旺記冰室 (惠芳閣)

營業中

休息中

成日經過鰂魚涌這間旺記冰室茶餐廳，每次都好多人食，插針找位坐也難，難得今日3：00經過有位，當然要試下這裡的滑蛋飯啦。坐得叫了個午餐，蝦仁滑蛋飯，加杯龍鳳凍檸樂，正。這蝦仁滑蛋飯賣相好看，滑蛋全在飯面上，加上葱花、醬油襯托下，色香味美。而 蝦仁好爽口，有彈牙感覺；滑蛋則香而蛋，軟綿绵的口感，加上少許甜甜地的鼓油，令每食一口都滋味無窮，難怪午飯咁多人光顧。龍鳳凍檸樂加6蚊便可以，飲每一口都冰凍解渴，至爽的飯後飲料。下次要早少少再來，一定要試這裡的义燒，因本想叫义燒滑蛋飯，但侍應話剛剛沽清，想必是特别好味原因了。

終於可以一嘗呢間冰室嘅食物。點了份早餐D, 味道都幾好，特別係件多士！不過最失望都係收錢個妹妹仔，係未瞓呀定唔做收錢都收到黑口黑面，我行動唔太靈活，（剛做完腰部手術，所以行動各方面都要好小心）佢地又有個斜台，無為意到情況下鄧咗一下，有啲痛，不過個妹妹仔無理我繼續收錢， 但我手上還有碎銀要比，當我可以行前啲比時，佢個樣好話我“唔早啲比”其實食物幾好食都好，但遇著呢種服務態度，我唔會再幫親，點解要比錢買氣受其實可能間餐廳係啲後生開，仲未識得待客之道係點……又連收錢咁簡單嘅嘢，妳都可以做到好似攞妳條命咁…………真奇怪

終於放假平日中午前黎到就唔使排隊直入唔使搭枱 正呀不得了 蛋完全覆蓋d飯 好似蛋包飯咁蛋真係好滑好滑 超正 配甜豉油超好味叉燒薄切 相比滑蛋失色少少 味道唔出就咁滑蛋飯我都會好滿足☺️午餐配絲襪奶茶 幾滑 唔錯唔錯唔係間間茶記都會有番茄湯通粉但有既我都會忍唔住叫今次仲要係特濃 真係又雙眼發光好重番茄味 有新鮮番茄的酸味 又有少少羅宋湯的味道非常濃郁的湯底 再配有坑紋的通粉 特別入味通粉煮得好好 唔會過淋 午餐肉粒好厚切 煎得好香 不過得幾粒😕 但配番茄湯好好味奶油豬好正! 好脆 又多煉奶 好足料同埋真係好大個 成個手掌咁大 真係大滿足雖然旺記唔係傳統老字號茶餐廳但好忠於傳統港式味道 而且做得出色用料亦高質 絕對係新茶記的典範

新開超多人排隊，下午兩點幾食中午，前面還有十幾廿個人排，排到差唔多到，門口呀侍應姐姐就會幫你落定單，入坐就有得食。嚟旺記我同同事當然要試佢主打菜，滑蛋叉燒飯同滑蛋蝦飯啦，但要走青。滑蛋叉燒飯，叉燒嫩，蛋滑但就唔算特別。滑蛋蝦飯，蝦夠大，夠爽，蛋滑，鼓油好味。但是每人限食三十分鐘，我食嘢食得慢，都幾趕下，差唔多還有最後五分鐘呀侍應姐姐就會提你。食物唔算特別出色，要排隊，我又食得慢，暫時唔會再去，食得太趕。

近排成日係fb見到d人recommend 旺記冰室，所以就mark低左睇下有冇時間過到嚟食😹😹難道一日早放工，就行到過嚟呢頭揾呢間近期大熱啦！不出所料係要排隊嘅，不過佢set左繁忙時間用餐時間為30分鐘，所以好快都入得😀揀左lunch set 3. 日本滑蛋拼叉燒飯($58)🐽 好快就上到枱，速度到有d嚇親😪 分量都幾大碟，滑蛋舖滿哂d飯，而且見到好多蝦仁同叉燒係面，蝦仁都幾新鮮，唔會霉🙆🏻‍♂️🙆🏻‍♂️ 另外叉燒好好食，肥瘦適中😍 滑蛋亦唔錯，炒得剛好，仲有小小流心feel😛🤤野飲加左8蚊要熱檸樂煲薑，唔會太甜，薑味爭小小，煲耐d會出味d😯

一直都係灣仔旺記嘅big fans🙆🏻‍♂️🙆🏻‍♂️知道quarry bay 都開左間所以補習完就去左啦！1點半左右到都要排隊，大概10令分鐘都有位架啦😛😛 注意因爲佢人多，所以限時30分鐘食😪😪一如既往都係嗌番茄午餐肉米粉($48),加5蚊轉奶油豬🐽🐽番茄湯依然好夠濃！小小酸，好開胃，配米粉可以吸哂湯汁，係肥但好好食👍🏻👍🏻另外午餐肉粒好厚切，口感十足☺️ 奶油豬係必食！烘得香脆，又落得夠媡奶同牛油🤤🤤 野飲加4蚊要左愛爾蘭咖啡，偏苦，還可以

MonKee is famous for the semi cooked scrambled eggs with roast pork and prawns so this is a must order by defaulty.Unfortunately, I had eggs five days in a row so my meal here had to suffer by ordering something else.As with all Chinese sets, they also come with toast and scrambled egg which I gave to my friend.I had the liver noodles which were rather salty and the liver could have been silkier.Ordering food here is quite difficult because you have to concentrate on the menu if you have menu dy

一早去咗鰂魚涌，經過餐廳諗住入去食個早餐，因為見佢好似新開張。正想入去嗰時，個職員同我哋講話唔做生意。但係有其他人入去佢地又招呼喎～點解呢？當時我只是感冒帶咗口罩，同埋我朋友只是坐輪椅jor wor~~~點解會唔做我哋生意呢？？？！我希望個職員只係表達能力差而已

之前黎過兩次旺記, 都見到超多人排隊食唔到, 諗唔明晏晝兩點幾仲點解可以咁多人。所以今次下定決心, 在門外等了15分鐘, 終於可以入內窺探一下。我點了1號餐自家製叉燒日本滑蛋飯(1號總應該是推介吧), 加熱奶茶。唔駛一分鐘, 侍應已把飯送上, 效率非常高。叉燒很軟, 而滑蛋亦處理得很好, 令成碟飯有滑溜溜的感覺。不過, 我個人認為成碟飯太滑, 失去左其他口感, 反而令菜式整體減分。如果要每次等15分鐘先有得食, 我就感覺唔係太抵。

放工去鰂魚涌幫公司攞電腦界字, 比我發現咗灣仔果間餐廳, 喺鰂魚涌開咗分店。 我最記得佢地嘅招牌半熟滑蛋叉燒飯, 二話不說, 即時入去飽餐一頓。呢間餐廳主打用日本特濃 4.3牛奶嘅滑蛋炒叉燒飯, 睇下dinner menu 見到有滑蛋叉燒蝦仁雙併飯, 目標清晰, 即時order咗, 加$4多杯咸檸樂。唔駛等幾耐, 滑蛋叉燒蝦仁雙併飯已經送到面前 , 一野叉落隻半熟蛋, 蛋漿順流而下, mix 埋啲蔥同叉燒, 正。好彩保持應有水準, 蛋真係好滑溜,  啲火候控制得唔錯, 可惜蝦仁係雪蝦, 無乜味, 不過都算爽口. 加埋杯咸檸樂, 吃完覺得好滿足。

是晚接人收工，本來想去觀塘食，後來想念起附近的豬軟骨，打算轉軚，然後再經過呢間之前雜誌介紹過既冰室，再轉軚作為蛋控，見到滑蛋飯免疫力全失，本來Target 既叉燒滑蛋飯原來晚市係冇架，想食看來只好午市請早掙紮咗好耐，終於決定了，要滑蛋牛肉蝦雙拼飯同豬排抄蛋印尼撈面呢個真係招牌菜，超好食！個蛋同個甜鼓油配合得天衣無縫蝦就雪藏貨，不過爽口同醃得好香，牛肉冇食評論唔到呢個係得個蛋好食撈面係正常印尼撈麵，豬排正常。

最近在芬尼街附近新張營業，平時經過排晒隊，係咪真係咁正？某天下午茶時段就和媽媽去朝聖！佢最出名係叉蛋飯、蕃茄濃湯通、足料三文治四重奏。由於媽媽鉀高唔食得蕃茄，咁就索性叫叉蛋飯餐（＄５４），加一份三文治四重奏（＄３２）。店子太細，搭檯一早預左，不過講真，入面坐得唔太舒服。我讓媽媽坐埋邊（即背脊靠牆那邊），我坐外邊（檯與檯間的通道），正當我睇緊餐牌時，有一位侍應竟然踢到我的椅腳、撞落我度。。。 嘩，好彩佢當時唔係拎住熱野，如果唔係我肯定被照頭淋。另外，亦幸好係我坐外邊，如果唔係媽媽便遭殃了。等左一陣食物來了！炒蛋滑就滑，不過冇蛋香，要靠Ｄ蔥吊味。叉燒有Ｄ韌，味道唔太突出，唔講唔知原來係自家製。。。至於個汁，似稀版嘅煲仔飯甜豉油，又係食唔出原來都係自家製。成個飯五十幾蚊，唔覺佢有咩特別好食或驚喜之處！雜誌／網站勁讚，未免過譽了。個招牌飯如此，三文治都唔抱咁大期望了！平常心地食啦，點知。。。真係失望！佢係用麥包的，健康Ｄ嘛，不過烘左嘅麥包真係唔係咁好食。。。餡了方面有花生醬、午餐肉、蛋、生菜。但凡食物同廣告相都會有Ｄ相差，呢點絕對明嘅！當份三文治真正上檯時，媽媽先係眼都凸，咁樣嘅？！就咁睇真係

無驚無險星期四，呢星期真的忙到不行了，今日終於可以早點放工，去做下gym ,出身汗。。。平時lunch time 見到呢間旺記門口多人到不行了。。。加上最近係facebook 嘅推介下，要lunch 幫襯，根本無可能等到位。晚上來到，都要在外等大約十分鐘門口貼上各式各樣推介，最大篇幅的滑蛋自家製义燒飯，仲有自家豉油。but ,可惜今天已售罄⋯⋯眼見滑蛋系列之中，還有牛肉同鮮蝦，一於來個雙拼。。。呢度嘅蛋，仲指明係北海道嘅，一定夠曬滑。。。朋友就叫咗個番茄餐肉粒通粉，茄汁底好濃，餐肉係一粒粒，煎到好香咁。。。個set 仲包炒蛋同多士。。。炒蛋好滑，好juicy 咁 ，多士好夠脆。。。不錯選擇。。。

最近成日見到fb 有人去食搞到心郁郁一直想去食waaa...未夠12 點...舖出面已經超超超多人呢到有分堂食同外賣排堂食記住要入去寫名同人數，唔好傻豬豬咁排丫入到去其實無乜得揀午餐就只有叉蛋飯，蝦仁蛋飯，雙拼，同一d 通粉...見到佢早餐欄有d 三文治...真係好吸引好想食其實佢d 三文治都係花生醬+蛋+叉燒個隻...有d 似中環好出名茶檔個款但我仲未食到ge 關係...呢到睇落大機會食到d haaaa下次黎試主角登場其實係好味ge, 滑蛋真係滑到一放落口就滑落去咁配上叉燒係無得頂...叉燒亦係半肥瘦...所以咬口好好但因為配上滑蛋就無乜食到蜜汁個隻味la同朋友一致認為佢個秘制汁係最好味ge三樣野ge 配合係抵佢咁多人排隊geee但呢到限你時30mins,食得慢的朋友可能諗下外賣會好d lorrrrd 姐姐真係會睇你張單叫你走架

好好味呀！旺記冰室果然名不虛傳一黎門口已經排滿左OL☹️以為要係呢個熱死人嘅天氣下等好耐但係自覺嘅香港人都食完就走結果等左10分鐘倒-未埋位侍應姐姐已經幫我地落單一埋位未到五分鐘已經黎左餐同飲品🍛☕️所以話 係一間餐廳真係可以好感覺到當地嘅文化茶餐廳除左係香港最地道嘅飲食文化係呢度都可以感受到香港急促嘅生活節奏-蝦仁滑蛋飯（HKD56）叉燒滑蛋飯（HKD54）呢個價位係呢區都算係差唔多滑蛋真係炒得好！好！味🤤好夠火候！🔥🔥不過飯原來唔係珍珠米🙍🏻所謂秘製醬汁 就係甜嘅鼓油最經典嘅鼓油撈飯 呢個組合永遠都唔會有錯👍🏻下次黎要試埋佢地嘅三文治😆