旭川居食屋 (已結業)

其實大埔有不少日式食店，不過若果需要9點後才開飯的話，我也會推介朋友食旭川！無它，因為平靚正！由於是日不是太肚餓，所以沒有點太多食物，主要以壽司為主！由於餐廳是開放式廚房設計，所以能看得師傅即場以新鮮材料製造，不錯！另外，是日重點應該是酒，因為這裏部分酒是他們自家釀製的，非常用心！左想右想後，最後我們點了梅酒！幸好，沒有令我們失望！味道香甜、濃郁，而且每杯均有一粒梅在內，貨真價實！我相信我會再來的

今晚晏咗食飯，諗起「旭川」9點後入座有8折即刻嚟試下先！大約8:50左右嚟到，門口已經有大約10人等緊，雖然9點先食飯有少少晏，但仍然不乏捧場客呀。🔻🔻🔻🔻是日點選🔻🔻🔻🔻- $58 蔥拖羅茸反卷 (呢個幾好味夠大件)- $28 軟殼蟹手卷 (蟹係即炸嘅)- $28 蔥拖羅茸手卷 (食到尾都仲有拖羅)- $38 凍番茄沙律(芝麻汁) (幾清新，茄夠凍)- $28 海膽茶碗蒸旦 (海膽好細粒唔好有期望)- $38 厚燒玉子 (味道幾好，最好3人share食)- $58 旭川海鮮鍋 (好淡，可以不點)- $58 日式燒牛肉飯 (一般）- $34 汁燒牛肉蘆筍卷(2串) (牛肉少少乾)- $25 鹽燒雞腎(2串) (其中2粒燒乾咗)- $42 鹽燒秋刀魚 (幾好)合共$435 ---->8折後$392

旭川係地區小舖，地點唔顯眼，但評價幾好！午市套餐有好多選擇：叫左個照燒雞扒定食，味噌湯、蜜桃茶、甜品一般水準，正常味道。前菜好多時係炸物，但今日係蘿白煮魚，比想像中好食，啖啖魚肉仲要冇骨。個燒雞扒好食，芡汁又多，但今日燒得略嫌唔夠脆，平時食好脆口架。平日午市唔駛加一。四十蚊咁既水準，茶仔以外嘅好選擇

和老公附近找吃的看見這家沒光顧過的食店而店外候位的人不算太多決定一試!點了一板海膽三文魚親子丼帆立貝壽司松葉蟹鍋海膽新鮮,,鮮甜美味且甘香!!正!!很想多吃一板三文魚親子丼,,份量適中魚子雖不算多但整體都鮮味醋飯不會太酸太硬味道恰到好處帆立貝壽司,,帆立貝蓋過整團飯大小適中~~帆立貝亦鮮甜~松葉蟹鍋用料豐富有魔芋,,豆腐,,冬菇,,金菇等蟹肉份量不少淡淡的蟹味整個鍋味道不錯啊!!

臨近歲晚, OT已變成必然. 為左對自己好d, 決定食日本野! 旭川9點後就全單8折, 所以去下啦. 雖然唔係第一次食, 但係今次係第一次寫!9點入座,都要等10分鐘...算海膽好味有鮮味加上甜 反而個..蔥吞有少少失望...好似食緊雪咁....雪味都幾勁..我嘅Favourite係 帶子, 有手掌咁大, 其他無乜特別. 小丸子比其他餐廳出色, 食落去唔太粉, d料仲幾多, 呢個要讚. 出面試過d..全粉無料.簡直係欺騙 \,./燒到好乾....失望

老爸生日飯，三人訂了7pm早到了，店內並不多人點了刺身拼盤5點，有三文魚，油甘魚，北寄貝，甜蝦，鱆紅魚，份量不多每款三片，不過全部都幾新鮮sushi有海膽，蔥toro,鰻魚，三文魚芝士卷，吉列蝦卷，海膽幾鮮甜不過索價$48大元兩件，蔥toro幾香同樣四十多元兩件，鰻魚香而厚身不錯，卷物都好味還點了茄子牛肉卷，吉烈蠔，土佐豆腐，都有居酒屋水準埋單連加一$650,比較貴

宵夜好餓又想食特別d既野？我屋企附近就有間高質素既日本料理！9點後入單仲有8折!吉列炸蠔，炸粉好少，蠔又大粒，加上沙律汁，超好食，食唔停口！牛柳粒石鍋飯，將雞蛋篤穿搞拌，蛋汁將飯粒癡起。每粒飯與每粒飯癡住，全靠蛋汁！牛柳粒一d都唔馬虎，食落去入口即溶！鰻魚炒飯，鰻魚肉唔會少，加上炒飯粒粒分明，材料配菜分量剛好，每食一啖都啖啖肉！超贊的平民日本料理，價錢優惠，食物質素高，難怪佢有咁多熟客。

今日大埔，自己一個去左一間日式店度食野。 呢間店細細間，但都好細心咁有廁所係入面，方便客人。 我叫左份旭川海鮮炒烏冬黎食，等左大約15分鐘，終於有喇!! 我見到碟烏冬既時候都嚇親，因為真係好大碟，兩個人食都差唔多。 烏冬既汁好香又唔咸，烏冬面質好好，又彈牙，蝦爽囗，冬菇入味。 正!

難得去大埔一次，就隨便找間日本菜試試看，不過不失的味道！環境同服務都好好，可能因為人唔多，啲伙記都做嘢快手，你食哂啲嘢白坐喺度吹水都無人趕你走，仲係咁幫你斟水，都幾好！如果我下次再去都係因為佢地啲服務好，食物就其次啦！

那一天, 在大埔中心搵食, 一路行一路行, 由大埔中心, 行到黎呢度已經8點几好肚餓, 咁就不再揀擇, 今日呢度唔洗等位, 就直接入內坐 BAR 枱..... 壽司類別, 不過不失, 唔知係咪我地叫壽司價錢唔夠貴, 唔係用木碟既, 上枱不夠精美, 味道正常, 常算新鮮. 比較喜歡油金魚, 魚油味濃. 牛肉煱烏冬, 估唔到都几大鍋, 熱辣辣味道不錯, 2個人食份量都好夠, 味醂提鮮, 食到好濃郁的牛肉味, 烏冬軟滑, 加上蛋汁份外滋味.忌廉薯泥炸餅, 不是每間居酒屋都有, 這裡的比較 creamy, 奶味較重, 香軟細滑, 如果薯蓉比例多番d就好喇!

今日想食日式拉麵，專登走去旭川點菜。點了九州拉麵+蜜桃紅茶。因為得一個人，要坐吧台。等咗5分鐘有得食。個餐有九州拉麵、蜜桃紅茶、壽司、甜品及前菜。先食拉麵，個麵好彈牙。個湯底好鮮甜。加上個叉燒好食。個拉麵重有蟹肉同半只老水蛋。配菜全部用上等食材。個湯底好鮮配上拉麵同配菜，特別好食。蜜桃紅茶係凍飲。有蜜桃味。正品。壽司有三只。好食。加上有個前菜茹子。本人對茹子無好感，但不想浪費下吞下肚。最後個甜品係凍豆花。食得出有日式味。一個餐有咁多餸，都係只收$49，好抵食。

系大埔工业村翻工，偶然会黎旭川食lunch。1. 樱花鱼生饭定食：lunch既鱼生饭相对比较抵食（晚黑好似九十几，lunch Set系六十左右），味道唔错，新鲜。配埋小食，汤，甜品。不过饮品固定系蜜桃茶，呃。。实在麻麻地，不过完全唔影响对鱼生饭喜好既心情。好推荐！2. 滑蛋吉列猪：个石锅饭好香鸡蛋味，个吉列猪扒都几大件，松脆。不过猪肉肉质一般啦。3. 拉面：同同事一起食过几款拉面。的面有比较重既碱水味，而且料唔算多，汤底都麻麻地，唔推荐。

好想食一餐稍為有質素既日本野， 又唔想出市區， 上網見食評唔差， 立即過黎試下。 兩個人， 坐壽司bar 枱最一流先黎兩個小食，我至愛既 麥粒青瓜 & 螢光魷魚. 各$3x再叫濁酒一支一輪刺身， 有池魚薄切， 活北寄貝， 劍魚， 油金， 等等除左大路既雪藏刺身， 仲有d 時令刺身， 唔錯， 唔錯。 用上即磨芥辣， 值得一讚又開多支sake壽司都有試幾款， 一般般， 最失敗係軍艦既 紫菜係淋既即叫即煮 "汁煮蠔壽司"最後以飽肚的蕃薯天婦蘿作結

大埔雖只是彈丸之地, 但中西日韓泰什至德國菜私房菜都可在這裡找得到. 單單說日本料理吧, 數得出的已有5間, 而當中我最想推介給大家的當然是這篇食評的主角: 旭川. 香港人愛吃日本料理, 大大小小的日本料理店全港九新界各區比比皆是. 貴價的有日本師傳座陣的, 不消說食材自然精挑細選日本直送不時不吃, 從前菜到飯後菓都地道到不行. 然而價錢比較大眾化的, 大部份都是打着日本菜的牌頭但說穿了其實都只是港式日本料理, 雖然無論做法, 食材選擇, 或是宣傳速銷手段都迎合香港人口味, 但卻失去了日本味.  旭川, 雖然是港式價錢, 但做的, 卻是有充滿日本味的日本料理. 旭川走的, 是日本平民居酒屋的風格. 從店面的裝潢以至菜單, 都很貫徹這個方向.  雖然它身處大埔稍為偏離中心的一條橫街, 但並沒有因此而亮出大大的招牌, 有的, 只是一個小小的日式燈箱, 和一幅傳統的暖簾. 打開趟門, 長長的店子裡沒有過份的裝飾, 只簡單的以一些清酒作擺設, 然後就是極普通的桌椅, 和牆上的手寫菜單.  店中設有壽司吧, 於店中的一隅, 吧枱前有三數個位子, 如果這裡是日本的話, 於會見到很多中年男人坐在這裡

朋友仔急 call 話難得今晚得閒，一齊食飯 ﹗咁我唯有唔返泰拳囉，放工直接返大埔啦 ﹗七點三坐低左，只有幾個食客乍喎，如果成晚都可以靜靜地嘆個晚飯就好喇。好耐無食喇，而且大多數叫外賣食，好少可坐係度慢慢食囉。第二次堂食！食返餐好既先，刺生炸物燒物都要！睇吓有咩新菜色先，似乎開左咁耐都係大同小異喎，而且旭川既價錢比大埔一般既壽司店貴，不過質數又真係高少少既，最緊要好食，抵比既 ﹗搵到新野喇 ﹗廚師推介，一眼就望到鹽燒拖羅鮫，而且都幾貴噃，要兩舊幾水。不過我未食過拖羅鮫，一陣試試先。諗完刺生、燒物，整多味串燒都好喎 ﹗旭川食物種類都唔少，仲有炒飯、炒烏冬、湯麵添，樣樣都想試呀。美國捱完 3 個幾星期，返到香港第 1 餐刺生呀 ﹗食盡去 ﹗不過因為諗住轉頭去 After 5 食生蠔，所以點都要留一留力啦，希望今晚唔會又無生蠔就好喇。牡丹蝦刺生、螢光魷魚，兩者同樣高質，美味 ﹗牡丹蝦肉質黏彈又爽口，蝦肉鮮甜、蝦膏澎湃甘香 ﹗螢光魷魚帶咸香，肉質爽彈鮮甜。活赤貝刺生，賣剩 1 隻乍，無緊要，我地兩個一齊食啦 ﹗勁甜勁爽無得頂呀 ﹗Order 魚生會跟鮮山葵，辣得黎帶有股清香味道，同用粉開、用牙