旺泰特食

營業中

休息中

一行十人行完山，體力透支，決定補充能量。一直以為西貢只有海鮮中菜，原來泰菜也成行成市。在同事的引領之下才知道原來這條小巷臥虎藏龍，單單泰菜便有3間，還有車仔麵，珍珠奶茶，格仔餅等等的選擇。店內沒有華麗裝修,尤其我們坐的偏廳只有基本的檯凳, 當日我們到達是晚上5點多,大家便決定來點輕食。每人要了一份主食，有湯麵，飯，再叫了其他小菜分享。柚子沙律--和外面吃到的, 不太一樣. 這裡的版本是充滿了甜味, 夾著檸檬葉絲,烤椰子絲和紅蔥, 的確很有特色, 對喜歡酸辣的我來說, 除了香料突出, 味道一般.海南雞米粉--牛丸米粉--紮肉炸蝦餅河粉--用的都是清湯底, 而米粉更是泰國特有很幼細的那種, 個人很喜歡泰國的米粉, 比國內的米粉要好吃, 米味濃點, 雖然很細卻有咬口, 雞肉滑身, 湯底清清的, 而且米粉的分量多,再加上芫西,香蔥等等, 味道非常對版, 非常喜歡.生蝦刺身--實在忘記了, 在泰國吃到的是否帶有鮮味. 在香港吃到的幾乎都只有冰鮮味, 配上辣椒圈和蒜頭片才能蓋過那淡淡的雪味, 由於我不喜歡點醬汁, 反而喜歡原汁原味, 所以能吃得出鮮味欠奉. 木瓜沙律--分量不算特別多, 木瓜爽脆,

今日係個伙記生日，於是book左泰國餐廳慶祝，平日尼哩度基本唔會有位既，好在的地識個老闆先可以打尖有張大枱比我地。坐低人未齊先叫支泰啤啤啤先然後必食既串燒，哩到d串燒唔同平時出面食既乾燒，而係好似紅燒肉咁，好juicy，有d似叉燒加沙嗲醬。食泰國菜基本一定叫生蝦然後係冬陰功，原隻龍蝦響入面，話說冬陰功好似話有好多功效，又養顏又乜咁既。再尼就係正宗無骨海南雞，配埋油飯就冇得頂再尼泰國特色生菜包跟住哩個超級大大隻賴尿蝦就唔講唔得，食完記留低d炸蒜撈生菜包肉醬，識食既可以加落油飯都好正。食飽飽臨近尾聲，老細抬埋個蛋糕入尼唱多國語言版既生日歌，仲送左支紅酒比壽星公八個人玩到咁，飲左四支紅酒，五六支啤酒，椰青，龍眼冰，十幾個送，埋單到兩千零蚊，算超底超值。

潛完水補充體力 雖然西貢條食街已經多左好多出名嘅野食 但我都係鐘意食泰國菜平時好多人, 雖然今日都唔少, 但起碼搵到位可能仲係四五點, 大家先岩岩出完海番碼頭拿拿臨叫左碗雞絲河 清湯底 (自己落調味)雞絲嘅份量都多 肉質嫩滑 而河粉即係金邊粉 煮得淋一啲都唔硬亦不易斷清湯好甜 再自己加辣加酸已經好好味再配個椰青好清甜食完個tea 體力番晒黎

在西貢巴士總站直行最近的泰國菜Mayshop 1平35元一個清湯粉單料冬蔭功45元起眉精眼企的在下當然叫虾餅清湯金邊河真是超好食一絲不苟的河半是芽菜 可能多過粉是極好芽菜足夠中芹湯清甜 沒味精吃到大半故意放紅椒汁一絲不苟的4小瓶浸入炸虾餅真是認真製作衷心想推薦給米芝蓮一間取景西貢碼頭小店出品竟然接近完美35蚊一碗炸虾餅金邊粉無論湯底金邊粉芽菜中芹粒都近乎96分惟一次好的虾餅炸得外皮過厚但我願，給May泰90分這個粉一絲不苟花生干辣椒

好耐未黎食過，2人叫左：馬拉盞通菜：味道正常，唔錯串燒雞和豬：肉質尚算嫩滑炒金邊粉：香而好味，店員見我們挑走韮菜，主動告訴我們若不吃既下次可叫走青，十分細心炸蝦餅：香口彈牙辣椒膏炒蜆： 全晚最好味既，蜆也大隻，推介！

34度酷熱，我去西貢太墩行山(附送靚景一張) 3點幾落山後，飢腸轆轆，又倦又餓，又熱又渴曝曬了一天，熱了太耐胃急不及待找了最近西貢巴士總站的這間泰國菜醫肚。真係福民街中間條巷仔轉入去就到，好近！外表睇落都幾「嗡耷(up dup)」不過勝在有室內位, 有冷氣！粉紅色的牆貼滿了報導和得獎情報,由於要寫食評關係我就站起來看了好一會… (無視旁人目光)得知這間店子的老闆叫May姐, 泰國人夫婦然後在西貢有幾間分店然後廚師都是泰國人……難道這間是知名食店嗎?(但我問西貢朋友又好像沒甚麼人知道……)餐牌屬於豐儉由人,有小菜有小食有飯有麵小妹選了價格最相宜的麵(不是下午茶餐牌呢!)海南雞雞絲扎肉冬蔭功湯河($53)小姐對冬蔭功的要求相當高不過這碗冬蔭功的質素頗高,在我的標準起碼有7至8分了。香料是融合的，沒有溝粉的感覺，此其一椰汁的味道沒有格格不入，反而是香而融和，此其二加入了河粉和配料亦沒有沖淡了湯底，此其三。味道感覺亦相當正宗，沒有港式元素滲入其中(不知是否被牆上報導洗了我腦，哈！）另外海南雞雞絲相當嫩滑對我而言，在雙拼湯河吃到這種質素的雞絲配料是有驚喜的！河南雞口味清淡，配上冬蔭功湯底都相當合

入到西貢就想起有間地道泰國菜，小巷子總逼滿食客幫不襯。晚上十時有多仍有人流，點了冬陰功湯底的雞絲湯河，冬陰功辣味不是麻辣刺喉那種，辣味直接攻上腦，超好吃；而且雞肉很嫩滑，AW已快速把整碗湯河吃掉。至於芒果黑白糯米，咬感很好，椰汁是自家調配的，甜度剛好，椰汁味超濃，配合甜甜的芒果，整頓宵夜吃得大滿足!!

天氣不似預期，難道放假入西貢行街，點知落大雨，行佐一陣就開始搵野食啦。去西貢咁多次，都完全冇留意到有呢一間泰國菜，係門口貼滿哂米芝連推介既banner，過去6年都份獲推介，再望埋個menu，噫，幾抵食wor，即刻入去試試。餐廳唔算好大間，有約7-8張枱，我5:45就入佐黎，唔駛等位。餐牌都好多選擇，最後我就點佐4樣野，for 5個人食。先黎既係garlic 炒椰菜苗，$8X，菜苗好好味，唔苦，油既份量岩岩好第二碟係泰式濕炒河（雞），$7X，河粉係用闊闊河，雞唔算多，有好多疏菜，我覺得河粉既份量唔夠多，但炒得都好好味。跟住黎既係原隻菠蘿炒飯，菠蘿好大個，上面有d肉松，提子乾，match得好好，飯都算多，可以分到8-9碗，正！最後黎既係咖哩軟殻蟹農夫包，軟殻蟹勁大隻，包好"in un"，咖哩汁我覺得唔夠辣，但係整體都係like既埋單$3XX, 個價錢嚇親我，5個人食到勁飽，每人$7X，仲要係西貢食泰菜，絕對超值，下次有機會一定再黎！

很久也沒到西貢了，今天襯著年初三假期，與太太重遊舊地，行行海邊，當然少不免要幫襯吃地道食店！今天選了以前常去的旺泰，當然地點了愛吃的炸豬肉及去骨海南雞！海南雞味道依然，肉亦非常滑，但炸豬肉就覺得濕了點，少了點香口的感覺。

周末西貢late lunch行，第一站唔係食海鮮，選擇泰國餐！海南雞飯：賣相唔錯！份量十足！油飯唔夠香，不過雞好滑！可以！例湯滾熱、偏咸。炸蝦餅湯檬配冬陰公湯底：冬陰公湯香辣！炸蝦餅鮮炸但浸於湯內，吸收冬陰公湯味好特別！唯獨檬粉偏硬。

平常來西貢不是到東霸影星，就是到碼頭出海遊船河或釣墨魚，基本上甚少來這裡吃飯，最多也是晚上來吃海鮮餐。剛巧前幾天公司說西貢分店有同事請假，叫我到這裡做替工，正好發掘一下這裡的美食。由於分店只有我和另一個同事，而該同事因為住在西貢，午飯多跟朋友吃，所以我就自己一個到處走走。其實一知道要來西貢上班，我就已上網查看附近有甚麼好吃的，見到這間泰菜食店評價不錯，而泰菜也是其中一樣我比較喜歡的菜式，就決定來這裡一試。旺泰特食在西貢有幾間分店，我選了當中這間評價比較高的來試。食店為於一座大廈地下的其中一個鋪位，店面很少，也沒甚麼裝潢可言，桌椅都是大排檔式的摺枱和摺凳。來到的時間雖然是13:00，但由於是平日，正是西貢最少人流的日子，所以食店內食客不多，食客喜歡坐那裡都可以。看看餐牌，食物選擇是廷多的，但全都是單叫的菜式，正想問侍應有沒有套餐，她說沒有。所以就點了一個價錢算是中等的醒胃菠蘿炒飯。醒胃菠蘿炒飯($56)炒飯面很多肉鬆，飯粒炒得頗乾身，不會太林，內裡有菠蘿、青豆和炒蛋碎，味道屬中規中舉。不過份量就不算多，一個女生吃也只有五六分飽，男士可能要吃兩三個飯才夠飽。而這個價位，一般的泰菜館已包湯或

原來去西貢除了吃海鮮以外，泰國菜也是一個選擇！謝謝友人的介紹，禮拜五晚上來了西貢中心吃泰式料理。餐廳在一條小巷裏，但是並不難找，因為在巷口已經看到有人在排隊等拿table.感覺像置身在新加坡，因為餐廳裏面不大，店外面走道上也擺了桌子坐滿了食客。晚上有風，坐在外面很涼爽很舒服。開店的是泰國人，感覺好像很正宗哈哈。看很多人點海南雞飯，我們也點了一份來share.雞肉去了骨頭，肉很滑很軟，點著店裏秘制的醬汁，配上雞油飯很好吃。蝦餅炸得外面很脆，裏面很彈牙。和泰式甜辣醬一起吃很贊這是干炒雞肉河粉。炒得不是很干剛剛好，味道也很不錯！本來我們想點馬拉盞炒通菜，但是怕會鹹所以還是點了這個泰式炒通菜。蒜爆通菜很香，但是不能吃辣的朋友還是不要點，因為我們也沒料到原來這泰式炒很辣！！如果吃得辣就很好吃哈哈。吃東南亞菜我不能少點的飲品 – 椰青！ 這家的椰青還蠻甜，椰子蠻嫩，可以用勺子把椰肉勺出來吃，我的大愛♥♥♥很推薦這家泰國菜的原因除了味道好，價錢也非常劃算！！我們點了那麽多東西買單一共260塊，超值！

The Thai food here is always quite good, I am always a fan of this food joint whenever I am in Sai Kung.  Don't expect to be too comfortably seated or anything fancy, but it is good ol' Thai food.  The Skewers and Tung Yum Gong are definitely worth a try.  The fish is a little disappointing, it does not taste fresh enough.

今日去西貢行下，感受一下渡假，星期六晚，西貢碼頭迫滿人，晚飯去返之前幫襯過嘅泰國小館！入到去同一般茶餐廳差吾多，冇乜點裝修，坐木圓枱子，衛生一般，但都坐滿客人，應該係星期六嘅原因吧？我地要同其他人一齊坐。我地兩人嗌左泰式串燒，有牛雞豬，即燒即食，好好食，肉都好入味，嫩滑肉質，加上醬汁更惹味，吾錯！其後嗌左個pad thai，都好香，有好多配料，例如紅蘿白，雞旦，雞肉，菜等等。它吾係辣的，可以另外自己加辣醬，相信加左會更惹味！但扣分係油太多，食到底見到好多油，食吾落，希望改善！最後嗌左個蠔仔炒飯，上碟已經吾太吸引，吾知點解吾夠熱，飯加左提子乾幾特別，但蠔吾新鮮，同飯得個咸字，吾好食。失望。呢間幾年前幫襯的海南雞飯好好食的，可惜今日賣晒，其他原來一般，飲埋椰青都滿足嘅！

船河之後，約埋美女食晚餐，西貢泰國菜出名！走入大廈揀了呢間，大廈地下，有室外有室內位置，普通摺枱摺櫈，室內有冷氣，所以揀室內，兩個女仔唔食得多，叫幾樣分享！海南雞飯：雞肉無味，全部靠個汁調味，咸咸地微辣！油飯唔夠濃，一般！豬頸肉飯：燒豬頸肉香口，幾煙韌，不過唔係即燒，所以唔夠油香！同雞點同一款醬汁！都係靠個汁！木瓜沙律：豆角太生有草青味，唔辣，酸味又唔夠，木瓜爽口之外！味道一般！龍眼冰：味道清甜，龍眼肉多兼幾煙韌，唔太甜！好味！跟飯清湯：味道清甜，芫茜味道好香，蘿蔔無筋爽口，重要非常熱！正！食物一般，服務就勤快，店員廣東話好好，溝通無問題！