旺角海鮮菜館

營業中

休息中

今晚在旺角看完電影後和朋友在附近吃晚餐，找到原來有家海鮮很出名的旺角海鮮菜館，於是決定選這家。今晚都很多客人，很满座，建議先打電話訂位。餐廳環境簡約，有格調，座位舒適，是聚會聊天的好地方。我們被《精選三至四人套餐》的豐富菜式吸引了，不約而同決定了選這個餐。旺角三小福先來三款前菜，別以為前菜就很隨便，這家店的前菜是做得很認真的。有白灼韭菜花，白灼海哲絲和白灼水魷魚，韮菜花爽脆鮮甜，水魷魚爽口多汁，海哲份量多，醬汁酸酸甜甜，很入味。杏汁菜膽豬肺湯煲得很足火候，滋潤美味，很有營養，湯呈奶白色，滑溜香甜，杏汁味道香濃而美味，材料豐富，有白菜膽和豬肺，煲得軟稔入味。薑蔥美國桶蠔煲一上檯香氣撲鼻，桶蠔很大隻，有手掌般大，厚肉嫩滑，薑蔥香味入味，炒得剛好熟，入口滑溜而鮮甜。花膠紅燒豆腐紅燒醬汁惹味香濃，豆腐滑溜香甜，和豆腐很配搭，配有花膠和菇等，味道豐富。清蒸虎杉斑虎杉斑很大條，鮮甜厚肉，少魚⻣，蒸得剛好熟，魚肉嫩滑無比，魚香味散發。薑蔥霸王雞霸王雞做法正宗，薑蔥絲鋪面，很入味，顏色鮮艷，雞肉嫩滑無比，肥瘦適中，油滑美味。翡翠金沙蝦球賣相很吸引，金沙蛋黃醬很豐富，滲入蝦球當中，惹味而香濃，蝦肉彈牙爽

同朋友係旺角睇完戲，咁啱行到花墟附近，又過左晚餐時間，夜媽媽唔知食咩好，咁啱見到呢到有宵夜套餐，睇落都約吸引，見到有海鮮食就想試下啦。Menu一其共有個套餐，我比佢個大青蟹吸引左，所以揀左$698呢個套餐，睇落都幾多野食喎。前菜可揀兩款，特揀左豬肚、海蜇絲，兩個做法都係白灼，但佢都有調過味，而且食落豬肚都幾爽口。 豉汁炒大蜆，每一粒大蜆都有豉汁佈滿，同埋啲蜆肉都幾鮮甜又無沙，每粒都大大隻，豉汁炒埋一齊都幾香口。重點係蟹煲，佢有有幾種做法，我就揀左白胡椒粉絲蟹煲，感覺上比較少食呢個整法，佢個白胡椒味道好出，同埋啲蟹肉好多，大大啖好惹味，擺盤好特別，見到啲粉絲放左係蟹蓋入面，一打開就見到滿滿嘅粉絲，而且粉絲吸晒啲蟹同白胡椒味，隻蟹又夠大隻，食到停唔到口。最後仲有個雞粥，其實已經開始飽，食落啲雞肉幾滑一啲都唔鞋口，而且啲雞肉都幾蟹下，大大碗粥特地都食唔晒。總結，如果同朋友夜左又想食海鮮嘅話，呢到都係唔錯嘅選擇，推薦佢地嘅蟹煲。

今晚食咗個好惹味的小菜套餐，就是旺角洗衣街的旺角海鮮菜館的夜宵磨套餐。因為餐廳的夜宵磨套餐九點後非常抵食，所以今晚旺角行完街才過來食。餐廳部份間開一個個房，寬敞舒適。清蒸虎杉斑套餐$398套餐有旺角六小福六選二，招牌炒靚蜆二選一，鼓油王炒面或沙田雞粥。六小福揀了喜愛食的白灼鮮粉腸及白灼海蜇絲。白灼鮮粉腸脹卜卜，裡面很多粉，食落軟腍及味道頗鮮。白灼海蜇絲入口帶煙韌及爽口，卜卜脆好有口感。油鹽水浸蜆，裏面除有蜆外，還有粉絲、芫茜、蔥……等等，調味較為淡口，不過粉絲和著湯食，都頗清甜。沙田雞粥，每人一碗，雞肉切得不是很大件，粥底都頗清甜。而主角清蒸虎杉斑，很新鮮，蒸得剛好熟，肉質嫩滑，面上很多芫茜、蔥及薑，豉油咸中帶有少少甜，魚腩又滑又香，整條魚新鮮又鮮美。

Traditional Seafood Restaurant🥢 Worth trying❤️..旺角一家老字號：貼地海鮮中菜館，食材新鮮有質素，價錢親民，鐘意食海鮮既朋友唔好錯過啊。小小一家餐廳🥢 卻裝修典雅帶懷舊風，座位不多，想食既朋友記得訂位呢。ll $788黎到當然要食主打海鮮，一個價錢一份套餐，已經包左2小碟、5款海鮮、1份甜品。呢個價錢呢個質素，真係唔錯啊。✨旺角二小褔 (白灼海哲絲 & 白灼水魷魚)白灼韭菜花、白灼海哲絲、白灼水魷魚白灼鮮豬脷、白灼鮮豬肚、白灼鮮粉腸✨蒜蓉粉絲蒸大元貝：元貝鮮味，粉絲係精華。✨酥炸美國桶蠔：外皮炸至酥香脆口，肉飽滿。✨豉汁炒大蜆：肉厚肥美，濃郁豉汁炒很出色。✨清蒸虎杉斑：肉質嫩爽滑帶實，有魚鮮甜味。✨翡翠金沙蝦球：蝦肉新鮮爽彈，帶咸香惹味。✨精美甜品 (龍眼肉雪耳薏米)：秋冬滋潤糖水。..呢餐海鮮餐質素不錯有水準，真係食得好盡興。..×××××ש旺角洗衣街153號地舖..

旺角海鮮菜館地址: 旺角洗衣街153號地舖電話: 23952883=====================年尾有好多節日同假期，好似冬至啦，xmas 同除夕咁。雖然疫情令到香港人載足兩年口罩又無得外出旅行，但唔影響我約朋友見面食飯，同搵節日做藉口買禮物架心情今日就約左朋友食飯，因佢比較遲放工，去到餐廳介紹話9點後有抵食架宵夜套餐，我地選了$398 宵夜套餐食下蒸魚同夜粥有一條班，清蒸落下薑蔥，再淋豉油是基本呈現鮮味架食法。有小碟6選二，揀左韭菜花同海蜇，爽身口感架比較得我心。再來碟豉汁炒蜆，風味濃郁個汁惹味，配粥一齊食作為宵夜也易消化。雞粥鹹香，粥底煮到米粒爆開，綿綿有米香，雞件嫩滑。送糖水，當晚有紫米花生椰汁粥。呢個宵夜set 好多野食，真係可以飽到第二日中午。

通常同朋友食中菜，坐圓形枱容易傾偈，可以聚首一堂。今日想食小菜海鮮旺角區好方便坐低表演賽睇吓有咩好食嚟呢度一定叫海鮮因為佢都幾多海鮮款式緊我哋揀咗號餐在散叫一啲食物佢有啲前菜小食，揀咗白灼系列，有豬肚、海哲、水魷魚。呢啲真係唔係好多酒樓有得食，舊式風味小食。有少少打冷feel。海鮮揀咗幾款，包括蒜蓉粉絲蒸大元貝、清蒸虎杉斑、豉汁炒蜆、椒鹽鮮魷、酥炸桶蠔、金沙蝦球。有蒸有炸。我鍾意大元貝肉質爽口，粉絲充滿蒜蓉味。炒蜆好惹味，每人食少少都幾滿足。椒鹽鮮油椒鹽香，鮮魷好脆。炸蠔炸得唔錯，啖啖鮮味。蒸魚都幾好，啖啖肉，夠大條，新鮮好食！金沙蝦球應該好多人都鍾意食，鹹蛋味幾香。糖水仲有我最鍾意嘅番薯糖水，較多番薯好味。

今日帶左朋友去一間旺角食海鮮中菜,旺角海鮮菜館,地點幾便利就腳,左有旺角站,右有旺角東站點左個788海鮮二人餐,室內溫度有點局,可能店員想保持店內暖和,不過我見其他客人叫店員開返大個冷氣之後就OK了~.*清蒸虎杉斑 最印象深刻的是石斑,份量都幾大條,肉厚又鲜活,魚味特別鮮香滑溜.*白灼海蜇絲 味道爽滑味美,食完可令胃口更開胃呢*白灼鮮豬脷 都幾新鮮~*蒜蓉粉絲蒸大元貝 粉絲入味軟身有汁，元貝蒸得剛剛好幾彈牙*酥炸美國桶蠔 肉質肥美嫩滑啖啖肉 炸蠔酥脆度不錯*豉汁炒大蜆 幾有鑊氣，鮮甜蜆肉加上惹味的醬汁,不錯*翡翠金沙蝦球 金黃色的蝦球香味四溢,鹹蛋黃滿滿鹹香*甜薯糖水 暖胃最適合冬天吃了*另外點了個 啫啫肉碎介蘭煲 幾有火候且香氣撲鼻,肉碎鹹鹹香香，撈飯一流

收工緊係搵野食,開餐喇~!這間旺角海鮮菜館一入門口就見佢地幾缸魚,就知佢地主打鮮活海鮮.點了《至尊二人海鮮套餐》.^白灼海蜇絲同白灼鮮豬脷爽口開胃,作為前菜就最啱!^蒜蓉粉絲蒸大元貝,蒜蓉爆得香,元貝鮮味大隻^酥炸美國桶蠔,炸蠔外層脆口酥香，內層綿密軟嫩，蘊含鮮嫩多汁桶蠔^豉汁炒大蜆,味道濃郁的豉汁炒蜆最適合作為下酒菜,開埋啤酒啤一啤就更perfect!^清蒸虎杉斑,食落肉質爽滑有魚味^翡翠金沙蝦球,酥脆鹹蛋黃煮的蝦球,朋友瞬間秒殺蝦球~哈!^啫啫肉碎芥蘭煲,想食D蔬菜類,所以朋友點了這道菜,咸蝦米咸咸地,芥蘭同肉碎香口嘅味,令人停唔到口!^番薯糖水,最喜歡的吃還是番薯糖水,也有些薑味,飲完幾暖身.

今日係Moko做野收工收得特別晏 已經差5多9點 唔少餐廳既last booking已經過去左 一係就要食得勁趕 想同同事去舒舒服服食少少野傾下計 上網搵搵下搵到呢間旺角海鮮茶館 係旺角站行過去都幾方便 佢個位平時去花墟先會經過😆入到去剛剛好9點 出面寫住有米芝蓮班底😲 比左個夜宵磨套餐我睇 我地決定食好d揀食蟹薑蔥炒蟹有唔同做法可以選擇 我地揀左薑蔥整 d肉幾鮮甜 隻蟹都幾大隻同埋都幾新鮮 佢隻鉗都大過人 好在有蟹夾比我夾碎佢🤣白灼鮮粉腸&白灼鮮魷魚本身叫完個set見佢比左2碟辣椒豉油我 對呢2樣野即刻冇乜抱太大期望 諗住係白烚比你點豉油食點知上到枱食落係已經有微微調過味道 似有dd麻油香 粉腸口感柔軟 鮮魷都好爽口 豉汁炒靚蜆靚蜆大大隻個豉汁做得幾好 隻隻蜆都有掛汁 完全冇沙 肉都冇縮仲好飽滿肥嘟嘟  如果多幾隻我會開心好多😆沙田雞粥雞粥煲得幾綿 有雞油香氣 雞件都有幾件 食過既雞粥入面呢間都算多料 係幾好味 食埋個粥已經飽 食到最尾 店員行過嚟問想唔想食糖水 我梗係話要😋 個糖水清清地幾好味 唔似平時得紅豆沙綠豆沙 佢係有薏米雪耳蓮子岩哂宜家d天氣目測個環境唔細 個間隔幾得意 都

座落在旺角東站旁，這家惠營海鮮的菜館無論環境還是座椅都很有地道中菜館的感覺環境：中產的爸媽級會很喜歡的裝潢，燈光很亮，偏黃，增加食慾服務：不俗的服務，侍應10分殷勤有禮 白胡椒粉絲波士頓龍蝦 相當多肉的波士頓龍蝦，配以大量的白胡椒，入口微微的辛辣，加上大量的蒜頭以及粉絲，惹味好吃！ 傳統杏汁燉豬肺湯 相當濃郁的杏汁，配上煮得雪白的豬肺，這碗豬肺湯10分不可多得，質素很高 金沙蝦 請很大量的咸蛋黃醬配上大大只的蝦仁，彈牙幼嫩，非常惹味 蒜蓉粉絲蒸扇貝 大大只的扇貝加上粉絲蒜頭以及醬油，扇貝夠新鮮，很簡單但已經10分美味 滋味六小福 套餐包兩款前菜，我們點了韭菜花以及海蜇，入口清爽而清新，沒有過度調味，贊鮑魚也是清爽有致~

同朋友係旺角血拼完都好夜，隨便係附近揾野食醫醫肚，成條街黑蚊蚊之中見到呢間光猛既海鮮菜館，即刻入去坐低抖抖先~店員比左個宵夜餐餐牌我地睇，分別有4款選擇，我地一行四人揀左一個蟹餐，一個瀨尿蝦餐。每個套餐包一個主食海鮮，兩個小食，一碟蚬，一個麵/粥，都幾豐富。小食我地就揀左白灼豬肚，粉腸，魷魚，同海蜇，另外豉汁炒蚬同油鹽水浸蚬各一，豉油皇炒蚬同沙田雞粥各一。白灼魷魚口感爽脆，海蜇正正常常，豬肚亦爽口，粉腸就有輕微苦味。四款口味都是清淡的，作為前菜不錯。蚬是大大只的蚬，肉厚鮮甜，豉椒炒比較出色，油鹽浸偏咸。薑蔥炒蟹大大只的蟹，啖啖肉，肉嫩味鮮，薑蔥炒好惹味。避風塘瀨尿蝦一碟一只瀨尿蝦，一開三，肉質嫩滑，味道鮮甜，與炸蒜同吃有風味。店員告知沙田雞粥賣完，所以兩個餐都比左豉油皇炒麵，份量多，有鑊氣，味道很不錯，如果多一點芽菜，蔥段之類的，口感會更豐富。最後是蕃薯糖水，生薑很暖胃，食飽暖住回家，今晚真係大滿足~

真係好耐無試過夜宵磨，放寬限聚後而家可以去食宵夜，有夜鬼朋友再推介左位於旺角嘅旺角海鮮菜館，佢話菜館做緊二人宵夜餐，掋食又夠鑊氣，所以為食嘅我又出動啦。去到門口先知餐廳係米芝連班底，簡單嘅酒家裝修，環境衛生，淨潔。大魚虹放有生猛海鮮，都係我地今晚嘅目標。餐廳做緊嘅宵夜menu係二人份量，分為四部分，由蟹，瀨尿蝦，龍蝦，虎杉斑先揀1種海鮮做主菜，再由白灼韮菜花，鮮豬肚，鮮豬脷，鮮粉腸，鮮魷魚，海蜇絲嘅六小福揀倆款，而招牌炒靓蜆部分就由倆種煮法豉汁炒/油鹽水浸二選一，最後就係豉油皇炒麵/沙田雞粥二選一。價錢就視乎你所揀嘅主菜黎決定。我地今夜就揀左姜葱炒蟹，鑊氣夠，蟹肉飽滿，份量二人剛好。小食就揀左白灼海蜇，鮮魷魚，味道一般，勝在食材新鮮。如果餐廳可以由白灼外再增加醉酒煮法就更顯完美。另外再揀左豉汁炒蜆，蜆肉肥美，味道惹味配上最後嘅豉油皇炒麵就更有滿足感。用餐後樓面同事主動送上姜汁蕃薯糖水為這餐畫上完美句號。

餐廳有懷舊風味，座位唔算多，約有10張枱以內，最好預先訂位。我哋四個人每樣叫啲一齊食。小碟叫了白灼海哲絲、白灼水魷魚、白灼鮮豬肚。我鍾意食海蜇，少少辣好爽口，有啲麻油香。水魷魚都幾爽口，點辣椒醬食。豬肚份量都幾多。海鮮蒜蓉粉絲蒸大元貝，好香蒜蓉味。酥炸美國桶蠔大大隻脆脆。豉汁炒大蜆細細碟，夠惹味。清蒸虎杉斑大條多肉，肉質新鮮。翡翠金沙蝦球口感滿足！椒鹽鮮魷卜卜脆，啫啫菜煲夠咸香。佢最後蕃薯糖水唔會太甜～

私房菜大多款式精緻但價錢昂貴，今次朋友介紹「旺角海鮮菜館」，主打海鮮食材、價格實惠貼地，每人幾百即吃得飽肚滿足。四人套餐人均二百多至四百多，菜品由七款起至十款，魚蝦蟹雞看你喜歡哪種配搭。精選三至四人餐旺角三小福白灼韮菜花、白灼海蜇絲、白灼水魷魚杏汁菜膽豬肺湯一道考驗功夫及耐性的湯品，奶白色杏汁香濃、鮮甜菜膽熬得軟腍、豬肺爽嫩彈牙，滋潤香甜又補氣。濃湯花枝大蜆餐牌也未盡錄的新菜品，師傅先把花枝煎成塊，再以大蜆熬湯燙花枝，湯頭鮮甜香口，花枝富彈性。薑蔥美國桶蠔煲清蒸虎杉斑最近興起的一種混種斑，肉質嫩滑，魚味及鮮味濃郁。翡翠金沙蝦球蝦球混上咸蛋黃香炸，蝦球外皮酥脆香口、蝦肉晶瑩通透、味道鮮甜不腥。西蘭花爽脆清甜不青，減低油膩感。薑蔥霸王雞花膠紅燒豆腐精美甜品整體來說，這價錢這份量實在不錯，附近的朋友可一吃。

旺角海鮮菜館的夜宵磨套餐很久前已經想慕名一試，不過自從疫情後，做宵夜的食肆，營業時間大大縮短，現時部分食肆的關門時間稍為延長，終於可以一嚐此店的宵夜套餐。宵夜套餐有兩碟前菜、炒蜆、炒麵或雞粥，及從蟹、瀨尿蝦、龍蝦或斑自選一款海鮮。白灼海蜇絲白灼爽口海蜇，混合了麻油的溫潤，清清爽爽的沒有多餘的味道。白灼鮮魷魚水魷魚切得厚身工整，入口非常彈牙爽脆。豉椒炒蜆豉椒炒蜆新鮮熱辣有肉地，不會有殼無肉。沙田雞粥一碗熱辣辣的雞粥是最窩心的宵夜，雞粥呈現黃油色，雞油香氣混入米粥中，入口非常鮮甜，蔥花微微的辛辣味更加錦上添花。白胡椒波士頓龍蝦粉絲煲龍蝦很多時都是上湯煮或芝士焗，白胡椒多用於炒蟹上，原來亦可用於龍蝦。白胡椒原粒磨碎，胡椒的辛辣香氣十足。波士頓龍蝦，特別是其蝦鉗亦有肉地，肉質鮮甜彈牙。粉絲吸收白胡椒辛辣香氣及龍蝦的鮮甜味，味道同樣吸引。紅棗雪耳薏米糖水飯後一碗中式清潤糖水來得合適，薏米煙煙韌韌口感不俗。