旺泰特食

營業中

休息中

呢間泰式餐廳🍴由泰國人打理，喺西貢好出名。1️⃣泰式炒金邊粉 $63呢個炒得有啲甜。不過醬汁有啲似茄汁味🍅。佢有好多料係上面(豆卜，蝦，雞肉，芽菜，蔥) 加咗少少青檸汁之後就清新啲。不過金邊粉炒得唔夠乾身。🙆🏻‍♀️美味指數:5.62/102️⃣招牌海南雞飯 $45雞肉🐣非常嫩滑，而且肥膏唔多。油飯好香配上佢個秘製黑醬，甜甜辣辣咁，非常惹味。而且佢嘅油飯炒得好乾身，唔會過於油膩👍🏻。🙆🏻‍♀️美味指數:7.83/10💡整體來講，試招牌菜就一定冇錯，性價比極高！

連續幾星期都落雨🌧️，難得今日出太陽🌞兼老公放假。老公提議帶埋狗狗🐩到西貢一日遊，我當然贊成啦。 老公揸車由彩雲村方向入西貢，車不多。我們先到蠔涌車公廟祈福，然後就向西貢市中心出發，20分鐘左右我們已到達。 碼頭附近有很多人都帶著愛犬🐶散步，我的小狗也很興奮。另外亦見到很多叫賣海鮮的漁船，有開價有還價，非常熱鬧！ 又到食午餐的時間，區內有很多不同的食肆。我們行到巴士總站對面的1條小巷，聽聞裏面有很多食店都很出名的。最後我們決定食泰國菜🇹🇭，這店舖周圍都貼滿食物相，十分吸引。 我們選了香茅蝦沙律🦐，香茅味很香，8隻大蝦🍤爽口彈牙，味道酸酸甜甜很惹味，少少檸檬汁很清新，即時胃口大開。 馳名海南雞飯，配上冬瓜芫茜湯，係傳統配搭。嫩滑去骨的海南雞舖滿半碟飯。我特別喜歡吃海南雞的雞油飯，但不是間間煮得好食。這間就是我喜歡的。 冬蔭公湯，顔色橙紅色很吸引，散發很香很香的香茅味和少少椰汁味。酸辣適中，我雖然沒有點海鮮冬蔭公湯，但材料也豐富。 吃飽了，要回家了。老公選擇由大網仔經沙田回家，今日西貢一天遊完滿結束！

差不多每次黎西貢都會幫襯呢間餐廳，一定會叫雞飯加串燒，啲雞已經去骨油飯好香，串燒嘅沙嗲醬好好味，個人認為牛肉串燒最好味，配上一個椰青，絕配！但其他野食就一般啦，環境似大排擋，假日多數要排隊等位。

I just walk my dog near the sai kung harbour and after that i went to the thai restaurant and order some food which is Prok jowl and a chicken grill it very tasty . the prok jowl gill it very nicely and with the special sauce. the chicken grill with the satay also fabulous.

今天來了西貢hea 遊，原本想食車仔麵，但看到隔離有泰國菜食，就一於試試啦！穿過巷仔，見到有冷氣房內有張枱，二話不說就坐下先。由於不太肚餓，只是發口痕，我們叫了雞豬串燒各一，惹味蝦羔炒飯，及一杯龍眼冰。串燒方面，醃得很夠味，燒得很香，個人比較喜歡雞肉多些，肉質鮮嫩，沙嗲汁很濃味。蝦羔炒飯非常惹味，份量不少，足有四碗，而且還有四隻鮮蝦舖係面，蝦肉鮮甜，配埋炒飯一起吃好正。龍眼冰飲落很fresh，龍眼份量亦多，不太甜，很適合夏天飯啊！

去西貢車公廟拜神後，順便到西貢市中心吃午飯，難得跨越大半個香港走到西貢，當然要到西貢區內頗有名氣的泰國餐館吃飯。今次，一個人點了香茅蝦沙律（$98）和海南雞飯（$45），平日的關係只等了數分鐘，兩個菜便上齊了，侍應們的服務態度亦很好👍🏻香茅蝦沙律：味道清新 很香香茅味、不算辣（即使不吃辣的朋友也能吃到）、蝦共有8隻 非常新鮮爽口🍤海南雞飯（奉送冬瓜芫荽湯）：海南雞非常嫩滑、飯亦不俗，個人認為 這家店的海南雞飯，比泰國很有名的粉紅色海南雞飯還好吃😋

農曆新年假最後一日， 同我嘅情人輕鬆西貢遊， 今日天氣好好呀， 喺海旁行完一輪 再去小店， 啱啱好食一個早午餐。情人節唔需要一定食西餐，只要食我哋鍾意嘅嘢就最好啦。呢間上次同朋友食過口碑都唔錯， 裝修就真係好簡單，全部摺枱膠櫈， 但我哋喜歡嘅係佢嘅美食。柚子沙律 做前菜， 佢整嘅沙律汁有少少冬陰功味， 又有甜味， 配上酸酸甜甜嘅柚子十分開胃。最鍾意佢嘅雙拼飯， 你可以揀豬頸肉，脆肉，炸蝦餅，海南雞，扎肉。 啱曬我呢啲貪心之。佢嘅雞肉真係好嫩滑，無骨嘅雞， 確有水準。 蝦餅夾都好彈牙， 非常推介。雙拼飯都附送一個冬瓜芫茜湯， 呢個唔係一般嘅例水， 味道都好正。乾炒豬肉河， 鑊氣十足， 味道都好好。整體嚟講，今次嘅午餐我哋都好滿意， 亦都會繼續推薦畀朋友。

一大班人去灣仔南灣仔西露營 由西貢去黃石碼頭再搭船 喺西貢集合之後 梗係要搵嘢食醫咗肚先 人生路不熟 喺西貢巴士總站附近周圍行搵到條細巷 入邊有好多食店 即刻鎖定咗一間泰國鋪 店舖外面貼滿食物圖 吸引咗我哋呢班飢餓嘅小羔羊 (因為全部都冇價錢 我哋傻傻下就已經入左去)。。好在呢間舖嘅價錢都幾親民😂 牆上只有串燒嘅價錢 其他野食就要問姐姐拎餐牌睇下啦姐姐好好人好熱心 見我地拎甘多野 其他位都俾我地放野 變左9個人坐一間應該坐7張枱ge房(可能因為時間仲早 岩岩開鋪冇咩人la🙊)愛食辣野緊係要試下冬蔭功湯 我叫左雙拼冬蔭功湯河 (豬頸肉同炸蝦餅)P.s. 湯河配料包括 碎蔥粒 芽菜 芫茜 唔食呢啲配料嘅朋友仔 記得落單前講清楚啊😉個湯麵嚟到嘅時候有少少失望。。個蝦餅竟然係放喺湯入面 冇咗脆口嘅感覺 即刻變得麻麻地 (以為會配泰式辣醬分開上。。太多幻想) 不過另一個餸 豬頸肉 就好好味😋 切成薄片爽口! 唔硬又唔韌 唔會有好難消化嘅感覺😂味道方面都幾好 睇落好似好辣 但係其實香得黎又唔係太辣 好頂癮 忍唔住飲咗好多湯😍 不過成碗麵有好多冬蔭功湯嘅香料 尤其是係底度 唔係夾得出嘅香茅 而係碎濕

某日星期天，去左西貢一曰走，對於住喺元朗既我黎講，西貢就係另一個元朗，元朗出名食，有好多好食既泰國菜，今次去西貢就試左旺泰有室內座位串燒+收銀棷青+檸7串燒燒得香口，串燒花生醬味濃冬蔭公豬頸肉金邊粉，冬蔭公湯底味道濃，但唔會過酸，飲晒成碗湯下次要再試過

今日同男朋友去左西貢碼頭吹吹風散散心，估唔到山竹破壞力咁強，真係好多樹倒塌，仲有防波塊沖左上行人路。。。超誇張！行左陣又到左晚餐時間啦，唔想食海鮮，就諗起巷仔既泰國菜都幾有名，就去左食啦，點知。。。椰青都算清甜，但d肉好老，好少水。個泰式鳳爪都好普通，而且好細碟。油飯都好細碗個生菜包都好細碟。。份量好少，而且味道不太喜歡。都係好細碟，唔香口唔惹味。總括而言，全部份量都好細，而且用既調味唔知係唔夠定係同出面用既有少少唔同，唔係我中意既一般泰國菜口味，而且係巷仔黎講，價錢同出面地舖食既差唔多，咁我會寧願係出面食，起碼坐得舒服有服務有冷氣，環境都大d整潔d衛生d。

假日來到西貢，目標係食菠蘿包但係一個菠蘿包我又點夠飽呢，梗係要搵啲正餐食下～西貢除咗海鮮出名之外，聽聞泰國菜都唔錯～之前試過泰道，氣氛好好！今次就試下地道啲嘅泰國菜～呢間泰國菜都幾多人等位，位置比較小同迫，不過行過都聞到好香！海南雞飯～完全無骨！雞肉鮮味嫩滑，唔太肥唔怕油膩！飯都加咗雞油，點埋佢哋秘制嘅海南雞醬，好惹味～炸蔗瑕～香脆可口！好大條，外面炸得甘香，皮唔算厚，蝦肉彈口～驚喜在甘蔗仲有啲汁！自製泰式辣醬夠辣！炭燒豬頸肉，塊塊外圍都燒到都好爽脆，豬頸肉唔太肥，份量夠多！泰式炒通菜～侍應話通菜係泰國入口，比香港本地通菜細小但係口感係嫩一點～加上惹味嘅泰式醬料去炒，好味！基本上樣樣嘢都好好食，不過唯一係除咗豬頸肉之外其他嘢食份量太少，如果份量多一點會更好！

秋天的季節是要去行山吧，今日咁岩黎到西貢行山我諗去開西貢既人對哩間泰國餐廳都不會感到陌生呢佢就係位於彩虹小巴總站附近既走廊內的餐廳行完山好肚餓呀，即刻跑到走廊位置看看有沒有位先，因為天氣涼快，我同朋友都願意座走廊，感覺好似闊落啲，舒服啲。由於太肚餓呀，等唔切啲炒野炸野，所以我地一人嗌左一碗粉，一碟飯，藥肚最重要嘛😝😝😝😝我嗌左海南雞拼牛丸米粉，青檸梳打。。朋友嗌左豬頸肉飯，椰汁🥥冰我最鐘意就係食泰國米粉啦，所以好滿意我碗粉，不過啲牛丸無咩牛味既，俾左粒朋友食，佢話似豬肉丸至於碟豬頸肉飯係好味既，新鮮炭燒，又唔會好肥，醬汁分開，仲有碗湯配上。

秋高氣爽特登入去西貢食泰菜星期日好多人食要排隊不過等左一陣算快依家天氣唔係好熱所以可以多啲入嚟食一定要叫翻個生蝦刺身先啦又大隻又新鮮仲有必食推介炸蝦餅即叫即燒既串燒又大串又惹味d 醬好多花生醬正正的仲有燒豬頸肉份量多同埋好多汁仲有唔可以唔叫既海南雞特登入黎就係食lee 個冬陰公有蝦牌冬陰公雜菜牌兩個最大分別係有蝦既鮮味同重菜味辣味就一樣冇分別既lee 個係海南雞個雞湯好鬼正最後仲有個馬拉盞炒通菜菜嫩味濃不枉我山長水遠入黎食晚餐

呢間泰國菜 ，係我哋去西貢必食之選， 今個禮拜日帶埋小狗到這條窄窄嘅小巷再叫了幾個指定菜式，包括海南雞脆豬腩飯，海鮮沙律，鹽燒黑鰂魚！海南雞脆豬腩飯，呢個係每次必選嘅招牌菜 果然保持水準！ 海南雞，細緻嫩滑，雞皮很薄，脆腩名副其實十分鬆脆！可惜今天嘅海鮮沙律有少少失準， 比較咸及 辣了一點，啲魷魚都很少，但花生就夠哂多了 ！可能成本上漲……哈哈鹽燒黑鰂魚，感覺上肉質不夠新鮮， 不夠結實， 似乎較之前失色了 始終呢間小食店都充滿人情味，亦都有很多快樂回憶，希望各類食物都可以繼續保持水準

西貢雖然係毛孩天堂，自由奔騰，猶如脫韁野馬!但帶住小狗開餐既選擇始終有限，有既又未必係老公想食，除咗一家人食海鮮，兩個人食唔多又想平平地食一餐，就只想到旺泰，去到已經坐滿人，推住狗車坐唔到房，店員好快手開咗張枱俾我地坐走廊一心想去食肉碎粉絲海鮮沙律（$98）價錢唔平但細細碟而且味精好重海南雞拼脆豬腩飯（$68）每次都必食，只係脆豬炸到好朝身，海南雞保持水準，飯欠缺斑蘭香味，要靠個醬提味燒黑鰂（$128）算最抵食，鰂魚冇乜細骨，食落啖啖肉，而且保留鮮味，唔點個酸辣醬已經好好食