旭川居食屋 (已結業)

雖然居住大埔多年 但仍然有好多餐廳都係經過但未試過就好今日呢間居酒屋讀書番學每日都會行過 等到多年後嘅依家終於去試 去居酒屋必食串燒 最鍾意就係鹽燒牛舌牛舌唔係厚切 但勝在夠扎實爽口鹽燒保留到肉汁 而且鹽做到吊味嘅作用相信就算怕食牛舌嘅朋友都會夠膽食因為佢就好似一塊好有牛味嘅牛肉另外 都點咗大帆立貝壽司 藍鰭吞拿魚壽司 三文魚籽軍艦 海膽軍艦 蔥碎拖羅茸反卷同埋野菜牛肉鍋 每款壽司都做得出色 藍鰭吞拿魚無腥味 三文魚籽鋪滿軍艦面 海膽咸香細滑 拖羅茸無筋 食到清甜魚味 日式熱食壽喜燒永遠都係我首選甜甜嘅湯底加上牛香 引得我飲完一碗又一碗 混合埋生雞蛋 又一平凡但滋味食品臨走更加發現晚市九點後入座全單八折 大埔需要更多呢啲高質又貼地嘅小店

低質素、賣相可以，可惜味道唔合格，牛肉卷過咸、天婦羅燶咗、厚粉、硬實實。炸軟殻蟹又係燶，只食到油燶味。價錢唔貴但唔好食。地方笠痴痴，衛生一般。服務員禮貌ok，但埋頭玩手機唔望人。

又到食飯時間，又係搵好野食既時間。行到呢間餐廳門口無數次，我都冇乜興趣，原因係呢間餐廳門面唔太吸引。但見佢開左咁耐，一於今次鼓起勇氣入去試試。一入到去侍應都好快招呼我地坐低，同斟茶俾我地。睇睇個lunch set menu 都真係包羅萬有，壽司刺身定食、拉麵定食、鰻魚定食、青魚、牛肉定食等等。我最後揀左滑蛋豬扒飯定食，我朋友仔揀左豬軟骨拉麵定食。個餐一黎到就已經俾佢個派頭吸引住。除左有滑蛋豬扒飯🍲、仲有日式蒸蛋🥚、沙律🥗、前菜螺肉、麵豉湯，仲有甜品🍮。其實一個餐包含左咁多野食，真係好抵食。而食物味道其實都幾好食，一d都唔差。滑蛋豬扒都整得好滑。而我朋友叫果個拉麵定食，都有一碟壽司、前菜同甜品。豬軟骨口感不錯，麵身都爽口彈牙。另外，我朋友另外加左$5叫左杯咖啡飲。咖啡杯都襯得好靚，，咖啡☕️都好香。總括而言，$52蚊食到咁多野，都真係幾抵食夾大件，星期一至五仲要冇加一。不過，另外要注意係定食冇餐飲，如果要飲野，就要加錢。至於加幾多錢就睇你飲咩

🕣今晚OT 到8點幾，又好想食日本野，朋友仔話大埔有間居酒屋9點後全單8折🤩，正呀！我地可以叫多啲野食喇😈壽司盛合（川）🍣Menu上沒有註明有邊幾款壽司，只寫: 10件壽司+ 3 件葱拖羅蓉卷，我地唯有睇相去估😅一嚟到，哇！原來有帶子、呑拿魚、三文魚腩、油甘魚、劍魚腩、赤蝦.... 樣樣都係我鐘意嘅壽司！壽司好味、夠新鮮，最重要係佢所有刺身都係厚切😝極上什錦刺身拼盤🐟🦐Menu 上亦都無註明有邊幾款，但見張相幾靚仔，就試下啦😍有：三文魚、油甘魚、帶子、赤蝦、鱆紅魚...刺身好厚身、沒有雪味、不會冷冰冰的！我和朋友好快就KO 了蔥拖羅茸三文魚丼🍱朋友仔未夠飽，所以叫個丼食😆有5-6塊三文魚，刺身薄身左啲，但拖羅茸就好好食，加左少少芝麻上去，送飯一流👍🏻串燒拼盤🍢我就最鐘意食燒物，呢個啱曬我！有：冬菇、雞亦、雞腎、雞軟骨、腸！雞腎：好鬆軟，唔會燒到好乾，正😍雞軟骨：偏咸，可能落鹽重手左，但都好食😊雞亦：燒得好乾😣冬菇：好大隻冬菇、厚身的，多汁👍🏻腸：一般，唔太吸引😅今次埋單五百幾蚊，原來呢間有加一服務費，即係9點後全單9折😊下次一定會再嚟食，好多野食都想試😍😍

來過呢度食一次午餐，都嚟過呢度食一次晚餐最主要，佢嘅午餐好豐富好抵食大概$60嘅價錢來講一set套餐有小食有甜品有飲品，而且質素都唔錯不過晚餐來講就爭啲了，一樣嘅價錢，不過冇晒甜品冇晒飲品同小食不過總體來講都可以啦

旭川居食屋, 我地一個月都0黎3次, 鬼佬腦細好LIKE日本菜; 所以特別揀哩間日本菜, 因為用料新鮮, 價錢合理。 同埋都坐的舒服, 上菜又快。 特選雜錦壽司定食, 一眼就被新鮮魚生吸引, 望見都流口水。 腦細一口一啖, 話好好食, 攪到我有些後悔沒有點。 壽司定食配細牛肉烏冬 : 這個定食, 真的包哂了麵豉湯, 豆腐甜品,  蔬菜沙律。 今次飲左個配湯, 覺得一般, 唔係甘好味, 有少少失望。  反而個甜品, 好滑, 唔甜, 好好食, 可以食多件 壽司定食配細牛肉烏冬櫻花角切魚生飯 : 顏色很豐富, 新鮮魚生配日本, 簡直好食都唔停得口, 很滿足喔~咖哩炸雞塊定食: 一向咖哩好好配飯, 再配上紅咖哩及炸雞塊, 一定好好野味, 好飽肚及暖胃。 總括而言,  中午食一個甘有水準的午餐, 有新鮮魚生食材, 有沙律, 有牛肉烏冬, 又有飯, 有甜品, 甘抵食。   店內又舒服, 服務員又細心, 相信一定要光顧了。

朋友過開嚟大埔，我就決定帶佢試吓旭川居食屋，訂左吧枱位，鍾情吧枱位係可以知道有咩正野朋友女見蠔好吸引，即刻叫左長崎生蠔試吓鮮甜美味，仲再叫多兩雙添再嚟八爪魚刺身，波波爽脆，片片有咬口咁又點會少得一支清酒相伴，仙禽田雄町純米大吟釀，清甜可人。配上帶子刺身，更添甜美。再嚟中Toro壽司，油脂平均😋另加上一份魚肝，甘香軟滑朋友女再試三文魚腩壽司，肥美當然要吃青菜作平衡，點了炒野菜熱盤加個天婦羅，已非常滿足朋友女決定要加個手卷結尾，可惜我太飽，冇能為力了

估唔到咁細間舖仔都接受電話預訂座位, 真貼心 (由於家中現在多咗個BB, 所以訂座服務也是我選擇食店的條件之一)份量和味道都好好, 但我掛住食, 沒有影相啊昨晚點選的菜式有:三文魚壽司海膽軍艦牛舌炸生蠔炸物併盤炒雜菜 (較濃味)魚生丼 (魚生都好大件啊)牛肉包 (由職員推仲, 幾得意, 有牛肉條, 泡菜, 青用等用生菜包住食, 幾得意, 幾好味)蟹粥青魚埋單平均每人都係$200左右, 價錢合理, 服務幾好, 又會推介不同款式 會再去光顧

我係大埔友，旭川係我嘅飯堂之一，得閒就會去幫襯。除左酒水八折外，晚上九時後仲全單九折。食物多元化，平貴自選。近年附近新開左好多日式餐廳，旭川就出新餐牌，酒單迎戰。因為冇訂位，所以坐吧枱，食日本野嘅話，我又幾鍾意坐吧枱，知多好多野。首先，揀左支瀧澤純米吟釀，超軟水"黑耀水”加上美山錦，甘口滑身。牡丹蝦刺身：鮮甜美味，平時唔鍾意吃蝦膏嘅我，都覺得好鮮甜😋😋活北寄貝刺身：有好輕微腥味，可能我唔習慣或唔鍾意，但肉質新鮮活海膽刺身：原本叫海膽壽司，冇板裝海膽，但空運原隻海膽回來中，睇住佢開箱，鮮甜可口😋😋忍唔住追加一隻波士頓龍蝦黃金燒： 可以但唔太特別當然都要吃番少少菜，少少飯同少少肉，炒野菜，蟹子壽司和免治雞肉棒。免治雞肉棒係我好鍾意嘅食物，必叫，但好似冇以前咁好味，可能醬汁有少少改左開心美味一餐😋😋

已經第4次返去食 次次試新野都唔錯 整力推薦赤貝刺身 十分鮮甜 另外 帆立貝壽司都好鮮甜 。服務又不錯 價錢都平民化 不太貴 人流都好多 。仲有啲海鮮窩都好正 手打烏冬好彈牙。我一定會成日返去食👍🏻👍🏻👍🏻

大埔真係好多美食選擇，除左好多大型連鎖食肆外，太和及大埔墟一帶亦開左不小的餐廳！只是近太和的日式餐廳已經有最小4間！今次去了男朋友最喜歡的日式餐廳啦！lunch time 時間有lunch menu十分抵食！燒鯖魚定食～lunch set 十分豐富，有厚厚的鹽燒鯖魚，外皮煎得十分香脆！有一份小小的蟹子沙律，十分開胃醒神！有一份牛肉他他，味道剛剛好，不會過老！帶給我驚喜！還有芒果奶凍，做到十分幼滑，配上芒果汁酸酸甜甜，食指大動！豬軟骨拉麵～賣相一般，湯底不會過咸，豬軟骨有點過火！味道一般！

黎過幾次黎食，食晏食晚飯都試過，水準真的不錯！壽司，魚生同飯比例非常好，唔會太細舊，醋飯酸味啱啱好，赤身，火炙左口魚邊，油金魚必食服務友善，坐bar枱又同師傅有傾有講。

做完運動，當然要醫醫肚其實已多次經過這間日本料理店，但每次都眼尾看看就走了。這次眼看寫著9時後入座8折，餐牌選擇也多，價錢合理，一於進內試試看門面以為是間很小的居酒屋，一進內才知比想像中的大兩三倍，那時才剛過9時，店內暫時半滿，我倆也可隨意挑一張4人桌坐下，坐得舒適一點。看過餐牌後，我們點了廚師推介的"川"壽司拼盤，另外加串燒拼盤和野菜牛肉鍋。壽司拼盤先到分量和質素都比想像中的好，壽司有10款，合共有13件，全部都很新鮮，大小適中，不會飯多料少，值得稱讚未食完壽司就緊拉來串燒和鍋物，串燒拼盤也有5款，各一串，包括冬菇、雞軟骨、雞腎、雞翼和肉串骨，雖然不是炭燒，但火候掌握得不錯，香脆而不焦雞翼更是開雙飛單骨的，方便進食~野菜牛肉鍋材料亦十分豐富，野菜分量十足，肥牛亦不見得少，可謂料多過湯，湯底味濃郁鮮甜，原價$48一鍋，現在還有8折，抵由我們坐下到食完離開，才不過1個鐘，但店內愈夜愈多人，我們坐下不久後已滿座，而且間歇有客人要候座，大部分看來都是街坊客，這樣性價比高的街坊居酒屋，值得再來

星期日所有餐廳都要等位旭川也要等了15分鐘今日點了 厚燒玉子 少少熱 味道蠻好的蟹鍋 要$88 主要是菜 這個一般般鵝肝炒飯 $98 有一個鵝肝 味道不錯再點了一些壽司 刺身也蠻厚的另外點了一件$100 的拖羅壽司入口即溶 但十分貴

周五三人一行，長期到大埔揾食，終於試首間區域日本菜，換來是失望。旭川居酒屋的食材有問題，我們點了一個三文魚頭， 肉地霉，似是翻雪的情況，他們的店員堅持不承認有問題，要我們要比一半錢。一定唔會去第二次。1）見唔到他們想以做好食物的熱情，所以才老屈個客的感受；2）無誠意，口話自已試了，但是是 什麼味道根本講唔出，只強調「無問題」。最終目的都是想證明客戶是錯的。這種以權欺客的方式，非常討厭。原本想加刺身，客服單方面「你是錯的」態度讓我們打消念頭。日本餐廳最重要土的是食材的新鮮和保護新鮮的操作是否到位，他們沒有看清楚客戶的投訴內容，沒有給自己進步的空間，實在有點可悲。