182
42
13
餐廳: 旺記冰室
資訊:

為鼓勵食肆透過提供食物份量選擇和採取減少廚餘措施,與顧客共同從源頭減少廚餘,環境保護署推出了「咪嘥嘢食店」計劃,參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼,以供張貼於店舖內和宣傳,供顧客識別。此計劃全年均接受申請,申請費用全免。

詳情可瀏覽:http://www.foodwisehk.gov.hk/zh-hk/food-wise-Eateries.php

餐廳: 旺記冰室
資訊:

為推動全港減鹽減糖新飲食文化及新生活態度,食物及衞生局、降低食物中鹽和糖委員會及食物環境衞生署食物安全中心推出了《少鹽、少糖、少 • 確幸》餐飲聯盟,參與食肆會提供少鹽少糖選項予顧客,部份更會提供特定減鹽減糖菜式。參與減鹽減糖食肆會獲發計劃標誌,以供張貼於店舖內,供顧客識別。詳情可在此瀏覽:https://www.fhb.gov.hk/cn/our_work/feh/rssf.html

港鐵灣仔站 A1 出口, 步行約3分鐘 繼續閱讀
所有分店 (4)
電話號碼
25282927
開飯介紹
以滑蛋叉燒飯聞名的港式茶餐廳,選用日本雞蛋加上日本4.3 牛乳炒至約七成熟的滑蛋,配以自家製叉燒及甜豉油。而下午茶可以選擇材料豐富的麥包三文治四重奏。 繼續閱讀
營業時間
今日營業
07:00 - 18:00
星期一至日
07:00 - 18:00
*截單時間: 17:30
付款方式
現金 八達通
食評 (300)
等級4 2020-08-29
2742 瀏覽
我喜歡週末「。。。多得週末, 無需思想的週末,無須將冰水再潑, 無願望也可過活,我喜歡週末!。。。亅又到週末, 拋低工作。。。 吃點邪惡的、吃點特別的。。。週末下午二時半的旺記冰室, 沒有長長的人龍, 侍應也較為清閒, 剛好是「慢慢坐一陣亅 享受美食的好時辰!! 懂得吃的,當然是這個時候來朝聖!鮮牛油煉奶豬仔飽、配 4.3牛奶炒日本滑蛋。鮮牛油煉奶豬仔飽一口咬下去, 首先和我的舌尖有「肌膚之親亅的。。。是豬仔包香脆的外皮, 緊接著碰到我嘴唇的,便是已水乳交融的「微熱亅鮮牛油及煉奶的混合體。。。 這一下我可真「心如鹿撞亅!。。。真的很久、很久沒有碰過這高油、高脂、邪惡的港式美食了。 好!!今天趁週末,就一於放肆一下,什麼也要拋諸腦後。。。。4.3牛奶炒日本滑蛋牛乳滑蛋亦是這家店的名物, 真心做得好。。。 剛熟的日本蛋, 又滑又香, 蛋汁配牛乳香氣撲鼻。 蛋本身沒有放很重的調味, 味道就是食材原原本本的真味。。。 而且吃得出是即叫即弄的,正!特濃蕃茄湯 + 仿鮑魚火腿絲通粉這個是店家為福福郎炮製的「特別版」通粉, 因為店家替我把午餐肉換成了較為健康的鮑魚火腿絲。 蕃茄湯很濃郁,上面加了很多紅卜卜的茄蓉, 配上淡粉紅色的火腿絲和象牙色的仿鮑魚絲, 像極了一件誘人的草間彌生藝術品。。。你一定會說福福郎的描述很「浮誇亅, 對啊!這就是我的風格😉。。。你懂的!!冰凍薑汁奶茶今天竟然沒有叫「微甜版本亅! 因為當原裝正版甜度的奶茶撞上了薑汁, 彼此會擦愛火花。。。因為冰涼微辣的口味剛好中和了牛油煉奶豬仔包的油膩感。。。。🦉OK!現在是陽光普照的週末下午三時正,就讓我什麼也不去想,好好享受一下「隨身聽」!「今天週末、 集體失憶的週末,連胸襟都可擴闊, 連寂寞也都快活!亅「多得週末、 無需思想的週末,無須將冰水再潑 ,無願望也可過活。。。我喜歡週末!!亅+ ==============================有興趣可以按左上角的「貓頭鷹頭像」或到 openrice 的 「福福郎食評家專頁」訂閱我的餐廳介紹blog!Relax,and just subscribe! 。。。🦉============================== 繼續閱讀
(以上食評乃用戶個人意見 , 並不代表OpenRice之觀點。)
等級3 2020-10-21
379 瀏覽
晨早流流出去灣仔做野,順便去搵靚早餐食!旺記冰室好選擇特濃蕃茄湯餐肉粒通粉特濃湯底真係無誇張到,湯底好濃好夠味,同餐肉粒味道好夾,通粉本身又好掛湯,好好味好開胃。本身以為食唔晒,點知好啱胃口,清碗。炒滑蛋蛋味非常濃郁,同平時茶記食開既好唔同,原來係用日本生產既雞蛋,加上師傅好好手勢,真係做到「滑」蛋。為新一天帶來一個完美嘅開頭。奶油豬烘得啱啱好,外脆內軟。仲要頂同底兩塊都比晒,食得好滿足!涷愛爾蘭咖啡咖啡味非常濃郁,咖啡豆炒得夠燶,一百分提神!仲有好多特色食品,留返下次再幫襯。 繼續閱讀
(以上食評乃用戶個人意見 , 並不代表OpenRice之觀點。)
等級3 2020-10-20
246 瀏覽
旺記我真係去過超過十次以上, 依間野食疫情前其實係非常非常多人排隊。我試過一個人黎等位都要半個鐘以上。餐廳有限用餐時間係半個鐘。今次黎到當然都係嗌番我的最愛啦, 火腿忌廉湯公仔麵, 一定一定要加$5蚊轉個豬仔包, 另外會跟個炒蛋既, 咁我習慣會叫佢轉番炒熟蛋 (個人口味不太鐘意食太生既蛋), 另外都提一提, 旺記講晴係用日本蛋 (佢咁講我咁聽啦) 不過又真係幾香既! 個豬仔包係我的最愛, 好夠練奶, 同埋烘完非常鬆脆 奶茶都好掂, 又香又滑 茶膽一D都唔苦, 真係拍得住傳統茶餐廳沖出黎既味道。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-10-15
262 瀏覽
第三波疫情仲未完一於決定嘆個靚早餐轉換下心情呢間餐廳係灣仔,但價錢就相對同區餐廳嚟講唔算太貴,重點是好多特色嘅早餐可以選擇!有追蹤我嘅朋友都一定知道我不愛吃包,但卻中意食脆豬。脆豬嘅精髓就係上面嘅奶油嘞,一咬落去煉奶與牛油嘅香,真係不得了!配合埋剛烘好嘅炸脆包皮,絕配!第二個非常值得推介就係滑蛋嘞,呢款滑蛋真係連蛋汁都流埋出嚟,非常香滑,真係有心去做好一份早餐㗎!湯底係忌廉雞湯,忌廉味唔會好重好膩,反而就好好味嘅雞湯你有多久無飲過樽裝牛奶?這是回憶的味道,是香港人不能忘記嘅味道! 繼續閱讀
(以上食評乃用戶個人意見 , 並不代表OpenRice之觀點。)
等級2 2020-09-30
345 瀏覽
以前午膳時間門口總是好多人排隊,今日比平時遲一個鐘食飯,諗住去食返個叉燒炒蛋飯,點知感覺好差,由於我係一個人,被安排去左一張4人枱,斜對角有個食客,對角咁坐無問題,點知之後來多一個食客,被安排坐我對面,面對面,中間無隔板,感覺有點奇怪,過左一陣,斜對角的食客走左,諗住侍應會安排對面的食客坐過斜對角(我隔離個位有張紙貼住唔俾坐,4個位得1個位貼住唔俾人坐),咁就2個陌生人係張4人枱可以斜角咁坐,感覺好一點,點知侍應再安排多一個新客人坐左斜對角位置,咁就變左一張4人枱坐左3個互不相識的陌生人,毫無隔板,這是什麼安排,明明見到門口有張2人枱都係坐左一個人,點解要將3個陌生人塞係一張無任何隔板的4人枱,縱觀全店,食客人數近乎爆滿,張張枱都幾乎坐晒4個人,說好的不得超過一半入座人數呢?再講,明明張單落左叉燒拼蝦,點知來左個叉燒,但無蝦,提出後話後補俾我,最後係補返3隻蝦,對面都叫左雙拼,佢d蝦起碼有4-5隻,完全感覺唔到食店對於出錯餐後的彌補係幾有誠意,總的而言,是次用膳感覺勁差,唔會再有下次 繼續閱讀
(以上食評乃用戶個人意見 , 並不代表OpenRice之觀點。)