56
12
6
港鐵鰂魚涌站 A 出口, 步行約4分鐘 繼續閱讀
所有分店 (3)
電話號碼
25112533
營業時間
今日營業
07:00 - 22:00
星期一至日
07:00 - 22:00
付款方式
現金 八達通
座位數目
30
其他資料
Wi-Fi
酒精飲品
自帶酒水
外賣服務
加一服務費
食評 (88)
等級4 2018-06-16
883 瀏覽
尼間之前一直都好想試既常餐長期都排長龍,店內專用日本🇯🇵靚蛋整既滑蛋飯或炒滑蛋多士做招牌吸引左好多人排隊等候嚐靚蛋平日上班💼時間都要排隊輪候,而今日假日差不多下午一點鐘🕐都亦已經差不多滿座,去到剛好有位吾洗等,落單吾洗五分鐘已經上碟好有效率午餐有7款,選擇不多但已經足夠滿足大家因爲來得食都是為了滑蛋最特別係午7,每日不同,有時可以轉換心情試試今次第一次食所以心大心細揀左個午5 $48《特濃番茄湯午餐肉粒通粉配鮮牛油麥包多士 4.3牛奶🥛炒日本🇯🇵滑蛋》通粉煮得恰好,番茄🍅湯吾會好似出面咁鹹,濃度剛好又吾會無晒湯,配埋通粉一齊食又健康又美味,午餐肉粒厚切煎香左,好有口感牛油多士用麥包厚切好少有而且好健康,牛油好香滑蛋用4.3牛奶炒加上用日本🇯🇵靚蛋一啖已經滑入喉嚨去了薑汁奶茶☕️店鋪特色,加$4離遠已經聞到陣陣薑既香氣,見到奶茶面上有薑汁不過又蓋過左奶茶既味道朋友叫左午3 $58《日本🇯🇵滑蛋叉燒蝦仁雙拼飯》見到個樣已經洗晒口水啦忍吾住試左一口蝦🦐仁好大好滑,叉燒半肥瘦好嫩肉質配埋個蛋真係好快一啖一啖食晒啊,同埋佢個秘製旺仔鼓油吾會好似出面咁鹹,感覺上都健康一點不過份量就比出面餐記少一點PS店內仲有個規定就係落單後限時食半個鐘啊如果有人排隊,我食完剛好剩3分鐘,店員也溫馨提示了,因為門口開始又有人排隊啦鐘意食蛋既朋友不要錯過了 繼續閱讀
(以上食評乃用戶個人意見 , 並不代表OpenRice之觀點。)
等級5 2018-04-13
2374 瀏覽
最近在香港飲食界,有一樣已經充斥市面,無可否認的一件事,就是坊間出現越來越多「冰室」類的食店,甚至在剛剛完結投票期的食店選舉裡面,「港式食肆」組別就泛現了很多以「冰室」為名的食店。例如以銅鑼灣分店入選食店選舉的食店「旺記冰室」,就是其中一間廣為人知的港式茶餐廳。「旺記冰室」除了較受食客歡迎的灣仔分店之外,他們另外在鰂魚涌開設了另一間分店。鰂魚涌分店「旺記冰室」的位置,設定在香港島東區主要幹道「英皇道」之上。不過由於「英皇道」範圍甚大,要單靠街道名稱與街道號碼尋找「旺記冰室」,就不能不靠地圖才能找到目標食店。不過我到達了「旺記冰室」位於鰂魚涌的分店後,就立刻發現「旺記冰室」樓面,屬於沒有電視機或者收音機的安全環境,這樣給予了我很大的安全感。不過「針無兩頭利」,我發現「旺記冰室」的餐牌雖然強調有很多賣點,例如有「日本滑蛋飯」連自家製甜豉油,可惜「日本滑蛋飯」連自家製甜豉油,配搭就偏偏欠缺了我晚餐不能缺少的「雞扒」。又例如「旺記冰室」另一道招牌飯類晚餐「自家製洋蔥汁幸福雜扒飯」,雖然「自家製洋蔥汁幸福雜扒飯」裡面有雞扒供應,但是與此同時,「自家製洋蔥汁幸福雜扒飯」同時亦混集了我不喜歡的「豬扒」。講句發自真心的由衷說話,如果我是在非正餐時段的「下午茶時間」光顧「旺記冰室」,我還能夠以享用「下午茶」的名義,選擇一碟「鮮牛肉蝦仁雙併日本滑蛋飯」,來感受「自家製甜豉油」的味道。可惜「旺記冰室」的「日本滑蛋飯」偏偏就欠缺了,我非食不可的雞肉,所以我被迫忍痛放棄,我本來很想試食的「鮮牛肉蝦仁雙併日本滑蛋飯」。結果我選擇了另一款有雞扒在裡面的「自家製洋蔥汁幸福雜扒飯」之前,詢問「旺記冰室」的侍應,「自家製洋蔥汁幸福雜扒飯」裡面的豬扒能否轉變做雞扒?幸好「旺記冰室」的侍應們聽到我的「無理請求」之後,仍然能立刻答應我,把「自家製洋蔥幸福雜扒飯」裡面「礙眼」的豬扒,都轉變成我比較想食的雞扒。於是我在鰂魚涌店「旺記冰室」選擇的「自家製洋蔥汁幸福雜扒飯」,最後變成了做我的版本「自家製洋蔥幸福雞扒飯」。至於「旺記冰室」晚餐的飲品方面,我本來很想選擇,試飲一些例如「忌廉溝鮮奶」,或者「雪糕椰汁紅豆冰」等等沒有咖啡因成份,又有創意的非一般飲品,可惜那些飲品的選配價錢也不便宜,動輒也需要二十多元。結果我只能在「旺記冰室」的「自家製洋蔥洋幸福雜扒飯」跟餐飲品裡面,選擇一杯完全沒有咖啡因等提神成份,而且跟餐只需加港幣兩元的「凍檸水」。況且,我最後無意中發現了,「旺記冰室」「自家製洋蔥汁幸福雜扒飯」的指定跟餐飲品,如「雪糕椰汁紅豆冰」的提供時間原來也有限制,只限在「下午茶時段」,大約下午三點至六點,即是就算我願意花錢,也只能望門興嘆。我本來想去「旺記冰室」,吃一餐「日本滑蛋飯配甜豉油」,就算「日本滑蛋飯配甜豉油」沒有配雞扒的選擇我都沒有所謂,可惜我一時大意忘記了,結果選錯了晚餐時段才上門幫襯,我只怨我自己,今次跟「日本滑蛋飯配甜豉油」沒有緣份。不過我幸好,還有人情味很濃厚的「旺記冰室」侍應幫助,令我還有機會吃到,「淨雞扒版本」的「自家製洋蔥汁幸福雜扒飯」,就算「自家製洋蔥汁幸福雜扒飯」價錢不算便宜,我感覺也吃得很滿足。以我這個已經光顧過「旺記冰室」的食客而言,我發現「旺記冰室」的菜式,實在不乏「非雞肉」類的食品,不算是非常適合「雞癡」幫襯的茶餐廳。「旺記冰室」甚至連區區一杯「雪糕紅豆冰」或者「忌廉溝鮮奶」飲品,也只能限定在下午茶時段才能享用,跟餐價錢也不便宜。如果「旺記冰室」不是有人情味極濃,而且服務態度甚佳的侍應的話,我對「旺記冰室」最終評價就算不打折扣,我將來亦只能在下午茶時段,才能再上門光顧「旺記冰室」。況且「旺記冰室」的「忌廉溝鮮奶」跟「雪糕紅豆冰」亦只限下午茶時段供應,種種不利因素,亦令到下次在「旺記冰室」,只能享用下午茶食品。至於鰂魚涌分店「旺記冰室」飲品,亦有另一個有趣的地方,就是飲品以金屬鋼杯去盛載。在我僅有的記憶當中,選擇以金屬鋼杯去盛載飲品的茶餐廳實在不多,除了「旺記冰室」之外,就只剩下尖沙咀的「新X餐廳」。儘管「旺記冰室」的「自家製洋蔥幸福雜扒飯」價錢也不便宜,整碟飯最後價錢也需要足足港幣六十二元。不過拿這價錢在西貢晚上食茶餐廳,也不見得會節省到幾多錢,所以我以晚餐角度幫襯「旺記冰室」,總算沒有蝕底而回。「旺記冰室」的「鋼杯裝」「凍檸水」,口感一如事前的期待,「凍檸水」入口感覺十分冰凍,檸檬味道十分之酸,「凍檸水」整體的味道酸甜味一致。另一方面,精美的「金屬鋼杯」令到「旺記冰室」的「凍檸水」,足夠維持冰凍溫度足足一段長時間。而且在我飲了「凍檸水」一口不久,「旺記冰室」廚房亦都已經順利完成我的「自家製洋蔥汁幸福雞扒飯」,侍應端着「自家製洋蔥汁幸福雞扒飯」,送到我的面前。鰂魚涌「旺記冰室」侍應幫了我,從豬扒換成了雞扒的「自家製洋蔥汁幸福雞扒飯」,實際製成品的份量比我想像中來得豐盛與大碟。而且「自家製洋蔥汁幸福雞扒飯」的白飯,竟然還是被炒雞蛋包裹着上碟的「奄列飯」。所以「旺記冰室」「自家製洋蔥汁幸福雞扒飯」價錢雖然不便宜,但是我吃完「自家製洋蔥汁幸福雞扒飯」還是覺得很滿足。「自家製洋蔥汁幸福雞扒飯」的洋蔥汁味道很甜,而且滲透了來自洋蔥本身的香味,令到「自家製洋蔥汁幸福雞扒飯」實際的洋蔥味道十分濃厚,十分易入口。「自家製洋蔥汁幸福雞扒飯」的雞扒被「旺記冰室」煎得剛剛好,雞扒皮十分香脆,雞肉口感嫩滑,「旺記冰室」廚房煎煮雞扒的手藝技術真是值得一讚。另一方面,「旺記冰室」的奄列雞蛋製造出來的效果也不賴,雞蛋奄列差不多完全包裹着白飯,我每一啖飯也幾乎吃到奄列雞蛋,而且奄列雞蛋飯還有濃郁甜味洋蔥汁調節味道,所以「自家製洋蔥汁幸福雞扒飯」整體味道濃郁又甜的味道,價錢雖貴但算性價比高。雖然「自家製洋蔥幸福雞扒飯」味道效果很好,但是我下次在下午茶時段再來「旺記冰室」的話,應該是時候轉試其他口味的「鮮牛肉蝦仁雙併日本滑蛋飯」,還有下午茶限定的飲品「忌廉溝鮮奶」,以及「雪糕紅豆冰」了。 繼續閱讀
(以上食評乃用戶個人意見 , 並不代表OpenRice之觀點。)
等級4 2017-12-18
1448 瀏覽
今日約左朋友一齊翻工,又早左到鰂魚涌見到有間冰室又見裝修幾ok,應該都唔差噶,叫旺記冰室。平時都起茶餐廳,就覺得應該唔會難食。一入鋪頭店員全部都好忙碌,9點幾呢個鐘數超多人,舖頭唔算大。坐落都幾舒服,裝修都幾新潮,一陣工業風噶味道。 一場黎到緊係食舖頭推薦,都未食過咪試下早餐推介。我就簡左個早餐B, 忌廉雞湯鮑魚火腿絲通粉 配呢個 愛爾蘭咖啡要+4蚊。貪新鮮緊係要試下名都特別過人,凍愛爾蘭咖啡又真係好整齊,鍾意飲咖啡噶朋友可以一試,咖啡唔同普通茶餐廳果這味道,苦澀味同甜度都好夾。個通粉先正,平時好鍾意食奶製品.呢個忌廉湯底噶通粉都幾特別。跟餐仲配埋 北海道牛乳炒蛋 同麥多士,平時最憎食麥多士因為勁dry。我見台台都有食曬成件甘濟,我就試下,一試就食曬,佢d牛油擦得好足夠又夠脆口,正。唔想食湯麵噶朋友可以好似我咁,叫咗一碗雞油雞絲撈麵,佢就叫左碗海鮮湯米線。枱面仲有魔鬼辣辣椒油,老闆仲細心咁起辣椒油上面寫(一滴),特別註明辣椒油肯定唔少嘢。我哋仲嗌咗幾份小食,呢度最特別出名係炸珍珠奶茶、香麻雞翼尖同蒜香青瓜。炸珍珠奶茶真係幾正,之前仲以為食落去肯定好鬼甜,點知甜度適中,男朋友唔識辣就叫左唔辣噶雞翼尖又OKay喔,個青瓜好新鮮食落咬口很爽脆配埋麻將仲正。我個fd 就叫左碗早餐A午餐肉番茄湯通粉,同鮮牛奶,佢話鮮牛奶略嫌味道淡左d,但係個特濃番茄通粉就真係有水準啦,我見佢d湯濃到好似茄汁甘,我就唔鍾意,佢話番茄味道好濃郁,配上招牌奶油豬,絕配。我見佢食得甘開心我都食左一件,一食不得了,個奶油豬超鬆軟,煉奶同牛油擦曬全個面,我就覺得好食過翠華果果奶油豬。鍾意食奶油豬噶朋友一定要黎試。 繼續閱讀
(以上食評乃用戶個人意見 , 並不代表OpenRice之觀點。)
的確好旺喎! 焦點食評
等級4 2017-10-08
7299 瀏覽
雖然每日都會把公司的工作帶回家, 一心打算回家後再發奮, 但結果是……完封不動咁帶回公司, 日日如是, 只是一個 “拎”字, 哈! 真是有點內疚, 今日決定扚起心肝, 早餐後便馬上開工, 一直做…一直做…收手時原來已差不多三點, 連午餐也skip了, 為了好好獎勵自己的表現, 一於出去吃個豐富下午茶, 讓自己鬆一鬆。吃什麼好呢? 咦!? 日日堆滿人龍的旺記冰室, 現在門口竟只有兩三人, 一於趁這個好時機入去嘆返個下午。內裏地方不多, 兩邊合共有兩張六人枱、四張四人枱和兩張二人枱, 只有中間一行窄窄的通道, 而枱與枱之間的距離亦較少, 大家要坐得親密一點啊!冰室裝潢設計簡約平實, 牆身和水吧位貼上幾款招牌菜的大海報, 如叉燒日本滑蛋飯、特濃蕃茄湯午餐肉粒通粉、鮮薑汁豬膶通粉、招牌沙嗲牛肉雞湯公仔麵等等, 賣相挺吸引!看看夾在枱上的餐牌, 設計簡單清晰, 分早餐(7:00-11:30am)、午餐(11:30am-18:00pm)和下午茶餐(15:00-18:00pm), 各有6-7款餐, 各有不同。***************************六款下午茶餐中, 對三文治四重奏最有興趣, 即是由四款配料組合而成的三文治。仔細看看, 共有四款選擇, 除主食不同之外, 四款均有雞蛋、花生醬 和椰菜, 而花生醬亦可免費轉為架央, 相信是擔心有些客人對花生有敏感, 真細心!揀了一份鮮免治牛肉 x 雞蛋 x 花生醬 x 椰菜旺記烘麥包三文治四重奏 ($32), 烤烘得外表金黃, 兩件均夾着滿滿的饀料, 大大份, 非常有份量, 賣相相當吸引。拿起它挺墜手, 張開大口咬下去, 選用麥包 既健康亦更有咬口, 烤至稍稍脆身, 配上滑嘟嘟的雞蛋、爽口的椰菜 和嫩口的免治牛肉, 口感豐富, 但略嫌花生醬 的份量過多, 味道最突出, 蓋過了蛋香和牛肉的鮮香。試試單嚐免治牛肉, 其實挺鮮香肉嫩, 但配埋一起就有點失色了…..***************************下午茶套餐均配一杯絲襪奶茶或忌廉即磨咖啡, 可+$2轉為凍飲或可加錢選其他特飲。飲品都幾選擇, 見近排周身骨痛, 不知是否作感冒……阿媽教落, 熱檸樂煲薑(+$8)可預防感冒, 一於要杯打打底。內有三大片檸檬 和不少薑絲, 味道酸酸甜甜, 帶少許辛辣, 雖不算勁薑, 但飲完之後都幾舒服, 好似幾有攻效喎!------------------------------其實只坐了一會, 已看見有很多客人不斷出出入入, 而店員們亦忙過不停, 臨走時門口又堆滿人龍, 看來是我今日運氣好才不用久等。它命名旺記冰室真是無錯, 的確好旺喎! 難怪延長了營業時間至22:00, 還註明用餐時間為30分鐘。 繼續閱讀
(以上食評乃用戶個人意見 , 並不代表OpenRice之觀點。)
等級4 2017-10-08
3847 瀏覽
之前喺灣仔「旺記冰室」嘗過店裡嘅滑蛋叉燒飯,覺得好有水準,滑蛋用咗日本雞蛋配 4.3 牛乳同炒,入口半熟超滑溜,配上叉燒,非常美味。最近餐廳喺鰂魚涌開咗新分店,既方便又就腳,啱曬我這個東區友,所以趁這天瞓到日上三竿,就決定去吃頓下午茶餐,順便重溫一吓店子的滑蛋飯。按門內進,店子地方不大,以一室啡木色為主調,椅桌分成左右兩排。屈指一數,只有廿餘個座位,以二人及四人檯為主,而且由於來到時正好是下午茶時段,店內坐滿食客,所以看起來有點迫狹,不過環境尚算唔錯,乾淨企理。餐牌一張過,很簡單,分為三個時段,分別是早餐、午餐及下午茶餐。午餐供應時間由 11:30-18:00,不過記得剛進店時,門外寫著營業時間去到 22:00,應該係延長咗。午餐共有七個選擇,四款飯、三款通粉,定價由  $46-$58 不等,配絲襪奶茶或忌廉即磨咖啡。至於下午茶餐嘅供應時間就係由 15:00-18:00,同樣有七項選擇,包括通粉、烘麥包三文治四重奏、豬仔包、夾心西多士、炸南乳雞脾、豬扒印尼撈麵,定價由 $32-$52 不等。另外餐廳設 minimum charge,每位客人最低消費  $14,而用餐時間若有客人排隊等位的話,就只限 30 分鐘。既然一心為吃滑蛋飯而來,所以入座後,立即鎖定目標,選了滑蛋叉燒蝦仁雙併飯,而另一客就揀咗旺記烘麥包三文治四重奏。日本滑蛋叉燒蝦仁雙併飯 ($58)  率先送上,飯面的蛋漿炒至七八分熟,色澤金黃,表面很油亮,而且包住大量蛋汁,惹人垂涎。急不及待舀起一匙往嘴裡送,半熟蛋火候控制得剛好,入口超滑溜,而且滿載蔥香。至於叉燒,食落肉質好鬆化,肥瘦均勻,而蝦仁數量雖然只得三隻,但就大大粒,配埋精彩嘅甜豉油,超正,吃罷非常滿足。接著嘅烘麥包三文治四重奏 ($32)  有四款口味,包括鹹牛肉、午餐肉、五香肉丁、鮮免治牛肉可供選擇,揀了五香肉丁。三文治選用麥包,除五香肉丁外,內有雞蛋、花生醬和生菜,非常足料,如果不吃花生醬的朋友亦可換成咖央。三文治上桌時已經一開為二,可以清楚看見餡料,麵包烘得金黃香脆,五香肉丁入口香辣惹味,不過就稍嫌有點霸道,蓋過了花生醬的香氣,但以整個配搭來說,味道還是不俗。餐茶揀咗凍檸茶 (凍飲+$2) 同凍奶茶 (凍飲+$2),前者入口冰涼又夠茶味,檸檬下得足夠;而後者奶的份量就差了一點點,未夠滑,幸好茶味不俗。下次會再來試試店子的蕃茄湯通粉。 繼續閱讀
(以上食評乃用戶個人意見 , 並不代表OpenRice之觀點。)