑溜，也算中上之作；又交換品嚐了草草的熱朱古力，香甜味濃，再遲上日子天氣凍了，再訪一定會點熱飲!　雪菜魚片頭米-很不容易決定放棄另一名物芙蓉蛋飯，來一親新鮮雪菜芳澤，新鮮醃製的雪菜果然鮮滑美味不過鹹，絕非坊間貨色可比，配合滑溜又彈牙的米粉十分好吃；色澤深邃的魚片頭非常香口，但不油膩，味道鮮美質感極彈，完全改寫我對魚片印象，也是不可多得的亮點!　厚砂多-預留的厚多先來兩件，走邊與食哂(即留邊)打孖上。多身高企，我看那止吋半，兩吋才差不多!難得麵包質感非常棉密細緻，烘得香脆，連同牛油砂糖伴吃，滿咀都是幸福!又，比較之下，

黃泥涌街市實是搵食的好地方，除了有高級鮑魚魚翅供應的銖記和嫦記外，還有提供平民化的美味食物的「昌記」。兩位食友的生日，大家先到昌記吃些東西，然後再往下場。七條友，叫了不少包類食品，當場還有這裡馳名的雪菜肉絲魚片頭米。先講米粉，很幼滑；用上新鮮雪菜，柔軟可口，又不會死咸，肉絲也夠稔身，很好味；魚片頭色澤金黃香口，爽口彈牙，魚味濃郁，又是美味。要了三份油砂多，有走邊有食晒。厚多有成2吋厚，熱呼呼，賣相已很誘人。多士外脆內軟熟，有牛油和砂糖，帶甜味，一定是美味。在座有人喜歡食晒，有人喜歡走邊，而個人則認為有包皮會更可口。另外是魚片蛋治，沒有叫烘底。麵包鬆軟，餡料的魚皮彈牙又味鮮，蛋又是富蛋香，不錯；紅腸蛋治，烘底，真係第一次食，紅腸煎得好香口，水準一致，當然烘底的麵包會更為吸引。咸牛肉蛋治是我認為最好的，喜歡牛肉的咸香，夠熱又是加分的地方，仲要是烘底，必吃！以上的食物，無一不令人讚賞，再加上有食友親手制的超好吃南瓜形曲奇和Brownie，滿足極了。

oct 24, 09,跟住食友,7人來late lunch,叫咗 : 1) 雪菜肉絲米拼炸片頭-用上新鮮嘅雪菜,都唔少喎-雖然個炸片頭喺交嚟,但好彈口-當時都2點幾,所以通粉同雞翼都賣晒 2) 厚沙多 - 走邊 (hk$10)-食友喺早上已致電留咗3件厚多........否則咁"晏"嚟到1定無得食-有成2"咁厚,真喺唔講得笑-外少脆,麵包鬆軟-再烘得勁d就好喇 3) 厚沙多 - 食晒 (hk$10)-聽食友叫"食晒",初時都唔明,原來喺連麵包皮嘅意思-其實連麵包皮食仲有質感因個邊又唔喺好厚 4) 魚片蛋治 - 食晒 (hk$13)-呢個無叫到烘,留有包邊-出面聽都未聽過有呢樣嘢,好有新意-緊喺要試吓啦-不過魚片影得唔明顯-魚片調味夠 5) 蛋牛治 - 走邊 (hk$13)-麵烘咗,脆脆哋,喺好食好多 6) 紅腸蛋治 - 走邊 (hk$13)-又1新穎配搭 7) 厚沙多 - 食晒 (hk$10)-特意留番呢件等其1食友嚟先做 8) 飲品 x 7-有熱朱古力, 凍華田, 凍檸茶x3, 凍奶茶x2* 榮幸嚐到食友自製南瓜型朱古力曲奇同brownie........朱古力味濃又唔會過甜..

18-10-2009好耐之前試過呢度的厚多士, 覺得幾好食 (http://www.openrice.com/restaurant/commentdetail.htm?commentid=1867640), 奈何次次想「重溫」都摸門釘, 呢日同朋友過到嚟, 終於見到佢開檔了 一人叫了一碗粉麵及一杯飲品, 再 share 食一份油砂厚多.先嚟熱奶茶, 睇顏色已知不錯, 飲落茶味香濃, 質地極幼滑, 係真正的「絲襪奶茶」, 勁正 試了少少朋友的凍奶茶, 味道我覺得太「奶」, 不過朋友好似幾欣賞, 咁就得啦.是日通粉賣晒, 麵揀了雪菜肉絲出前一丁... 未食已聞到好勁麻油香, 出前一丁淥得爽口彈牙, 就連味道湯底都唔會太鹹, 有點意外 雪菜如常新鮮爽口又唔鹹, 份量唔少但仍然唔夠喉呢 肉絲亦有驚喜, 軟腍仲帶點肉汁, 唔錯唔錯; "on the side" 有點椰菜, 唔會腍 bad bad, 感覺亦新鮮健康, 唔錯. 好耐無食過咁出色的一碗出前一丁 , 值得試試.朋友食餐肉腸仔麵, 餐肉及腸仔都煎得好靚, 唔知好唔好食?油砂厚多就有點賣相勝於味道... 烘得面頭鬆脆, 中間

今次以經唔係我第一次去了, 我第一次上去食時, 啱啱坐低, 個店員已經話冇雪菜、冇通粉, 我一聽到就即刻好失望咁話, 吓, 冇雪菜通粉咁我都唔知食乜好了, 個店員聽到就馬上推介, 叫我食一個叫魚片蛋多, 佢話好食架, 信我啦, 咁我就當然信佢啦, 因為我真係特登入跑馬地幫趁佢地架麻, 唔食昌記, 我霎時間都唔知去食乜好呀, 咁我就叫左個魚片蛋多, 咖啡,我朋友就叫左個沙爹牛多, 奶茶, 中式既魚片加埋蛋炒, 我以前從來都估唔到可以咁好食, 我同朋友 share 黎食, 佢果個沙爹牛多就麻麻地咋, 而咖啡同奶茶都冇乜特別, 唔差, 但又唔特別好....今次我第二次去到, 一坐低, 個店員就話, 冇雪菜、冇通粉...我話: 唔緊要, 整個魚片蛋多黎先!!

上星期日，我和老公專程到跑馬地的昌記吃東西，誰知該店當日休息，白走一趟。趁今天老公放假，我們再來嘗試該店著名的食物。我們點了厚沙多，雪菜肉絲雞翼米，雪菜肉絲魚片通和奶茶涷熱各一。我們覺得味道如下： 厚沙多：多士雖然厚，但是熱力均勻，幾好味，只可惜牛油唔夠香，若果能用上石排灣街市的文記大排檔所用的牛油，相信一定會大大提高其多士的美味程度。雪菜肉絲雞翼米：雪菜很多，卥水雞翼也很入味雪菜肉絲魚片通：同樣，雪菜很多，魚片很香口，通粉味道一般，整體效果ok。奶茶：有茶味和奶味，味道唔錯。

Having been in Happy Valley for 9 years, I have visited this local cafe many times. I have not been there for over 1/2 year. With the recent TV feature, I went back - it is still very crowded during the day, starting from the morning to late afternoon - a very busy local cafe. It has been famous with its toast - all different variety, except kaya toast - it is no longer served/available here as the cafe does not get the source/supply anymore. Anyway, I learned the cafe got an interesting type

趁有空檔時間，再度"攀山涉水"乘車來到跑馬地，不為甚麼，求的只是再來此地重温舊夢....念念不忘此處的新鮮雪菜、炸魚片及厚油沙多。當然那杯令人"愛不惜口"的奶茶及茶走....一坐下來，有禮的老闆娘便馬上告知雞翼已全沽清。難道這又是名物之一嗎 ? 怎麼沒有嘗過 ? 登時失望之表情溢於面上變相是要給自己多一個籍口再來一次而已....看到幾張隣枱的朋友皆不約而同的叫了芙蓉蛋飯，樣子也是吸引之極看來這裡可吃的東西真是多的是呢....不管三七二十一，下單叫自己吃慣吃熟的東西才是最實際。上次來吃的是米粉，今次點的是一丁麵。這兒的淥得彈牙有勁度，樣子鬈鬈曲曲的極"靚仔"，再加上那個原味湯包弄成的湯底，有點麻油香，絕對是完美的配搭....新鮮雪菜依舊是粒粒有咬口，不是一pat pat爛茸茸的罐裝貨色，味又不死鹹，吃多一點絕不會對健康有大問題。給一個建議，若處理之時可以加點紅辣椒同炒，那就能更香更惹味了。肉絲依舊是鮮貨，每條也是切得粗粗的，入口又帶滑身，不像普通茶檔吃到的那種又嚡又幼又鹹的罐頭貨色....魚片經走油後顏色變得更金黃，而且邊位更見脆口，魚味亦頗夠濃。有時真的想知道她是從哪裏拿貨 (因橫看豎

i really like to have breakfast here as i like their thick toast very much果占厚麥多全食(sorry' i was too hungry that i didnt take a pic of it=P)：this is my favorite!!! the toast was so thick and was crispy outside but soft inside;] the jam on top was more than enough (to me), the thing that i appreciated most is that the thickness of the toast has never changed. Once you have tried their toast, you then realized what THICK TOAST truly is.

尋日系跑馬地呢邊見客，順便就系呢邊吃個午餐啦叫咗昌記嘅招牌菜：油沙厚多士、雪菜肉絲餐肉米味道很好，油沙厚多士外皮好脆，裡邊就好軟熟，濃道啱啱好雪菜肉絲餐肉米都幾足聊嘅，不過如果雪菜可以再多D咁嘅話就更加好啦仲要提嘅就是集香濃滑於一身嘅奶茶啦味道好濃厚，飄散出奶茶濃郁嘅味道，飲起黎嘅時候好順滑而且呢度既服務態度都唔錯，上菜好快，一般只要等5分鐘就會將新鮮出爐嘅各式美食送到你面前，值得去試下噶

We were truly impressed with this small char charn ting which had already gained quite a bit of reputation for its simple comfort food. Don't be fooled by its appearance - the place may look shabby but the taste is great. The must-order items include the iconic "super-thick" toasts - with crunchy top and soft centre, topped with various goodies like condensed milk, peanut butter etc, freshly prepared from the kitchen, it is hardly surprising that the dish has now become quite a signature item fo