旺記冰室 (建利大廈)

營業中

休息中

每次去都見到好多人排隊，但今次終於比我食到！！真係期待已久，果然都好好食，冇令我失望！我叫左叉燒滑蛋飯，蛋有蛋香，有牛奶味！而且叉燒自家制！加分！！非常好食！私心推薦！

朋友推介，餐廳主打日本蛋看落幾吸引啊，其實以前我在中上環食過類似滑蛋叉燒飯這餐廳講到他們所有蛋系來自日本蛋，過來試下啦蛋包住飯，蛋整得好薄，自然口感較滑叉燒被滑蛋沖淡左叉燒本身的香味，叉燒半肥瘦，肉質一般，食這個蛋包飯系靠甜豉油，無甜豉油，這飯系不好食，白飯無什麼特別，好普通這咖啡系越飲越香感覺一般，不特別，但好多人等半個鐘都要食，各人喜好常開著門，有開冷氣等於無開，越食越出汗，大家想試最好冬天排隊食餐廳晚上6點後不營業

旺記除左滑蛋叉燒飯，其實早餐都好好食！有陣時早左返工，我都會去嘆返個早餐，今次遲左少少，所以叫左外賣。.通常黎呢到我都係食早餐A ($45)，包括有:特濃蕃茄湯午餐肉粒通粉鮮牛油麥包多士4.3牛奶炒日本滑蛋凍奶茶(凍飲+$3) 我好鍾意食蕃茄，所以佢地用新鮮蕃茄蓉整嘅特濃蕃茄湯好啱我口味，好少餐廳會有咁濃嘅湯底。.牛餐肉粒係厚切切粒，然後係有煎香過先擺入去個湯到，食落依然好香口。.炒蛋係呢到招牌，食落有蛋香同牛奶嘅香味，而且好滑，配上蕃茄湯一齊食好正.麥包多士都係厚切，加左牛油一齊食，十分香，唯獨係外賣返到公司，塊包已經凍左同腍左，無堂食咁好食。呢到嘅奶茶飲得出係絲襪奶茶，好香濃但好夠滑身，朝早嘆杯奶茶係人生一大樂事。總括，早餐黎講價錢唔平，但依然好多人幫襯，因為食物質素好。不過，我建議大家堂食，因為外賣份量細啲，而且個多士凍左無咁好食，有啲可惜。

叫左一個早餐一個午餐。早餐C4免治鮮牛滑蛋生菜花生醬四重奏好足料，好大舊蛋，牛肉同蛋的味道清清地，啱我口味。中意食濃味的朋友就應該會覺得太淡，要自己調味。滑蛋叉燒個蛋又真係幾滑架喎。欣賞!店細但員工多，服務質素麻麻。好似驚你吾叫野食甘，有小小催人即刻落哂單的感覺。除此之外都唔錯!

成日行過都見到好多人等位，本住羊群心態🐑，都走去試一試🤣不過真係好多人等位，lunch時間等咗差唔多半個鐘先有得入座😨，可能一個人去食或者外賣會快少少既🤦🏻‍♀️但一落完order就好快上野食，店舖侍應服務態度都幾好，冇因為人多就對你唔友善💁🏻‍♀️一個lunch都係五六十蚊左右，正常價位食物全部都配有日本蛋🍳，炒出好滑好好味😋------------------------------⭐️今次叫既野食：(1) 日本滑蛋雙併飯（蝦仁🦐、叉燒）（$59）等於午1+午2合體，啱哂有選擇困難既朋友😆（2）特濃蕃茄湯🍅午餐肉粒通粉（$49）蕃茄湯幾濃，入面係冇餸既，主要配返佢個牛油麥包多士同4.3牛奶炒日本滑蛋，但都好夠飽😋

朋友想試，伊度好多好評，所以就一試了。香港整滑蛋叉燒飯好味嘅地方好多，今次間較新嘅餐廳表現係點呢？一去到排隊條龍已經好長。仲有好多遊客。唔知係咪有大陸網站推薦呢？我記得尖沙咀果間都係咁。坐底到等左陣，終於有得食。豉油非常甜，同埋已經落左落飯度。我會建議食客自己落會更貼心。因為在我而言就覺得係太多啦。同埋豉油味有啲single-facet，得甜同咸，有點單調。聲稱用日本蛋，而的確係有蛋味嘅。同埋火候亦佳，半生熟亦算到位。叉燒呢，就真係比較「健康」。一點肥都沒有，有點點乾。總括，如果熱潮退下後可以一試。排咁耐都係食隔離。😂😂😂😂

上OR,見到好多推薦，上次去勁多人排，所以無食到，今次無乜人，去試下啦，當然試下佢個推介叉燒炒蛋飯，結果真係唔知憑收五十幾蚊個飯？蛋得嗰簿簿一層僅僅遮到個飯，鼓油反而多到浸住啲飯⋯⋯叉燒就乾崢崢嘅，最過份係由出飯速度已經估到佢係一早炒好，結果中左，啲飯已經連暖都說不上，明顯碟飯都已經放左一段時間，我理解生意講求效率同減省成本，但作為店舖推介之作，咁嘅質素我真係唔能夠認同，至於佢跟餐杯㗎啡，算了，我只可以話我慶幸我無再加二蚊加大杯嘢飲⋯⋯呢間嘢，無下次囉！

🌟曾經風靡一時既滑蛋叉燒飯 🐷🍚▫️滑蛋叉燒飯 $55餐廳標榜自己係用日本雞蛋🥚份量都幾多 好滑幾重蛋香 但對於我黎講 甜豉油係滑蛋叉燒飯既靈魂之處🥣所以呢碟飯唯一一個加分位係在於甜豉油 其他就不過不失啦🤫同埋個人認為叉燒有小小偏瘦 🥢不過要食得有小小趕頭趕命 因為餐廳有時間限制 🕐 所以好似一入到去就要同時間競賽咁 要食得快小小🌚 📍旺記冰室 灣仔謝斐道142號建利大廈地舖#eatwifcathy_港式 #eatwifcathy_灣仔 #灣仔美食 #灣仔

Share埋你啲朋友仔like下我啲po♥️需要你的支持喔🥺🙆🏻‍♀🐷💬每一篇食評都好認真打架—————————————————————📍旺記冰室同事介紹，作為蛋控嘅🐷已經心心眼，Lunch同同事黎試下佢，灣仔地舖吾算大，但門口已經有好多人攞籌等緊，原來lunch time長期要等位，條路又窄，所以我地決定買外賣～—————————————————————❣日本滑蛋叉燒蝦仁雙併飯（$60）佢highlight 自己用日本蛋食材，個蛋食落又真係超。級。嫩。滑！又有蛋香味，應該唔係加蛋粉黎炒。另一樣就係自製甜豉油，令到個滑蛋飯好好食，同埋食過幾次啲豉油唔多又唔太少啱啱好。叉燒係偏瘦，啱曬我呢啲怕食肥肉嘅人啦。蝦仁好正，一黎夠大隻而且炒得剛熟，爽口，一啲都唔老呀，真係好新鮮好彈牙！不過外買飯量有點小，女仔就啱啱好，男士未必夠～—————————————————————不專業評分👅好味指數:4.5/5💰性價比:4/5👍🏻推薦:4.5/5都可以上 #chuchu推介 —————————————————————🏡地址:旺記冰室（灣仔）灣仔謝斐道142號建利大廈地舖——————————————————

一向都知呢間餐廳多人排隊，但因為我朋友放飯時間比我早，可以排隊先，就不妨一試。朋友排左半個鐘，我剛好到達，職員亦剛好叫到我們的號碼。餐廳裡大半人都點了最出名的滑蛋飯，咁當然都要一試啦。食物於十分鐘後送上，滑蛋好滑，叉燒有d肥，豉油係碟底，係好食既，但食食下覺得好飽，可能因為食左太多蛋同油。飲品點了熱檸茶，正正常常。當我同朋友差唔多飲完既時候，職員突然話夠鐘要走，我極之愕然，下，原來有時間限制架...我自問都食得快，但限時半個鐘就真係有d過份，即係要人三扒兩撥食曬佢，等佢可以做下一輪生意...究竟等半小時值唔值呢？

是日午餐，由於有同事於某平台睇到灣仔區有網紅店的分店，睇住地圖就去一試究竟去到的時候還在門口等左一陣先有位第一感覺就是員工真多，雖然是無關重要網上睇就是比較多人叫叉燒滑蛋飯，不過既然來試，就決定來個雙拼，畢竟滿足兩個願望咯，加多杯咸檸七過左一陣就來啦碟頭飯加蛋包飯都造型，還算正常不過認真睇個蝦仁，普遍的冰鮮蝦樣，果然啊食落去無味意料之中咯，不過都正常。不過至於個叉燒嘛，看真點個顏色呢，嗯…相對燒味店那種就顯得暗啞無色，食落去呢，犀利咯，完美的似我之前食過的過夜叉燒，應該唔會掛！？至於蛋，加埋豉油（似包裝那種味道，雖然話是自家製）算是全個飯最正常的。咸檸七，正常味道總結來講，呢個價錢食呢碟野，我就覺得唔掂咯，另外幫個同事買份外賣，係隔離叫左幾聲，先望過來，好似啞左甘點下頭，哼╯^╰性價比唔得咯，不過都可能是我唔好彩咯～

嗅著一股網紅的味兒找到這裡，幸好已過高峰期，爾等三人齊可入座。好評如潮，自然期望甚高，三人行，引頸以待！此為滑蛋聞名，心念不可錯過，且美言為“日本雞蛋使用”，或真有所不同？！既然大推日本滑蛋飯，而是日午餐正好一試。三人兼order一份，以求各人滿足。俗語有云：希望越大，失望越大。眾人皆認蛋滑，可惜，叉燒未必係自家，定或是水準止於此？切薄且瘦，量蕭條；蝦肉欠鮮美，實與價位不相符⋯⋯各位如若大胃王，可呼店家多飯。餐單照片確實只供參考，豉油偏甜，敝人之忌廉咖啡，可自行下糖包，冇奶，cream蓋過啡味，普通貨色。實為普通茶餐廳，美名其曰“冰室”，似upgrade ，內在依然茶餐廳，其包裝伎倆為少有選擇而造就只捧紅一款食物，夠做！

【美食調查報告】ig: hkfood_detective近年有好多冰室四起，主打唔好既招牌菜，#旺記冰室 比較特別， 佢地主打滑蛋飯， 我同肥妹偵探一家就決定係周末一於試試佢。 .我地叫左四碟嘢share嚟食。滑蛋叉燒飯嘅滑蛋夠香滑，叉燒偏向用瘦叉，以比較硬身嘅口感配合反滑蛋既柔軟，撈埋d飯一齊食真係幾惹味， 值得一試。.另外一樣值得一提的是佢地既特濃番茄湯午餐肉粒通心粉。湯底茄味十足，用匙羹潷d湯上嚟會清楚見到d茄蓉，午餐肉炸得外脆內軟，口感十足。.至於豬膶通粉我就更推介 #敏華冰室，呢度d豬膶整得有d過老，湯底亦都太鹹。 流口水速度：7/10旺記冰室灣仔謝斐道142號建利大廈地舖

聽聞這間餐廳出名食滑蛋义燒飯，仲標榜使用日本雞蛋🥚配合埋秘製甜豉油食，想起已經流晒口水咁濟🤤而且仲係網紅店👀今日難得經過謝菲道就入去試一試有幾好食🤔✍🏻我點了一碟滑蛋义燒飯，而朋友就點滑蛋蝦仁飯，食物賣相一般⋯食落去雖然蛋很滑溜，但义燒味道麻麻，仲差過係燒臘店食個d,而甜豉油味道用嚟撈飯食都ok，而蝦仁冇咩味道，是雪藏蝦🦐吧！！！$55蚊食一碟滑蛋义燒飯，我寧願去燒臘店斬50蚊义燒食到飽🙄唯一值得欣賞就係可以選擇小飯或多飯...唔使浪費食物👍🏻

星期一朝早緊係要食返份重量級早餐趕走Monday blue先啦！🤤五香肉丁x雞蛋x花生醬x生菜烘麥包‼️其實想食呢份多士好耐但佢只係早餐同下午茶有供應午餐主要都係食叉燒滑蛋飯份多士超足料 餡料好厚 拎上手真係好重手😍頭一兩啖淨係食到五香肉丁同蛋味可能五香肉丁分量都唔少 搶走左花生醬味但食食下又食到好重花生醬味🥜可能肉丁的分佈唔夠平均但係一啖辣肉丁 一啖濃濃肥仔生花醬既感覺都幾正😋如果包底可以烘多少少就更完美啦其實呢個份量 我留返左半份下午茶食🤭$32食到comfort food仲可以分兩餐呢件事我覺得好抵🥰