日本料理「和亭」 (已結業)

試過和民又點可以唔試下和亭！ 官網睇過下午茶餐由$19起, 不過和亭嘅分店地址唔係好就腳, 要等機會先會去。25/8 咁啱貨到旺角要去攞貨, 攞完就行去油麻地和亭食下午茶就啱啱好, 下午茶由3pm-5pm, 點解行極都未到...Burger King附近? 唔係！咁繼續步行...過埋條馬路見到吉野家, 都無!? 再行前d...咦~原來門口好細, 側邊又唔見和亭招牌, 差些miss了嗰入口 開門行上一條直樓梯, 就會見到2位十多歲的女侍應生站着說笑, 不過她們見到客人行樓梯上來都會上前招呼帶位。這分店算靜, 因為只聽到一枱剛放學的中學生在座位處嬉戲。 要叫餐了, 原來和亭的侍應生是不需要像和民的侍應生般用半蹲姿勢來幫客人take orders, 我們叫了D冷蕎麥麵餐$19, M東京牛肉飯伴溫泉蛋$33, N滑蛋豬扒飯$36, 三個茶餐包三碗麵豉湯及三杯飲品。二杯柚子蜜梳打, 往杯裏攪...嘩~梳打的氣泡上昇, 眼看已暑氣消, 可惜柚子蜜下得不夠多, 怎攪拌也不甜, 變成飲純梳打水凍奶茶比茶餐廳優勝, 茶是煮而不是用奶茶粉開水, 奶的份量落得恰當東京牛肉飯伴溫泉蛋與吉野家牛肉飯是不

兩個人等左約十分鐘, 係等候的位置不太好, 要站在長長的樓梯上.叫了兩個LUNCH SET同一個小食.雜錦壽司拼盤(6件+1卷物)($49)- 包日式沙律(生菜, 芝蔴醬同玉米粒), 麵鼓湯同一杯飲品- 6件壽司: 有三文魚, 比目魚, 蝦等等 ; 卷物係三文魚+青瓜蒜蓉海鮮飯定食 ($46)- 包日式沙律, 麵鼓湯同一杯飲品- 非常多料: 有帶子, 有蝦, 有甜蛋粒, 有蟹柳... 可惜食到最尾先記得影相... - 係咸左少少但係好香小食叫左炸豆腐魚餅, 食哂兩個SET先黎本來已經唔想要, 但係又黎左, 幾好食, 如圖中所見又係唔少料, ($22)今時今日LUNCH咁既價食到咁既食物, 真係好唔錯, 有機會會去分店再試. 店內的服務員態度亦很友善.

工作完畢，約了友人到油麻地聚聚。友人提議到和亭，因為能夠座得比較久。閒日晩的和亭人不多，但一進門就有一條長長的樓梯，對住腳踏四吋高跟鞋的我來說還真是一個考驗。一坐下店員公式化的介紹他們的套餐和春日菜色。經過一番研究後，點了一個石窩味噌牛肉飯和一杯芒果薑燒酌。友人點了春日的天婦羅冷麥麵。邊談邊等，很快石窩飯就先上來了。石窩飯傳來陣陣香氣，石窩燒得很紅的，攪拌時也就發出茲~茲~的聲響。拌後窩底有飯焦，熱度合格。味道方面，味噌偏鹹，不算太香，但牛肉沒有煮過火，雖不至入口即溶，但也算鬆。我吃到一半的同時，友人點的餐還沒到…飲品送上來，芒果和薑味都很出，獨獨是沒有燒酌的味道…不過當作芒果薑梳打來喝的話也不賴。終於，友人的冷麵也來了。吃到一半，冷麵汁不夠，要多等十分鐘才送來要求的冷麵汁。店員經常都很忙似的，但店裡又不見得人很多…不過座位還是挺寬闊，多坐一會聊聊天也不錯。

平時都有睇開OP既食評見到依度講得佢唔錯咁就諗住搵呀媽一齊去食8點鐘左右去到一入門口... 嘩 條樓梯對不良於行既人仕真係一個障礙唔理 照行... 行到上去.. 服務生就問幾位 我答兩個然後個服務生一聲都唔出就比左張飛呀媽, 然後掉頭走開左咁我呀媽就莫名其妙... 點解要拎飛? 有枱都唔比客坐?OK... 咁等係無問題既 當係有其他客人留左位(不過D吉枱係無放任何標記表示佢係有留座)拎完飛等左唔夠半分鐘...個服務生就話我地等位果度係通道 要落返樓下等咁我既火就黎喇... 明明有枱又唔比人坐 仲叫人行果幾十級樓梯行上行落?明明樓下有個類似接待處既... 又唔放人係度我對依間餐廳既服務態度有所保留所以落到去等都唔等就走左帶位都唔帶好難想像佢既出品係點無試過食物 但我覺得佢既服務手法有問題8點鐘應該講係黃金時段... 但都坐唔滿我以後唔會再去

因為聽日自己要返學 而老公要返工+返學 所以就決定提早慶祝情人節 老公話之前未試過食和亭，不如試下我地18:45左右去到可能因為係係油麻地，所以唔係好多人我地叫左北寄貝刺身、鮭魚壽司、炙燒鮭魚壽司、牛肉火鍋、雞肉網燒、石鍋蒜香牛肉飯、和亭棒餃子、炸軟殻蟹、自家製玉子燒食物好新鮮待應服務好好而且環境不錯價錢又唔係太貴一家會再去

做完project獎勵自己~一大堆人去左食和亭~同學話佢其實同和民一樣~只係平少少~我就未試過~今次食下~我地一行四人叫左個二百幾的餐~有一個窩，一個滑蛋豬排飯，刺身，年糕，清酒煮蜆，仲叫左個炸雞翼~窩很好食~不過湯底略甜~我比較喜歡食咸的~刺身我不食的~清酒煮蜆份量好少~我之前食第2度入味D同大份D~年糕同滑蛋豬排飯OK~炸雞翼係同學推薦~幾OK~不過有個汁，都係甜左D.....四個人咁樣share都OK飽~不過我真係feel 唔到佢同和民的分別~不論價錢及味道.......

食飯，一進餐廳，第一樣接觸的一定係負責帶位的接待，他安排了我們坐4人台，寬鬆的位置，的確不錯可是，細心留意一下，台面不干淨，其實依我的觀察，客人離去後，侍應收拾好台面後，只是求其地抹一下，往往留下一些績在台面，印象很不好。這是一間日本人管理的日式餐廳，理應對衛生嚴格把關，細心程度不足，大概是員工都太年輕，未能意識到，些微之處的重要性。然後，再看一看茶，茶面上有油績，是什麼原因呢？侍應的手沾到杯子或茶了，還是本身的茶已經有油，本人可能見識少，但總不習慣茶面有油吧。印象分打了折扣，心情也打了折扣，本身打算叫套餐，但真的沒有心情，最後order了以下的菜：茶不能飲，叫了一杯雪糕巨峰提子梳打，唔錯！雪糕和梳打的組合，拍得住雪糕紅豆冰，有得飲，有得食。類似親子當，係日本米，健康又好味，唔熱氣唔辣之選烏冬彈牙，有咬口，食落同吉野家的讚岐烏冬差不多總結，冷氣吹到正一正，快快食完就走人了，希望下次再來會有改進。

標題唔熟唔食，開宗明義，不是熟的不吃。因為點了熟食的日本菜，一支棒；點了生食的壽司，......... 我會再幫襯，因為取了Q旁，但不會點壽司 先講環境，環境很幽靜，其他食客都不會太吵，很適合慢慢談天，給安排了坐窗口位，得閒望望風景也不錯~~HA~講返食物，先講牛肉窩：牛肉都算多，而且肉味濃，而且湯底味都濃，食落牛肉相當好食，窩中仲有豆腐、菜~吸哂湯味，OK好味。一個忘了名字的小食：以粉皮包住雞肉、菜、芝士，也有沙律醬，味道十分和諧。煎餃子：朋友最愛，二十多元三件，其實是很大件的，足足有半支筷子那麼長，而且煎得剛剛好，感覺良好。石頭牛肉飯：這個是當晚焦點，連同兩位朋友，大家異口同聲話好好食，配汁跟牛肉很夾，而且飯充滿牛肉的鮮味，不過唯一可以挑剔是牛肉有點咸，但不損整體的味道，最後連飯蕉都給食清。。。壽司：一SET 十件，款式是定好的，不過........ 都是不必多言。感覺不良好。特別是帶子..........特飲：有DBS咭有特飲和可以幫襯特價套餐，不過不覺特價套餐特別便宜，所以散叫。我叫了巨峰提子梳打，9大元。好飲。特價套餐：不過沒叫。整體感覺良好，侍應很有禮貌而且很友善，食物就熟

今日落佐油麻地...行佐好耐都唔知食咩...最後就去佐和亭食了....都ok多人...等佐都叫做一震...呢間都係和民既分店叫做....應 該唔會太差....所以決定試下呢間....第一次食...叫佐個牛肉火煱配埋鳥冬,個湯底唔錯...但我朋友話咸佐少少...食到最後既烏冬先係最 咸....可能冇哂d湯啦....xd之後叫佐杯巨峰提子梳打....滿心歡喜期待杯野飲....賣相幾靚架....飲完...都 唔錯...好好味=]

油麻地的食店愈來愈多, 對於久不久會去電影中心的我絕對"讚"...跟男友人一起, 時間稍早, 可以免於等位. 坐定定便急急ORDER.雖有涼意, 但冷麵還是一嘗.麻醬, 略嫌普通, 但味佳 !韓式海鮮冷麵, 泡菜更帶出不同味覺享受, 值得再吃..最意外是麵條比想像中更好吃, 爽口 !!吃飽飽, 又要趕下場

蒜香牛肉石頭鍋飯個石頭窩熱辣辣，不斷聽到「支支」聲!! 整到唔少飯焦出黎。肥牛份量頗多，不過就唔覺有蒜，但d醬汁真係香。原本無諗住叫，但聞到隔離檯個石頭鍋飯就忍唔住三文魚魚生飯造型好靚，d三文魚擺到成朵花咁。不過三文魚係薄切，食落唔夠過癮。如果多d青瓜絲等配料會較好，因為食到一半已經要食白飯芝士照燒雞野菜卷呢個麻麻，配搭怪怪，食落完全食唔到有咩味。雖然有芝士，但無芝士味...有照燒雞，但無照燒雞味...最後係靠似係裝飾作用既沙律醬黎吊味薯仔年糕餅之前食過覺得okay，今次番兜。今次既年糕比之前好，夠熱!不過牛油唔知係咪唔同款定咩，無咩牛油香，失色曬服務方面，茶水密密斟，自動refill，十個讚!我地2個人可以坐4人檯~店員知道地方狹窄，唔會為左做多檯生意而要客人搭檯，激讚!!

還在油麻地上班的時候..時常經過和亭門口都覺得他的午餐同下午茶好抵!和民的便食過好幾次...和亭的都是第一次!蛋豬扒飯套餐:送上時還是熱騰騰的..蛋是半熟的..飯都足以二碗了..前棻有野味沙律..連凍飲都是30多元...咖哩牛肉飯..這個感覺上有點不抵...因為咖哩飯如果加其他送是每樣計的...不過總括黎講都係抵的. !!

今晚黎和亭叫左好多野食呀!1)一盤$158壽司,有20件壽司, 全部都係三文魚既, 有三文魚腩, 火灸三文魚, 三文魚軍艦, 三文魚卷, 岩晒我地呢d 三文魚大皇, 同埋大約有7-8件三文魚刺身, 好鍾意一大盤既感覺‧正。2) 雜菜天婦羅,$19咋, 都有6-7件, 好抵哦, 有青椒, 紅椒, 蕃薯, 冬姑, 炸得唔油。3) 海老沙律, $25, d汁好開胃, 海老姐係蝦天婦羅, 好睇好食。4) 蒜香牛肉石鍋飯 $45, 上台熱la la, 勁香蒜味, 牛油味, 正, 不過食完就比較口乾。5) 野飲$17仲買一送一, 叫左杯熱情果紅茶, 比起和民, 人地大杯d, 又有d 珍珠咬下哦!2人最後埋單$29x! 呢到服務好好, 環境又清靜。

BEA 有好抵食套餐。四人餐比2人餐抵。6折4人前套餐都只係$407。所以我地一家三口就眼闊肚窄咁叫咗個4人餐。仲要叫咗兩個半價特選美食。結果就係飽到上心口，食唔晒個火煱。和亭精選沙律：份量都幾多，主要係生菜，再加d蟹柳絲喺面頭。我自己一向唔好沙律，反而阿爸阿媽就話唔錯。清酒煮蜆：蜆好細隻，好在唔腥。不過酒味唔夠，好淡清酒味。牛油焗帶子：味道不錯，不會太油膩。帶子仔都係急凍貨，不會有甚麼期望吧！魷魚網燒：這個不錯，魷魚唔會太韌，燒得也夠香。主要用魷魚鬚，所以都比較淋身無咁韌。帶子豆腐炸魚餅：味道不錯，不會太咸。炸得也不會乾爭爭，還很外脆內軟。但其實唔多覺食到帶子同豆腐，當魚餅食好了！帶子刺身： (半價特選美食)其實係兩隻帶子切片，$20不太抵食。味道不算鮮，欠缺鮮甜之味。炸雞軟骨： (半價特選美食)呢個就唔得喇，好油膩，粒粒都好油。炸得脆，不過唔夠香口惹味。天婦羅盛合：有炸蝦、茄子、鮮菇、蕃薯同南瓜。炸漿剛好，不會太厚，南瓜甜甜地幾好食。石鍋海鮮飯：用熱騰騰嘅石頭鍋裝住飯，上面鋪了海鮮同一隻生蛋。撈勻之後再待一陣先食，就可以食到飯焦！飯粒分明，不會太淋；海鮮有蝦、魷魚、三文魚，味道帶點

原來是和民其下的一間日本料理，但相對比和民價錢抵食.同老婆撑枱腳order個二人前套餐包五味菜及兩客飲品只係$178,加多個甜品$10,再加一埋單只是$208,而且服務態度非常好,職員醒目,出菜快,食物質素亦有一定水準, 同時套餐可以有限定菜式選擇! (1) 三文魚刺身 （看上不算太新鮮，一般）(2) 香炸雞軟骨 （脆香有口感，OK)(3) 滑蛋豬扒鍋 （豬扒鬆化）(4) 韓式牛肉石頭鍋飯 (好味)(５) 日式牛肉火鍋 （牛肉OK,但嫌湯底太甜,特別注意職員服務態度親切，經常會叫你小心熱及 一叫即到）(６) 年糕紅豆沙 （很特別的配搭）(７) 兩杯凍飲 （有汽水或檸茶選擇）整體來說是滿意的，下次會再幫襯