更多
2019-08-01
472 瀏覽
旺記除左滑蛋叉燒飯,其實早餐都好好食!有陣時早左返工,我都會去嘆返個早餐,今次遲左少少,所以叫左外賣。.通常黎呢到我都係食早餐A ($45),包括有:特濃蕃茄湯午餐肉粒通粉鮮牛油麥包多士4.3牛奶炒日本滑蛋凍奶茶(凍飲+$3) 我好鍾意食蕃茄,所以佢地用新鮮蕃茄蓉整嘅特濃蕃茄湯好啱我口味,好少餐廳會有咁濃嘅湯底。.牛餐肉粒係厚切切粒,然後係有煎香過先擺入去個湯到,食落依然好香口。.炒蛋係呢到招牌,食落有蛋香同牛奶嘅香味,而且好滑,配上蕃茄湯一齊食好正.麥包多士都係厚切,加左牛油一齊食,十分香,唯獨係外賣返到公司,塊包已經凍左同腍左,無堂食咁好食。呢到嘅奶茶飲得出係絲襪奶茶,好香濃但好夠滑身,朝早嘆杯奶茶係人生一大樂事。總括,早餐黎講價錢唔平,但依然好多人幫襯,因為食物質素好。不過,我建議大家堂食,因為外賣份量細啲,而且個多士凍左無咁好食,有啲可惜。
有陣時早左返工,我都會去嘆返個早餐,今次遲左少少,所以叫左外賣。
.
通常黎呢到我都係食早餐A ($45),包括有:
特濃蕃茄湯午餐肉粒通粉
鮮牛油麥包多士
4.3牛奶炒日本滑蛋
凍奶茶(凍飲+$3)
我好鍾意食蕃茄,所以佢地用新鮮蕃茄蓉整嘅特濃蕃茄湯好啱我口味,好少餐廳會有咁濃嘅湯底。
.
牛餐肉粒係厚切切粒,然後係有煎香過先擺入去個湯到,食落依然好香口。
.
炒蛋係呢到招牌,食落有蛋香同牛奶嘅香味,而且好滑,配上蕃茄湯一齊食好正
.
麥包多士都係厚切,加左牛油一齊食,十分香,唯獨係外賣返到公司,塊包已經凍左同腍左,無堂食咁好食。
呢到嘅奶茶飲得出係絲襪奶茶,好香濃但好夠滑身,朝早嘆杯奶茶係人生一大樂事。
總括,早餐黎講價錢唔平,但依然好多人幫襯,因為食物質素好。不過,我建議大家堂食,因為外賣份量細啲,而且個多士凍左無咁好食,有啲可惜。
張貼