旺泰特食

營業中

休息中

今天一個人逛西貢又好想食海南雞便想起這店叫了一碟雞飯,雞飯還算不錯另外再叫了一個叻o喱炒蜆,個汁都幾好味的,吃了廿隻左右,當中起碼有十五係臭的,那味就像剛從屎坑拿上來一樣於是向老闆反映,老闆支吾以對手勢示意我會計你平o的誰知在埋單時由原價65元減至60元,足足減了五大元比乞丐都唔只啦,當時我無同佢理論, 天氣咁熱食物變壞就應第一時間換過比客人啦諗下諗下不應就此放過這種店舖,於是打電話去食環處投訴個案正在跟進中,勸大家不要再光顧這店,不想下個受害者係你呢比人當乞兒也不好受呢

我每次去到呢間食肆都會叫生蝦刺生&雞飯，生蝦刺生VERY 新鮮!! 雞飯，雞絲好滑，雞油飯好正，最緊要是D辣醬，每次我一定點晒D ga！ 一間不起眼的小巷餐廳，全部都係泰國人打理， 雖然環境不很好，但也不算差，好過好多大排當，食過幾次，佢地ge食物品質同服務都十分好同穩定， 而且應該係家庭式經營,老板十分好人，因為帳單全部都寫泰文，老闆每次都好主動講翻每個送既價錢，o甘就唔驚收錯錢啦!!

呢個係寫返星期日的食評禮拜入西貢玩, 中午在有好多食店的巷內食泰菜, 間舖名字叫旺泰!兩人叫左冬蔭功同海南雞飯一碟, 極之正!海南雞飯個飯好香, 油夠多, 但多得嚟唔會膩, 雞油香到痺, 飯粒夠硬而有彈性, 十分好!雞肉真真嫩滑, 食過咁多間呢間算數一數二!冬蔭功係高水準之作, 酸, 辣同甜控制得非常好, 隻蝦又夠大隻, 我自己飲左三碗 (小碗), 好滿意西貢的泰菜, 原來不比九龍城差

星期天，做咗大半日泰仔。首先與友人J到旺角打泰拳，倦極；其後入再到西貢與V會合，刷一餐泰國菜。做完運動，出了一身汗，再享受美食，一樂也。一提起食泰國菜，筆者嘅第一選擇必然係位於西貢嘅「旺泰特食」。在西貢有兩間同名嘅店舖，一間位於萬年街，另一間位於西貢大廈地下巷內，筆者嘅心頭好係後者。幫襯了呢間舖頭已好幾年了，平均一年都會幫襯幾次，尤其係住在西貢區嘅V，連老闆都認得她。眾人一坐下，服務員便遞上餐牌。不過對J及V嚟講，睇餐牌係多餘的。老闆親自落單，J及V以準確嘅泰文一一講出想食嘅菜式，老闆初則詫異，繼而露出會心微笑。三人行，六款餸，每人再加一個椰青。椰青清甜多汁，椰青肉亦香爽，是消暑佳品，也能中和辣味。鹹魚炒芥蘭 – 通常用馬拉盞或蝦醬炒，今次特別少少，用鹹魚炒。芥菜配上鹹魚，效果一樣出色。芥菜爽脆，加上鹹魚嘅鹹香，增加味道嘅層次感；生蝦 – 以新鮮蝦開邊再用冰保持鮮味，加上蒜片及椒絲，蘸上特製嘅酸辣醬，蝦嘅鮮味、蒜片香味、酸辣味混成一體，味道層次豐富，筆者都忍唔住食了一隻再一隻；柚子沙津 – 論街外嘅柚子沙津，不是太酸，就是味道過於濃烈，與沙津這稱呼格格不入。這裡嘅柚子沙津，酸、甜、辣、

3.16由於昨晚食左個麻麻地的泰國餐, 今日決定同男友要食返餐好的來補償。佢又話有一間佢食過幾好味, 不過佢上次係食海南雞飯。最緊要好食, 就入去西貢食。 去到發現我之前有search 過呢間店的, 印象是不錯吃的。不知道是不是過了晚膳的時間, 並沒有滿座的情況, 只有一枱情侶, 及一枱大顆兒。點了一客海南雞飯, 雞牛豬串燒, 燒豬頸肉, 柚子沙律, 青檸水及椰子冰。海南雞: 不是我吃的, 所以我只嚐了少許雞肉。 我不喜歡那個點雞的醬汁, 酸酸怪怪的, 不合我的口味。柚子沙律: 很清新開胃的沙律, 柚子肉己拆好了, 酸酸甜甜, 配上一些香料, 作為頭盤, 打開胃納, 正正正!:mad:燒豬頸肉: 色澤均匀, 看見也流口水。食左2 件, 覺得切得太厚, 很難咀嚼。而且有3,4 件都痴著肥膏, 男生吃可能會十分喜歡, 我還是卻步好了。雞牛豬串燒: 串燒比我昨日食我為好吃, 沙嗲汁較濃郁, 惹味, 正。吃得不夠喉, 再叫1串雞肉, 1串雞翼, 水準依然地好。椰子冰: 不知道是不是即叫即製, 幾好飲, 很香濃的椰子味。期間同男友懷疑是不是大陸常常飲那隻罐裝椰奶倒出來。呢餐食到好飽, 笑面係同

今次食下午茶之前已經係li間度買左三串串燒分別係雞肉、豬頸肉、牛肉，覺得佢地串燒好好食，所以就入去食下午茶。巷仔比較細，而且好多人，但係比我地搵到位。入到去，諗左陣同個fd兩個叫多兩串串燒，分別係雞腎同牛肉(第二次入去雞肉已經無晒…好彩食到)同埋一碟海南雞拼豬頸肉飯share。串燒黎先！牛肉依然好好味！好"淋"有牛味，加埋d沙爹汁好香！第一次食雞腎…印象中應該好"淋"同"化"。(見人蒸雞果d)今次燒…好爽，有d硬，又無乜味咁…個人就唔多喜愛…飯就等左OK耐…見待應門走黎走去，好忙！人手好似唔多夠。可能遇著初三，巷仔唔係間間開啦。其他人坐得耐過我地既係度催單，上完一道菜就問其一次他野得未待應我同個朋友呆坐都好識做過黎問係唔係有野未黎等多一陣，飯黎喇！海南雞+豬頸肉+油飯一碟。都OK大碟。不過D飯就凍左，比較一般…雞肉唔算特別好味，無咩味，但係都嫩滑既…豬頸肉好味，好食過串燒版。比較欣賞佢個汁，食到有D青檸味，少少辣辣地，夠醒胃！總結…今次就OK啦。唔算差，不過可以更加好！

** 此 食 肆 的 第 一 個 笑 **30-9-2008Tue晚同正式成為我男友o既JC,佢二哥二嫂姪女共5人o黎西貢食晚飯,由於佢二哥二嫂好鍾意周圍搵o野食,所以帶我o地o黎呢間食好o野.其實呢間店有兩間,男友二哥話o係巷裡面呢間好食過新o個間,所以佢帶我o地o黎呢間.我o地叫o左:1. 泰式炒通菜好細碟,我嗅到好濃麵豉味,食落,OK,冇咩問題.而男友食得辣,佢話好辣,咦?原來我唔係夾中間o既o黎食,所以食唔到辣味.2. 泰國海南雞飯兩個由於男友姪女唔食辣,而佢又鍾意食海南雞飯,所以佢爸爸叫o左兩個畀大家食.第一次食泰國海南雞,先唔蘸醬,覺得幾好食,飯亦好夠雞湯,好好味.不過我接受唔到啲醬,試過便可.3. $8.00一串o既沙爹串燒又係男友姪女o既至愛,等o左好耐終於到o黎,我o地叫o左豬,牛,雞,豬頸肉同雞腎各一串,我揀o左豬,食落,好易咬開,唔會死實,肉質亦鬆軟,好好味.4.咖哩炒蟹呢個唔辣,只有咖哩香味,送飯一流,所以我o地都叫o左兩碗白飯,男友二哥話今次隻蟹大隻,又有膏,正.5. 鹽燒烏頭如果唔蘸醬就係好普通o既烏頭魚,可能內裡o既香芧味唔夠o掛,啲醬係酸辣,開頭我冇蘸到