旺記冰室 (建利大廈)

營業中

休息中

食得出好有誠意既早餐☺️平時8點幾經過勁多人今日難得返晏啲，早少少搭車出黎食個靚早餐🤤忌廉即磨咖啡有水準高質炒滑蛋配烘得岩岩好既鮮油麥皮多士令到我即刻寫好評既係佢呀！蕃茄湯底堅濃 重口味既我大推！濃到好似汁咁💕午餐肉靚煎添架食開米粉既我都會覺得呢個汁配返通粉好啲乾淨企理，坐得舒服👍🏻員工有善，姐姐超好記性所有野食真係名乎其實特濃真係特濃，即磨真係即磨港島區，呢個價值，性價比好高🥰愛上呀下次加錢轉奶油朱先🤤

之前網上 留意到一些群組 不少人 介紹過這間 旺記冰室 每天午市 門外站著 滿滿上班族 有等候入座堂食 也有外帶 每天如是 😋😋店舖面積不大 座位距離狹少 絕不舒適 而且繁忙時 只要門外 有人客等候 則只有 30 分鐘用餐 然而 却沒讓人卻步 大家願意等候 用餐亦迅速 美食 就有這種魔力 🥪🥪這裡招牌菜式 自家製叉燒 日本滑蛋飯 滑蛋蝦仁叉燒飯 奶油大脆豬 幾乎每座桌上都見到 🥄🥄首次到這店 正是午餐時段 滿座之餘 門外站著不少人 還好啦！部份是等外賣 我們二人等了不到十分鐘便有位了 我們點了 2 份午餐自家製叉燒 日本滑蛋飯 🍳🍳叉燒大塊厚切 肉質鮮嫩 滑蛋炒得出色 不乾也不會生 我喜歡的程度 加上調味過豉油 細香蔥 鹹度恰當 也沒有很甜 白米飯煮得不錯 整體風味 口感平衡 極度美味 難怪捧場客不絕 👍👍👍鮮忌廉雞湯 鮑魚火腿絲通粉 🍖🍖真材實料 湯底濃郁 通粉爽彈有水準 🥣🥣奶油大脆豬豬仔包身軟 烘至香脆邊 練奶牛油 黃金比例 外脆內軟 超好味道 🧈🧈絲襪奶茶 檸檬香濃紅茶 同樣高質 淨係睇相都已經流晒口水啦！🤤🤤🤤

這間店雖然近公司，一直都很少食，最多一個月一次，外賣居多，一直感覺質素一般，而價錢中等（$47一個茶餐）今日再到店買外賣，站門口的男店員態度而不太好，我以為我的餐是沒給錢，但見他對其他人都差不多。到送餐的姐姐，叫號碼是太細餐我聽唔到，到我問時就回一句「有左好耐啦」，我一直在門口等，可能我唔識聽佢啲語言掛。 經過今日都係叫同事行過隔離幾間食好過，眼見以前日日排長龍，到而家得幾個人等都感知不妙。今日後更決心跳過這店，食物質素已麻麻，仲要受氣真的不用了。

2021年10月5日，午餐：滑蛋叉燒飯，餐飲：即磨咖啡。滑蛋正常、秘製醬汁一般、叉燒乾硬未如理想、咖啡普通。如果未試過，可以跳過佢，直接試滑蛋蝦仁！希望佢有進步，唔係點值$56！

呢間係專食滑蛋叉燒飯嘅好地方！當日見到入面嘅客人大部份都係叫呢個😂😂😂嗰陣喺灣仔做咗幾日野，連續食咗三日😂😂😂滑蛋嫰滑到不得了，煮得啱啱好，而且份量夠多😍叉燒半肥瘦，係我最愛😍 燒得得夠香，而且唔會好乾身，食落一啲都唔會柴口～～～兩樣加埋甜豉油撈飯等於一百分呀！！ 得閒心思思就會掛住😋😋😋暫時食過最高質嘅滑蛋叉燒飯，咁大碗飯加埋嘢飲都係$60有找，高質啦！下次都會試吓佢嘅滑蛋蝦仁，好似都唔錯

美食展開工前食飽D是常識，有朋友介紹要試呢一間咪試下law，點知原來正到暈，於是連續食咗兩日。午餐肉粒番茄湯底通粉，粒午餐肉係厚切，非常感動，咬落去真心正好多。番茄湯底好濃好杰，咁嘅配搭真係好好食。牛油厚多士夠熱，D牛油溶化晒，好食。至於個炒蛋就夠晒香滑，D蛋汁用件多士黎點埋唔好嘥。一份咁精彩嘅早餐才$45真係好抵食。

唔知點解每隔一段時間都好想encore旺記冰室雖然嘢食種類唔多, 座位都唔太舒服, 而且仲要大排長龍, 但係嘢食真係超級好食<自家製叉燒日本滑蛋飯>同事又是嗌左自家製叉燒日本滑蛋飯日本滑蛋依然係又香又滑, 一啲都冇失水準自家製叉燒肉質偏瘦, 但又唔會柴, 配搭佢嘅甜豉油撈飯食, 家常得黎又好味道<特濃蕃茄湯午餐肉粒通粉>大食妹就嗌咗特濃蕃茄湯午餐肉粒通粉特濃蕃茄湯唔係個個愛, 但大食妹就係超級鍾意酸酸嘅蕃茄湯底, 配搭索湯嘅通粉, 同脆卜卜嘅午餐肉, 簡直係完美配搭另外仲有跟滑蛋同多士, 唯一可惜嘅係多士唔係熱辣辣嘅, 烘多一陣會更好呢

下晝去食午飯派飛個阿姐講嘢個語氣奇差 食物都唔係特別好食叫咗佢哋個招牌滑蛋飯 滑蛋冇蛋 “獻”汁多過蛋 個飯又完全冇味 唔明點解咁多人講到佢個滑蛋飯咁好食睇埋其他食評完全係打手feel

灣仔有好多小店，旺記冰室係其中一間我想去食嘅！餐廳座位唔多，午飯時間去座無虛席～自家製叉燒日本滑蛋飯配旺記秘製甜豉油驟眼見到每枱都有人食呢個滑蛋飯，賣相望落的確幾吸引～食落第一口覺得d蛋真係好滑！！軟棉棉咁！！好正！而叉燒份量都唔少，斬到都幾大片㗎，肉質偏瘦，不過都幾腍唔算鞋！重點佢個秘製甜豉油真係好好味，甜度配得剛好，好出色，滑蛋、叉燒同甜豉油三樣野非常夾！回味無窮～～特濃蕃茄湯 午餐肉粒通粉蕃茄湯好濃郁，真係用蕃茄磨蓉，啖啖都食到蕃茄，超香！通粉份量適中，煮到剛好，保持到口感，唯一嘅配菜午餐肉幾有心思，切成粒狀，每粒都煎到好香脆，非常惹味！跟餐仲配有鮮牛油麥包多士，係麥包呀，健康啲！仲有份4.3牛奶炒日本滑蛋，一樣係好滑～～午餐仲附送飲品，兩個餐埋單只係$108！非常抵食，食物質素亦好高！推薦呀！

個鋪頭好細 好迫 坐得十分唔舒服招牌叉蛋飯 好一般 個蛋一啲都唔滑 叉燒無味 而且細碟 食兩啖食完 有更好的選擇態度十分之差 落單果個懶得望住個客比單用十分惡劣命令式的語氣要個客比number食完埋單個收銀掛住做自己野 個客企係佢面前扮睇唔到連句唔該等等都唔識講 要個客罰企10秒 基本禮貌都無然後我八達通剛好無錢 埋單時想順便增值明明有八達通機 個收銀特登扮野話佢間鋪無得增值 怕麻煩態度差已經blacklist 以後唔會再去基本的服務態度都無

灣仔旺記專注做早午市，日常五點半就last order。餐款唔多，但係每樣野都幾有質素。.自家制叉燒日本滑蛋飯 $55無太多野講。日本滑蛋香滑、叉燒正常、秘製豉油汁助飯一流。熱奶茶有水準香濃。雖然唔算大碟女仔剛好，食佢性價比無咩野可以批評。.旺記烘麥包三文治4重奏 （鮮免治牛肉x雞蛋x咖央x生菜） $34早餐下午茶先有既三文治份量有驚喜，一整個外賣飯盒塞爆，一定要分兩餐先食得哂。配搭上有比較係冰室少見健康麥包、生菜再加新鮮口味咖央醬。估唔到甜甜地又幾夾，絕對係性價比爆燈早餐有回頭之作。.特濃蕃茄湯午餐肉粒通粉配多士滑蛋 45目測早午都好多人會叫佢蕃茄湯或者鮮忌廉雞湯通粉，嫌唔夠邪惡多士可以加錢轉奶油豬。因為quota唔夠無試過食埋個奶油豬先走。佢蕃茄湯通合格屬可試一次系列，想個日個人無咁邪惡會再叫。.🔸旺記冰室既出品暫時都覺得係高於一般冰室水平，但亦因為性價比高，人意較長預先點還外賣比較化算。

見到好多人都推介旺記冰室，經過門口睇吓餐牌，價錢都幾吸引，所以就同埋同事一齊入去試吓。我叫咗個1號餐，包括自家製叉燒日本滑蛋飯，同埋絲襪奶茶。成個餐總數係$55。叉燒日本滑蛋飯確實一流，啲蛋好似蛋包飯咁滑，叉燒都好嫩滑，不過我碟飯同其他同事比較，我嗰碟就較為多豉油，不過啲豉油撈埋個飯食，一鹹一淡又真係幾好食嘅。絲襪奶茶就普通左少少，茶味唔夠濃。另外，依間餐廳午市除左碟頭飯之外，無其他小食。我好貪心咁諗，如果有埋雞翼俾我做小食的話，咁依餐就更加perfect囉～

是日想食常餐SEARCH到灣仔呢間冰室就黎試下點左~鮑魚絲忌廉雞湯通粉跟餐炒滑旦同牛油多士湯底其實OK唔會好淡或者過咸反而個通粉質感麻麻地炒旦係滑既但又未係超級滑~鮑魚絲忌廉雞湯米粉呢個米粉份量好多朋友話食完超級飽呀米粉正常

旺記餐牌選擇唔算多元化，來來去去都係果幾樣，不過可以話幾啱香港人口味、節奏😄😄叉燒、蛋、多士、午餐肉粒、火腿通等等，全部都是簡單，可快捷處理，但又美味的食物👍🏼👍🏼早餐😁😁滑蛋係幾香蛋味嘅，而且佢哋嘅多士都真係幾脆，普通的食材都可以食得津津有味。鮑魚絲火腿通心粉，我習慣咗會走火腿好鍾意飲佢哋嘅忌廉雞湯，係罐頭忌廉湯加罐頭雞湯嘅混合，正呀😋😋鮑魚絲係真係鮑魚，應該係罐頭鮑魚，因為舖頭啲櫃放咗啲罐頭。不過佢哋個通粉就麻麻哋，因為啲坑紋好深，入口好「鞋」

到灣仔附近上堂，但未夠鐘梗係食返個靚晏先！捐窿捐X去搵食。細細間，約有20座位，但都坐滿，就等一等啦！餐牌款式唔多，我最鐘意咁，因我覺得會比較專注獨特感。主張用真正日本蛋的义燒炒蛋飯，蛋色好黃加左些豉油，唔太咸幾OK另外點左個茶餐，厚厚餐肉茄通，好夠味，但食完唔口渴，餐肉大大粒，炸到脆卜卜，好惹味。麥包牛油多士，炒滑蛋唔老剛好👍杯奶茶就一般，可以話唔差，但唔係特別好飲。發現尼間後，我去親灣仔都有再去幫襯的😇