旺記冰室 (建利大廈)

營業中

休息中

厚切午餐肉真係好正, 師傅仲有煎過個午餐肉先放落個蕃茄通粉到, 浸埋個濃濃蕃茄湯簡直係一流!!!!! 有口感得黎又入味, 加上係好健康嘅選擇, 岩哂女仔想食得健康又好味!!!最近tst都開左分店, 唔洗過海都有得食!

自從office 由灣仔搬左觀塘後已經無係呢面食野，今日咁岩要去會展經過，發現新開旺記，就即時試一試佢！12pm 去到已經排晒隊，不過灣仔多人真係預左排10~15mins 。唔洗諗，一定係食滑蛋叉燒飯！一上檯已經有d 期待，滑蛋夠滑，不過唔夠蛋香，叉燒都算ok,份量還可以，甜豉油都唔錯，不過個人都係鐘意順興多d ，但係係灣仔少選擇黎講，已經算好唔錯👍🏻

Lunch時間又到，今次介紹呢個旺記冰室，個特濃番茄午餐肉麵超正，濃濃的番茄湯底，個午餐肉仲要係炸過，個湯伱真係會全飲曬！之後介紹埋呢個滑蛋奶油🐷，睇個樣都知道，好食！

男朋友黎搵我早收，食個下午茶。旺記冰室係我公司附近，好友之前都介紹過，就去食下啦😋三點來到，人唔係太多，亦岩岩好有下午茶！😀男朋友嗌左：午餐１．自家製叉燒日本滑蛋飯我嗌左：下午茶Ａ．特濃蕃茄湯餐肉粒通粉，鮮牛油麥包厚多士午餐１．自家製叉燒日本滑蛋飯蛋夠滑，蛋味濃，新鮮蔥粒，加埋醬油鹹甜適中，叉燒肥瘦適中，全部加埋一齊好好食。下午茶Ａ．特濃蕃茄湯餐肉粒通粉，鮮牛油麥包厚多士餐肉好大粒，外皮煎過，有口感！特濃蕃茄湯都夠濃，有蕃茄蓉！牛油多士香口，脆脆地，麥包亦較健康！炒蛋仍然香滑！－下次想試下三文治！🤩

灣仔大排長龍的食店，一到lunch time超多人企喺門口等住入去食或者等外賣~是日午餐係咖喱炸魚塊飯，好似幾吸引，本來都想試下，但始終好掛住叉燒滑蛋飯~大大塊叉燒，唔會太肥又唔會太乾身，軟滑嘅滑蛋淋上甜豉油，有味得嚟又唔會蓋過蛋香~正！其實仲有其他常餐，可以轉奶油豬仔包，都好似好吸引!!! 下次一定要試下!encore咗好多次，雖然次次都勁多人，等位等勁耐，要齊人先入得，仲限時30分鐘用餐時間，但都係會想再食~

$58點解呢個滑蛋飯會無蔥因為呢碟唔係我嘅🤣我嗌咗滑蛋蝦仁飯多蔥但係以前已經介紹過所以今次決定影人地嗰個😙旺記嘅叉燒其實都唔錯有肥有瘦仲幾厚☺️不過每次再訪都係為咗啲滑蛋同埋啲偏甜嘅甜豉油🤤

小編係旺記常客、由only🉐️灣仔一間舖、食到佢現在3間分店分別o係太古坊、尖沙嘴和總店灣仔。講返點解我咁like佢，原因🈶️4個1）醬油出色、唔太鹹唔太甜、剛剛好2）唔油膩（相比起順x）3）飯軟硬剛好（唔似蛇竇咁用埋d隔夜米碎）4）蛋夠滑夠香，始終用日本蛋係正既除左滑蛋蝦仁飯，小編都試過佢既早餐、一樣好好味道，蛋仍然超級滑不過沙爹牛肉麵既湯底even我已經轉出前一丁麵連湯粉、仍然略嫌佢太淡囉雖然佢長期人龍尤其係lunch time時間，不過都無損我去幫襯既決心！

今日去完香港動植物公園，發覺金鐘無乜茶餐廳/冰室但灣仔就有好多，所以就搭一個黎到灣仔揀左呢間近地鐵站既旺記冰室天口熱 飲杯凍野 食個下午茶 梳乎呀叫左一個E3 跟餐有餐飲由於唔係肚餓 純粹想解下渴食個下午茶就兩個人share一個西多 各自一杯飲品友人飲凍奶茶加大 我就叫左杯咸檸樂友人是奶茶控 佢都覺得杯呢茶夠茶味亦都夠淡奶我都滿意杯咸檸樂 咸檸夠味又唔會過咸戲肉來了！流心芝士麥包西多士一切開 芝士流出黎呀大大件食落去又甜又咸既感覺好複雜第一次食流心西多比預期好食

Went to Monkee around 3pm but there was still a line up. Waited for about 10 minutes before we got a table. I ordered Eggs with char Siu rice. The eggs was so good but the char Siu was a bit dry. It’s a very busy restaurant so we ate very fast and left.

「旺記呀？ 黎香港要食旺記啊！」「好呀我未去過喎」原來旺記呢個位我成日經過架！ 只係平時以為係普通茶記，所以話呢香港真係周街都係美食！因為日本朋友要求嚟到香港嘅時候要我陪佢嚟到旺記冰室食嘢， 呢日係平日下午，等左一陣就有位喇。除左香港人，左邊一枱日本人右邊一枱韓國人，再望一望竟然有日文menu!! 必叫奶茶！！2個人， 一份茄餐通，茶仔常餐個招牌叉燒蛋飯。番茄味道濃，配上厚厚午餐肉，食完大滿足。叉燒蛋飯多汁又多叉燒，好想加多一碗假啊！旺記食到我朋友舔舔脷，仲話香港茶仔過日本菜

最近星期六我約左個friend 打波 咁打之前就去灣仔放工順便食埋個lunch 先去啦 終於 媽呀 我得左啦~ 我終於食到啲人話平日食唔到嘅旺記啦!!! 佢平日多人到每人用饍時間只有三十分鐘 所以我地就醒 星期六去食冇乜人等位 正！ 一入到去睇左陣餐牌 原來佢都有啲似常餐嘅餐食 有炒蛋 多士 通粉個啲 但我第一次食緊係叫我個個friend 都叫我食嘅叉燒蛋飯啦！我眼見周圍大部分人都係叫依個飯雖然依個飯啲叉燒唔算滑 但勝在夠多同足料 而其實個飯嘅蛋同豉油先係重點 佢個日本滑蛋好有滑既口感 煮得岩岩好唔會太老 加上佢自家嘅甜豉油簡直係完美嘅配搭 大家真係要去一試！

這天2:30pm左右的時間去了旺記，與友人想吃點東西充飢，本來想避開中午繁忙時段，結果原來2:30pm的旺記還是人頭湧湧。等了大概15分鐘入座後，便馬上看菜單，結果我發現有3點開始有下午茶餐，所以我決定等多15分鐘才order，而友人則太餓，叫了旺記招牌菜滑蛋叉燒飯。15分鐘後，我也叫了下午茶D2餐，芝士洋蔥豬扒豬仔包。滑蛋叉燒飯可能是最好吃的叉燒飯，滑蛋很滑，叉燒不會太瘦，份量適中，而且材料都剛好蓋過飯，再加上甜豉油，味道一流芝士洋蔥豬扒豬仔包也不遜色，香脆的豬仔包及豬扒加上洋蔥及半溶的芝士，味道十分夾，而且十分有口感，味道不錯，可以一試

今日特登過海同老公食午餐，佢介紹呢間，話上次食過早餐，都知餐廳好有heart,即叫即煮，不過都唔洗等好耐,因為限時30分鐘用餐時間!滑蛋蝦仁叉燒雙拼飯+秘製甜豉油蛋用日本蛋，有香濃蛋味，炒得剛好，仲有蛋汁掛住D 餸，好正，叉燒半肥瘦，厚度薄的，蝦仁都爽口，只是覺得雙拼的叉燒和蝦仁相對少份量，如果只叫叉燒炒蛋飯，叉燒就好多，我下次一定會單點。每日精選是香矛咖哩牛脷飯，加左香矛的咖哩味好特別，好有香矛味，咖哩夠辣，不食辣的朋友小心。牛脷有五大塊，好冧，唔So,好味！

甚少機會食呢間，因為每次去到門口都會排哂長龍，等至少20分鐘都未必有得食。如是者，咁岩今日舊同事放假出泥灣仔陪食晏，於是拜託佢幫手拎位，終於有機會一嘗呢間「旺記滑蛋飯」。 聽聞呢間餐廳嘅食材使用日本蛋，所以滑蛋口感會更滑更香。但都仲有一個決定性難題，難得一試，係通粉定飯、叉燒定蝦仁之間掙扎咗好耐。最終決定先試「日本滑蛋叉燒蝦仁雙併飯」，保守啲試哂兩款餸。柯打後，滑蛋飯二話不說逐碟到。秘製甜豉油淋係滑蛋面頭，賣相十分吸引，而且意想不到實體嘅蝦仁都幾大隻，豉油汁味道濃撈飯一流，加上滑蛋濃郁嘅蛋香同奶味，簡直味覺大滿足。叉燒同蝦仁都分別食過，但個人較為喜歡蝦仁口味，一泥夠大隻而且十分爽口，一啲都唔老。係咪咁講代表叉燒唔好？只係我相對比較喜歡蝦仁多過叉燒。總結，比較其他餐廳嘅蛋飯水準的確係有明顯嘅分別，個滑蛋係好食嘅！但坦白說要HKD54食餐午飯，對我呢啲小薪打工仔而言好似略嫌小貴，所以估計大概會一兩個月會食一次吧。

食完旺記最signature既食物 咁岩介紹朋友既時候再食多次 當然要試下未品嚐過既美食啦事前未有搜尋過既，純粹再試下佢其他野食，點知發現係誠意之作！🍅特濃蕃茄湯午餐肉粒通粉👍🏿 蕃茄湯果然係特濃，啖啖蕃茄渣，蕃茄味濃得來唔係好假嘅茄膏味。通粉唔會煮或者浸到腍。最值得一讚係午餐肉粒！每粒個外面都煎到脆哂，好香口，又唔會好油，激讚！🥚滑蛋同奶油豬都係用心之作。奶油豬外皮好脆，唔會烘到變焦，奶油搽得好均勻，每一啖都品嚐到，仲要大大舊，務求食到你飽😛 滑蛋都同以往一樣咁滑，不過蛋味唔夠，好似被牛奶味遮蓋哂咁☕️奶茶都係茶味濃，自己慣性唔會落糖，咁樣更會品嚐到香濃既茶味，👍🏿成個餐份量超足夠，女仔黎講自問大食，但下午茶食完呢個，當晚都無再食過其他野🤣 通粉都勁大碗，男仔可能成個餐係啱啱好飽哂～今次係平日下午茶時分去食，無人排隊有吉位，不過都係要人齊先入得既。男店員既語調有啲惡同埋無乜笑容，呢個要留意一下。另外奶油豬係要加$5既～