日本料理「和亭」 (已結業)

朋友說這家和亭不錯，很多好選擇，所以特別從九龍過對面海聚會時去試一下。首先說是等位服務。當時是六點九，未到晚餐高峰時間，見到餐廳內很多吉檯，但員工不足，見到外面有客人，也無法招呼，揮手叫客人全部在外面等，外面熱辣辣，朋友等到不耐煩，幾乎想走。後來服務員來了，只帶了等檯的第一檯客人，走入餐廳後就走0左，沒有再理會後面仍在排隊的客人入坐。真係百思莫明。點了幾樣菜樣樣都無0黎文味，同想像中有落差，朋友久不久來吃的，也說今次好唔得。半條花魚燒，真係無味道，連鮮魚味都無，結果點豉油來吃。黑椒糖脆雞翼，原本很期待有蜜糖甜味，結果無厘味道，唔甜又無乜特別，只炸雞魷魚燒…無味！落的醬燒汁奇少，而且比較勒，不『淋』身蝦天婦羅，原本想點蕃薯南瓜天婦羅，應該無蕃薯，最後點了蝦天婦羅，其實是有青紅椒、南瓜和矮瓜的，只得一隻蝦，味道可以。炸雞軟骨，不過不失

推門入去,殘舊的裝潢及半暗的燈光已經令人心知不妙"目無表情"的侍應帶我們入座,又再一言不發走開打開餐牌,選擇不多,但價錢的確相宜.一個魚生飯的價錢是$68, 大抵跟日式超級市場的價錢差不多剛好鄰坐的就叫了魚生飯,看看魚生數量都不少,新鮮度就不知我們二人叫了一個豚肉飯,壽喜燒,日式薯仔沙律同年糕薯仔餅$12 有自助任飲,包括百事/無檸檬的檸檬茶...日式薯仔沙律: 好奇怪,為什麼上面要加中式薄脆呢? 薄脆的肥膩令沙律口感變得奇怪壽喜燒:其中兩款配料,好明顯不新鮮. 豚肉飯: 份量及味道都剛剛好,不錯!年糕薯仔餅: 整餐最好食的,香又不油.以價錢而言,對食物及服務的要求不會太高不過服務真的有待改善目無表情都可以理解,但是下單途中走開真在非常不禮貌只有四枱客也不懂看看那一枱需要加茶送完餐就立即站在一邊.雖然便宜,下次不會再去了

星期六下晝嚟食，冇乜人唔駛等位叫咗溫泉蛋牛肉飯同滑蛋豬扒飯，兩個都配拉麵沙律拉麵普通無乜特別配上日式芝麻醬幾開胃，蝦雖然細細隻，仲要係一開二，但好鮮甜粟米就無乜味溫泉蛋好滑好有蛋味滑嘟嘟!!牛肉就普通，帶點醬汁味但唔太濃份量有啲失衡，飯好多，料比較少，僅僅夠撈飯滑蛋豬扒都係，料少飯多，蛋滑但唔夠甜，豬扒只係脆脆地，肉質鞋鞋地，唔太好同和民爭好遠點解和民可以好食咁多嘢飲要咗ginger ale,幾好飲普普通通啦

食物價錢都OK，有啲飯都係38蚊，唔大食都會飽。我食咗雞肉蛋飯，好似比以前細了點。但味道還不錯。另外牛肉鮮蛋飯都唔錯，隻蛋外皮熟但係一開內裏的蛋黃汁會流出來。很多人食SUKIYAKI同火鍋，有機會都要試吓。衛生就要注意了。天花冷氣機邊有水點，有機會整濕人個頭。要安防蚊燈，因肉眼見已有四、五隻蚊滋。掛燈或其他玻璃要抹乾淨，掛燈已起塵。自動門要抹，還有隔着坐櫈的細玻璃都要抹抹，因有"積"。

有次路過呢間餐廳, 見佢Lunch Hour大排長龍, 唔通好好食嘅?!! 今日去開北角做o野, 終於有機會去試試啦~我12點去到, 可以直入, 2個人坐4人枱, 唔使搭枱真好~餐廳以柔和簡潔為主, 座位都幾寬敞舒適~睇睇餐牌, 定食&餐飲嘅選擇同食開嘅「和民」有9成相同, 但明顯「和亭」嘅價錢平「和民」少少...我地Order咗炸豬扒咖哩定食同埋壽司定食, 因為「和民」冇呢2個午市定食~落單後, 隔離枱換咗1轉客, 我地d食物同飲品居然去晒佢地張枱, 好彩佢地Order嘅食物同飲品完全唔同, 我唯有極速同服務員講, 果d食物同飲品係我地o架~ 我驚唔叫住佢, 我嘅午餐唔知要遊幾多個花園之後先會投入我嘅懷抱~跟餐沙律--同「和民」一樣, 只有粟米和生菜, 材料唔係太新鮮, 但尚可接受, 伴甜甜的千島醬同吃, 頗開胃...跟餐飲品--冇「和民」嘅蜂蜜梅蜜梳打, 唯有叫柚子蜜, 柚子味很淡很淡, 像飲白開水, 冇蜂蜜梅蜜梳打咁好飲~炸豬扒咖哩定食--唔夠咖哩汁, d咖哩汁比飯吸晒, 攪到好似分開食炸豬扒+咖哩飯咁... 咖哩汁屬於小辛, 甜而不辣, 炸豬扒很脆, 肉味不足, 仍保持到少量肉

6月30日, 有朋友比咗張和民、和亭適用嘅coupon比我地~ 呢兩間餐廳都有online menu可以睇, 佢地兩間都屬同一集團, 提供嘅食物都大同小異, 分別係和亭價錢比和民平, 而且比和民少人等位! 今日我地6點左右就嚟到, 所以都唔洗等位就可以入座~::: 和亭沙律 ::: $39之前食過和民沙律覺得唔錯, 呢個和亭沙律都差唔多, 算係雜錦沙律咁樣樣都有d~ 除咗沙律菜之外仲有鴨胸、吞拿魚沙律醬、蟹籽同紫菜絲, 風格絕對係西日合壁! 沙律菜都ok, 但唔係全部都係羅馬生菜, 有混雜咗d西生菜. 鴨胸用上日式偏甜嘅燒汁, 同吞拿魚沙律醬同千島醬撈埋味道唔係唔夾, 但又好複雜… 整體ok啦, $40唔洗算幾抵食架喇!::: 鮭魚盛合 ::: $79呢個鮭魚盛合係季節限定推介, 就叫咗個試下和記出品嘅壽司係點~ 賣相都幾對辦, 鮭魚刺身紋理色澤都頗光鮮, 不過食落無乜魚味, 有d虛有其表… 其餘兩款壽司更差, 魚生無魚味都算, 但壽司飯真係唔合格! 佢d壽司醋個味好怪, 唔似平時d壽司… d飯又偏酸同埋有微暖, 感覺好核突. 個鮭魚沙律軍艦個飯都係唔掂, 塊紫菜都係唔新鮮, 唯一味道

見佢開左咁耐都冇食過~於是就試下幫襯~雖然D人話係同和民同一集團…不過感覺好似就應該貴過和民我地一行6人~去到佢地俾張近門口望街的台我地坐~應該想其他人睇落似好人食咁..點知食食下滴水……仲要中頭獎…同埋台上面有D位都中獎於是我地反映返我地:「唔好意思…呢到滴水!!我地可唔可以換位」職員:「哦…可能天氣太熱…個冷氣壞壞地」我地:「咁可唔可以換位?」職員:「係咪一定要換位?」其實當時我地6:05PM去到~仲有好多吉台…要換台唔難…再加上….咁滴法, 我地都怕D野食被污染..所以我地最後都堅持要換位…但佢地的反應令我地有D覺得不合理…我地點了: (如果冇記錯…1+2+3係一個兩人餐的組合)1)香蒜海鮮石頭飯: 味道好香, 而且石頭飯熱辣辣~~不過份量好少~ 2)牛肉鍋配烏冬: 牛肉太肥…根本上沒有太多肉…不過配的烏冬卻好好味~~但如果食牛肉鍋..似乎吉X家更出色3)甜蝦+八爪魚刺生: 呢個就不過不失~~尚算新鮮, 但相對比較軸真…4)三文魚拼盆: 有4款唔同做法的三文魚~~鍾意食三文魚的可以不妨一試~5)芝士年糕餅: 呢個好好味~~可能大家都鍾意食年糕~而且口感煙煙韌韌~特別!6)清酒煮蜆

今天本來2點同一大班同事去食~點知一入到去門口想攞位,個女服務員話冇位.問佢話要等幾耐,佢話我答唔倒你....我即時O哂咀,你唔知?唔通我會知.LUNCH時間得果一小時.我問大約時間係好正常囉,哩個態度真係唔想人入黎食囉.我地都有成8個人架.我之前都有係度食過LUNCH..另一0的女服務員都唔會咁答人LA,佢係唔係唔想返工?

時光飛逝，眨眼間小妮子已變了大妮子，但在父母心中，她永遠都是小妮子，慶祝她的生日，隨她的意思，她說想吃日本菜，來到街角這間開了數月的新店。在門外等位等到發慌，但不想轉換場地，等了又等。等位期間，看見推廣這四人套餐的海報，琳瑯滿目，色彩繽紛，不用細想，點這個吧！先來這個和亭沙律是一堆混了芝麻醬的沙律菜，上放幾件烤過的雞肉，中間放混了沙律醬的罐頭吞拿魚，味道不過不失，唯小伙子不喜歡，因其小碟子來時已有些水，不以為意，分了些沙律給他後，吃了數口，他說吃到疑似洗潔精味，心中納悶，可能碟子沒有過清才給客？壽司盛合約有十款壽司，鰻魚，帶子，吞拿，玉子，三文，北寄貝，蟹籽等，飯團不夠黏，而且壽司用料質素不是頂級新鮮，味道平平，小妮子和小伙子很少對著壽司不雀躍。鮭魚盛合有三文魚壽司，火炙三文魚壽司，三文魚刺身等，由於材料不是太新鮮，所以味道都是一般。刺身盛合有甜蝦，三文魚和帶子，同是材料問題，勉強是幾件三文魚可收貨。炸餃子，四人套餐，只得三隻餃子，不知怎樣 menu planning，若然給兩隻，一開二也無不可。炸的餃子味道普通，有些木耳肉碎之類，餃皮炸過了火，滿是水泡，但卻煙韌不脆，不吃沒損失。吃罷

因為放工經過, 隨意吟走嚟呢度食晚餐己經好多年無來過,但對佢印像係 : 陪伴我地成長有10年時間想起食熱日本野 (非壽司類) 都會想嚟呢度貪佢細細碟可以食好多樣 ...可能太耐無嚟點解餐牌好似得好少野食吟 ...周圍枱枱人都係食火煱0既 !!2個人, 求奇點咗呢幾樣 :和亭石頭飯有薄薄地飯焦, 幾好食呀 !蕃薯天婦羅因為蕃薯夠薄, 又唔油冧冧, 超好食和亭沙津係我最鐘意醬味, d 雞肉 texture 剛剛好, 夠 juicy 當然, 這只能說係 " 半飽 " 一餐 !

和亭日本料理終於響 12月28日, 響北角開張啦! 當日下午5時正開張, 到做晒成個開幕儀式後, 都已經日落西山, 即時有大批街坊響店外等待, 可惜熱情不及北風冷, 大家都等左起碼半個鐘頭先可以入座, 本人與友人叫左一客二人餐, 依家講講此店各方面俾大家知先!食評如下 : ~牛肉火鍋 ~ 好味, 豆腐好香滑, 配菜亦鮮甜, 可惜牛肉好少, 比起 "吉x 家" 既一人火鍋更少.和訂精選沙津 ~ 份量好少, 都唔夠 2 人食用, 而且用料碎濕濕, 令人難起興趣.雞肉網燒 ~ 得 10 粒好細既雞肉, 完全唔覺係網燒 (網燒會有網紋), 相信只係用油煮熟, 味道淡而無味, 故此會有一碟濃汁跟埋薯仔年糕餅 ~ 全個餐最好食既食物! 熱騰騰既年糕餅, 巧妙地配以牛油, 一咬落口, 煙刃可口, 暖暖既年糕響咀內徘徊, 好幸福既感覺.豪華鮭魚盛合 ~ 唔好食!!! 三文魚好腥! 全碟都無一件係好食既, 失望!枝豆 ~ OK, 因為只係烚熟, 無任何工夫, 所以唔會難食.柚子蜜梳打 ~ 凍到飛起, 好多冰粒, 柚子蜜未能與梳打水溶合一起, 最終只有凍冰冰既梳打水味, 建議冬季唔好選擇, 因為本人食火鍋