旺記冰室 (惠芳閣)

營業中

休息中

一個禮拜食左兩次🙈因爲真係好味🤤成為我既飯堂😋尤其個 #叉燒蛋飯, 食過返尋味! 🍳蛋炒得好滑好滑, 一擺入口就sir入喉嚨; 而叉燒呢, 肥瘦適中有𡁻口又有肉味👍🏾好得!#自家製叉燒 #日本滑蛋飯 配 #旺記秘製甜豉油

之前已經聽過旺記冰室，今日一大班人入去試。7個人等左10幾分鐘，都算快，原來有限時食30分鐘，時間都算可以接受。我地全部都叫叉燒蛋飯，有一個叫左雙併。真無無介紹錯，蛋好滑好香，鼓油唔算痔咸岩我食，好多飯食唔哂，不過我d朋友就食哂啦，叉燒就比較普通。試左朋友個隻蝦仁，好爽好大隻，半碟飯有四隻左右，覺得好食過叉燒。如果一個叫叉燒，一個叫蝦仁，就可以同朋友自行組合雙併，仲平$2。價錢50幾蚊，鰂魚涌呢個價唔算貴，抵食又好食

上星期五晚上路過鰂魚涌，見到這間冰室門外一大張介紹晚餐，都幾吸引，入面又有不少人進食，不用排隊，就與丈夫嘗試一下。餐牌寫著有秘製洋蔥汁，那就嘗試下洋蔥汁雞扒及豬扒飯，那個洋蔥汁汁很出色，酸酸甜甜，不會刺激喉嚨，我和丈夫都覺得非常非常好味撈飯一起食，是非常美味。那個炒蛋也是製作恰當，不太熟不生還有那杯奶茶，也是出眾，很香很濃我晚上不能飲一整杯奶茶，否則睡不好，也要飲哂才走，也是很美味我丈夫飲鴛鴦也是好好飲值得推薦！

呢間茶記，每日如常都會逼爆😭而早兩日有幸排到😍⠀⠀⠀⠀⠀⠀⠀⠀⠀⠀⠀⠀⠀⠀⠀見到幾乎全部客人既檯面都係招牌滑蛋飯當然唔能夠錯過啦！⠀⠀⠀⠀⠀⠀⠀⠀⠀⠀⠀⠀⠀⠀⠀💘💘💘快人快語💘💘💘 ⠀⠀⠀⠀⠀⠀⠀⠀⠀⠀⠀⠀⠀⠀⠀⠀*️⃣旺記冰室最初於銅鑼灣開設，作為茶餐廳而言，餐單中的選擇不算多，但勝在夠刁鑽，主打日本滑蛋叉燒飯，每日午餐時段都會大排長龍，開張不夠半年已經再於鰂魚涌開設分店，雖然業務擴張，但仍然能保持食物質素！⠀⠀⠀⠀⠀⠀⠀⠀⠀⠀⠀⠀⠀⠀⠀*️⃣溫馨提示：門口個短髮姐姐真係超級無敵有禮貌，仲要勁好笑容，簡直係五星級既服務，黎食個Lunch都感覺如沐春風😳😳⠀⠀⠀⠀⠀⠀⠀⠀⠀⠀⠀⠀⠀⠀⠀💘💘💘慢慢品，快快評💘💘💘⠀⠀⠀⠀⠀⠀⠀⠀⠀⠀⠀⠀⠀⠀1⃣🇯🇵日本滑蛋叉燒蝦仁雙拼飯💲💭由於特地選用日本蛋，所以特別香滑😍💭蛋味濃郁且賣相吸引，令人食指大動🤤💭淋左甜醬油係面，甜得黎剛好襯托出蛋香😝💭叉燒軟身，唔會過鞋或似柴皮😍感覺新鮮💭蝦仁爽口，數量亦唔少😳但有陣急凍雪味💭不過瑕不掩瑜，整體味道係５星級😝⠀⠀⠀⠀⠀⠀⠀⠀⠀⠀⠀⠀⠀⠀⠀🔘同場加映：絲襪奶茶都好有水準🔘不覺苦澀，幼滑中帶有茶香🤤🤤⠀⠀⠀⠀⠀◤旺記冰室

午餐食日本滑蛋叉燒飯 $54蕃茄濃湯通粉加蛋多士$48----由柏架山徑行去大潭水塘前，睇上用日本雞蛋和4.3牛乳炒的半熟滑蛋叉燒飯。口感滑溜多汁，配上瘦叉燒和甜豉油，簡單的美味。蕃茄湯底濃郁又開胃，鍾意食酸味味既最愛。

日日行過呢間野都好多人排隊 今日用我既lunch time時間的起心肝搏一搏 其實真係唔差 嗌左個特濃蕃茄湯午餐肉通粉餐 湯底真係唔錯 濃到有啲渣既感覺 好滿足 而跟餐既炒蛋都好滑 一啲都唔老 加塊烘底麥包 同其他餐廳既普通方包唔同 有誠意 下午茶時段仲再平啲添 會翻兜！

上網睇完好多人都推，一心諗住實無死啦，點知又伏伏地😭今次叫左個滑蛋叉燒飯，一黎到賣相好靚👍🏻 蛋係滑，叉燒係瘦叉燒，少少un。但d飯就太多，汁又好少，飯又偏乾，真係同食白飯無分別。（無影另一碟，另一碟揭起d蛋係全白飯，大家都呆左）蛋雖然係滑，但蛋味唔重。可以話係零蛋味個汁話係秘製，其實食落都係煲仔飯豉油個種味（無咁甜) 。成碟野都係d 蔥味最出仲推介......而杯椰汁紅豆冰...真係開頭個兩啖有椰子味，之後真係飲唔到，d紅豆又過份地甜，甜到飲唔哂之餘要叫杯水（對面枱個叔叔飲完都拎左杯水）最後，店員態度ok ，地下好多紙巾垃圾，樹葉都有幾塊。

終於有時間，又唔係繁忙時段，嚟嘆個靚早餐。本來想叫個基本A餐，睇多兩眼個餐牌。。。五香肉丁三文治。蛋牛治就試過（未戒牛肉前），五香肉丁+滑蛋+花生醬，第一次。諗起都邪惡，點可以放過佢。（仲可以加架央😈）（蛋汁出哂嚟~）好夠料。一㩒就標哂出嚟。食得出花生醬的香同五香肉丁的辣。味道唔係太能混埋，本身肉丁跟花生醬自身味道已太突出，更令到滑蛋失色了。雖然炒蛋夠滑，但已經倫為配角了。今日唔駛食lunch了, 滯哂。試一次夠了，下次都係叫A餐。未見侍應生態度差其他人所講的差勁，可能時間尚早？？

早前見facebook係咁推介呢間旺記,咁岩又係我屋企附近.身為一個愛炒蛋的達人,點都要試試佢!睇到menu,已經50 50,唔知食差燒蛋好, 定蝦人蛋好既時候,比我發現左 原來可以雙拼,真係岩哂我呢d選擇困難症既人

這家餐廳也是一直想去吃的，但也是沒辦法在上班的日子來吃午餐！除了等位的人滿多外，還有繁忙時間只有30分鐘用餐時間的規定 // 這對我來說吃得太趕了耶所以這次便和朋友來吃晚餐。晚市不用等位可以直接入座！會有不同配搭的套餐！大致上都是會配飲品。我點的是 - 鮮薑汁豬膶鮮雞湯通粉 ($46)這個有配鮮牛油麥包多士及滑蛋～但多士是可以加錢升級或是轉成其他的喔。我便將多士轉成 柚子醋沙律 (+$3) 很清新的沙律再加上微酸，很開胃～怕吃多士會太飽可選這個。另外那滑蛋真是很香很滑喔～聽說用上了4.3牛級+日本蛋炒成！鮮薑汁豬膶鮮雞湯通粉 - 不一定要吃通粉，是可轉麵之類。說好的鮮薑汁味道並不太覺 ... 豬膶切得算厚身，吃起來不會覺得有臊腥味～口感軟嫩。飲品方面，套餐是有奶茶或咖啡。但天氣那麼凍～想選一些更能讓身體暖和的飲品，就選了 -鮮薑汁豆奶 (+$6) 若這杯單點的話則需要$20 ！用上了維他豆奶，薑味不算太重。朋友點的則是 - 滑牛肉．蝦仁雙併日本滑蛋飯 ($58)這也是套餐來的喔～但這個則只有配飲品。

屋企附近開業已有一段時間的旺記冰室，中午時間是要排長龍的，之前晚市試業期間有試過亦需排隊，人氣十足。今次在星期六晚上第二度光顧，七點左右到，不用排隊。晚市沒有叉燒供應有點失望，最後點了套餐滑蛋牛肉蝦仁雙併飯，配熱奶茶，$58。同行母親點了滑蛋蝦仁飯配熱奶茶，$56。職員蠻好的，點餐後隨即上飲品，食物亦很快上桌。奶茶味道很地道。食物方面，雙併版的牛肉比蝦仁多，但牛肉略為有渣，蝦的調味也被蓋過了不突出。不過本人非常喜愛食蛋，蛋味道質感一流，配搭大量蔥花和豉油亦美味。更見店內擺放日本雞蛋紙箱，要強調和讓食客們看見蛋的來源。用餐過程短但滿意，職員態度友善，適合街坊附近上班人士。

遠道而來又經過人頭湧湧既茶記，午餐時間多人到爆。用餐時間請注意得30分鐘😅😅30分鐘根本上係倒落去既，不過店員會預先叫你落定單，入到去就5洗等就有得食偷聽到d人話個滑蛋好正，決定同同事一人叫一個，睇下係咪真係咁犀利午餐種類選擇5多，一眼望唒等左20分鐘度，終於到我地我叫左蕃茄餐肉通粉餐，我感覺個蕃茄湯底係用蕃茄蓉罐頭開嚟整既，麻麻地，因為都試過5同餐廳既蕃茄通。。依個5太特別蛋係整得5錯，門口寫用日本蛋，不過味道上其實同大家樂d廚師有時心情好整得好食d 既蛋，無咩分別😅😅又5覺得蛋味特別到就排隊食大部分人都叫依個，同樣，我5覺得佢好特別，佢個豉油甜甜地，5錯，叉燒大d d ,但總括而言，好normal ,可能我5識欣賞喇🤔總括而言，依個價，依個質素，依個人流，我應該都5會再光顧😅因爲真係好普通

Lunch Time 突然好想食叉燒蛋飯，我記得有間叫旺記日日都排晒長龍嘅餐廳，今日就早少少落去排隊食返個叉燒蛋飯。同朋友一人叫咗一個叉燒蛋飯，由相已經可以睇得出叉燒蛋蛋汁非常之豐富，食落真係好滑溜溜真係想講啲蛋汁真係十分之滑，原來係用日本蛋做嘅，唔怪得知食落口咁重蛋味啦。另外叉燒肥瘦均勻，唔會太瘦硬，亦唔會因為太肥而得啲肥膏。再加少少蔥花，真係10分完美。另外叫咗凍奶茶同熱檸水，奶茶香濃順滑配合埋叉燒蛋飯，真係一個perfect嘅午餐。雖然等左一陣，但係都值回票價。

鰂魚涌不久前開咗旺記，日日都大排長龍難得早起可以早番到鰂魚涌，咁真係要把握機會去try try佢叫咗早餐B,d嘢食都嚟得幾快多士係厚多士，牛油已搽好，蛋份量都算細，唔知係咪因爲佢係早餐茶走夠香，煉奶唔會太多有坑通粉煮到啱啱好,唔會過熟太淋，爽口火通份量都好多下，可以啖啖有火腿絲湯底食得出係金寶罐頭雞湯味食到一半，望望放係透明玻璃枱下面嘅餐牌如果同一個餐，係午餐嘅時間比早餐時間食要多成8,9蚊，可以話係非常唔抵😨只試一次就夠了

吃在冰室：人山人海，座無虛席。每天特製飯餐：是日精選飯係「秘制三蔥豉油雞扒飯」，配飲品$54。何謂三蔥？原來就係洋蔥、京蔥同青蔥。雞扒煎得香脆，調味唔算重，所以要點呢個秘制三蔥豉油一齊食，咁就會香甜啲。一碟外表平凡嘅雞扒飯，全靠呢小碟豉油嘅幫助，將味道層次提升。餐飲要左熱檸樂煲薑（套餐另加$8）。呢種飲品而家唔係好多地方有喇。據聞感冒初起時，將老薑、檸檬同可樂煲滾後飲會產生療效，舒緩初期嘅感冒不適。無論如何，薑可以行氣活血，而可樂就甜甜地，能中和辣味，冬天時，飲一杯，寒氣馬上盡消！咁有懷舊風味嘅冰室，當然要支持支持啦！